Fréttablaðið - 19.10.2007, Blaðsíða 4
Leggja á 769 milljónir næstu fjórtán
mánuði í aðgerðir vegna manneklu á þjónustu-
stofnunum Reykjavíkurborgar og í aðgerðir til
þess að gera Reykjavík að eftirsóknarverðari
vinnustað. „Við leggjum þessar aðgerðir til í
ljósi þeirrar alvarlegu stöðu sem er uppi. Við
gerum okkur grein fyrir því að mannekla leys-
ist ekki á einum degi, en viljum senda starfs-
fólki okkar sem er í framlínunni skýr skilaboð
um að við áttum okkur á því gríðarlega álagi
sem það er undir,“ segir Dagur B. Eggertsson,
borgarstjóri.
„Með þessu viljum við tryggja betri trúnað
og betri anda kjaraviðræðum á næsta ári.“
Meðal þess sem kemur fram í tillögunni er
að hlunnindi starfsmanna verði samræmd, að
200 milljónum verði úthlutað til stjórnenda
leikskóla til þess að umbuna starfsmönnum. Þá
fær foreldri forgang fyrir barn sitt á leikskóla
eða frístundaheimili meðan það vinnur þar og
leikskólakennarar og starfsmenn hjúkrunar-
heimila fá greidda yfirvinnu fyrir matartíma,
sem þeim er skylt að eiga með þjónustuaðilum
sínum.
Fulltrúar minnihlutans óskuðu eftir frestun
á afgreiðslu málsins og vildu fá tækifæri til
þess að kynna sér það betur. Málið verður
afgreitt á aukafundi borgarráðs í dag.
„Mér líst ágætlega á margt sem kemur fram
í þessum tillögum og ég sá nokkrar nýjar hug-
myndir. Að leysa manneklu hefur alltaf kostað
fjármuni svo ef þetta leysir vandann eru þetta
ekki miklir fjármunir þó síður sé,“ sagði
Kjartan Magnússon, borgarfulltrúi Sjálfstæðis-
flokks, sem setti fund borgarráðs í gærmorgun
áður en kosinn var nýr formaður. Björn Ingi
Hrafnsson og Vilhjálmur Þ. Vilhjálmur mættu
hvorugur vegna veikinda.
Tryggður betri andi í kjaraviðræðum
„Þar sem grunur leikur á að um
saknæmt athæfi sé að ræða er skylda bæjaryfir-
valda að sjá til þess að málið verði upplýst og farið
með það fyrir dómstóla ef þörf krefur,“ segir
minnihlutinn í bæjarstjórn Hveragerðis, sem telur
maðk kunna að vera í mysunni varðandi
veðsetningar á svokallaðri Tívolílóð í bænum.
Hveragerðisbær seldi byggingarréttinn á
Tívolílóðinni til feðganna Guðmundar Sigurðssonar
og Sigurðs Fannars Guðmundssonar fyrir 50
milljónir króna. Þriðja febrúar 2006 fengu feðgarnir
heimild bæjarstjóra til að veðsetja byggingar-
réttinn. Félag um lóðina og tvær aðrar samliggjandi
lóðir gengu síðan kaupum og sölum.
Ekki var staðið í skilum og kröfðust feðgarnir
uppboðs. Þegar til þess kom á föstudaginn í síðustu
viku varð ljóst að þeir höfðu breytt skjölum þannig
að ekki hvíldu aðeins veð á byggingarréttinum
heldur lóðinni sjálfri sem átti þó að vera í eigu
Hvergerðisbæjar. Feðgarnir felldu þá niður kröfu
um uppboðið og afléttu fjórum samtals 400 milljóna
króna veðum á lóðinni. Eftir stóð þó að feðgarnir
voru þinglýstir eigendur lóðarinnar.
Einnig hefur komið á daginn að feðgarnir breyttu
í ársbyrjun 2006 skjali um framsal á byggingarrétti
lóðarinnar milli tveggja félaga í sinni eigu þannig að
svo virtist sem um lóðin sjálf væri undir í viðskipt-
unum en ekki aðeins byggingarrétturinn.
Öll skjölin voru undirrituð af þáverandi bæjar-
stjóra, Orra Hlöðverssyni, sem segir „algerlega
pottþétt“ að engar af áðurnefndum viðbótaráritun-
um hafi verið á skjölunum þegar hann lét þau frá
sér. Við þetta kvikni grunur um skjalafals.
„Í mínum huga er klárlega næsta vers að bærinn
láti lögmann sinn rannsaka málið og fá allar
staðreyndir upp á borðið. Ég verð ekki sáttur fyrr en
málið er hreinsað út,“ segir Orri.
Sigurður Fannar Guðmundsson svarar því til faðir
hans hafi talið tæknilega nauðsyn að færa land-
númer Tívolílóðarinnar inn á áðurnefnt framsal. Það
hafi verið mannleg mistök sem embætti sýslumanns
hefði átt að koma auga á. Þess í stað hafi verið gefið
út afsal fyrir lóðinni til feðganna. Seinna þegar farið
hafi verið með veðskjöl til þingfestingar hafi
embætti sýslumannsins óskað eftir því að samskon-
ar áritun yrði einnig bætt á þau skjöl. Feðgarnir hafi
nú óskað eftir því að þetta verði leiðrétt svo að
Hveragerðisbær verði skráður eigandi lóðarinnar.
„Þetta er stormur í vatnsglasi. Uppruni málsins
byggir á misskilningi sem búið er að leysa í sátt við
alla,“ segir Sigurður Fannar Guðmundsson.
Rannsóknar krafist á
breyttum veðskjölum
Fyrrverandi bæjarstjóri í Hveragerði vill að rannsakað verði hvers vegna veð-
skjölum sem hann undirritaði hafi verið breytt á leið til sýslumanns. Mannleg
mistök og málið er úr sögunni segir sá sem breytti skjölunum.
Ég verð ekki sáttur fyrr en málið er
hreinsað út.
Löng röð viðskiptavina
mætti starfsmönnum leikfanga-
verslunarinnar Toys “R“ Us í gær-
morgun þegar verslunin var opnuð
í fyrsta sinn. Margir vildu nýta
sér tilboð sem voru í boði í tilefni
dagsins.
Verslunin er sú stærsta sinnar
tegundar hér á landi en hún er í
eigu danska fyrirtækisins Top-
Hoy. Félagið rekur einnig Toys
“R“ Us í Svíþjóð, Noregi og Finn-
landi. Bandaríski leikfangarisinn
Toys “R“ Us rekur yfir 1.500 versl-
anir í 22 löndum, þar af 31 á
Norðurlöndum.
Biðu í röðum
eftir leikföngum
Dómsmálaráðherra
Tyrklands segir að Tyrkir hafi
fullan rétt á því að ráðast á upp-
reisnarsveitir kúrda handan landa-
mæra Íraks. Á miðvikudaginn
samþykkti tyrkneska þingið að
veita ríkisstjórn landsins heimild
til að senda herlið inn í Írak.
„Þeir sem gagnrýna okkur út af
þessari ákvörðun þingsins ættu að
útskýra hvað þeir eru að gera í
Afganistan,“ sagði Mehmet Ali
Sahin dómsmálaráðherra, og vís-
aði þar til ummæla George W.
Bush Bandaríkjaforseta sem
hvetur Tyrki til að halda aftur af
sér í þessu máli.
Svara gagnrýni
fullum hálsi
Fyrir Héraðs-
dómi Reykjavíkur liggur beiðni
frá Högum um að dómkvaddir
verði matsmenn til að fara yfir
tiltekna þætti í vinnubrögðum
Alþýðusambands
Íslands, ASÍ,
og skili mats-
gerð. Beiðnin er
til komin vegna
óánægju Haga
með vinnubrögð
ASÍ við verðkönn-
un í vor.
Einar Þór
Sverrisson hér-
aðsdómslögmaður segist eiga
von á því að matsmennirnir verði
dómkvaddir í dag eða eftir viku.
Hann segir að Hagar muni óska
eftir því að þeir hraði vinnu sinni
eins og hægt er en beiðnin hefur
legið fyrir héraðsdómi frá því í
lok júlí.
Skýrist brátt
með matsmenn