Fréttablaðið - 05.10.2007, Blaðsíða 76
Grandhotel er nýjasta mynd tékk-
neska leikstjórans Davids Ondric-
ek, sem er í kastljósinu á kvik-
myndahátíð í ár og var sjálfur
viðstaddur frumsýningu.
Persónur eru flestar kunnugleg-
ar; misheppnaði töffarinn, fallega
ljóta stelpan, graði yfirmaðurinn
og að auki er einn krúttlegur gam-
all nasisti. Aðalpersónan er nörd-
inn Fleischman, sem hefur hér
ekki áhuga á hlutverkaspilum
heldur veðurfræði. Og eins og
aðeins gerist í bíómyndum halda
konurnar ekki vatni yfir honum.
Það sem tengir þessar persónur
saman er að allar vinna þær eða
búa á hótelinu sem titillinn vísar í.
Og eins og í Amelie eða öðrum
álíka krúttlegum myndum eru
allir þessir kostulegu karakterar
haldnir sínum kvilla. Einn fram-
leiðir ekki nógu margar sæðis-
frumur, ein þráir að vera elskuð,
önnur stelur nærbuxum úr fata-
búðum og gamli nasistinn vill
dreifa ösku félaga síns í heimilis-
tækjabúð. Nördinn sjálfur er svo
haldinn þeirri áráttu að geta ekki
farið utan borgarmarka, og er ein
af skemmtilegri hugmyndum
myndarinnar sú að hann smíðar
loftbelg úr silkinærbuxum unn-
ustu sinnar. Vafalaust eru atriðin
þar sem hann svífur yfir tékk-
neska smábænum gullfalleg, en
Regnboginn fær skömm í hattinn
fyrir að myndin datt oft úr fókus,
og þurftu bíógestir reglulega að
fara út og kvarta til að fá því kippt
í lag. Grandhotel er kannski frem-
ur brosleg gamanmynd en drep-
fyndin, en er eigi að síður hin
ágætasta skemmtun. Líklega er
stærri listaverk að finna á hátíð-
inni, en Grandhotel sýnir fram á
að hátíðarmyndir þurfa ekki að
vera þunglamalegar, og á hún fullt
erindi til fjöldans.
Nærbuxnaloftbelgir og nasistar
Norska hljómsveitin Professor
Pez kemur fram á Organ hinn 7.
nóvember í nýrri tónleikaröð á
vegum breska fyrirtækisins Two
Little Dogs. Professor Pez er indí-
hljómsveit frá Bergen og er þriðja
plata hennar væntanleg. Heitir
hún Hordaland eftir heimahéraði
sveitarinnar og tengjast allir text-
arnir því svæði á einhvern hátt.
Næsti flytjandi sem kemur
hingað á vegum Two Little Dogs
er breski tónlistarmaðurinn Tim
Ten Yen sem kemur í desember. Í
mars á næsta ári hefur bandaríska
rokksveitin The Pains of Being
Pure At Heart staðfest komu sína.
Einnig eru viðræður í gangi við
bresku hljómsveitirnar Secret
Shine og Roadside Poppies um að
koma hingað.
Samhliða þessum tónleikum
mun Two Little Dogs halda tón-
leikaröðina Reykjavik Nights in
London þar sem íslenskar hljóm-
sveitir troða upp í London. Þegar
hafa Motion Boys, Hafdís Huld og
Jan Mayen komið þar fram við
góðar undirtektir.
Ný tónleikaröð
NÁNARI UPPLÝSINGAR
Í ANDA FRIÐAR OG KÆRLEIKA HELGUM VIÐ
JOHN, RINGO, PAUL & GEORGE KVÖLDIÐ.
KVIKMYNDIR OG LÖG BÍTLANNA VERÐA
UPPISTAÐAN OG UMGJÖRÐIN
BÍTLALÖG STUÐMANNA
Í LIFANDI FLUTNINGI ÞEIRRA SJÁLFRA.
ÖFLUG BÍTLAGÆSLA Á STAÐNUM.
SÉRSTAKIR GESTABÍTLAR ERU
VALGEIR GUÐJÓNSSON,
JÓNAS R. JÓNSSON
& GUNNAR ÞÓRÐARSON
FORSALA HEFST Á NASA
KL. 14 Á FÖSTUDAG.
MIÐAVERÐ KR. 1500.-
LAUGARD. 06. OKT.