Fréttablaðið - 03.11.2007, Blaðsíða 78

1
6 7 8
10
13
119
12
15
16
18
21
20
17
14
19
2 3 4 5
Kári Kárason, flugmaður hjá Ice-
landair, hefur fengið það verkefni
að fljúga með 80-90 Kanadamenn
hringinn í kringum hnöttinn á 25
dögum. Með í för verða tveir aðrir
íslenskir flugmenn, sex flugfreyj-
ur og einn flugvirki. Ferðin er
skipulögð af ferðaskrifstofu í Kan-
ada og hver farþegi þarf að borga
um 2 milljónir íslenskra króna fyrir
sætið.
„Við erum svo heppin að fá að
sinna þessu,“ segir Kári en eins og
gefur að skilja er dagskráin ansi
þétt. Áhöfnin flýgur til Kanada á
morgun, þaðan til Rússlands, Japan,
Hong Kong, Víetnam, Kambódíu,
Indlands, Dubai, Kenía, Egypta-
lands, Tékklands og loks aftur til
Keflavíkur. „Farþegarnir stoppa á
hverjum stað og fara í skoðunar-
ferðir. Við í áhöfninni höfum þess
vegna yfirleitt heilan dag til þess
að skoða okkur aðeins um.“ Kári
segir heimsreisur sem þessar verða
æ algengari. „Mér skilst að við
séum nú þegar að fara í fimm svona
heimsflug eftir áramótin. Þau eru
þó ekki öll eins. Þessi ferð er um
norðurhvelið en stundum er farið
um suðurhvelið til Suður-Ameríku,
Ástralíu og svo framvegis.“ Kári er
að fara í heimsreisu í fyrsta skipti
en segir áhöfnina við öllu búna.
„Við fáum góða kynningu fyrir
brottför enda er hugsunarháttur-
inn oft og tíðum öðruvísi á þessum
stöðum. En við reiknum nú ekki
með að lenda í neinum vandræð-
um.“ Hann segist ætla að láta dag-
skrána ráðast þegar á staðina er
komið. „Við erum með ágætis upp-
lýsingar um markverða staði. Ég er
reyndar búinn að ákveða að kíkja á
flugvélaverksmiðju í Prag og fara í
safarí í Kenía.“ Hópurinn verður
með blogg á slóðinni heimsfarar.
blog.is.
Borga 2 milljónir fyrir sætið
„Ef hann er ekki að auglýsa Land Rover þá segi
ég bara lélegur smekkur,“ segir Bubbi Mort-
hens um nýjustu auglýsingu átrúnaðargoðs
síns Bob Dylan þar sem hann ekur um á glæ-
nýjum Cadillac Escalade-jeppa.
„Ef þetta væri Cadillac ´57 árgerðin væri
þetta kannski í lagi,“ segir Bubbi sem kann-
ast vel við áhuga Dylans á Cadillac. „Hann
gerði mjög flott lag, einmitt um þetta, með
Mark Knopfler sem heitir Union Sundown.“
Í auglýsingunni, sem var nýlega
frumsýnd í Bandaríkjunum, ekur
Dylan úti í óbyggðum og hlustar á
útvarpið, með kúrekahatt á höfði
og dökk sólgleraugu. Þykir aug-
lýsingunni svipa mjög til aug-
lýsingarinnar með Bubba þar
sem hann ekur á jeppa sínum uppi í sveit og
hlustar á útvarpið inni í hlýjunni. Má segja að
Dylan sé þarna að feta í fótspor Bubba, sem er
nokkuð skondið því Bubbi hefur alla tíð
haft miklar mætur á Dylan og verið
undir sterkum áhrifum frá honum í
lagasmíðum sínum.
Í lok auglýsingarinnar er minnst á
vinsælan útvarpsþátt Dylans, Theme
Time Radio Hour, sem er einmitt í
miklu uppáhaldi hjá Bubba. „Hann er
alveg frábær. Ég hvet alla til að fara á
netið og hlusta á hann. Hann er
mikið með þema, til dæmis lög
um mömmur, bíla eða ástina.
Síðan les hann upp bréf sem
fólk sendir inn. Þetta eru
öðruvísi þættir en mjög flott-
ir,“ segir Bubbi.
Áhugasömum Dylan-aðdá-
endum er bent á heimasíðuna www.xmradio.
com/bobdylan þar sem þeir geta hlustað á goðið
spila uppáhaldslögin sín.
Bubbi segir Dylan hafa lélegan smekk
Meistarakokknum og bakara
Íslands, Jóa Fel, er margt til lista
lagt í orðsins fyllstu merkingu.
Hann vinnur hörðum höndum við
að opna eitt glæsilegasta bakarí
landsins í Holtagörðum sem jafn-
framt verður eitt það stærsta og í
samtali við Sportveiðiblaðið segist
Jói mála myndir af þeim veiðistöð-
um þar sem hann hefur annað-
hvort rennt fyrir laxi, skotið hrein-
dýr eða gæs. „Jú, þetta er rétt, ég
tek ljósmyndir af veiðistöðum og
ef mér líst vel á þær þá mála ég
staðinn,“ útskýrir Jói en bætir því
við að honum hafi nú gefist lítill
tími að undanförnu til að munda
pensilinn, þeir kraftar hafi aðal-
lega nýst á veggina í nýja bakarí-
inu.
Jói segist hafa málað og teiknað
frá því hann man eftir sér sem lít-
ill strákur. „Þetta eru bara ein-
hverjir duldir hæfileikar sem
maður dregur fram endrum og
eins,“ bætir hann við en bakarinn
er með glæsilega og rúmgóða
vinnuaðstöðu heima hjá sér þar
sem eru trönur og allir aðrir hlutir
sem listamaður þarf til að skapa,
hugsa og framkvæma. „Þetta er
örugglega betri aðstaða en margir
myndlistarmenn þurfa að búa við
enda er ég náttúrlega ekki á lista-
mannalaunum,“ segir Jói sem
hefur selt nokkur verk og þau
Björn Leifsson og Hafdís Jónsdótt-
ir, oftast kennd við World Class,
eiga meðal annars glæsilegt mál-
verk eftir listamanninn Jóa Fel
sem þau keyptu af honum. Þá
hefur Jói einnig gefið veiðifélög-
um sínum málverk eftir sjálfan sig
á stórhátíðum og tyllidögum.
Áhorfendur Stöðvar 2 hafa séð
Jóa þeysast um Ítalíu þar sem
hann hefur kynnt sér matarmenn-
inguna þar í landi og segir bakar-
inn að þetta hafi verið einstök lífs-
reynsla. „Þetta var mikið púl og
við fórum á milli tveggja til þriggja
tökustaða á dag. En það var einnig
magnað að komast í kynni við þetta
ferska hráefni sem þeir hafa á boð-
stólum,“ útskýrir Jói sem var að
sjálfsögðu með myndavélina sína
með sér. Bakarinn sá nokkra fal-
lega staði sem gætu vel ratað inn í
ramma þegar fram líða stundir.
Pétur Pétursson
HÁSKERPA
HEIM Í STOFU
WWW.SVAR.IS - SÍÐUMÚLA 37 - SÍMI 510 6000
MIRAI 32” LCD háskerpusjónvarp
79.900-
TILBOÐ
Auglýsingasími
– Mest lesið