Fréttablaðið - 03.01.2008, Blaðsíða 36
28 3. janúar 2008 FIMMTUDAGUR
J.R.R. TOLKIEN RITHÖFUNDUR
VAR FÆDDUR ÞENNAN DAG ÁRIÐ 1892.
„Verkinu sem aldrei er byrjað á
gengur verst að ljúka.“
John Ronald Reuel Tolkien var
breskur rithöfundur og fræðimaður,
þekktastur fyrir skáldsögur sínar The
Lord of the Rings og The Hobbit, eða
Hringadróttinssögu og Hobbitann
eins og þær nefnast á íslensku.
Nýtt blað kom út í Reykjavík í fyrsta sinn þennan dag
árið 1903. Það hét Landvörn og var gefið út af Land-
varnarflokknum sem stofnaður hafði verið í ágúst
árið áður. Einn af forvígismönnum flokksins var Einar
Gunnarsson, tæplega þrítugur maður sem starfaði
hjá landshöfðingjanum. Einar var gerður að ábyrgðar-
manni hins nýja blaðs og með honum í ritnefnd sátu
ekki minni menn en skáldið Einar Benediktsson og
Benedikt Sveinsson yngri.
Með þessu hófst farsæll ferill Einars Gunnarssonar
sem blaðamanns og ritstjóra. Blaðið Landvörn átti sér
þó ekki langa lífdaga en í framhaldi af útgáfu þess gaf
Einar út litla vasabók sem hét Handbók fyrir hvern
mann. Einnig ritstýrði hann barnablaðinu Unga Íslandi
sem var gefið út í 5000 eintökum um tíma.
Lengst verður Einars samt minnst fyrir að hrinda út-
gáfu Vísis af stokkunum 14. desember 1910 því með
honum hófst samfelld dagblaðaútgáfa á Íslandi.
Heimild/Nýjustu fréttir/Guðjón Friðriksson.
ÞETTA GERÐIST 3. JANÚAR 1903
Landvörn kemur út
MERKISATBURÐIR
1597 Heklugos á Íslandi hefst
og margir eldar eru uppi
samtímis.
1890 Hólmavík á Ströndum
verður löggiltur verslunar-
staður.
1925 Benito Mussolini leysir
upp þingið og lýsir yfir
flokksræði á Ítalíu.
1948 Þýskur togari bjargar fjög-
urra manna áhöfn ís-
lenska vélbátsins Bjargar
eftir átta daga hrakninga.
1959 Alaska verður 49. fylki
Bandaríkjanna.
1967 Jack Ruby, maðurinn sem
skaut Lee Harvey Oswald,
deyr á sjúkrahúsi í Dallas.
1990 Íslandsbanki hinn síðari
hefur starfsemi sína.
2000 Sjónvarpsþátturinn Kast-
ljós hefur göngu sína í
sjónvarpinu.
Country Hótel Anna á Moldnúpi undir
Eyjafjöllum hlaut umhverfisverðlaun
Ferðamálastofu 2007 rétt fyrir ára-
mótin. Eigendur þess eru Eyja Þóra
Einarsdóttir og Jóhann Frímannsson.
Hótel Anna er minnsta þriggja stjörnu
hótel landsins og ber nafn Önnu Jóns-
dóttur sem var verkakona, vefari og
rithöfundur. Hún ólst upp á Moldnúpi
og kenndi sig ávallt við bæinn. „Anna
á Moldnúpi var afasystir mín. Hún
var heilmikil ferðakona, fór víða um
veröldina og skrifaði um það bækur.
Ein þekktasta sagan hennar nefn-
ist Fjósakona fer út í heim,“ upplýs-
ir Eyja Þóra sem einnig á sínar rætur
á Moldnúpi.
„Ég óst hér upp en fór í burtu og kom
aftur löngu síðar,“ segir Eyja Þóra.
„Við fluttum hingað 1993 frá Reykja-
vík. Tókum við búi þá og vorum bænd-
ur í 10-11 ár. Svo var gamla húsið hér
tómt og við þurftum að velja um hvort
við vildum rústa því eða gera það upp
og við ákváðum að gera úr því hótel
sem var opnað í byrjun júlí árið 2002.
Svo þurftum við á ákveðnum tíma-
punkti að velja á milli hefðbundins
búskapar og ferðaþjónustunnar svo
við seldum kýrnar og snerum okkur
alfarið að ferðaþjónustunni.“
Húsið sem hótelið er í er byggt 1927.
Í því eru fimm tveggja manna her-
bergi og það er talið minnsta þriggja
stjörnu hótel á landinu. Eyja Þóra
viðurkennir að það sé lítið en segir
veitingasalinn styrka stoð í rekstr-
inum. „Við tökum oft á móti hópum í
hádegismat sem bara koma og fara.
Svo erum við með sumarstarfsemi í
farfuglaheimilinu í Skógum þannig að
þetta tvinnast saman,“ lýsir hún.
Hóteleigendur Önnu á Moldnúpi
reyna að búa að sínu. Þeir fá rafmagn
úr heimarafstöð við svokallaðan Foss-
læk, ásamt tveimur nágrannabæjum
og reka hitaveitu með nágrönnum.
Árið 2006 fékk hótelið vottun Green
Globe 21 á umhverfisstefnu sinni.
Innréttingar og húsgögn eru í stíl við
aldur hússins og hráefni í veiting-
um tekur mið af hefðum úr sveitinni.
Áhersla er líka á að veita persónulega
þjónustu og skapa þægilegt umhverfi
fyrir gesti. Fræðsla um sögu og menn-
ingu er í hávegum höfð og minningu
Önnu á Moldnúpi haldið á lofti.
Eyja Þóra og Jóhann taka einn-
ig þátt í að græða upp Ásólfsskála-
heiði og Eyja Þóra leiðir samstarf
sveitarfélaga í Rangárvalla- og Vest-
ur-Skaftafellssýslu ásamt Skaftafells-
þjóðgarði um að gerast vottað samfé-
lag samkvæmt stöðlum Green Globe
21. „Við viljum skila umhverfinu í enn
betra ástandi en við tókum við því,“
segir hún að lokum. gun@frettabladid.is
COUNTRY HÓTEL ANNA HLAUT UMHVERFISVERÐLAUN FERÐAMÁLASTOFU
Heiðra minningu fjósakonu
HÓTEL ANNA
UMHVERFISVERÐLAUN VEITT. Eyja Þóra og Jóhann á Moldnúpi ásamt Magnúsi Oddssyni ferðamálastjóra og Vali Hilmarssyni, umhverfisfulltrúa
Ferðamálastofu.
timamot@frettabladid.is RITSTJÓRINN Einar Gunnarsson.
Ástkær móðir okkar, tengdamóðir, amma
og langamma,
Halldóra F. Þorvaldsdóttir
Dvalarheimilinu Hlévangi, Keflavík,
áður til heimilis Landakoti, Sandgerði,
andaðist sunnudaginn 30. desember síðastliðinn.
Útförin fer fram frá Hvalsneskirkju föstudaginn
4. janúar kl. 15.00.
Hrefna Magnúsdóttir Viðar Markússon
Sigríður Á. Árnadóttir
Þorvaldur Árnason Auður Harðardóttir
Magnea Árnadóttir
Katrín H. Árnadóttir Helgi Laxdal
barnabörn og langömmubörn.
Elskuleg eiginkona mín, móðir, tengda-
móðir og amma,
Jónína Friðbjörg
Tómasdóttir
frá Auðsholti, Dalbraut 25, Reykjavík,
lést að morgni aðfangadags á heimili sínu. Hún verður
jarðsungin frá Víðistaðakirkju í Hafnarfirði föstudag-
inn 4. janúar kl. 13.00.
Stefán Jón Steinþórsson
Steinþór Stefánsson Hildur Pétursdóttir
Friðberg Stefánsson Áslaug Birna Ólafsdóttir
og barnabörnin
Þórdís, Atli, Hrannar og Andrea.
Þökkum auðsýnda samúð og vinarhug við
andlát og jarðarför konu minnar, móður,
tengdamóður, ömmu, langömmu og langa-
langömmu,
Guðríðar Þórðardóttur
Heiðargerði 17, Vogum, Vatnsleysuströnd.
Sérstakar þakkir færum við heimahjúkrunarfræð-
ingum, læknum og starfsfólki Heilbrigðisstofnunar
Suðurnesja, fyrir einstaka umönnun og umhyggju.
Guðmundur Í. Ágústsson
börn og fjölskyldur þeirra.
Elskuleg eiginkona mín, móðir okkar,
tengdamóðir, amma og langamma,
Sigrún Einarsdóttir
frá Borg, Tunguvegi 4, Njarðvík,
lést á Heilbrigðisstofnun Suðurnesja 28. desember.
Jarðarförin fer fram frá Ytri-Njarðvíkurkirkju
föstudaginn 11. janúar kl. 14.00.
Friðrik Pétur Valdimarsson
Ólafía Sigríður Friðriksdóttir Birgir Vilhjálmsson
Þórunn Friðriksdóttir Ragnar Halldórsson
Oddbjörg Friðriksdóttir Erlendur Borgþórsson
Anna Hulda Friðriksdóttir Árni Eiðsson
Sigrún Alda Jensdóttir Snorri Snorrason
Hafdís Friðriksdóttir Árni Hjaltason
ömmu- og langömmubörn.