Fréttablaðið - 03.11.2007, Blaðsíða 58

Það hætti að rigna í birtingu um
morguninn og landið kom bælt og
vott undan storminum og myrkrinu
og stutt í frost og hann bjóst við að
snjóað hefði í fjöll um nóttina, en
hann sá það ekki af því þokan
grúfði sig niður í miðjar hlíðar
þeirra. Hann var öðru hverju að
horfa til mannaferða um auðan
veginn og gljáan af vætunni, og
yfir að Gilsbakkakoti, þar sem eng-
inn sást á ferli og bæjarhúsin
hníptu í háargrænu túninu líflaus
og tómleg fyrir utan reykinn úr
eldhússtrompinum sem lagðist
eins og slæða yfir þökin.
Indriði G. Þorsteinsson: Land og
synir (1963)
Orðtakið merkir að fá að kenna á
harkalegri framkomu eða viðmóti.
Miðhluti skipstefnis kallast barð,
og líkingin dregin af ásiglingu
skipa. Undarlegt var að heyra í
útvarpi „að verða undir barðinu á
einhverjum“ – og virðist þá ruglast
á no. barð í merkingunni bakki á
landi, sbr, moldarbarð.
Fjölbreytt flóra – virðist allt í einu
orðin málfarstíska. A.m.k. heyrðist
þetta tvisvar í útvarpi 24. okt. „Fólk
áttar sig ekki á því hvað það er þýð-
ingarmikið að hafa fjölbreytta
flóru aldurs á vinnumarkaði,“
sagði. Og í annan stað talaði maður
um „fjölbreytta flóru verðkann-
ana“. Hvort tveggja finnst mér
fara illa. No. flóra er haft um jurtir
eða rit um plöntutegundir á til-
teknu svæði, en á hvorki við um
aldur né verðkannanir.
Oftar en einu sinni hef ég heyrt
þessum tveimur orðum ruglað
saman. Þannig sagði fréttamaður
útvarps í pistli um skógarelda í
Kalíforníu eitthvað á þá leið að
hörmulegt væri þegar eignir
manna hyrfu „í einu vettvangi“.
Vettvangur (kk) merkir stað þar
sem e-r atburður verður. Vetfang
(hk) merkir hins vegar andrá, and-
artak – og það mun fréttamaðurinn
hafa ætlað að segja – eða hefði átt
að segja.
Strandsiglingar við landið – var
svo sagt í útvarpi, og fannst mér
það ámóta nauðsynlegt og að taka
fram að flugsamgöngur séu í lofti.
Ég hélt að no. lína væri kvenkyns. Í
heilsíðu auglýsingu í Mbl. 25. okt.
er hins vegar sagt: BMW 5-línan er
einstakur í sinni röð…
Undir fyrirsögninni „Breyttir
tímar“ segir 25 okt.: „Fyrir rétt ári
síðan [sic] skrifaði ég þrjá pistla
hér á tónlistarsíðum Fréttablaðs-
ins um niðurgang íslensks popps.“
Ég er ekki mikið fyrir popptónlist
og fylgist því illa með líðan hennar.
Ég veit því ekki heldur hvort það
er vegna breyttra tíma að hún skuli
komin með niðurgang. Vonandi
nær hún sér af svo leiðum kvilla.
Ég hef verið beðinn að spyrja hvort
einhver kannist við höfund þessar-
ar braghendu:
Álfnesingur úti rær og aldrei sefur,
dregur meir en drottinn gefur,
dyggðasnauður maðkanefur.
Vilji menn senda mér braghendu
eða góðfúslegar ábendingar:
npn@vortex.is
Það er ekki annað hægt en að velta
fyrir sér kynslóðunum sem munu
taka við þessu fjölmennasta landi
í heimi. Börnin sem eru að alast
upp í Kína eru einu börnin í heim-
inum sem búa við þau örlög að
þeim er bannað með lögum að
eignast systkini. Þau eru fórnar-
lömb þess að stjórnmálamenn
landsins reyna að stemma stigu
við fólksfjölgun með svokallaðri
eins barns reglu, en um 20 milljón
börn fæðast árlega í Kína.
Það hefur vakið athygli mína
hversu afslappaðir foreldrar virð-
ast vera vera hér varðandi öryggi
barna sinna miðað við íslenskan
mælikvarða. Hér er mjög algengt
að sjá börn í fangi foreldra sinna í
framsætum í bifreiðum, börn eru
reidd í kerrum aftan á hjólum
algjörlega án alls öryggisbúnaðar
og stærri börn sér maður svo
standa aftan á bögglaberum á hjól-
um foreldra sinna í þeirri brjáluðu
umferð sem er hér alla daga.
Það sem kemur manni kannski
undarlegast fyrir sjónir hérna
varðandi barnauppeldi er sérstök
hönnun barnafata, þar eð barna-
buxna. Smábörn ganga hér í
buxum sem hafa langsum gat eftir
rassinum og eru þau látin gera
þarfir sínar þar sem þau eru stödd
í það skiptið. Foreldrar taka þau í
fangið og þau er látin pissa og
kúka næstum því hvar sem er. Það
þykir ekki sýna mikla umhyggju
ef foreldrar nota bleiur. Verstar
eru pappírsbleiurnar því ef þær
eru notaðar er það merki um að
foreldrarnir nenni ekki að hugsa
um börnin sín, taubleiur eru skárri
en sýna engu síður hirðuleysi for-
eldranna. En frá praktískum sjón-
armiðum má ætla að það yrði ansi
þung byrði fyrir umhverfi heims-
ins ef allir foreldrarnir hérna not-
uðu pappírsbleiur.
Eins og áður hefur komið fram
mega kínverk pör aðeins eignast
eitt barn og þótt efnameira fólk sé
farið að brjóta þessar reglur og
greiða í staðinn sektir fyrir að
eignast fleiri börn eignast flestir
aðeins eitt barn. Þetta veldur því
að gamalgrónu venjurnar sem
ríkja hér um að börn eigi að sjá
fyrir foreldrum sínum, sérstak-
lega strákarnir, hefur aukið
áhyggjurnar um framtíð barn-
anna. Áður fyrr voru það mörg
systkini sem deildu byrðinni en nú
er það einungis eitt barn sem verð-
ur að sjá fyrir foreldrum sínum
ásamt sinni eigin fjölskyldu.
Jafnrétti kynjanna hefur farið
aftur í Kína frá því sem var á
tímum Maós. Sem dæmi má taka
að engin kona er í æðstu stjórn
Kommúnistaflokksins sem ræður
mestu um málefni landsins. Einn
af kennurum mínum við háskól-
ann í Peking kom með áhugaverða
kenningu. Hann telur að áhrif
kvenna muni aukast til mikilla
muna í kínverska þjóðfélaginu í
framtíðinni vegna eins barns regl-
unnar. Ástæðan er sú að drengir
séu ofverndaðir af foreldrum
sínum. Þeir fái ekki einu sinni að
slást lengur því þeir eru foreldr-
um sínum svo dýrmætir. Hins
vegar séu stúlkur hvattar til dáða
af foreldrum sínum og verði þær
því mikið betur í stakk búnar til að
takast á við lífsbaráttuna en
drengirnir og þetta muni skila
stúlkunum valdamiklum stöðum
þegar til framtíðar er litið.
99 kr. smsið
Þú sendir SMS skeytið JA LAUSN LAUSNARORÐ á
númerið 1900! Dæmi hvernig SMS gæti litið út ef
svarið er Jón: Þá sendir þú SMS-ið: JA LAUSN JON
Þú gætir unnið
veglegan pakka
sem inniheldur
20 ára afmælistónleika
Síðan skein sól
sem haldnir voru
í Borgarleikhúsinu
ásamt DVD!
Lausn krossgátunnar er birt að viku liðinni á vefnum, www.this.is/krossgatur