Fréttablaðið - 04.01.2008, Blaðsíða 2
2 4. janúar 2008 FÖSTUDAGUR
Valur, hefur þú ekki hundsvit
á list?
„Jú, ég væri sjálfur alveg til í að
skreyta húsið hjá Sham1 með
fallegri list en honum tekst að
skapa. Ef hann vantar aðstoð við
að skreyta heimili sitt getur hann
því hóað í mig, hann ætti jú að vita
hvar ég á heima.“
Valur Grettisson, íbúi á Þórsgötu í Reykja-
vík, er einn af þeim fjölmörgu sem hafa
orðið fyrir barðinu á veggjakroti.
Grunaðir um hryðjuverk
Dómstóll í Amsterdam úrskurðaði
í gær þrjá menn í gæsluvarðhald í
þrjár vikur vegna gruns um að þeir
hafi verið að undirbúa sprengjutil-
ræði. Mennirnir voru handteknir af
hryðjuverkavarna-sérsveit lögreglu
í Rotterdam á gamlárskvöld, eftir
upplýsingar frá hollensku leyni-
þjónustunni.
HOLLAND
HEILBRIGÐISMÁL Reykherbergjum
á öldrunarsviði á Landakoti og á
endurhæfingarsviði á Grensási
hefur verið lokað
og í desember var
reykherbergi á
sjúkrahótelinu
lokað.
„Þetta er liður í
því að Landspítali
sé reyklaust
sjúkrahús,“ segir á
heimasíðu
Landspítalans,
sem kveðst hjálpa
fólki til reykleysis
á meðan það
dvelur þar. Einnig
segir að reykherbergjum
sjúklinga á spítalanum í Fossvogi
og á bráðadeildum við Hring-
braut hafi verið lokað í ágúst. Þá
er sagt að á geðsviði sé sjúkling-
um hjálpað til reykleysis.
- gar
Enn þrengt að reykingafólki:
Reykherbergi
aldraðra lokað
MAGNÚS
PÉTURSSON
Forstjóri Land-
spítalans.
FRÉTTABLAÐIÐ/PJETUR
Pilturinn sem fannst látinn við
smábátahöfn Snarfara í
Elliðavogi á miðvikudagskvöld
hét Jakob Hrafn Höskuldsson.
Hann var
nítján ára
gamall og var
til heimilis að
Bröndukvísl
14 í Reykja-
vík.
Hátt í þrjú
hundruð
björgunar-
sveitarmenn
tóku þátt í
umfangsmik-
illi leit að piltinum, en tilkynnt
var um hvarf hans síðdegis á
þriðjudag. Þá hafði hann ekki
sést síðan snemma að morgni
nýársdags, skammt frá
skemmtistaðnum Broadway í
Ármúla. Talið er að hann hafi
ætlað að ganga til síns heima í
Ártúnsholti.
Samkvæmt upplýsingum frá
lögreglunni er rannsókn
málsins lokið.
Fannst látinn
í Elliðavogi
JAKOB HRAFN
HÖSKULDSSON
STJÓRNSÝSLA Sameinað ráðuneyti
sjávarútvegs og landbúnaðar fékk
nýja kennitölu í gær, þremur
dögum eftir að það tók formlega
til starfa.
„Ég held að það hafi ekkert
gleymst, en það var kannski hugað
að þessu aðeins of seint til að þetta
væri tilbúið fyrir áramótin,“ segir
Sigurgeir Þorgeirsson, ráðuneytis-
stjóri sameinaðs ráðuneytis.
Sigurgeir segir þetta síður en
svo hafa komið að sök, og engin
áhrif hafa haft á starfsemina.
Bæði ráðuneytin hafi haft
kennitölur og raunar hafi önnur
þeirra haldið sér fyrir sameinað
ráðuneyti. - bj
Sameinað ráðuneyti seint til:
Misfórst að fá
nýja kennitölu
NEYTENDUR Bensínverð náði í gær
sögulegu hámarki á Íslandi með
því að N1 hækkaði verðið á 95
oktana bensíni
í sjálfsaf-
greiðslu upp í
134,40 krónur.
Verðið var áður
133,90. N1
hækkaði einnig
verðið á
dísilolíu um
fimmtíu aura
og er það nú á
136,40 krónur.
Að sögn
Ríkissjón-
varpsins boðar
Skeljungur jafnvel enn meiri
hækkun en þetta í dag og hin
félögin íhuga stöðuna. Í gær var
sjálfsafgreiðsluverð hjá bæði Olís
og Skeljungi á 95 oktana bensíni
132,90 krónur. Verð á dísilolíu var
136,40 krónur. Hjá Atlantsolíu var
sambærilegt verð fyrir bensín
131,30 krónur og 134,80 krónur
fyrir dísil. - gar
Hækkandi olíuverð:
Verð á bensíni
aldrei hærra
N1 Metverð á bensíni
kynnt í gær.
FRÉTTABLAÐIÐ/VILHELM
DÓMSMÁL Stefán Einar Matthíasson æðaskurð-
læknir fer fram á 150 milljónir króna í skaðabæt-
ur vegna ólöglegrar áminningar sem stjórn
Landspítalans veitti honum 31. október 2005. Í
kjölfar áminningarinnar var Stefáni sagt upp
störfum sem yfirlæknir á æðaskurðdeild.
Einkamál Stefáns Einars gegn íslenska ríkinu
er tekið fyrir í Héraðsdómi Reykjavíkur í dag.
Stjórnendur Landspítalans höfðu deilt við
Stefán í meira en tvö ár um hvort það væri
heppilegt að hann ræki og starfaði á einkarekinni
læknastofu, Lækningu, meðfram störfum sínum
sem yfirlæknir á æðaskurðdeildinni.
Stefán taldi áminninguna hafa verið ólöglega og
fór með málið fyrir dómstóla.
Héraðsdómur komst að því að áminningin hefði
verið ólögleg þar sem ekki hefðu verið uppfyllt
skilyrði sem nauðsynlega þurfi að vera fyrir
hendi áður en starfsmenn eru áminntir. Í því
samhengi var vitnað til minnisblaðs frá því í júlí
2002, þar sem fram kom að Stefán skyldi hætta
rekstri læknastofu sinnar að því tilskildu að
aðstæður til að sinna sambærilegum störfum
yrðu fyrir hendi.
Landspítalinn áfrýjaði ekki niðurstöðu héraðs-
dóms til Hæstaréttar. - mh
Einkamál fyrrverandi yfirlæknis Landspítalans gegn íslenska ríkinu tekið fyrir:
Krefst 150 milljóna frá ríkinu
LANDSPÍTALINN Áminning stjórnenda Landspítalans var
dæmd ólögleg 29. júní í fyrra. Stefán Einar ákvað þá að höfða
einkamál á hendur íslenska ríkinu í kjölfarið. FRÉTTABLAÐIÐ/STEFÁN
LÖGREGLUMÁL Ökumaður á
þrítugsaldri ók bíl sínum fram af
flugbrautinni í Vestmannaeyjum
aðfaranótt fimmtudags. Hann
slasaðist ekki en bíllinn skemmd-
ist mikið.
Að sögn lögreglu stalst
maðurinn inn á flugbrautina til að
prófa hraðakstur á bílnum sínum.
Ökuferðin fór ekki betur en svo
að hann náði ekki að stöðva bílinn
við enda brautarinnar, stakkst
fram af henni og valt niður
brekku.
Flugbrautin er lokuð fyrir alla
almenna bílaumferð, en hliðið inn
á brautina var opið. Ekki er ljóst
hver eftirköst málsins verða fyrir
ökumanninn. - sþs
Ætlaði að prófa bílinn sinn:
Á fljúgandi ferð
út af flugbraut
VERSLUN „Það er búið að vera alveg
sérlega mikið að gera í okkar versl-
unum í dag, sérstaklega í
Kringlunni,“ sagði Gunnar Ingi Sig-
urðsson, framkvæmdastjóri Hag-
kaupa, þegar hann var spurður um
aðsóknina á fyrsta degi vetrarút-
sölunnar. Svar hans kemur heim og
saman við þær upplýsingar sem
bárust frá skrifstofu Kringlunnar
en samkvæmt þeim höfðu um 25
þúsund manns komið í Kringluna
klukkan sjö í gærkvöldi.
„Við finnum ekkert fyrir neinum
bölmóð né niðursveiflu þó að nú sé
mikið talað um hana,“ segir Gunnar
Ingi. „Það er bara neysla í gangi,
mjög góður desember að baki og
fólk virðist eiga nóg eftir,“ bætir
hann við.
Í verslun Herragarðs í Smára-
lind var mikið að gera hjá Degi
Ingvasyni þegar blaðamaður leit-
aði til hans enda full búð.
Stefán Þorsteinsson, starfs maður
í Dressmann í Kringlunni, hafði
ekki í jafn mörgu að snúast þó að
dagurinn hefði verið annasamur.
„Það er svo sem búið að vera sæmi-
lega mikið að gera í dag en ekki
jafn mikið og þegar við hófum
útsöluna okkar 27. desember,“
sagði hann. „Hillurnar eru eigin-
lega að verða tómar hjá okkur. Við
bíðum bara í ofvæni eftir sendingu
sem á að koma í næstu viku.“ - jse
Mikið var að gera hjá kaupmönnum á fyrsta degi vetrarútsölunnar:
Kaupgleði og enginn bölmóður
VETRARÚTSALAN HAFIN Fólk heldur ekki
að sér höndum nú þegar vetrarútsal-
an er hafin jafnvel þó að landinn hafi
verslað vel í desember og tal viðskipta-
og stjórnmálamanna um niðursveiflu sé
hávært í fjölmiðlum. FRÉTTABLAÐIÐ/ANTON
Ók bíl inn um glugga
Stúlka ók bíl inn um glugga verslunar-
innar Bót.is á Eyrarvegi á Selfossi um
klukkan níu í gærkvöldi. Að sögn lög-
reglu varð slysið vegna óöryggis öku-
mannsins, sem var nýkominn með
bílpróf. Skemmdir urðu á bílnum og í
versluninni, en enginn slasaðist.
LÖGREGLUFRÉTTIR
LÖGREGLUMÁL Hannes Þ. Sigurðs-
son, landsliðsmaður í knattspyrnu,
var laminn ítrekað í andlitið og
skrokkinn á efri hæð Hverfisbars-
ins aðfaranótt 22. desember með
þeim afleiðingum að hann kjálka-
brotnaði og hlaut aðra minni
áverka í andliti. Samkvæmt vitn-
um sem Fréttablaðið náði tali af í
gær var árásin tilefnislaus og
hrottaleg. Skömmu áður en til
átaka kom hafði annar tveggja
manna, sem samkvæmt heimild-
um Fréttablaðsins hafa verið
kenndir við félagsskapinn Fazmo,
gengið hraustlega utan í Hannes.
Til stuttra orðaskipta kom milli
Hannesar og mannanna áður en
ráðist var á hann og lömdu menn-
irnir hann margsinnis í andlitið.
Félagar mannanna tveggja stóðu
hjá eins og verðir, að sögn vitna,
þegar Hannes var laminn og síðan
forðuðu þeir sér út.
Davíð Þór Viðarsson, knatt-
spyrnumaður og félagi Hannesar,
var með honum á staðnum mest-
allt kvöldið en hafði brugðið sér
stuttlega frá þegar ráðist var á Hannes. Davíð Þór staðfesti að
Hannes hefði orðið fyrir líkamsár-
ás milli klukkan tvö og þrjú aðfara-
nótt laugardagsins en vildi að öðru
leyti ekki tjá sig um málið.
Ófeigur Friðriksson, eigandi
Hverfisbarsins, hafði ekki upplýs-
ingar um að árásin hefði átt sér
stað innan veggja staðarins þegar
Fréttablaðið náði tali af honum í
gær. „En ef það kemur í ljós, að
þetta hafi gerst og það hafi verið
þekktir ofbeldismenn sem hafi
verið að verki, þá mun ég beita mér
fyrir því að lögreglan vinni betur
með okkur að þessum málum. Ég
hef þá skoðun að það sé hægt að
bæta samstarfið til þess að tryggja
öryggi gesta, en til þess þarf ein-
faldlega að útiloka ofbeldis mennina
frá skemmtistöðum borgar innar.
Og lögreglan verður að koma að
því með okkur.“
Þrátt fyrir ítrekaðar tilraunir
náðist ekki í Hannes í gær. Að
sögn Ingimars Haraldssonar,
fóstur föður Hannesar, ber hann
sig ágætlega þrátt fyrir árásina.
Samkvæmt frétt norska ríkis-
útvarpsins ætla hvorki Hannes né
lögmaður hans að tjá sig um málið
við fjölmiðla.
Lögreglan hefur málið til rann-
sóknar. magnush@frettabladid.is
Barinn margsinnis í
andlit og er brotinn
Ráðist var á Hannes Þ. Sigurðsson knattspyrnumann með þeim afleiðingum að
hann kjálkabrotnaði og hlaut aðra minni áverka. Samkvæmt upplýsingum frá
knattspyrnufélagi hans, Viking Stavanger, verður Hannes frá keppni í mánuð.
HVERFISBARINN Hannes var að
skemmta sér á Hverfisbarnum með
félögum sínum þegar hann var laminn
illa. FRÉTTBLAÐIÐ/GVA
HANNES Þ. SIGURÐSSON Var laminn illa og verður frá æfingum og keppni með liði
sínu Viking Stavanger í mánuð.
STJÓRNSÝSLA Árni Mathiesen, sem
réði Þorstein Davíðsson í embætti
héraðsdómara,
mun rökstyðja
ráðninguna
skriflega um
miðja næstu viku
og í síðasta lagi
fyrir vikulokin,
að sögn aðstoðar-
manns hans,
Böðvars Jónsson-
ar.
Tveir umsækjendur hafa farið
fram á þetta, en þeir voru meðal
þriggja hæfari umsækjenda, að
mati faglegrar nefndar. Talsmaður
Samfylkingarinnar hefur einnig
farið fram á rökstuðning.
Ráðningin hefur komist í
hámæli, enda er Þorsteinn sonur
Davíðs Oddssonar, fyrrverandi
formanns Árna úr Sjálfstæðis-
flokknum. - kóþ
Ráðning héraðsdómara:
Rökstuðningur
í næstu viku
ÁRNI MATHIESEN
SPURNING DAGSINS