Fréttablaðið - 04.01.2008, Blaðsíða 18

18 4. janúar 2008 FÖSTUDAGUR
taekni@frettabladid.is
Bloggsíða hefur verið opnuð á
léninu torrent.is, þar sem áður
mátti finna skráaskiptasíðuna
vinsælu. Nýi vefurinn ber
titilinn „Istorrent bloggið“, og
var settur upp „til að veita
almenningi tækifæri til þess
að fá fréttir beint í æð frá
Istorrent á meðan lögbann yfir
starfrækslu vefsins stendur
yfir“.
Í einu færslunni sem finna
má á bloggsíðunni segir meðal
annars að ekki sé verið að
óhlýðnast lögbanninu, sem
sýslumaðurinn í Hafnarfirði
setti á vefinn að beiðni Smáís,
enda sé notendum ekki gert
kleift að deila skrám sín á
milli.
Segjast ekki óhlýðnast:
Lögbannsblogg
á vef Istorrent
Vefurinn: All Music Guide
Fróðleiksbrunnur um tónlist af öllu tagi.
Upplýsingar um ótal hljómsveitir, lög, plötur,
tónlistarstefnur og ýmislegt fleira.
www.allmusic.com
TÆKNIHEIMURINN
Fjarskiptafyrirtæki á Ís-
landi auglýsa ótakmarkað
erlent niðurhal en í smáa
letrinu má finna ýmislegt.
Talsmenn fyrirtækjanna
segja afar fáa einstaklinga
fara yfir leyfileg mörk og
takmarkanir séu gerðar til
að vernda almenna notend-
ur.
„Við drögum úr hraða til að þetta
hafi ekki truflandi áhrif á þjónustu
annarra,“ segir Linda B. Waage,
upplýsingafulltrúi Símans, um tak-
markanir Símans á erlendu niður-
hali, en bæði Síminn og Vodafone
gera einhverja fyrirvara við ótak-
markað erlent niðurhal.
„Það er um takmarkaða auðlind
að ræða þannig að það geta ekki
allir verið að hlaða niður enda-
laust,“ segir Hrannar Pétursson,
forstöðumaður almannatengsla hjá
Vodafone. Hann tekur undir með
Lindu um ástæður takmarkanna og
segir þetta gert vegna þess að örfá-
ir aðilar skapi mikið álag á kerfið
og það trufli þjónustu við aðra.
„Þetta eru kannski fimmtán manns
hjá okkur,“ segir Hrannar.
Linda staðfestir að þeirra viðmið
séu 20 gígabæti. „Þetta eru bara
örfáir einstaklingar sem fá slíka
hægingu á niðurhalinu og það er í
takt við okkar skilmála.“ Í 14. grein
skilmála internetþjónustu Símans
segir að Síminn áskilji sér rétt til
að takmarka þjónustu til rétthafa
tengingar, sé hann uppvís að
síendurteknu og óhóflegu erlendu
niðurhali sem hafi áhrif á tenging-
ar annarra viðskiptavina.
Hrannar segir ótakmarkað niður-
hal byggja á sanngjarnri notenda-
þjónustu. „Í skilmálum okkar er
miðað við 80 gígabæti á mánuði
sem hámarksnotkun. Ef menn fara
út fyrir þau mörk sendum við þeim
bréf og óskum eftir að þeir haldi
sig innan þeirra marka sem skil-
greind eru í skilmálunum.“
Hrannar segir þau hjá Vodafone
ekki hægja á tengingum en ef menn
fari sér ekki hægar í niðurhalinu
eftir fyrsta bréfið sendi fyrirtækið
ítrekunarbréf. „Ef það gerist í
þriðja skipti á sex mánaða tímabili
að menn fara yfir 80 gígabæti þá
sendum við þeim þriðja bréfið og
riftum samningnum.“
Takmörkun niðurhals fyrirtækj-
anna á bara við erlent niðurhal en á
ekki við um niðurhal innanlands.
„Við hvetjum fólk til að kynna sér
skilmálana en það er svakalega
sjaldgæft að venjuleg manneskja
lendi í þessu,“ segir Linda.
olav@frettabladid.is
Niðurhalið alls ekki ótakmarkað
NIÐURHAL Þrátt fyrir að fjarskiptafyrirtæki
auglýsi ótakmarkað niðurhal eru
takmarkanir á því. Notendur geta lent í
að lokað sé á tengingar þeirra ef niðurhal
þeirra þóknast ekki fyrirtækjunum.
„Þessa dagana erum við aðallega að vinna í að
gera flugleitarvélina okkar betri fyrir almenn-
ing og vinna að ýmsum sérverkefnum fyrir
flug félög,“ segir Frosti Sigurjónsson, fram-
kvæmdastjóri Dohop. Fyrirtækið rekur leitarvél
á vefnum dohop.com sem finnur upplýsingar
um flug áætlanir og verð fjölmargra flugfélaga.
Notandinn slær einfaldlega inn brottfarar- og
áfangastað auk dagsetningar, og vélin leitar að
ódýrasta farinu.
„Þau eru 660 flugfélögin sem við leitum hjá í
dag, sem eru nánast öll flugfélög á netinu,“ segir
Frosti. „Leitin sjálf er mjög vandasöm, enda eru
um þrjátíu milljón brottfarir í leitarvélinni hjá
okkur á hverjum tíma. Það var flókið verkefni
að finna réttar lausnir á stuttum tíma en okkur
hefur tekist að finna hraðvirka lausn á þessu.“
Frosti segir Íslendinga duglega að nota
leitarvélina, en töluverður hluti umferðarinnar
komi samt frá útlöndum. „Það er erfitt og dýrt
að breiða út orðróminn um Dohop erlendis, en
þegar við komumst í fréttirnar eykst traffíkin. Til
dæmis var fjallað um okkur í breskum fjöl-
miðlum um daginn og stuttu síðar tvöfaldaðist
umferðin þaðan. Við lítum á leitarvélina sem
alþjóðlegt flugleitarkerfi sem á erindi til allra
þjóða.“
En hvaðan koma tekjurnar ef notendur borga
ekkert fyrir að leita með Dohop? „Hingað til
höfum við verið að afla tekna með auglýs-
ingum en upp á síðkastið hafa flugfélög haft
samband við okkur og óskað eftir því að
kaupa af okkur þjónustu,“ segir Frosti. „Þau
vilja hafa flugleitarvél á sínum eigin vefsíðum
og við hjálpum þeim að koma því í kring.“
Bloggari handtekinn
Fouah al-Farhan, þekktur bloggari í
Sádi-Arabíu, hefur verið handtek-
inn og situr nú í varðhaldi fyrir
skrif sín. Hann skrifaði á gagn-
rýninn hátt um ríkisstjórnina og
þjóðfélagsmál á bloggsíðu sinni,
www.alfarhan.org, sem er
ein sú mest lesna
í Sádi-Arabíu.
Samkvæmt
fréttavef New
York Times
hefur Farhan
verið beðinn að
skrifa undir afsök-
unarbeiðni, sem
hann neitar að gera.
Pláneta í fæðingu
Stjarnfræðingar hafa uppgötvað
plánetu sem enn er að myndast,
í fjarlægu sólkerfi. Þetta er í fyrsta
skipti sem vísindamenn sjá með
eigin augum hvernig pláneta verð-
ur til, og því gæti þessi uppgötvun
sagt mikið um það hvernig jörðin
og okkar eigið sólkerfi myndaðist.
Wikia-leitarvélin sýnd
Wikia, opin leitarvél sem svip-
ar til Wikipedia, verður opnuð
almenningi í fyrsta skipti næsta
mánudag. Hugmyndin er að
leyfa fólki að prófa tilraunaútgáfu
leitarvélar innar og gefa álit sitt á
henni. Wikia verður ólík leitar-
vélum á borð við Google að því
leyti að notendur sjálfir geta ráðið
því hvernig leitarniðurstöðum
er raðað með því að gefa síðum
einkunn. Google notar PageRank-
kerfið sem raðar síðum eftir fyrir-
fram ákveðnu reikniriti, og hafa
notendur sjálfir engin áhrif á það.
Halda loftsteinaskrá
Vísindamenn bandarísku geim-
ferðastofnunarinnar, NASA, vonast
til að vera fyrir lok þessa árs búnir
að finna níutíu prósent þeirra loft-
steina sem gætu ógnað jörðinni.
Steinarnir eru um níu hundruð
talsins, og eru allt frá því að vera á
stærð við fjall niður í að vera einn
kílómetri í þvermál. Líkurnar á því
að einn þeirra lendi á jörðinni eru
þó afar litlar.
Efl ing-stéttarfélag vinnur fyrir þig
Nú lækka félagsgjöldin í frá og með 1. janúar 2008
TÆKNISPJALL: FROSTI SIGURJÓNSSON, FRAMKVÆMDASTJÓRI DOHOP
Flugleitarkerfi sem á erindi til allra þjóða