Fréttablaðið - 07.11.2007, Blaðsíða 24
Harpa Hrund Njálsdóttir
opnaði Ljósmyndaver Hörpu
Hrundar árið 2005 og hefur frá
upphafi boðið upp á 13 mán-
aða myndapakka fyrir verð-
andi og nýbakaða foreldra.
„Mér datt þetta í hug eftir að ég
átti dóttur mína en í brjóstaþok-
unni fyrstu vikurnar gleymdi ég
að taka almennilegar myndir af
henni. Mér fannst sniðugt að geta
boðið upp á reglulega myndatöku
af börnum fyrsta árið því þau
breytast aldrei jafn mikið,“ segir
Harpa Hrund
„Oftast gengur þetta þannig
fyrir sig að óléttar konur koma til
mín í bumbumyndatöku. Ég tek
mynd af kúlunni og stundum taka
þær makann eða eldri börnin með.
Sumar konur vilja vera í fötum en
aðrar eru berar að hluta eða öllu
leyti og fer það allt eftir óskum,“
segir Harpa Hrund. Síðan er
komið með barnið mánaðarlega
þar til það nær tólf mánaða aldri.
„Ég hvet foreldra yfirleitt til að
koma eins fljótt eftir fæðinguna
og það treystir sér til því krílin
eru svo fljót að breytast og stækka.
Sumir hafa komið beint af fæðing-
ardeildinni eða í kringum fimm
daga skoðunina,“ segir Harpa
Hrund. Ein mynd er valin í hvert
skipti og sett í albúm en ef takan
heppnast vel og barnið er vel upp-
lagt freistast foreldrar að sögn
Hörpu stundum til að kaupa auka-
myndir. „Þá er líka sniðugt að nota
einhvern mánuðinn til að taka
mynd af allri fjölskyldunni eða af
systkinum,“ bætir hún við.
Harpa segist í fyrstu hafa haft
áhyggjur af því að fólk myndi ekki
finna sér tíma til að koma einu
sinni í mánuði en hún segir þetta
yfirleitt mikið tilhlökkunarefni og
verður myndatakan að föstum lið.
„Fólk tekur með sér alls kyns föt
og hluti og kemur með hugmyndir
að næstu myndatökum. Ég tek
alltaf góðan tíma í hverja töku og
geri hlé ef barnið þarf að borða
eða ef þarf að skipta á því.“
Aðspurð segist Harpa Hrund hafa
mikla ánægju af starfi sínu og segir
gaman að geta sameinað vinnu og
áhugamál. Hún segir að myndirnar
séu foreldrunum og börnunum mik-
ils virði og að auk þess séu börnin
orðin að þrælvönum fyrirsætum að
árinu liðnu. „Mér finnst ég líka eiga
svolítið í þeim eftir þessa tólf mán-
uði og kveð þau nánast með tárum.“
Fyrsta árið fest á filmu
G
O
T
T
F
O
L
K