Fréttablaðið - 07.11.2007, Blaðsíða 6

Ertu samþykkur áformum
félagsmálaráðherra að afnema
launaleynd?
Finnst þér að auka eigi íþrótta-
kennslu í grunnskólum?
Norðmenn og
Rússar hafa náð samkomulagi
um að heildarkvóti þorsks í
Barentshafi verði 430 þúsund
tonn á árinu 2008.
Kvóti strandþorsks verður 21
þúsund tonn. Þetta kemur fram í
nýjustu Fiskifréttum.
Í tilkynningu frá norska
sjávarútvegsráðuneytinu er það
haft eftir Helgu Pedersen,
sjávarútvegsráðherra Noregs, að
unnt hafi verið að halda kvótan-
um nær óbreyttum vegna þess að
tekist hafi að draga úr ólöglegum
veiðum á Barentshafsþorski.
Engin loðna eða karfi verða
veidd á næsta ári.
Þorskkvóti nær
óbreyttur
Það sem af er þessu ári hafa 38
kynferðisbrotamál komið til meðferðar hjá lögreglu-
stjóraembættinu á Selfossi, að sögn Ólafs Helga
Kjartanssonar lögreglustjóra.
Fjölgun mála af þessum toga hjá embættinu hefur
vaxið jafnt og þétt á síðastliðnum árum, segir Ólafur
Helgi. Árið 2000 voru átta kynferðisbrotamál til
meðferðar hjá því. Árið 2006 voru þau 14 talsins.
Lögreglan á Selfossi hefur frá áramótum fengið
kynferðisbrotamál til rannsóknar frá lögreglunni á
Hvolsvelli og í Vestmannaeyjum. Umdæmið á
Hvolsvelli nær einnig yfir Vestur-Skaftafellssýslu.
„Við höfum fengið tíu mál utan Árnessýslu í
rannsóknardeildina það sem af er þessu ári,“ segir
Ólafur Helgi. „Við förum því úr fjórtán málum, hér í
sýslunni, upp í 28 mál, sem er tvöföldun.“
Hluta af þessari aukningu má rekja til Byrgis-
málsins svonefnda, þar sem átta ungar konur kærðu
Guðmund Jónsson, fyrrverandi forstöðumann, fyrir
kynferðislega misbeitingu. Þeirri rannsókn, sem
telst átta mál, er lokið og hefur hún verið send til
ríkissaksóknara.
„Það er erfitt að fullyrða um einhverja eina
skýringu á þessari fjölgun,“ segir Ólafur Helgi.
„Hluti af henni gæti verið sá að fólk sé einfaldlega
viljugra að kæra nú en áður. Það viti þá væntanlega
að tekið sé á málum og þeim fylgt eftir.“
Ólafur Helgi útskýrir enn fremur að kærð mál til
embættisins varði bæði börn innan 18 ára og
fullorðna sem orðið hafi fyrir kynferðislegri
misbeitingu. Hann vill ekki ræða eðli mála nánar
þar sem auðvelt sé þá að rekja þau.
„Við höfum ekki gert sérstaka úttekt á þessu, en
málin hafa hrannast upp,“ segir Ólafur Helgi. „Þá
er ég ekki að tala um að það taki langan tíma að
rannsaka þessi mál og að þau séu tímafrek og erfið,
heldur veldur það áhyggjum að þessi fjölgun skuli
vera að koma upp því það vekur rökstuddan grun
um að eitthvað sé að í samfélaginu. Vitaskuld er það
mjög lítill hluti samfélagsins sem tengist þessum
málum, en á móti kemur að þau hafa alltaf áhrif á
sitt nánasta umhverfi.“
Kynferðisbrotamál-
in hrannast upp
Kynferðisbrotamálum sem koma til rannsóknar hjá lögreglustjóraembættinu
á Selfossi hefur fjölgað til muna það sem af er þessu ári. Málin varða kynferðis-
lega misbeitingu bæði á börnum og fullorðnu fólki, að sögn lögreglustjóra.
PÍTUBAKKI 2.390 kr.
ÁVAXTABAKKI
2.480 kr.
Vínber, melónur, ananas, appelsínur,
perur og fleiri gó›ir ávextir.
N†TT
PANTA‹U Í SÍMA 565 6000 / FRÍ HEIMSENDING*
*Frí heimsending gildir a›eins ef panta›ir eru 3 e›a fleiri bakkar.
Tikka masala kjúklingur,
jöklasalatog pítubrau›.
Reykt skinka, eggjasalat,
jöklasalat og pítubrau›.
Nánari uppl‡singar á somi.is
N†TT
Banni um notkun fóstur-
vísa til stofnfrumurannsókna
verður aflétt að hluta ef frum-
varp heilbrigðisráðherra um
tæknifrjóvgun verður að lögum.
Heimilt verður að nota umfram-
fósturvísa til glasafrjóvgunar í
slíkar rannsóknir.
Við glasafrjóvgun í æxlunartil-
gangi eru að jafnaði búnir til
fleiri fósturvísar en notaðir eru í
því skyni.
Ástæðan fyrir því er að líkur
aukast á lífvænlegum fósturvís-
um ef margir eru búnir til. Líf-
vænlegir fósturvísar sem ekki
eru valdir til notkunar eru að
jafnaði geymdir.
Klónun verður enn ólögleg sam-
kvæmt frumvarpinu, en svokall-
aður kjarnaflutningur í rann-
sóknaskyni verður leyfilegur í
undantekningatilfellum.
Þá er kjarna úr líkamsfrumu
komið fyrir í eggfrumu konu, en
talið er að notkun slíkra frumna
geti bætt meðhöndlun sjúkdóma
og aflað þekkingar í líf- og læknis-
fræði.
Rannsóknir á fósturvísum
verða áfram óheimilar ef þær
ógna lífsmöguleikum þeirra.
Frumvarpið var fyrst lagt fram
á þingi í vor en fékk ekki
afgreiðslu fyrir kosningar.
Stofnfrumubanni verði aflétt
Áætlaður kostnaður við nýtt 6.000
fermetra óperuhús í Kópavogi verður um 2,5
milljarðar. Húsið mun taka 800 manns í sæti og gert
er ráð fyrir þreföldu sviði svo hægt sé að sýna fleiri
en eina sýningu samtímis að sögn Gunnars I.
Birgissonar, bæjarstjóra Kópavogsbæjar. Í fjárhags-
áætlun frá árinu 2005 var gert ráð fyrir að kostnaður
við verkið yrði 1,8 milljarðar.
Gunnar segir Íslensku óperuna vanta heimili og
segist hafa boðið henni að flytjast til Kópavogs eftir
að ljóst var að hún fengi ekki aðstöðu í Tónlistarhús-
inu í Reykjavík.
Hönnunargögn hafa þegar verið send þremur
arkitektastofum.
„Ein stofanna, Alark, annaðist hönnun menningar-
húss bæjarins. Hinar tvær, Ark og Arkþing, eru með
þeim stærstu í bransanum í dag. Við setjum þau
skilyrði að stofurnar vinni með erlendum sérfræðing-
um á sviði hönnunar að þessari gerð.“
Gunnar segist leggja áherslu á fjármögnun
einkaaðila og að fjórir hafi þegar sýnt áhuga. Hann
sagðist ekki vilja tilgreina hverjir þeir aðilar væru
eða hvað þeir hygðust leggja mikið fé í húsið.
„Lykillinn í hugmynd minni var að einkaaðilar
legðu til hlutafé sem þeir geta ekki tekið út eða ávaxt-
að og er einungis ætlað þeirri starfsemi sem er í
húsinu.“
Gunnar vonast til þess að ríkið muni koma að
uppbyggingu óperuhússins og segist hafa átt í
viðræðum við menntamálaráðherra.
„Ég vona að þessu verkefni verði sýnd jafnmikil
virðing og þeim menningarhúsum annars staðar á
landinu sem ríkið styrkir, eins og á Akureyri og í
Vestmannaeyjum.“
Hafist verður handa við byggingu hússins síðla árs
2008.