Fréttablaðið - 21.12.2007, Page 110

70 21. desember 2007 FÖSTUDAGUR
1
6 7 8
10
13
119
12
15
16
18
21
20
17
14
19
2 3 4 5
LÖGIN VIÐ VINNUNA
LÁRÉTT
2. brennt vín 6. nafnorð 8. neitun
9. þjálfa 11. tveir eins 12. rabb 14.
spilla 16. hólmi 17. efni 18. traust 20.
sjúkdómur 21. varningur.
LÓÐRÉTT
1. hvæs 3. öfug röð 4. jafnframt 5.
sigti 7. ofbjóða 10. örn 13. sigað 15.
eldhúsáhald 16. skammstöfun 19.
klukka.
LAUSN
LÁRÉTT: 2. romm, 6. no, 8. nei, 9.
æfa, 11. ðð, 12. skraf, 14. eitra, 16. ey,
17. tau, 18. trú, 20. ms, 21. vara.
LÓÐRÉTT: 1. fnæs, 3. on, 4. meðfram,
5. mið, 7. ofkeyra, 10. ari, 13. att, 15.
ausa, 16. etv, 19. úr.
Einar Rúnarsson, einn af meðlimum Snigla-
bandsins og sambýlismaður söngkonunnar
Andreu Gylfadóttur til langs tíma, gerði sér
lítið fyrir og bað sinnar heittelskuðu á tón-
leikum Borgardætra á Næsta bar í fyrra-
kvöld. Bónorðið var algjörlega óundirbúið en
Andrea sagði hiklaust já við mikinn fögnuð
viðstaddra.
„Það var búin að vera mikil pressa frá svið-
inu. Þær voru búnar að vera að tala um að nú
væru þær báðar orðnar giftar hinar og
Andrea ein eftir. Berglind er gift og svo gifti
Ellen sig um daginn eftir 28 ára samband. Ég
spratt því á fætur og ákvað að kýla bara á
þetta,“ segir Einar og hlær. Hann segir að
Andrea hafi tekið vel í uppátæki hans. „Hún
virtist nú bara nokkuð ánægð með þetta. Það
kom svolítið á hana en hún var alsæl held ég
bara.“ Hinir tveir þriðju hlutar Borgardætra
eru sem kunnugt er þær Berglind Björk
Jónasdóttir og Ellen Kristjánsdóttir, sem
giftist Eyþóri Gunnarssyni við hátíðlega athöfn
í Fríkirkjunni 16. nóvember síðastliðinn.
Fréttablaðið sló á þráðinn til Andreu, sem
viður kenndi að bónorðið hefði komið sér á
óvart. „Við vorum bara að grínast með þetta á
tónleikunum – að hann þyrfti að fara að drífa
sig á skeljarnar. Settum hann undir smá
pressu. Það kom skemmtilega á óvart að hann
skyldi láta verða af þessu á staðnum.“
Einar segir að þau Andrea hafi lengi talað
um að gifta sig og því hafi bónorðið ekki komið
eins og þruma úr heiðskíru lofti. Þau eru búin
að vera saman í heil þrettán ár og Einar segist
því aðspurður hafa verið nokkuð viss um að
Andrea myndi játast honum. „Við höfum
lengi ætlað að gifta okkur en aldrei látið
verða af því. Nú verðum við bara að drífa í
því næsta sumar.“ Eðli málsins samkvæmt var
Einar ekki með hring meðferðis á Næsta bar í
fyrrakvöld en stressar sig lítið á því. „Hann
verður bara að koma seinna. Ætli við kaupum
ekki bara hringa fyrir brúðkaupið sjálft.“
sigrunosk@frettabladid.is
EINAR RÚNARSSON: BAÐ UNNUSTUNNAR Á ÓVENJULEGAN HÁTT
Andrea Gylfa fékk bón-
orð á miðjum tónleikum
GIFTIR SIG NÆSTA SUMAR Andrea Gylfadóttir játaðist Einari Rúnarssyni, sambýlismanni sínum til þrettán ára, á tónleikum
Borgardætra á Næsta bar í fyrrakvöld.
KAUPIR HRINGANA SEINNA
Einar Rúnarsson bað Andreu Gylfadóttur á tónleikum.
Myndin tengist ekki efni greinarinnar beint heldur
var hún tekin fyrir Sniglabandið þar sem Einar er
hljómborðsleikari.
„Ef ég hlusta á eitthvað er það
helst hugleiðslutónlist, einhverjir
ljúfir tónar eins og Vangelis,
Friðrik Karlsson og fleira í þeim
dúr. Allt svona afslappandi,
til að komast í smá kyrrð með
sjálfa mig í jólastressinu.“
Esther Helga Guðmundsdóttir, ráðgjafi
fólks sem stríðir við átröskun eða
matarfíkn.
Létt er í mönnum á Rás 2 eftir
fréttir sem bárust í gær þess
efnis að Páll Magnússon
útvarpsstjóri, í kjölfar Stóra-
Klaufamálsins, hygðist veita
meira fé til rásarinnar. Svo kátur
var tónlistarstjórinn Ólafur Páll
Gunnarsson að hann
lék í gær upptökur frá
hinu umdeilda köntrí-
balli Klaufanna frá
Hafnarfirði – sem
var sú þúfa sem öllu
velti. Líklega
hefur Óla
Palla ekki
grunað,
þegar
Stóra-
Klaufa-
málið
reis sem
hæst, að
afleiðing-
arnar yrðu
þær að
hann fengi
meira fé
að spila úr.
Leikararnir og leikstjórarnir Björn
Hlynur Haraldsson og Baltas-
ar Kormákur voru yfirlýsinga-
glaðir í Fréttablaðinu á dögunum
þegar þeir töluðu um velgengni
væntan legra leiksýninga sinna.
Björn Hlynur verður með Jesus
Christ Superstar í Borgarleikhús-
inu en Baltasar með Ivanoff í
Þjóðleikhúsinu. Nú virðist Björn
Hlynur hafa tekið forystu í einvígi
þeirra því nær uppselt er á fyrstu
tíu sýningarnar í Superstar. Nú
bíða Björn Hlynur og félagar
góðir með
sig eftir því
hvernig Balt-
asar bregst
við þessum
fregnum.
- jbg/hdm
FRÉTTIR AF FÓLKI
Slagviðrið sem gengið
hefur yfir landið
leggst illa í flesta
landsmenn en engan þó
eins illa og Sigga storm.
„Mér finnst þetta ekki
skemmtilegt veður og ég
er eiginlega aldrei þreytt-
ari en eftir að hafa spáð
svona óveðrum,“ segir
Sigurður Þ. Ragnarsson
og viðurkennir að honum
hafi eiginlega fallist hendur
þegar hann hefur rýnt í kort-
in undanfarna daga. „Þetta
reynir á þolrifin og þeim hefur
fjölgað, gráu hárunum hjá mér.
En það er kannski lán í óláni að
spárnar hafa gengið eftir,“ bætir
Sigurður við. Hann segir það þó
ekkert ýkja gaman að vera veður-
fræðingur þessa dagana enda sé
erfitt að koma brosandi á skjáinn
og reyna að peppa fólk upp þegar
lægð á eftir lægð er væntanleg yfir
eyjuna. „Ég segi fyrir mig persónu-
lega að maður hefur fundið fyrir
svolítið meira áreiti frá fólki úti
bæ sem vill helst ekki tala um neitt
annað en veður. Og sumir ganga
jafnvel svo langt að halda að við
veðurfræðingarnir stjórnum bless-
uðu veðurguðunum,“ segir
Sigurður. „En sem betur fer sér
fyrir endann á þessum stórviðra-
kafla,“ segir Siggi og bætir því við
að skjótt geti þó skipast veður í
lofti.
Haraldur Ólafsson segist bara
vera kátur þrátt fyrir veðurofsann
undanfarna daga. „Kæti veður-
fræðinga fer nefnilega að veru-
legu leyti eftir því hvort spárnar
eru réttar,“ segir Haraldur en
bætir því við að hann hafi þó
orðið var við að fólk vilji meiri
birtu. Finnist myrkrið kannski
helst aðeins of áberandi. „Og það
þýðir meiri snjó og ég held að það
séu nú þó nokkuð margir sem
gætu hugsað sér smá föl til að
lýsa aðeins upp skamm degið,“
segir Haraldur. -fgg
Siggi stormur að verða gráhærður
Stefán Þór Steindórsson flýtti sér einum of í
jólastressinu og sendi óvart rafrænt jólakort á
vini og vandamenn með tengil á klámsíðu.
„Ég samdi jólalag og sendi það í jólalaga-
keppni Rásar 2. Lagið komst ekki áfram svo ég
skellti því bara inn á MySpace-síðuna okkar,“
segir Stefán, sem er í hljómsveitinni Mekbuda.
„Svo ákvað ég að senda slóðina á alla á msn-
tenglalistanum mínum sem skráðir voru inni þá
stundina, sem voru í kringum fimmtán manns.
Ég sagðist ekki ætla að senda jólakort í ár en
senda heldur jólalag til fólks með þessum
hætti,“ segir Stefán. Þennan texta afritaði hann
og sendi jafnóðum á msn-vinina.
„Fljótt byrjuðu allar línur að blikka neðst á
skjánum. Ég hafði þá óvart víxlað stöfum og
skrifað mypsace.com í stað myspace.com. Sem
er pínleg innsláttarvilla þar sem mypsace er
klámsíða,“ segir Stefán. Í stað jólalagsins tók
fáklædd kona á móti vinunum sem áttu von á
jólakveðju frá Stefáni sem nú sat rjóður og
íhugaði hvort skeytið hefði nokkuð lent í óvið-
eigandi höndum. „Þetta slapp nú nokkuð vel.
Sem betur fer fengu engin börn þetta!“ segir
Stefán. „Mamma var ekki skráð inni en hefði
örugglega bara hlegið. Verst hefði verið að
senda þetta á einhverjar tíu ára frænkur.“
Viðtakendur jólakveðjunnar tóku henni þó
vel en skildu fæstir hvað lá að baki og fannst
þetta ansi sérstakur brandari. Þeir fengu að
lokum að heyra jólalagið sem svo klaufalega
gekk að kynna. „Sumir eru rosa ánægðir með
lagið og textann sem fjallar ekki um jólagleðina
heldur neysluhyggju jólanna, jólaspikið, óvel-
komnar gjafir og slíkt. Aðrir kjósa þó fremur
hefðbundinn jólatexta,“ segir Stefán. Lagið
Jólafár má heyra á netsíðunni www.myspace.
com/mekbuda. - eá
Pínleg mistök í jólastressinu
STEFÁN ÞÓR STEINDÓRSSON Innsláttarvilla
breytti jólakveðju í klám. FRÉTTABLAÐIÐ/VÖLUNDUR
NOKKUÐ KÁTUR Haraldur
segir gleði veðurfræðinga
felast í því hvort spárnar
reynist réttar.
ERFITT LÍF Siggi stormur
segir það taka á að spá
endalausum óveðrum.
Nýr vefur » Á hvað ert þú að hlusta?
„Við hefðum tekið
myndir en höfðum
engan kubb...“
- ÚFÓ, Stuðmenn, Höf: Egill Ólafsson og Valgeir Guðjónsson