Fréttablaðið - 19.10.2007, Blaðsíða 16

nær og fjær
„ORÐRÉTT“ Styrkir, stelpur og nefndarstarf
Hjónin Kári Guðbjörnsson
og Anna María Langer
leigðu vínekru í Mósel-
dalnum í Þýskalandi fyrir
tveimur árum. Í kjölfarið
hófu þau framleiðslu á eigin
hvítvíni, sem þau nefna
Blindflug, og er afrakstur-
inn væntanlegur í vínbúðir
hér á landi innan skamms.
Kári og Anna María hafa búið í
bænum Herforst í Eifelhéraði,
skammt frá borginni Trier í vestur-
hluta Þýskalands undanfarin átta
ár. Anna María er sálfræðingur en
Kári er flugmaður.
Upphaf vínframleiðslunnar má
rekja til þess þegar þau hjón voru í
leit að gömlum bóndabæ til að gera
upp fyrir tveimur árum. „Að lokum
fundum við snoturt bóndahús, eins
og þau eru kölluð hér, sem við
keyptum,“ segir Kári. „Það var
þeim kostum búið að þar var
þessi fíni vínkjallari, sem við
vildum endilega nýta okkur ein-
hvern veginn. Við fengum því
annað par til liðs við okkur og
leigðum litla ekru í Móseldaln-
um og ákváðum að hefja fram-
leiðslu á okkar eigin hvítvíni.“
Uppskeran fyrsta árið skil-
aði um 650 flöskum en upp-
skeran í ár var ríflega helm-
ingi meiri og skilaði um 1.300
flöskur.
„Við vorum nú aðallega að
selja þetta til vina og kunn-
ingja en þar sem uppskeran
var svona drjúg í fyrra
ákváðum við að leita hófanna
með að koma víninu á mark-
að á Íslandi. Það hefur tekið
dálítinn tíma en nú er allt
útlit fyrir að það verði byrj-
að selja það í vínbúðum
ÁTVR 26. október.“ Um 600
flöskur verði fluttar til
Íslands en restin fer til Aser-
baídsjan, sem er einn af viðkomu-
stöðum Kára í fluginu.
Ákveðið var að kalla vínið Blind-
flug en á miða flöskunnar má sjá
mynd af gömlum flugstjórnarklefa.
„Áður en við völdum ekruna vorum
við að spá í hvað við ættum að kalla
vínið og ég sagði að mér vitanlega
væri aðeins eitt orð eins á þýsku og
íslensku: Blindflug. Okkur fannst
því kjörið að skreyta flöskuna
svona, þetta er sjálfsagt eina vín-
flaskan í heiminum með mynd af
flugstjórnarklefa á.“
Vínyrkjan er fyrst og fremst frí-
stundaiðja Kára og Önnu Maríu.
Kári segir að um það bil átta sinn-
um á ári þurfi að taka rispur en
mest er að gera á vorin og á haustin.
„Á vorin þarf að klippa þrúgur af
vínviðnum fyrir sumarið, það er
bara svo og svo mikið af næringu í
brekkunni og því má ekki vera of
margar þrúgur. Um miðjan október
er svo uppskeran og það er bara
eins og heyskapurinn uppi í
sveit í gamla daga. Það er bara
hóað í alla sem vettlingi geta
valdið og byrjað að tína.“
Auk hvítvínsins eru vínbænd-
urnir íslensku byrjaðir að þróa
snafs sem verður líklega tilbú-
inn á næsta ári. „Við höfðu uppi
á síðasta tunnumeistaranum í
Móseldalnum, keyptum af
honum eikartunnu og erum
smám saman að þróa lit og
bragð af snafsinum.“
Kári segir að ef Blindflugi
verður vel tekið á Íslandi
komi vel til greina að auka
framleiðsluna. „Þetta er
ekki stór ekra sem við erum
með. En ef vínið selst vel á
Íslandi kemur vel til greina
að bæta við ekru.“
Blindflug í Móseldalnum
Einmitt það Ávallt viðbúinn