Fréttablaðið - 19.10.2007, Blaðsíða 27
Í Listagilinu á Akureyri stendur metnaðarfullur
matreiðslumaður við pottana sína og tekur
lífinu með ró.
Kokkurinn sá heitir Friðrik Valur Karlsson og er eig-
andi matsölustaðarins Friðriks V eða Friðriks fimmta
upp á rómverskuna.
Friðrik er með þeim fyrstu sem gengu til liðs við
Slow food-hreyfinguna en henni tilheyra um hundrað
manns hér á landi. Slow food-stefnan gengur í stuttu
máli út á að leita aldrei langt yfir skammt að hráefn-
um til matargerðar.
Þetta leggur Friðrik Valur áherslu á og reynir
þannig eftir fremsta megni að fá allt sitt hráefni úr
heimabyggð eða næstu héruðum þó að einstaka sinn-
um þurfi að gera undantekningar þar á. Matseðillinn
verður því óhjákvæmilega þjóðlegur í einföldustu
merkingu þess orðs.
Gaman er að geta þess að fyrir skemmstu hlaut
Friðrik V tilnefningu til heiðursverðlauna af hálfu
norrænu ráðherranefndarinnar, en verðlaun þessi
eru veitt í fyrsta sinn á þessu ári. Meðal annarra sem
hlutu tilnefningu eru Íshótelið í Jukkasjärvi í Sví-
þjóð, Læsø-saltverksmiðjan í Danmörku og upp-
skeruhátíðin á Álandseyjum, en markmiðið með
verðlaununum er að heiðra og styðja við stofnun eða
einstakling sem hefur lagt mikið af mörkum við að
kynna, þróa og vekja athygli á gildum og tækifærum
sem felast í norrænum matvælum og norrænni
matargerðarlist.
Friðrik Valur opnaði nýlega sælkeraverslun í kjall-
ara hússins þar sem hann býður upp á fersk matvæli
úr sveitinni, gæs, fisk, kjöt, bláber og soð í súpur og
sósur svo fátt eitt sé nefnt. Réttur dagsins og súpa
eru í boði alla daga en sushi á föstudögum.
Þar sem vinsældir Friðriks V hafa aukist töluvert
á undanförnum misserum er vert að benda áhuga-
sömum Akureyrargestum á að panta sér borð tíman-
lega, en veitingastaðurinn er opinn frá klukkan
klukkan sex síðdegis.
Ástríður Friðriks fimmta
Sími 565 3265 Hvaleyrarbraut 29 220 Hafnarfirði
Hiti í bústaðinn
Pax Oliufylltir
rafmagnsofnar
og rafmagns
handklæðaofnar
NÝTT
Sérfræðingar
í saltfiski
Þjónustum verslanir, veitingahús o.fl.
Fyrir verslanir:
Til suðu:
saltfiskbitar blandaðir
gellur
gollaraþunnildi
Til steikingar:
saltfiskbitar blandaðir
saltfiskkurl
saltfiskhnakkar tvær stærðir (lomos)
gellur
Fyrir veitingahús – hótel – mötuneyti:
saltfiskhnakkar tvær stærðir (lomos)
saltfiskbitar blandaðir til suðu og steikingar
saltfiskkurl
Fyrir utan saltfiskinn þjónustum við sitthvað fleira, svo sem:
ýsuhnakka
rækjur
þorskhnakka
steinbítskinnar og bita
Sími: 466 1016
ektafiskur@emax.is