Fréttablaðið - 10.10.2007, Blaðsíða 33

Í dag verður í fyrsta sinn hægt að
sækja nýjustu plötu Radiohead, In
Rainbows, af heimasíðu sveitar-
innar, Radiohead.com. Fjölmargir
aðdáendur hljómsveitarinnar hafa
þegar pantað plötuna en fólk má
ráða hvað það borgar fyrir hana.
Söngvarinn Ian Brown og John-
ny Marr, fyrrum gítarleikari The
Smiths, sem báðir tóku á móti Q-
verðlaununum fyrir skömmu, eru
mjög ánægðir með að aðdáendurn-
ir fái að ráða verðinu á plötunni.
„Þetta er frábær hugmynd. Ég er
fylgjandi öllu sem getur hrist upp í
tónlistariðnaðinum,“ sagði Brown.
Marr fagnaði því hversu mikið
hljómsveitin treystir á mannlegt
eðli. „Við eigum eftir að sjá hvort
þeir fá traustið endurgoldið. Ég
held að þetta eigi eftir að ganga
upp,“ sagði hann.
Stórsveit Samúels J. Samúelsson-
ar er á leiðinni í fimm daga tón-
leikaferð um landið til að kynna
sína nýjustu plötu, Fnyk. „Þetta
verður ævintýri. Það er mjög góð
stemning hjá okkur og menn eru
spenntir. Það er alltaf gaman að
koma út á land og ég vona að það
verði stemning þar,“ segir Samú-
el.
Fyrstu tónleikarnir verða á
Domo í kvöld og eftir það ferðast
sveitin til Grundarfjarðar, Akur-
eyrar, Seyðisfjarðar og Eyrar-
bakka. Alls munu 22 manns ferð-
ast í rútu um landið, þar á meðal
tökumaður sem ætlar að gera
heimildarmynd um ferðalagið.
Hinn 19. október spilar Stórsveit-
in síðan á Airwaves-hátíðinni í
fyrsta sinn í Iðnó.
Eins og komið hefur fram í
Fréttablaðinu fékk platan Fnyk-
ur mikla umfjöllun í hinu virta
tímariti Vaxpoetics. „Þetta er
eiginlega uppáhaldstímaritið
mitt í þessari senu. Ég sendi inn
plötuna til þeirra og hugsaði með
mér að það væri gaman ef þeir
myndu skrifa eitthvað um hana.
Síðan fékk ég tölvupóst frá einum
blaðamanninum sem var að „fíla“
plötuna svona vel og hann skrif-
aði heilsíðu um mig og Ísland,“
segir Samúel, sem útilokar ekki
að fara með Stórsveitinni út fyrir
landsteinana á næsta ári.
Stórsveitin ferðast
um landið
Tónlistarmaðurinn Pétur Ben hélt
þrenna tónleika í Danmörku á dög-
unum sem heppnuðust ákaflega
vel. Komu Péturs til Danmerkur
hafði verið beðið með mikilli eftir-
væntingu eftir vel heppnaða tón-
leika hans á Loppen og SPOT-
hátíðinni í Danmörku þar sem
hann var einn með kassagítarinn.
Í þetta skiptið var hann aftur á
móti með tvo aðstoðarmenn með
sér.
„Þetta gekk ósköp vel. Við fórum
þrír saman, ég, Óttar Sæmunds-
son og Sigtryggur Baldursson. Við
keyrðum sjálfir um Danmörku og
sungum voða mikið á leiðinni,“
segir Pétur, sem spilaði í Kaup-
mannahöfn, Árósum og Álaborg.
„Það var mikið af Íslendingum að
horfa á og svo Danir í bland. Við-
tökurnar voru æðislega fínar.“
Eftir að Pétur verður búinn að
hlaða batteríin eftir ferðalagið
hefst undirbúningur fyrir Iceland
Airwaves-hátíðina þar sem hann
bæði spilar sjálfur og með vini
sínum Mugison.
Æðislegar viðtökur
Platan fáanleg í dag
Kúbverski gítarleikarinn Manuel
Barrueco heldur einleikstónleika í
Salnum, Tónlistarhúsi Kópavogs, í
kvöld klukkan 20. Hann hefur áður
komið fram á Íslandi, fyrst á Lista-
hátíð Hafnarfjarðar árið 1993 og
síðar með Sinfóníuhljómsveit
Íslands árið 1999.
Á efnisskrá tónleikanna í kvöld
má finna sónötu eftir Bach, Tango-
Études eftir Piazzolla auk verka
eftir Turina og Albeniz.
Útgáfufyrirtækið Tonar, sem
stendur að tónleikum Barruecos,
gefur einnig út geisladiskinn Solo
Piazzolla, þar sem hann leikur tón-
list Astors Piazzolla. Það er fyrsti
diskurinn sem gefinn er út í Manu-
el Barrueco Collection, sem er
safn af upptökum sem gerðar voru
undir listrænni leiðsögn Barruec-
os sjálfs.
Miða á tónleikana í kvöld má
nálgast á vef Salarins, salurinn.is.
Barrueco í Salnum
Spennandi starf í boði!
Í Nóatúni vinnur mikið af hæfileikaríku fólki sem myndar samheldinn hóp
og leggur sig fram við að veita viðskiptavinum Nóatúns fyrsta flokks þjónustu.
Nú er laus til umsóknar staða kjötstjóra í verslun Nóatúns.
Sækið um á vefnum www.noatun.is eða sendið í pósti á Kaupás hf.
Bíldshöfða 20, 10 Reykjavík, b.t. starfsmannastjóra Nóatúns.
Velkomin í hópinn!
P
IP
A
R
•
S
ÍA
•
7
19
84