Fréttablaðið - 02.01.2008, Blaðsíða 2

2 2. janúar 2008 MIÐVIKUDAGUR
VIÐURKENNING Luca Lúkas Kostic
knattspyrnuþjálfari, Hjálmar
Sveinsson dagskrárgerðarmaður,
Ævar Kjartansson dagskrárgerð-
armaður og stéttarfélagið Efling
hlutu viðurkenningu Alþjóðahúss
á sunnudag. Það var forseti
Íslands, Ólafur Ragnar Grímsson,
sem afhenti þeim viðurkenning-
una.
Viðurkenningin, Vel að verki
staðið, er veitt fyrir lofsverða
frammistöðu í málefnum
innflytjenda á Íslandi. Hún er
veitt í því skyni að vekja athygli á
jákvæðu starfi sem unnið er hér á
landi í málefnum innflytjenda.
- þeb
Viðurkenning Alþjóðahúss:
Vekur athygli á
jákvæðu starfi
FÓLK Fyrsta barn ársins er Mos-
fellingur sem fæddist fimm mín-
útur yfir eitt á nýársnótt í
Hreiðrinu á Landspítalanum við
Hringbraut. Litla stúlkan var
fimmtán merkur og 50 sentimetr-
ar að lengd. Hún er annað barn
foreldra sinna, Hreiðars Arnar
Stefánssonar og Sólveigar Ragn-
arsdóttur. Fyrir eiga þau sjö ára
son, Ragnar Bjarna.
„Þetta gekk bærilega,“ segir
Hreiðar. „Hríðirnar byrjuðu um
átta með ávarpi forsætisráð-
herra. Ég veit ekki hvort hún
vildi koma út til að sjá hann eða
hvað. Við vorum síðan að fylgjast
með þessu fram yfir skaup og
þurftum að rúlla af stað eftir
skaupið þegar við sáum í hvað
stefndi en reiknuðum ekki með
að þetta gerðist svona snöggt.“
Sólveig og Hreiðar voru komin
niður á fæðingardeild um hálf-
tólf og voru þá þrjár mínútur á
milli hríða. Rétt fyrir eitt voru
þau komin inn á fæðingarstofu
og tuttugu mínútum seinna var
litla stúlkan komin í heiminn.
Fæðingin hafði verið sett á 1.
janúar þannig að litla stúlkan var
mjög stundvís. „Bróðir hennar
var það líka,“ segir Hreiðar.
„Hann er mjög stoltur af viðbót-
inni.“
Þegar Ragnar Bjarni fæddist
tók fæðingin þrjátíu klukku-
stundir og var mjög erfið þannig
að Hreiðar segir að þau hjónin
hafi reiknað með að fæðing litlu
stúlkunnar yrði erfiðari en hún
síðan reyndist. „Sólveig leit ekki
út fyrir að hafa verið í barns-
burði. Hún leit út eins og hún
væri að fara á ball. Og sú stutta
var slétt og falleg,“ segir hann.
Sólveig og Hreiðar voru „búin
að kíkja aðeins í pakkann“ og
vissu því nokkurn veginn fyrir
víst að von var á lítilli stúlku.
Hreiðar segir að mæðgunum
heilsist vel. Litla daman sofi og
hafi það gott, láti sér umstangið
fátt um finnast. Bjarni Ragnar og
hundurinn Mosi eru hins vegar
spenntir og áhugasamir um nýja
fjölskyldumeðliminn.
Fæðingarárið fór hægt af stað
alls staðar nema á höfuðborgar-
svæðinu í gær og fyrrinótt. Fyrir
utan Sólveigar- og Hreiðarsbarn
fæddist annað barn á LSH á
nýársnótt. Þá fæddist stór og
myndarleg stelpa rétt undir
morgun á nýársdag á Selfossi. Á
Selfossi voru fæðingar óvenju-
margar í fyrra, samtals 177 en
voru 152 árið 2006. Síðasta sólar-
hring ársins varð sprengja í
barnsfæðingum á Selfossi en þá
fæddust þrjú börn. ghs@frettabladid.is
Biðu stúlkubarnsins
yfir Áramótaskaupinu
Fyrsta barn ársins 2008 er Mosfellingur sem fæddist í Hreiðrinu á LSH rétt eftir
klukkan eitt á nýársnótt, annað barn foreldra sinna, Sólveigar Ragnarsdóttur
og Hreiðars Stefánssonar. Litla stúlkan er „slétt og falleg“, að sögn föðurins.
FYRSTA BARN ÁRSINS Fyrsta barn ársins 2008, lítil stúlka í faðmi foreldra sinna,
Hreiðars Stefánssonar og Sólveigar Ragnarsdóttur, í Mosfellsbænum. Hún á sjö ára
stoltan bróður, Ragnar Bjarna. FRÉTTABLAÐIÐ/DANÍEL
Ræninginn ófundinn
Maðurinn sem rændi verslun 11-11 á
Grensásvegi á laugardagskvöld er enn
ófundinn. Maðurinn réðst grímu-
klæddur inn í verslunina og ógnaði
fimmtán ára afgreiðslustúlku með
stórum veiðihnífi. Hann komst undan
með um tíu þúsund krónur.
LÖGREGLUFRÉTTIR
LÖGREGLUMÁL Lögreglan í Borgar-
nesi ók eldsnemma í gærmorgun
fram á stúlku um tvítugt á gangi
meðfram þjóðveginum sunnan við
Borgarfjarðarbrúna. Slydda og
drulla var á veginum, veður
slæmt og skyggni lítið, og stúlkan
ekki klædd til útivistar.
Hún var ofurölvi, brást afar illa
við afskiptum lögreglu, æpti og
barðist um og endaði að lokum í
fangaklefa í Borgarnesi.
Lögregla fékk aldrei skýringu á
ferðum stúlkunnar því að eftir að
hafa sofið úr sér áfengisvímuna
rauk hún rakleiðis út af lögreglu-
stöðinni án þess að yrða á
nokkurn, að sögn varðstjóra. - sh
Stúlka ósátt við lögregluna:
Ráfaði ofurölvi
eftir veginum
BRUNI Tveggja hæða einbýlishús
stórskemmdist í eldsvoða við
Kirkjustíg á Eskifirði í fyrrinótt.
Enginn var í húsinu þegar
eldurinn kom upp og eldsupptök
eru ókunn.
Slökkvilið Fjarðabyggðar var
kallað út um klukkan hálf tólf á
gamlárskvöld. Eldurinn breiddist
hratt út og var húsið nær alelda
þegar slökkvilið kom á vettvang.
Slökkvistarf tók um tvær
klukkustundir.
Miklar skemmdir urðu í
eldinum og er nær allt ónýtt
innanstokks. Að sögn varðstjóra
slökkviliðs er ólíklegt að húsið
verði byggt upp að nýju. - sh
Bruni á Eskifirði á nýársnótt:
Mannlaust hús
eyðilagðist í eldi
VIÐSKIPTI Stjórnendur Eimskipa-
félagsins seldu á gamlársdag
allan flugtengdan rekstur frá
félaginu. Var um að ræða 49 pró-
sent í félaginu Northern Light
Leasing og söluverðið 22 milljón-
ir evra eða um tveir milljarðar
króna. Með sölunni er búið að
skilja að fullu að flutningastarf-
semi skipafélagsins og flug-
rekstrarfélagið, sem hét áður
Avion Group.
Félögin tvö sameinuðust í byrj-
un sumars 2005 undir stjórn
Magnúsar Þorsteinssonar, sem
hafði efnast með Björgólfsfeðg-
um. Magnús, sem á um þriðjung í
Eimskipafélaginu, lét af störfum
sem stjórnarformaður fyrir ára-
mót. Samkvæmt heimildum
Fréttablaðsins er búist við að
hann minnki við eignarhlut sinn í
félaginu í kjölfarið.
Northern Lights Leasing er
eignarhaldsfélag um flugflota
Air Atlanta sem samanstendur
af þrettán breiðþotum. Tólf af
vélunum eru fraktvélar.
Í fréttatilkynningu frá Eim-
skipi segir að nú verði einblínt á
meginstarfsemi félagsins, sem
eru flutningar og rekstur á kæli-
og frystigeymslum. Félagið hafi
nú 13 prósenta markaðshlutdeild
á heimsvísu á þessu sviði.
- bg
Sameining Avion Group og Eimskips gengin til baka:
Eimskip hættir í flugrekstri
LÖGREGLUMÁL Töluverður erill var
hjá lögreglunni á höfuðborgar-
svæðinu á gamlárskvöld og nýárs-
nótt en ekkert alvarlegt mál kom
þó upp, að sögn varðstjóra. Mikið
var um ölvun og lögregla var köll-
uð til vegna minniháttar pústra
hér og þar um borgina.
Hnífum var beitt í tveimur
líkamsárásarmálum. Einn hlaut
skeinu á hálsi eftir að lagt var til
hans með hnífi og annar var stung-
inn í lærið af fjölskyldumeðlim.
Hvorugur meiddist alvarlega.
Slökkviliðið fór í tvö útköll í
fyrrinótt. Í Garðabæ kviknaði í
vörubrettastæði og leikur grunur
á að eldur hafi verið borinn að
stæðunni. Litlu munaði að eldur-
inn læsti sig í nálægt hús en
slökkviliði tókst að slökkva eldinn
áður en tjón hlaust af. Þá varð
töluverðs reyks vart í bílageymslu
í Árbæ. Þar var lítill eldur en eitt-
hvað tjón af völdum sóts.
Sex manns voru teknir fyrir
ölvunarakstur. Það er minna en að
jafnaði um helgar, og segir varð-
stjóri það helst helgast af því að
lögreglumenn hafi verið upptekn-
ir í öðrum verkefnum.
Sex leituðu á slysadeild með
meiðsl eftir flugelda, enginn alvar-
lega slasaður.
Afar rólegt var hjá lögreglunni
á Akureyri. Slökkvilið var þó kall-
að til vegna nokkurra sinubruna í
morgunsárið. - sh
Töluverður erill var hjá lögreglu á nýársnótt þótt ekkert alvarlegt hafi komið upp:
Lagt til tveggja með hnífum
Tvær heimafæðingar áttu sér stað á
höfuðborgarsvæðinu í fyrrinótt, eitt
í Garðabæ og annað í Mosfellsbæn-
um. Anna Eðvaldsdóttir ljósmóðir,
sem tók á móti barni í heimahúsi í
Garðabænum, segir að heimafæð-
ingar hafi því verið óvenjumargar
á nýársnótt. Heimafæðingar eru
töluvert algengar á Íslandi. Árið
2006 fæddist 71 barn heima og
Anna segir að yfir sextíu börn hafi
fæðst heima í fyrra. Alls fæðast um
4.000 börn á Íslandi á ári. Eitt og
hálft prósent fæðinga eiga sér því
stað í heimahúsi og búist er við tíu
slíkum fæðingum í janúar.
TVÖ BÖRN FÆDDUST HEIMA
LÖGREGLA AÐ STÖRFUM Sex voru teknir
ölvaðir undir stýri á nýársnótt.
VEL AÐ VERKI STAÐIÐ Luca Lúkas Kostic
og Ólafur Ragnar Grímsson forseti að
athöfn lokinni í Alþjóðahúsi.
LEIÐIR SKILJA Tilkynnt var um samruna
Avion Group og Eimskips í maí 2005.
Nú hafa leiðir Baldurs Guðnasonar, for-
stjóra Eimskips, og Magnúsar Þorsteins-
sonar skilið. FRÉTTABLAÐIÐ/HARI
Siggi, bauðstu upp á vatnselg
um áramótin?
„Nei, en ég bauð upp á tvöfaldan
hraglanda á ís og storm í vatnsglasi.“
Sigurður Þ. Ragnarsson veðurfræðingur,
oft kenndur við storm, spáði rétt fyrir um
miður skemmtilegt áramótaveðrið.
SLÖKKVILIÐIÐ Brennur voru
haldnar á höfuðborgarsvæðinu
klukkan sex í gærkvöld fyrir utan
brennurnar á Seltjarnarnesi og í
Hafnarfirði. Kveikt verður í þeim
síðarnefndu á þrettándanum
næstkomandi föstudag. Þetta var
ákveðið á fundi slökkviliðs,
lögreglu og brennustjóra með
veðurstofustjóra í gærmorgun.
Jón Viðar Matthíasson,
slökkviliðsstjóri höfuðborgar-
svæðisins, sagði í gærkvöld að
sótt hefði verið um leyfi til að
kveikja í sautján brennum á
höfuðborgarsvæðinu á gamlárs-
kvöld. Strax á gamlársdag hefði
verið ákveðið að fresta tveimur
þeirra fram á þrettándann og því
hefði verið ákveðið að kveikja í
fimmtán brennum í gærkvöld.
„Ég fór sjálfur á brennu og sá
að brennusóknin var mjög góð.
Það var ánægjulegt að fólk mætti
vel,“ sagði Jón Viðar. - ghs
Viðraði vel á nýársdag:
Kveikt í fimmt-
án brennum
VIÐ ÆGISÍÐU Fjölmennt var á brenn-
unni við Ægisíðu um kvöldmatarleytið í
gærkvöld.
FLUGELDASALA Flugeldasala var
lítilsháttar minni fyrir áramótin
en á sama tíma fyrir ári, að sögn
flugeldasala. Salan var léleg 30.
desember en óvenjugóð 31.
desember. Ástæðan fyrir
samdrætti í flugeldasölu er fyrst
og fremst talin slæmt veður og
léleg veðurspá. „Það var heldur
minni sala út af veðurspánni,“
segir Einar Ólafsson, fram-
kvæmdastjóri Alvöru gæða-
flugelda.
Kristinn Ólafsson, fram-
kvæmdastjóri Landsbjargar,
segir að svipað magn af flugeld-
um hafi selst um þessi áramót og
í fyrra en kveðst hafa grun um að
samdráttur hafi verið á markaðn-
um í heild sinni. „Staðan var
ekkert góð 30. desember en það
rættist vel úr 31. Ég hef aldrei
upplifað jafnmikla sölu og þá,“
segir hann. - ghs
Flugeldasala um áramót:
Lítilsháttar
samdráttur
MINNI SALA Flugeldasalan var lítilsháttar
minni fyrir áramótin að þessu sinni,
fyrst og fremst vegna veðurs, að talið er.
Myndin tengist fréttinni ekki beint.
SPURNING DAGSINS