Fréttablaðið - 19.10.2007, Blaðsíða 6
Forseti Íslands, herra
Ólafur Ragnar Grímsson, veitir
fyrsta eintaki nýrrar Biblíuþýð-
ingar viðtöku við hátíðlega athöfn
í Dómkirkjunni í dag. Biskup
Íslands, herra Karl Sigurbjörns-
son, afhendir forsetanum fyrsta
eintakið af hálfu Hins íslenska
Biblíufélags og JPV útgáfu.
„Það þarf að þýða Biblíuna
nokkuð reglulega,“ segir Jón Páls-
son, framkvæmdastjóri Hins
íslenska Biblíufélags. „Síðasta
heildarþýðing kom út árið 1912 en
er í grunninn frá árinu 1908. Á
þeim tíma hefur íslensk tunga
breyst og sumir hlutar Biblíunnar
orðnir torlæsir. Á þessu tímabili
hefur líka bæst við mikil þekking
á texta Biblíunnar, menn orðnir
klárari á samhenginu. Þetta er því
betri þýðing en sú gamla.“
Guðrún Kvaran er formaður
þýðingarnefndarinnar en vinna
við þýðinguna hófst fyrir meira en
hálfum öðrum áratug og fjöldi sér-
fræðinga hefur lagt hönd á plóg.
Þýtt var úr frummálunum, hebr-
esku og grísku, tillit tekið til stíls
frumtextans, íslenskrar biblíu-
málshefðar, þarfa hins almenna
lesanda og notkunar í helgihaldi
kirkju og safnaða. Þetta er sjötta
heildarútgáfan sem kemur út hér á
landi frá upphafi. Fyrsta upplagið
er tuttugu þúsund eintök en fleiri
gerðir Biblíunnar eru væntanlegar
í bókabúðir fljótlega.
Að mati Jóns hafa margir glatað
tengslunum við Biblíuna, sem
hann segir miður því hún eigi enn
fullt erindi við fólk í dag. „Margir
virðast ekki átta sig á að boðskap-
ur Biblíunnar er ein af rótunum
sem við byggjum á, hvort sem er í
bókmenntum, sögu eða listum. Ef
maður þekkir ekki þessa kjarna-
sögur í Biblíunni er maður ólæs á
menningu sína. Við vonum að með
þessari útgáfu verði vitundar-
vakning í þessum efnum.“
Útgáfu nýrrar Biblíu verður
fylgt eftir með málþingi sem hefst
á morgun, auk fjölda annarra við-
burða. „Þarnæsta sunnudag ætla
æskulýðsfélög þjóðkirkjunnar að
skiptast á að lesa Biblíuna í heild
sinni,“ segir Jón. „Þá verður
heimasíðan biblian.is opnuð 1.
nóvember þar sem má finna alls
kyns fróðleik um bókina.“ Hægt
verður að kaupa nýju Biblíuþýð-
inguna í bókabúðum frá og með í
dag.
Betri þýðing en sú gamla
Ný þýðing Biblíunnar kemur út í dag. Unnið hefur verið að þýðingunni í yfir hálfan annan áratug. Fram-
kvæmdastjóri Hins íslenska Biblíufélags segir nýju þýðinguna betri en fyrri útgáfur.
Rauði krossinn auglýsir eftir sjálfboðaliðum í prjónahóp.
Markmið verkefnisins er að prjóna fatnað fyrir skjól-
stæðinga Rauða krossins í skemmtilegum félagsskap og
láta gott af sér leiða.
Sjálfboðaliðar ráða sjálfir vinnuframlagi en vinnan getur
bæði farið fram í prjónahópi og í heimahúsum. Rauði
krossinn sér um að útvega garn til vinnunnar.
Nánari upplýsingar í síma 570 4000
og á raudikrossinn.is
er styrktaraðili átaksins
Finnst þér laun Páls Magnús-
sonar útvarpsstjóra of há?
Vilt þú að sala á bjór og léttvíni
verði gefin frjáls?
Smábátasjómenn á
Vestfjörðum gagnrýna harðlega að
togarinn Örfirisey RE 4 skuli draga
botntroll inn á Ísafjarðardjúpi í
tengslum við rannsóknaverkefni
Hafrannsóknastofnunar í veiði-
tækni. Elding, félag smábátaeig-
enda, harmar í ályktun að stóru tog-
skipi skuli vera heimilað að draga
þung veiðarfæri inn á grunnsævi
sem líklegt sé til að eyðileggja mik-
ilvæga veiðislóð smærri báta. Þeir
segja fullvíst að rannsóknin hafi
þegar valdið varanlegum skaða.
Rannsóknaverkefnið hófst í Ísa-
fjarðardjúpi til að gera nauðsyn-
legar breytingar á botnvörpunni við
góð skilyrði. Skipið var við veiðar í
þrjá sólarhringa en er nú komið á
hefðbundna togaraslóð þar sem
rannsóknirnar halda áfram út vik-
una. Verið er að gera tilraunir með
að aðskilja þorsk og ýsu í botnvörpu
þannig að tegundirnar hafni hvor í
sínum vörpupokanum, en þekkt er
að tegundirnar sýna mismunandi
atferli gagnvart botnvörpu.
Á 23. aðalfundi Landssambands
smábátaeigenda í gær kom fram
hörð gagnrýni á að rannsókninni
skyldi vera valinn staður á við-
kvæmu svæði sem smábátasjó-
menn reiða sig á til veiða við viss
skilyrði. Gunnlaugur Finnbogason,
smábátasjómaður á Ísafirði, steig í
pontu á fundinum og sagði að eftir
að Örfirisey var þar við tilrauna-
veiðar hefði línuveiði í Ísafjarðar-
djúpi hrunið.
Rannsókn sögð valda skaða
Nærri hálfri milljón
Óslóarbúa hefur verið ráðlagt af
yfirvöldum að sjóða allt neysluvatn
í minnst þrjár mínútur eftir að
giardia-sníkjudýr greindist í vatns-
sýnum úr höfuðvatnsbóli borgar-
búa. Þeir hafa nú hamstrað drykkjar-
vatn á flöskum svo að það er orðið
uppselt í verslunum.
Það sem af er þessu ári hafa 53
Óslóarbúar greinst með giardia-sýk-
ingu, að því er Aftenposten greinir
frá, en í flestum tilvikum var smitið
að rekja til dvalar erlendis. Sníkju-
dýrið umrædda líkist lús, séð í smá-
sjá, og getur valdið alvarlegri sýk-
ingu ef það berst í meltingarfæri
manna. Það berst í vatn úr saur.
Sigurlaug Guðmundsdóttir býr
sjálf í úthverfi Óslóar sem fær vatn
úr hreinu vatnsbóli. Hún vinnur
hins vegar á sjúkrahúsi í miðborg-
inni þar sem nú þarf að sjóða allt
vatn. „Þetta er heilmikið mál,“ segir
hún í samtali við Fréttablaðið. „Það
er ekki einu sinni hægt að nota
kaffivélarnar því þær sjóða vatnið
ekki nógu lengi,“ segir hún. Hún
hafi því gert vinnufélögum sínum
og sjúklingum þann greiða í gær-
morgun að koma með heimalagað
kaffi á brúsum í vinnuna.
Óslóarbúar hamstra
vatn á flöskum
Ef maður þekkir ekki
þessar kjarnasögur í Biblí-
unni er maður ólæs á menningu
sína.
Hæstiréttur þyngdi í
gær dóm yfir fyrrverandi
starfsmanni Íslenskrar erfða-
greiningar fyrir ólöglega afritun
á gögnum í eigu fyrirtækisins.
Héraðsdómur Reykjavíkur hafði
áður dæmt hann í tveggja
mánaða skilorðsbundið fangelsi
en Hæstiréttur fjölgaði mánuðun-
um í sex.
Manninum var gefið að sök að
hafa afritað tuttugu og níu skrár í
leyfisleysi af netþjónum Íslenskr-
ar erfðagreiningar. Forsvars-
menn fyrirtækisins sögðu
skrárnar geyma mikið safn
upplýsinga sem væru afrakstur
verulegra fjárfestinga.
Afritaði gögn
ÍE í leyfisleysi
„Enginn maður í
flokknum er svo merkilegur að
flokkurinn sé ekki miklu merki-
legri,“ sagði Geir H. Haarde í
fréttum Stöðvar 2 í gærkvöld eftir
fund Varðar, fulltrúaráðs sjálf-
stæðisfélaganna í Reykjavík, með
borgarfulltrúum. Á fundinum voru
málefni borgarstjórnarflokksins
krufin og fjallað um ástæður þess
að Sjálfstæðisflokkurinn missti
stjórnartaumana í borginni.
Geir útskýrði orð sín ekki nánar
en undanfarið hafa verið vanga-
veltur um framtíð Vilhjálms Þ.
Vilhjálmssonar, oddvita sjálfstæðis-
manna í borgarstjórn. Geir hvatti
til samstöðu flokksmanna og
stuðnings við Vilhjálm.
Stappaði stál-
inu í sína menn
Tíu punda seðlar, sem
eru auðir öðrum megin, seljast
fyrir margfalt virði sitt á
uppboðsvefnum eBay. Sá dýrasti
var keyptur á sem nemur 32
þúsund íslenskum krónum.
Samkvæmt breska blaðinu
Daily Mirror kom seðlabanki
Bretlands um fjörutíu gölluðum
seðlum í umferð fyrir mistök.
Þrátt fyrir gallann eru seðlarnir
löglegir sem gjaldmiðill, og hægt
að nota þá í verslunum. Gáfu-
legra væri þó að selja þá á netinu
sem safngripi fyrir mun meira fé
en tíu pund.
Selja auða tíu
punda seðla á
uppboðsvef