Fréttablaðið - 13.10.2007, Síða 2

Curver, ætlarðu nokkuð að
láta rýja þig inn að skinni?
Gæsluvarðhaldsúr-
skurður yfir manni sem grunað-
ur er um að hafa orðið nágranna
sínum að bana síðastliðinn
sunnudag var í gær staðfestur í
Hæstarétti. Mun maðurinn sitja
í varðhaldi fram á mánudag.
Í úrskurðinum kemur fram að
nágranni mannsins hafi verið
barinn í höfuðið með slökkvi-
tæki og áverkinn hafi dregið
hann til dauða. Á andliti hans
fannst duft úr slökkvitæki, sem
fannst á staðnum.
Maðurinn sem grunaður er um
verknaðinn var með duft úr
slökkvitæki á höndum þegar
hann var handtekinn. Þá fannst
blóðug úlpa með dufti í íbúð
mannsins.
Á myndum úr öryggismynda-
vél hússins mátti sjá hvar
mennirnir virtust rífast kvöldið
sem atburðurinn átti sér stað.
Var barinn í
höfuðið með
slökkvitæki
Myndavél, iPod og tveimur farsímum
var stolið frá nýbökuðum foreldrum á fæðingardeild
Landspítalans í fyrradag. Þetta staðfestir Hildur
Harðardóttir, sviðsstjóri á kvennadeild spítalans.
Samkvæmt upplýsingum Fréttablaðsins var
móðirin ein á stofu. Foreldrarnir nýbökuðu brugðu
sér frá í skamma stund og skildu farsíma sína,
myndavélina og iPodinn eftir inni á stofunni. Þegar
þau komu til baka voru munirnir horfnir. Foreldr-
arnir höfðu tekið fjölda mynda af nýfæddu barni
sínu en myndirnar hurfu með myndavélinni.
Hildur segir að lögregla hafi verið kölluð til, svo
og öryggisvörður spítalans.
„Eigur fólks sem kemur hingað eru alfarið á
ábyrgð þess þegar það kemur hingað,“ segir Hildur.
„Það getur fengið að setja muni í læstan skáp sem
ljósmæðurnar sjá um, ef það fer frá í einhvern tíma.
Hins vegar eru ekki læstir skápar inni á stofunum.“
Hildur segir skilti uppi um allan spítala, þar sem
fólk sé minnt á að eigur þess séu á eigin ábyrgð.
„Það komu tvö svipuð tilvik upp með stuttu
millibili í fyrra,“ bætir Hildur við. „Þá var farið í
gegnum allar öryggisreglur og varúðartilkynning-
um fjölgað.“
Nýbakaðir foreldrar rændir á
fæðingardeild Landspítalans
Indverski hug-
leiðsluforinginn Sri Chinmoy lést
í gærmorgun á heimili sínu í New
York af völdum hjartaáfalls.
Chinmoy átti sér marga
aðdáendur og stjórnaði meðal
annars hugleiðsluhópi á vegum
Sameinuðu þjóðanna.
Nýverið bárust fréttir af því að
fimmtíu íslenskir þingmenn
hefðu lýst stuðningi við að
Chinmoy fengi friðarverðlaun
Nóbels í ár. Hann lést síðan sama
dag og tilkynnt var að Banda-
ríkjamaðurinn Al Gore hefði
fengið verðlaunin.
Fékk hjartaáfall
í gærmorgun
Hæstiréttur staðfesti
í gær gæsluvarðhaldsúrskurð yfir
átta Litháum sem sakaðir eru um að
hafa stolið vörum úr búðum og brot-
ist inn í bíla. Einn til viðbótar situr í
haldi, en hann kærði ekki úrskurð-
inn.
Mennirnir átta verða í varðhaldi
til 19. október, en áður hafði héraðs-
dómur úrskurðað að þeir yrðu í
varðhaldi til 24. október.
Mennirnir voru handteknir í byrj-
un mánaðarins grunaðir um aðild
að stórfelldum þjófnaði úr verslun-
um. Í dómi Hæstaréttar kemur
fram að talið sé að mennirnir hafi
stolið vörum að andvirði 1.450.345
króna. Stæstur hluti var rakvélar-
blöð og snyrtivörur, samtals virði
rúmlega 972 þúsunda króna.
Einnig er talið að mennirnir hafi
stolið fötum að andvirði 245 þús-
unda króna, tölvum og tölvuforriti
fyrir 130 þúsund og matvöru að
andvirði um 2.900 króna. Þeir eru
að lokum sakaðir um að hafa brotist
inn í tvo bíla og stolið GPS staðsetn-
ingartækjum að andvirði 90 þúsund
króna.
Krafist var gæsluvarðhalds yfir
mönnunum vegna rannsóknarhags-
muna, og óttaðist lögregla að þeir
gætu torveldað rannsókn málsins
með því að samræma framburð
sinn. Hópurinn er grunaður um að
skipuleggja þjófnað úr verslunum
og skipta með sér verkum hverju
sinni. Allt að sex ára fangelsi gæti
beðið mannanna, verði þeir fundnir
sekir.
Umtalsverður hópur á
nú í erfiðleikum með að komast
inn á fasteignamarkað og að greiða
afborganir húsnæðislána, að því er
kemur fram í nýrri skýrslu um
húsnæðismál fyrir félagsmála-
ráðuneytið.
„Að mati fasteignasala þarf fólk
þrjár til fimm milljónir í eigið fé,
en um þriðjungur þeirra sem hafa
hug á að kaupa húsnæði sagðist
ekki geta lagt neitt fram,“ segir
Stefán Ólafsson, stjórnandi og höf-
undur skýrsl-
unnar.
Í skýrsl-
unni kemur
fram að mik-
ill húsnæðis-
kostnaður sé
nátengdur
almennum
greiðsluerf-
iðleikum
fólks og
sterkar vís-
bendingar
séu um að erfitt sé fyrir ungar
barnafjölskyldur og fólk með
tekjur undir meðaltekjum að
komast inn á fasteignamarkaðinn.
Í ljós kom að 14,5 prósent
Íslendinga á aldrinum 18 til 80 ára
hefðu reynt húsnæðiskaup en hætt
við. Af þeim sem ekki eiga húsnæði
telja 68 prósent að þeir eigi erfitt
með að leggja fram nægilegt eigið
fé, eða 33.323 manns.
Megingagnrýni skýrslunnar
beinist gegn misræmi í þróun
vaxtagjalda, sem hækkað hafa um
tæp 125,3 prósent síðan árið 1994,
og vaxtabóta sem á sama tíma hafa
hækkað um 4,7 prósent.
„Vaxtabætur eru stoðkerfi gagn-
vart þeim sem eru í eigin húsnæði
og gagnast helst þeim sem eru um
og undir meðaltekjum. Það er
sorglegt að þetta tvennt hafi ekki
haldist í hendur,“ segir Stefán.
Einnig var gerð greining á þörf
fyrir félagslegu húsnæði. Rúm-
lega 2.750 manns eru á biðlistum
eftir félagslegu húsnæði, flestir á
höfuðborgarsvæðinu. Þar af eru
tæplega 1.500 manns á biðlistum
hjá sveitarfélögum og rúmlega
1.100 manns bíða eftir náms-
mannahúsnæði. Að minnsta kosti
700 börn eru á framfæri fólks á
biðlistum eftir húsnæði og standa
einstæðir foreldrar verst.
Jóhanna Sigurðardóttir félags-
málaráðherra segir skýrsluna
staðfesta það sem hún hafi áður
sagt, að neyðarástand ríki á hús-
næðismarkaði.
Spurð að því hvað gæti falist í
slíkum aðgerðum nefndi ráðherra
að til greina kæmi að hækka húsa-
leigu- og vaxtabætur. Þá væri
hægt að koma á millistigi milli
leigu- og eignaríbúða og bæta lána-
kjör Íbúðalánasjóðs með þeim
hætti að hann gæti veitt lán fyrir
hærri upphæð en sem nemur
brunabótamati.
Ráðherra hefur skipað nefnd
sem skila á inn tillögum að aðgerð-
um til úrbóta á húsnæðismarkaðn-
um fyrir 1. nóvember næstkom-
andi.
Neyðarástand ríkir
á húsnæðismarkaði
Í nýrri skýrslu kemur fram að ungt fólk á afar erfitt með að koma inn á fast-
eignamarkað. Fram kemur hörð gagnrýni á misræmi í þróun vaxtagjalda og
vaxtabóta heimilanna. Þá bíða á þriðja þúsund manns eftir félagslegu húsnæði.
Þing
Evrópusambandsins hefur
samþykkt að þingsætum verði
fækkað úr 785 í 750. Þetta þýðir
meðal annars að 17 af 27
aðildarríkjum Evrópusambands-
ins fá færri þingsæti.
Ítalir eru andvígir þessu
vegna þess að ítalskir þingmenn
á Evrópuþinginu verða ekki
lengur jafnmargir þingmönnum
Bretlands og Frakklands.
Romano Prodi, forsætisráð-
herra Ítalíu, segir að Ítalir muni
þó ekki koma í veg fyrir þessar
breytingar, en áskilji sér rétt til
að taka málið upp síðar.
Þingsætum
verður fækkað
Ástralskur listamaður,
sem kallar sig Stelarc, sætir
gagnrýni fyrir að hafa látið
skurðlækni græða eyra á vinstri
framhandlegg sinn.
Það tók hinn 61 árs gamla
Stelarc fjölda ára að hafa uppi á
skurðlækni sem væri tilbúinn til
að vinna verkið. Eyrað virkar
ekki, en Stelarc ætlar að græða í
það hljóðnema svo að öðrum
verði kleift að heyra það sama
og hann.
Ástralskir skurðlæknar hafa
gagnrýnt þessa aðgerð og sagt
hana ónauðsynlega. Það sama
segja sjúklingar sem þarfnast
nauðsynlega nýrra eyrna.
Græddi eyra
við handlegg