Fréttablaðið - 07.11.2007, Blaðsíða 43

Nýliðar Fjölnis úr Graf-
arvogi eru heldur betur byrjaðir
að styrkja hóp sinn fyrir átökin í
Landsbankadeild karla í fótbolta
næsta sumar og gengu frá samn-
ingum við tvo nýja leikmenn í gær.
Ágúst Þór Gylfason kom til liðsins
frá KR og Óli Stefán Flóventsson
kom frá Grindavík og ljóst er að
leikmennirnir eiga eftir að styrkja
lið Fjölnis mikið enda báðir með
mikla reynslu af því að spila í
efstu deild.
„Okkur var það vitanlega ljóst
þegar við unnum okkur upp í efstu
deild síðasta sumar að við vorum
með reynslulítið lið í höndunum
og eitt af okkar markmiðum fyrir
komandi tímabil yrði að ná í leik-
menn sem höfðu reynslu af því að
spila í efstu deild. Leikmenn sem
gætu þá miðlað reynslu sinni til
okkar unga liðs og myndu skapa
betri heildarmynd á liðið,“ sagði
Ásmundur Arnarsson, þjálfari
Fjölnis. Hann telur Fjölnisliðið
hafa dottið í lukkupottinn með
nýju leikmönnunum.
„Ágúst og Óli Stefán eru nátt-
úrulega algjörir draumaleikmenn
hvað varðar það sem við vorum að
leita að. Báðir eru þeir sterkir per-
sónuleikar, með mikið keppnis-
skap og góða reynslu og það er
mikil hamingja í okkar herbúðum
að hafa klárað þetta mál,“ sagði
Ásmundur og staðfesti einnig að
samningaviðræður við þá leik-
menn Fjölnis sem voru orðnir
samningslausir gengju vel.
„Meginmarkmiðið fyrir utan
það að fá reynslumeiri menn inn í
dæmið var að halda þeim leik-
mannahópi sem stóð sig svo vel
síðasta sumar og mér skilst að það
gangi mjög vel fyrir sig hjá stjórn
félagsins. Ég á heldur ekki von á
öðru en að lánsmennirnir Sig-
mundur Pétur Ástþórsson, FH, og
Ragnar Heimir Gunnarsson,
Breiðabliki, muni báðir vera
áfram hjá okkur, en þeir eru sem
stendur samningslausir við sín
lið,“ sagði Ásmundur augljóslega
glaður með stöðu mála.
Ágúst Þór Gylfason, 36 ára,
hefur spilað 175 leiki í efstu deild
með KR, Fram og Val auk þess að
hafa verið í atvinnumennsku
erlendis og kemur því með gríðar-
lega reynslu inn í Fjölnisliðið.
„Fjölnir er náttúrulega lið sem
er á uppleið og það er mikil og góð
uppbygging hjá liðinu og spenn-
andi að fá að taka þátt í því,“ sagði
Ágúst í viðtali við Fréttablaðið í
gær.
Óli Stefán Flóventsson, 31 árs,
hefur spilað 183 leiki í efstu deild
fyrir Grindavík og búinn að vera
lykilmaður hjá Grindavík undan-
farin ár. Óli var meðal annars fyr-
irliði og spilaði alla 22 leiki Grinda-
víkurliðsins sem sigraði í 1.
deildinni síðastliðið sumar.
Fjölnir fékk góðan liðsstyrk í gær þegar liðið gerði samninga við Ágúst Þór Gylfason og Óla Stefán
Flóventsson. Ásmundur Arnarsson þjálfari gat ekki leynt ánægju sinni með þessa tvo sterku leikmenn.
Alex Ferguson hélt í gær
upp á 21 árs afmæli sitt sem
stjóri Manchester United en hann
tók við stjórastöðunni af Ron
Atkinson 6. nóvember 1986.
Ekki gekk allt of vel framan af
og Ferguson segir í dag að
varamaðurinn Mark Robins hafi
bjargað starfi hans með því að
skora sigurmark í framlengingu
gegn Oldham í endurteknum
undanúrslitaleik bikarsins
1989/1990. United fór alla leið og
vann bikarinn, vann sinn fyrsta
meistaratitil í 26 ár vorið 1993 og
síðan þrefalt sex árum síðar.
Ferguson hætti við að hætta
fyrir fimm árum og í dag segist
hann eiga nóg eftir. Manchester
United hefur nú unnið 27 titla
undir stjórn þessa 66 ára gamla
Skota, þar af meistaratitlinn níu
sinnum.
21 ár síðan
hann tók við
Fallegt 40” sjónvarp í svörtum glans lit
1366x766 háskerpu upplausn / Skerpa: 8000:1
Birtustig: 450 cd/m2 / Svartími: 8ms / Týpa: LE40R87BD
199.900-
40” LCD
FYRIR FAGURKERA
79.900-
WWW.SVAR.IS - SÍÐUMÚLA 37 - SÍMI 510 6000
ráðgjöf
Fallegt 32” sjónvarp í svörtum eða hvítum glans lit
Tilvalið í stofuna eða svefnherbergið
1366x766 háskerpu upplausn / Skerpa: 8000:1
Birtustig: 550 cd/m2 / Svartími: 8ms / Týpa: LE32R83B
139.900-
32” LCD
TILBOÐ
MIRAI 32” LCD háskerpusjónvarp
1366x766 háskerpu upplausn / Skerpa: 1500:1