Fréttablaðið - 19.11.2007, Blaðsíða 11

MÁNUDAGUR 19. nóvember 2007
WWW.N1.IS N1 – Meira í leiðinni.
Hjá N1 finnur þú landsins mesta úrval af bílavarahlutum og vönduð
vörumerki frá viðurkenndum framleiðendum. Í verslunum okkar um
land allt er fagfólk reiðubúið að veita þér alla þá aðstoð og ráðgjöf
sem þú þarfnast. 3 ára ábyrgð er á varahlutum frá N1.
HEILBRIGÐISMÁL Tólf manns hafa
greinst með sýkingu af völdum
HIV-veirunnar á þessu ári. Sex
þeirra sýktu eru fíkniefna-
neytendur og veiran talin afleið-
ing neyslu þeirra. Fjórir þeirra
sýktu eru einnig veikir af
lifrarbólgu B. Þetta kemur fram í
nýjasta tölublaði Farsóttafrétta.
Í blaðinu kemur fram að erfitt
sé að rekja smitleiðir meðal
fíkniefnaneytenda en rannsókn
standi yfir um þessar mundir.
HIV-sýking hefur verið fátíð
meðal sprautufíkla hérlendis en
lifrarbólga C er hins vegar algeng
á meðal þeirra.
Ekki náðist í Harald Briem
sóttvarnalækni við vinnslu
fréttarinnar en í sumar greindi
hann frá því að margir teldu það
einungis tímaspursmál hvenær
faraldur brytist út meðal þessa
áhættuhóps. Ellefu manns
smituðust af HIV-veirunni í fyrra.
Farsóttafréttir landlæknis:
Óttast HIV-
faraldur meðal
sprautufíkla
SVEITARSTJÓRNIR Í kjölfar gagnrýni
sem fram hefur komið á skemmt-
anahald í íþróttahúsum í Hafnar-
firði leggur forvarnarnefnd
bæjarins til ýmsar takmarkanir á
vínveitingum á þessum stöðum.
„Vínveitingaleyfi í íþrótta-
mannvirkjum er aðeins veitt
vegna árshátíðar eða skemmtana
eigenda mannvirkjanna og vegna
leigu þeirra til lokaðra einkasam-
kvæma. Einnig árétta nefndirnar
að á þessum lokuðu samkvæmum
og skemmtunum skuli farið eftir
lögum og reglum er varða aldur
gesta, tóbaksvarnir og öryggis-
mála,“ segir forvarnarnefndin í
tillögu til bæjarráðs. - gar
Fjölskyldur og forvarnir:
Takmörk á vín
í íþróttahúsum
RÚSSLAND, AP Meðlimir rússnesks
sértrúarsafnaðar hafa lokað sig
af í neðanjarðarbyrgi og hyggj-
ast dvelja þar uns heimsendir
dynur yfir. Á meðal þeirra eru
fjögur börn, það yngsta 18
mánaða.
Fólkið hefur hótað að notast
við 400 lítra af bensíni til að
sprengja sig í loft upp ef yfirvöld
reyna að þvinga það út úr
byrginu. Prestar rússnesku
rétttrúnaðarkirkjunnar reyndu í
gær að sannfæra fólkið um að
yfirgefa byrgið en án árangurs.
Rússneska lögreglan fylgist með
ástandinu en hefur ekki uppi
áform um að þvinga fólkið út. - vþ
Rússneskur sértrúarsöfnuður:
Bíða heimsend-
is neðanjarðar