Fréttablaðið - 05.10.2007, Blaðsíða 80

Koma ekki sjálfum sér á óvart
Stefán Logi Magnússon,
markvörður KR, vakti mikla
athygli fyrir góða frammistöðu á
milli stanganna eftir að hann vann
sér sæti í byrjunarliði KR um mitt
sumar. KR-liðið tapaði aðeins
tveimur leikjum, á móti Val og FH,
af síðustu ellefu leikjum sínum í
deildinni eftir að Stefán Logi kom
til skjalanna og náði með naum-
indum að bjarga sér frá falli.
„Auðvitað hefðum við KR-
ingar viljað vera að berjast í
öðrum hluta deildarinnar og þetta
var ekki skemmtilegt ástand en
lærdómsríkt engu að síður og við
náðum sem betur fer að vinna
okkur út úr því,“ sagði Stefán
sem var sáttur með að fá tæki-
færi í liðinu og ánægður með við-
horf Kristjáns Finnbogasonar
sem varði markið fyrri hluta
sumars.
„Teitur Þórðarson gaf mér tæki-
færið og ég greip það með þökk-
um og Kristján Finnbogason tók
því af fagmennsku og hjálpaði
mér mikið. Hann var auðvitað
ekki sáttur við að missa sæti sitt í
liðinu enda eru allir alvöru íþrótta-
menn ósáttir þegar þeir missa
sæti sitt og ég skil hann vel,“ sagði
Stefán sáttur með lífið hjá KR.
„Mér líður mjög vel hjá KR en
ég ákvað samt að nýta mér upp-
sagnarákvæði í samningi mínum
við liðið og er með lausan samning
eins og er, en það er fullur hugur
hjá mér og KR að halda samstarf-
inu áfram og finna lausn á málum.
KR er eina liðið á Íslandi sem
kemur til greina hjá mér og ég er
orðinn ansi mikill KR-ingur á
þessum stutta tíma hjá liðinu.“
Stefán viðurkenndi þó að auð-
vitað leitaði hugurinn aðeins út
fyrir landsteinana. „Það er auðvit-
að draumur allra að fara út í
atvinnumennsku og það er bara
spurning um að vera réttur maður,
á réttum stað og á réttum tíma. Ég
hef kynnst þessu sjálfur hvernig
er að vera atvinnumaður, en ég
var náttúrlega mjög ungur þá og
tel mig vera betur undirbúinn
núna ef tækifærið gæfist,“ sagði
Stefán sem kvaðst engu að síður
alveg rólegur yfir öllu tali um
atvinnumennsku og mögulegu
landsliðssæti.
„Ég ætla bara að einbeita mér
að því að æfa vel og spila vel fyrir
KR og ef ég fæ annað tækifæri á
atvinnumennsku, þá mun ég skoða
það vel, en ég er ekkert að flýta
mér. Sama gildir í raun um lands-
liðið, að ef maður er nógu góður þá
verður maður valinn, annars ekki
og ég er ekkert að hugsa um það
núna.“
Stefán telur að hann þurfi bara
að einbeita sér að sjálfum sér og
að hann geti enn bætt sig mikið.
„Það er yfirleitt talað um að mark-
menn séu á toppi ferilsins á aldr-
inum 28-33 ára, þannig að ég ætla
bara að halda áfram að bæta mig
og er í raun og veru enn ungur að
„markmannsárum“ þótt maður sé
farinn að eldast, sagði Stefán í
léttum dúr.
Stefán Logi Magnússon, markvörður KR, hefur verið valinn leikmaður umferða
13-18 í Landsbankadeild karla í fótbolta samkvæmt mati Fréttablaðsins.
Topplistar í 13.
til 18. umferðar
Topplistar í 13.
til 18. umferðar
Það eru tveir Norður-
landabúar sem eru í stórum hlut-
verkum hjá ítalska úrvalsdeild-
arliðinu Lottomatica Roma.
Þetta eru jafnaldrarnir Jón
Arnór Stefánsson og Daninn
Christian Drejer sem hafa báðir
reynt sig hjá mörgum sterkum
liðum í Evrópu. Jón Arnór er á
sínu öðru ári hjá Rómarliðinu en
Drejer kom þangað frá VidiVici
Bologna í sumar.
Í fyrsta leiknum, sem Lottom-
atica vann 84-79 í framlengingu
gegn Cimberio Varese, voru þeir
báðir í byrjunarliðinu og áttu
báðir ágætan leik. Jón Arnór var
með 10 stig, 6 fráköst og 5 stoð-
sendingar í þessum fyrsta leik
tímabilsins en Drejer bætti við
11 stigum.
Það eru alls sjö útlendingar í
Rómarliðinu því auk þeirra Jóns
Arnórs og Drejer eru þar Sló-
veninn Erazem Lorbek, Króatinn
Roko Ukic og Bandaríkjamenn-
irnir Ray Allan, David Hawkins
og Erik Daniels. Lorbek skoraði
13 stig í fyrsta leiknum en Lott-
omatica lék þá án allra Banda-
ríkjamanna sinna.
Jón Arnór spilar
við hlið Drejer
Steve Bruce, stjóri
Birmingham, viðurkenndi að
mikil óvissa ríkti um samnings-
mál sín eftir eigandaskipti hjá
liðinu. „Ég samdi við fyrrverandi
eiganda Birmingham í maí
síðastliðnum, en með yfirtökunni
hefur það allt saman verið sett í
bið og ég á von á svari fyrir helgi.
Ég tel að ég sé rétti maðurinn í
starfið, en það verður að koma í
ljós hvort nýir eigendur séu á
sama máli,“ sagði Bruce sem
hefur stýrt Birmingham í að
verða sex ár, en liðið er í 13. sæti
ensku úrvalsdeildarinnar. -
Óviss um hvort
ég verð rekinn Stuðningsmaður skosku
meistaranna í Celtic hefur verið
dæmdur í bann eftir að hafa vaðið
inn á völlinn og stuggað við Dida,
markverði AC Milan, í leik
liðanna í Meistaradeildinni á
dögunum. „Celtic tekur alvarlega
á svona hegðun og umræddur
stuðningsmaður hefur því verið
dæmdur í lífstíðarbann á öllum
leikjum Celtic bæði á heimavelli
og útivöllum,“ sagði Peter
Lawwell, stjórnarformaður Celtic.
UEFA ætla hvorki að ógilda sigur
Celtic í leiknum né heldur að
aðhafast eitthvað út af leikrænum
tilburðum Dida, sem þótti gera
heldur mikið úr atvikinu. -
Í lífstíðarbann
á leikjum Celtic