Fréttablaðið - 19.10.2007, Blaðsíða 2
Hólmar, hvað gerir þú eigin-
lega á fimmtugsafmælinu
þínu?
Faðir fjögurra ára
barns hefur verið dæmdur til
þess að greiða fjórfalt meðlag
með því, uns það verður átján
ára. Héraðsdómur Reykjavíkur
kvað upp dóminn.
Að því er fram kemur í dómn-
um var móðirin tekjulág, en fað-
irinn hafði 125 milljónir króna í
fjármagnstekjur í hittifyrra.
Dómarinn vísaði í barnalög, þar
sem segir að fjárhagsstaða for-
eldra og aflahæfi skuli ráða með-
lagi, þannig að þessi mismunur
á tekjum réð úrslitum í málinu.
Dómur um fjórfalda meðlags-
greiðslu mun vera einsdæmi hér
á landi.
Gert að greiða
fjórfalt meðlag
Lögreglan í Álaborg á
Norður-Sjálandi leitar nú
vísbendinga um uppruna ung-
barns, sem líkið fannst af í
malargryfju utan við borgina.
Líkið fannst með þeim hætti að
fólk sem hafði fengið möl til að
fylla upp í lóðina hjá sér uppgötv-
aði hluta úr barnslíki í mölinni.
Góða staðháttakunnáttu þarf til
að vita af malargryfjunni og telur
lögreglan að sá sem kom líkinu
fyrir sé búsettur í borginni. Allar
nýbakaðar mæður stúlkubarna í
umdæminu verða heimsóttar, en
þær eru um 100 talsins.
Lögregla leitar
uppi mæður
Þú færð afmæliskortið
á næstu Olís-stöð.
Frosin læsing?
Náðu þér í lása„sprey“
með afmæliskorti Olís
Stefán Aðalsteinsson,
framkvæmdastjóri Bandalags
háskólamanna (BHM), segir sömu
rök og lágu að baki hækkun launa
hjá yfirstjórnendum hjá RÚV ohf.
eiga að gilda fyrir óbreytta starfs-
menn. „Það er alltaf fagnaðarefni
ef það er hægt að borga mönnum
góð laun. Þegar verið er að hækka
laun yfirstjórnenda hjá fyrirtækj-
um í eigu hins opinbera um tugi
prósenta ættu sömu rök að geta
stutt hækkun launa óbreyttra
starfsmanna.“
Eins og greint var frá í Frétta-
blaðinu á miðvikudag hækkuðu
mánaðarlaun Páls Magnússonar
útvarpsstjóra úr 800 þúsund krón-
um á mánuði í 1,5 milljónir þegar
Ríkisútvarpinu var breytt í opin-
bert hlutafélag. Ársvelta RÚV ohf.
er um 3,8 milljarðar króna.
Ómar Benediktsson, stjórnar-
formaður RÚV ohf., segir launa-
hækkunina skýrast af skipulags-
breytingum en yfirmönnum var
fækkað úr átta í fimm og við það
varð starf yfirmannanna fimm
umfangsmeira en það hafði verið.
Laun Páls eru umtalsvert hærri
en hjá forstjórum annarra hluta-
félaga í eigu ríkisins. Ingimundur
Sigurpálsson, forstjóri Íslands-
pósts, er með rúmlega 1,1 milljón
á mánuði en velta þess félags er
um 5,6 milljarðar.
Laun forstjóra ríkisfyrirtækja,
sem ekki eru hlutafélög, eru þó
nokkuð lægri en hjá stofnunum og
fyrirtækjum. Forstjóri langsam-
lega stærsta fyrirtækisins í opin-
berri eigu, Friðrik Sophusson, er
með sömu mánaðarlaun og Páll.
Velta þess félags er hins vegar um
21 milljarður á ári og heildarverð-
mæti þess er um 60 milljarðar
króna, samkvæmt óháðu mati Par
X viðskiptaráðgjafar.
Stjórn Starfsmannasamtaka
RÚV ohf. ætlar sér að taka málið
til skoðunar á fundi á næstunni.
Baldvin Þór Bergsson, formaður
stjórnarinnar, sagði hækkunina
hafa komið nokkuð á óvart en
sagði það jafnframt „fagnaðar-
efni“ ef miðað yrði við þessar
hækkanir við endurskoðun næstu
kjarasamninga.
Grunnlaun fréttamanna með
háskólamenntun hjá Ríkis-
útvarpinu eru 205 þúsund krónur
á mánuði. Ofan á þau bætist vakta-
álag og yfirvinna.
Stefán segir laun fréttamanna
vera nálægt því að „skrapa botn-
inn“ í launaskalanum hjá BHM.
„Grunnlaun fréttamanna eru mjög
lág og með þeim allra lægstu innan
okkar vébanda. Að meðaltali eru
fréttamenn með 260 til 270 þúsund
í mánaðarlaun og það eru ekki
margar stéttir innan BHM sem
eru með svo lág laun. Vonandi
hækka þau sem allra mest við
endurskoðun kjarasamninga.“
Ekki náðist í Þorgerði Katrínu
Gunnarsdóttur menntamálaráð-
herra þrátt fyrir ítrekaðar til-
raunir.
Undirmenn hækki
eins og yfirmenn
Framkvæmdastjóri BHM segir eðlilegt að óbreyttir starfsmenn hækki í launum
til jafns við yfirmenn. Stjórn Starfsmannasamtaka Ríkisútvarpsins fundar um
málið á næstunni. Grunnlaun fréttamanna eru 205 þúsund krónur á mánuði.
Samskipti sambandssinnaðra mót-
mælenda og lýðveldissinnaðra kaþólikka á Norður-
Írlandi versnuðu í vikunni, er fulltrúar sambands-
sinna á norður-írska þinginu komu í veg fyrir að
samþykkt yrðu lög sem höfðu að markmiði að auka
veg gelísku á Norður-Írlandi.
Lýðveldissinnar eru mjög áfram um að hið forna
mál Íra hljómi meira á eynni grænu, þar sem enska
er annars allsráðandi. Í írska lýðveldinu nýtur
gelískan stjórnarskrárverndar og í Skotlandi eru í
gildi bresk lög sem stuðla að viðgangi hennar.
En Edwin Poots, ráðherra menningarmála í
norður-írsku heimastjórninni, sem sjálfur er
mótmælandi, tjáði þinginu í Belfast að hin áformuðu
lög um viðgang írskrar tungu yrðu of dýr í fram-
kvæmd og myndu að auki stuðla að auknum
klofningi trúarhópa.
Í sameiginlegum friðartillögum forsætisráðherra
Írlands og Bretlands frá því í fyrra, sem leiddu til
endurreisnar samstjórnar hinna áður stríðandi
fylkinga á Norður-Írlandi, var kveðið á um að stutt
skyldi við viðgang gelískunnar. Enda sökuðu
leiðtogar kaþólikka sambandssinna um að ganga á
bak því sem samið hefði verið um og hótuðu að leita
íhlutunar af hálfu bresku stjórnarinnar, sem heldur
eftir sem áður æðsta stjórnvaldi á Norður-Írlandi.
Poots sagði það hlálegt ef lýðveldissinnar sem
lengi hefðu barist gegn yfirráðum Breta skyldu nú
leita á þeirra náðir vegna þessa máls.
Saka sambandssinna um svik
Rafiðnaðarsam-
band Íslands hefur sent Páli
Magnússyni útvarpsstjóra bréf
þar sem bent er á ósamræmi í
málflutningi hans í launamálum.
Guðmundur Gunnarsson,
formaður Rafiðnaðarsambands-
ins, segir að Páll vilji miða við
lægstu taxta fyrir starfsfólkið en
meðallaun forstjóra þegar um
hann sjálfan er að ræða.
„Ef hann væri samkvæmur
sjálfum sér ætti hann að greiða
starfsmönnum sínum þau
meðallaun sem eru á almennum
markaði,“ segir Guðmundur og
gerir kröfu um að laun rafiðnað-
armanna verði strax hækkuð.
Sendi útvarps-
stjóra bréf
„Árið 2008 verður
annar maður í Kreml,“ sagði Vla-
dimír Pútín Rússlandsforseti í
sjónvarpi í gær. Hann tók sér þrjá
tíma í að svara spurningum frá
almenningi, en það er í sjötta sinn
á forsetaferlinum sem hann gerir
slíkt. Hann ræddi meðal annars
um stríð Bandaríkjanna í Írak og
deilur um kjarnorkuáætlun Írans.
„Það er hægt að þurrka einstaka
einræðisríki út af kortinu, en það
er gjörsamlega tilgangslaust að
standa í stríði við heila þjóð,“
sagði Pútín meðal annars.
Sagði fátt um
fyrirætlan sína
Björn Ingi Hrafnsson borgar-
fulltrúi er hættur í stjórn Reykja-
vik Energy Invest og sömuleið-
is Haukur Leósson, fyrrverandi
stjórnarformaður Orkuveitunnar.
Nýtt fólk í stjórninni kemur úr
fimm manna framkvæmdastjórn
Orkjuveitunnar; Anna Skúladótt-
ir, sem er framkvæmdastjóri
fjármála Orkuveitunnar, og Páll
Erland, framkvæmdastjóri veitna.
Varamaður er Hólmsteinn
Sigurðsson, framkvæmdastjóri
ytri tengsla og umsýslu. Þau þrjú
voru öll á upphaflegum lista yfir
„lykilmenn“ sem áttu að fá að
kaupa hluti í REI.
Björn Ingi og
Haukur hættir
Að meðaltali eru frétta-
menn með 260 til 270
þúsund í mánaðarlaun og það eru
ekki margar stéttir innan BHM
sem eru með svo lág laun.
Hæstiréttur dæmdi
íslenska ríkið í gær til að greiða
þrettán ára dreng rúmlega 26
milljónir auk vaxta og dráttar-
vaxta ískaðabæturvegnasúrefnis-
skorts sem hann varð fyrir við
fæðingu.
Pilturinn er alvarlega fatlaður,
með þroskahömlun og hegðunar-
erfiðleika. Í niðurstöðum dómsins
segir að móðir hans hafi verið lögð
á sjúkrahús árið 1994 þegar hún
var á 41. viku meðgöngunnar. Hún
hafi verið með háan blóðþrýsting,
nær ekkert legvatn og fóstrið hafi
sýnt smávægileg vaxtarfrávik.
Drengurinn var tekinn með
keisaraskurði morguninn eftir. Í
aðdraganda fæðingarinnar varð
hann fyrir súrefnisskorti. Bóta-
krafan var byggð á því að fötlun
piltsins stafaði af mistökum
starfsmanna sjúkrahússins. Verj-
andi starfsmannanna hélt því fram
að fötlun hans hefði orðið þegar á
meðgöngu. Læknaráð taldi svo að
fötlun drengsins mætti rekja til
samverkunar þessa þátta, afar
ólíklegt væri þó að súrefnisskort-
ur væri eina orsök veikindanna.
Karl Axelsson, lögmaður
drengsins, segir bæturnar óvenju-
lega háar enda hafi hann orðið
fyrir miklum skaða. Dómurinn sé
sérstakur að því leyti að þó að
matsmenn og læknaráð hafi talið
að fleiri atriði en súrefnisskortur
kynnu að hafa valdið fötlun pilt-
sins hefði verið krafist sönnunar á
því að svo hefði farið þótt engin
mistök hefðu verið gerð.