Fréttablaðið - 10.10.2007, Blaðsíða 8

Ehud Olmert, for-
sætisráðherra Ísraels, segist ætla
að einbeita sér að því næsta árið að
semja um frið við Palestínumenn.
Hann segist sannfærður um að Pal-
estínustjórn hafi einlægan áhuga á
því að ná samningum, og tók fram
að sjálfur ætli hann ekki að leita að
afsökunum til að tefja samninga-
ferlið.
„Andrúmsloft hefur skapast þar
sem persónulegt traust ríkir,“ sagði
Olmert. „Mér finnst að um eitthvað
sé að ræða, og það er okkur í hag að
eiga í viðræðum.“
Síðan bætti hann við: „Ég vil taka
það fram hér, með eins ákveðnum
hætti og hægt er, að ég hef ekki í
hyggju að leita að afsökunum til
þess að koma í veg fyrir framgang
viðræðna.“ Þetta sagði Olmert á
ísraelska þinginu á mánudag. Hann
hefur sætt gagnrýni í Ísrael undan-
farið fyrir að ætla að fara of geyst í
samningaviðræður við Palestínu-
stjórn.
Fyrr um daginn sagði Haim
Ramon, náinn samstarfsmaður
Olmerts, að Ísraelsstjórn væri til-
búin til að semja um skiptingu Jer-
úsalemborgar, sem er eitt við-
kvæmasta málið í deilum Ísraela
og Palestínumanna.
Á mánudag hittust ísraelskir og
palestínskir samningamenn til að
setja saman sameiginlega yfirlýs-
ingu, sem þeir ætla að leggja fyrir
friðarráðstefnu sem Bandaríkja-
stjórn stendur að í næsta mánuði.
Ætlar sér að semja um frið
Ekki stendur til að einka-
væða Orkuveitu Reykjavíkur og
auðlindirnar sjálfar eiga ekki
endilega að verða einkavæddar,
sagði Geir H. Haarde forsætisráð-
herra á Alþingi í gær.
Ögmundur Jónasson, þingmað-
ur Vinstri grænna, vakti máls á
stöðu mála varðandi sameiningu
Reykjavík Energy Invest og Geys-
ir Green Energy, í fyrirspurna-
tíma á Alþingi í gær og sagði blik-
ur á lofti í orkumálum.
Hann sagði hætt við að nú væri
hafin vegferð sem gæti endað með
því að þjóðin missti stjórnina yfir
orkulindunum. Sú vegferð hefði
hafist með sölu á hlut ríkisins í
Hitaveitu Suðurnesja, og nú keppt-
ust einkaaðilar við að sölsa undir
sig háhitasvæðum.
Geir H. Haarde svaraði fyrir-
spurninni og sagði að ekki stæði
til að einkavæða Orkuveitu
Reykjavíkur, það hefði margoft
komið fram hjá borgarstjóra, og
stefnan hefði verið mörkuð í þá átt
á landsfundi Sjálfstæðisflokksins
á síðasta vori.
Geir benti enn fremur á að iðn-
aðarráðherra væri með lagabreyt-
ingar í smíðum sem vonandi yrði
hægt að ná breiðri samstöðu um á
Alþingi.
„Ég get tekið undir eitt og eitt
sjónarmið hjá háttvirtum þing-
manni [Ögmundi Jónassyni] hvað
þetta varðar. Auðlindirnar sjálfar,
sem eru í almannaeigu í dag, eiga
ekki endilega að vera andlag
einkavæðingar,“ sagði Geir.
Ögmundur misheyrði ummæli
Geirs, og taldi hann hafa sagt að
auðlindirnar ættu ekki allar að
vera einkavæddar. Geir leiðrétti
misheyrnina og ítrekaði ummæl-
in um að auðlindirnar ættu ekki
endilega að vera andlag einka-
væðingar.
Ögmundur sagði að á þessum
ummælum sæist vel hvernig
reynt væri að drepa umræðunni á
dreif. Nánast væri útilokað að
skilja hvert Geir væri að fara
með þessum ummælum.
Sinn skilningur væri sá að með
þessu væri Geir í raun að segja að
ekki stæði endilega til að einka-
væða allar orkulindir lands-
manna. Þetta væru alvarlegar
hótanir úr stjórnarráðinu um að
ráðist yrði í umfangsmikla einka-
væðingu í orkugeiranum.
„Staðreyndin er þessi, undir
verndarskjóli ríkisstjórnarinnar
er verið að einkavæða orkulindir
landsmanna,“ sagði Ögmundur.
Verið væri að véla með dýrmætar
eignir með færslum sem ekki
þyldu dagsljósið.
Auðlindirnar
ekki endilega
einkavæddar
Forsætisráðherra segir auðlindirnar ekki endilega
eiga að vera „andlag einkavæðingar“. Alvarlegar
hótanir um að ráðist verði í umfangsmikla einka-
væðingu í orkugeiranum segir þingmaður VG.
Hvað heitir framkvæmda-
stjóri Atlantshafsbandalags-
ins sem sótti Ísland heim á
dögunum?
Hvað heitir listakonan sem
hannaði friðarsúlu til minning-
ar um John Lennon?
Myndband hvaða hljóm-
sveitar var nýlega kosið besta
tónlistarmyndband sögunnar?
Staðreyndin er þessi,
undir verndarskjóli ríkis-
stjórnarinnar er verið að einka-
væða orkulindir landsmanna.“
Ritt Bjerregaard,
borgarstjóri Kaupmannahafnar,
segir vel hugsanlegt að ung-
mennum í Kaupmannahöfn verði
boðið nýtt æskulýðsheimili til
afnota, í staðinn fyrir húsið á
Norðurbrú sem rifið var í vor.
Bjerregaard boðaði í gær til
blaðamannafundar þar sem hún
skýrði frá þeim skilyrðum, sem
slíkt hús þyrfti að lúta. Frá
þessu var skýrt í dönskum
fjölmiðlum í gær.
Borgarstjórinn ætlar á
morgun að hitta fulltrúa ung-
mennanna, sem krafist hafa þess
að fá nýtt æskulýðsheimili.
Nýtt Ungdoms-
hus mögulegt
Auglýsingasími
– Mest lesið