Fréttablaðið - 05.10.2007, Blaðsíða 79
Courtney Love, ekkja rokkarans
Kurt Cobain úr Nirvana, segir að
Cobain hafi hatað Dave Grohl,
fyrrum félaga sinn í Nirvana.
Love hefur átt í hörðum deilum
við Grohl síðan Nirvana-safnbox-
ið With the Lights Out kom út árið
2004.
Talið er að Grohl hafi samið
lagið Let It Die sem er á nýjustu
plötu Foo Fighters, um samband
Love og Cobain. Love sagði á
MySpace-síðu sinni að Grohl
hefði reynt margoft við sig og
hún væri orðin þreytt á því að
heyra lög eftir hann sem fjölluðu
um það hversu mikið hann hataði
hana.
„Kurt fyrirleit hann meira en
nokkurn annan (fyrir utan einn
blaðamann). Í erfðaskrá sinni
gerði hann viðauka um að Grohl
yrði ekki lengur meðlimur
Nirvana. Ég læt bara sem hann sé
ekki til og mun halda því áfram,“
sagði hún. „Dave veit þetta og
hann lætur reiði sína bitna á mér.“
Kurt hataði
Dave Grohl
Thom Yorke, söngvari Radiohead,
segir það mjög frelsandi að þurfa
ekki að gefa út nýjustu plötu
sveitarinnar hjá útgáfufyrirtæki.
Fékk hann innblástur að því að
gefa plötuna út á þennan hátt frá
tónlistarmanninum Tom Waits.
Gaf hann út
eina bestu
plötu sína til
þessa, Sword-
fishtrombones,
án þess að vera
á útgáfusamn-
ingi. „Ég held
að hann hafi
verið að leita
að sínum eigin
stað í til-
verunni og um
leið koma sér
undan því sem
hann þoldi ekki
við staðinn þar sem hann var
áður. Ég held að við séum að
ganga í gegnum svipaða hluti
núna,“ sagði Yorke.
Platan In Rainbows kemur út á
heimasíðu Radiohead hinn 10.
október og mega aðdáendur ráða
því hvað þeir borga fyrir hana.
Innblástur
frá Waits
Hornfirska skemmtifélagið frum-
sýnir söngleikinn Eitís í leikstjórn
Kristínar G. Gestsdóttur í Hótel
Höfn á Höfn í Hornafirði um
helgina.
„Þetta er alveg splunkunýr
söngleikur eftir Felix Bergs-
son. Þetta er sápuópera, má
segja,“ sagði Kristín og
hló við. Hornfirska
skemmtifélagið
hefur sett upp
söngvasýn-
ingar í sex
ár, en ákvað
nú að róa á
ný mið og
leita til
Felix, að
sögn Krist-
ínar. „Við
fengum hann til að
skrifa fyrir okkur
sápuóperu sem eitís-
lögum er blandað
inn í. Það kemur
þarna ást, hatur og
skilnaður; það er allt
inni í þessu sem prýð-
ir sápuóperu,“ sagði
hún.
Á meðal laga í
sýningunni eru
Final Countdown,
Draumaprinsinn
og Pamela í Dall-
as, en tónlistar-
stjóri er Heiðar
Sigurðsson.
Sýningar munu
standa yfir fram
í nóvember.
Sápuópera á Höfn
Tónlistarmennirnir Óskar Guðna-
son og Ingólfur Steinsson, sem
hafa átt kántrílög á fjórum safn-
plötum vestanhafs, hafa gefið út
plötuna Happiness is Heavy.
Á plötunni eru níu lög eftir þá
félaga sem voru tekin upp í
Nashville af hljómsveitinni The
Uncle´s Family. „Þetta eru amer-
ískir „session“-menn í toppgæða-
flokki. Ég held að þetta gerist ekki
mikið betra,“ segir Óskar, sem er
aðallagahöfundurinn en Ingólfur
semur alla texta. „Þegar ég hlusta
á þá líður mér eins og ég sé frændi
Willie Nelson eða James Taylor sé
að syngja lögin mín.“
Óskar og Ingólfur eru með
dreifingarsamning hjá Paramount
Group í Bandaríkjunum, sem fjór-
um sinnum á ári hefur gefið út
safnplötur með lögum úr söng-
lagakeppnum á þeirra vegum.
Fyrir hverja plötu eru valdir um
sautján höfundar af 1.000 til 1.500
höfundum sem senda inn lögin sín
og því er árangur þeirra félaga
einkar góður. „Það kom mér
skemmtilega á óvart að þetta
skyldi gera sig svona,“ segir
Óskar. „Ég var búinn að taka þátt í
annarri svona keppni og kom
lögum þar í undanúrslit en fann
síðan út að það var erfitt að kom-
ast inn nema að vera Ameríkani.
Þá fann ég þessa keppni og sendi
lög í hana og þeim leist svona vel á
þetta,“ segir hann.
Óskar hefur gefið út eigin tón-
list frá árinu 1991 þegar snældan
Gamall draumur kom út en þar
söng Bubbi Morthens titillagið.
Ingólfur, sem hefur undanfarin ár
starfað við útgáfumál, var áður í
hljómsveitinni Þokkabót.
Með samning við Paramount