Fréttablaðið - 04.01.2008, Blaðsíða 36

BLS. 8 | sirkus | 4. JANÚAR 2008
F ram eftir aldri dreymdi Oddvar Hjartarson, ljósmyndara og make-
up artista, um að verða flugþjónn.
Vegir lífsins eru órannsakanlegir og líf
Oddvars varð allt öðruvísi en hann
dreymdi um á unglingsaldri. „Yfir-
borðskennda glossí flugþjónalífið
hafði einhvern veginn alltaf heillað
mig frá því ég man eftir mér. Ég skráði
mig á tungumálabraut í Kvennó og sá
fyrir mér að háloftalífið væri eitthvað
fyrir mig,“ segir Oddvar en á mennta-
skólaárunum fór listræni áhugi hans
að gera vart við sig. „Ég hafði alltaf
verið með tíur í myndmennt án þess
þó að það væri beint áhugamál hjá
mér. Í Kvennó fór ég að taka ljósmynd-
ir af vinkonum mínum eftir að hafa
málað þær og greitt en á þeim tíma
má segja að ég hafi virkilega farið að
rækta þá listrænu hæfileika sem
höfðu alltaf verið til staðar.“ Að loknu
stúdentsprófi hóf hann nám í hár-
greiðslu við Iðnskólann í Reykjavík.
Flugþjónadraumurinn var þó aldrei
langt undan og árið 1998 sótti Oddvar
um hjá flugfélaginu Atlanta. „Ég sendi
mjög flugþjónalega mynd af mér með
umsókninni sem ég er viss um að hafi
fleytt mér í viðtalið. Í viðtalinu ráð-
lagði inntökunefndin mér að halda
mig frekar við hárgreiðsluna þar sem
það væri miklu meiri framtíð í henni
en í háloftunum. Þetta var dálítið eins
og að vera staddur í setti hjá Tyru
Banks í American Next Top Model,
þar sem ég þurfti að svara spurning-
um eins og „Hvers vegna vilt þú vera
næsti flugþjónn?“ segir Oddvar og
hlær við upprifjunina. Eftir þetta fóru
að renna tvær grímur á hann og í
framhaldinu fór Oddvar að gera sér
grein fyrir því að skjannahvítt inni-
haldslaust bros og yfirborðskennt líf
ætti ekki við hann. „Flugþjónadraum-
urinn var á enda og ég hélt áfram í
hárgreiðslunni. Ég var á samningi hjá
Heiði Oddsdóttur á Hár Expó sem er
snillingur í faginu og kenndi mér
mikið.“ Listagyðjan togaði þó í Odd-
var og árið 2000 sótti hann um í fjöl-
tæknideild Listaháskóla Íslands og
komst inn, en mappan sem hann
sendi inn samanstóð af ljósmyndum
hans.
„Ég var mjög ánægður með námið í
LHÍ og það hefur nýst mér afar vel. Í
Listaháskólanum hélt ég áfram að
vinna með ljósmyndamiðilinn og
komst þar í kynni við Leif ljósmynd-
ara sem leiðbeindi mér mikið, en
hann sagði mér frá danska ljósmynda-
skólanum í Viborg sem ég sótti um
eftir að ég útskrifaðist frá LHÍ árið
2003.“ Námið í ljósmyndaskólanum í
Viborg er fjögur og hálft ár en Oddvar
mun útskrifast frá skólanum í ágúst á
þessu ári.
Hnakkaborgin Viborg
Oddvar hefur kunnað vel við sig í
Viborg en hún er staðsett á Jótlandi og
er skammt frá Álaborg. Hann segir að
borgin sé einhvers konar Kjalarnes
okkar Íslendinga.
„Íbúar borgarinnar eru þó aðeins
fleiri en á Kjalarnesi en þar búa um 60
þúsund íbúar, þar er hnakkamenn-
ingin allsráðandi án þess þó að ég hafi
nú verið að hösla þar mikið,“ upplýsir
Oddvar en Viborg er umkringd miklu
trjálendi og rómantík sem hentar
Oddvari vel.
„Ég fíla Danmörku mjög vel og kann
vel við Danina fyrir utan það að þeir
eiga það til að vera oft og tíðum mjög
latir,“ segir hann sem virðist ekki eins
og aðrir Íslendingar hafa farið var-
hluta af helsta lesti Dana, letinni.
„Þeir eru til í að ræða hlutina enda-
laust fram og til baka en láta síðan
ekki verða úr framkvæmdunum.
Námið sjálft í skólanum er afar viða-
mikið og fer í gegnum þá tæknilegu
þætti sem snerta ljósmyndun frá a-z.
Til að mynda lærum við að ljósmynda
hversdagsvörur eins og t.d klósett-
bursta og þurfum að láta hann líta út
eins og glamúr DIOR klósettbursta,“
segir Oddvar sem vill meina að hann
fái sín betur notið í verkefnum þar
sem listrænu frelsi er gefinn laus
taumur. Af verkum Oddvars að dæma
virðist hann þó vera jafnvígur á öllum
sviðum ljósmyndunar og sérstakur
stíll hans skilar sér til áhorfandans
hvort sem um er að ræða klósett-
bursta, andlitsmyndir eða tískuljós-
myndir. „Árið 2005 ákvað ég að bæta
við reynslu mína og menntun og
skráði mig á förðunarnámskeið hjá
EMM School of make up,“ segir hann
og viðurkennir að hafa notið sín afar
vel í náminu. En þess má geta að hann
hlaut hæstu einkunn að námskeiðinu
loknu. Hluti af ljósmyndanáminu er
samningur hjá atvinnuljósmyndara
en eftir að Oddvar hafði lokið förðun-
arnámskeiðinu fór hann á samning
hjá Ara Magg ljósmyndara. „Ég hætti
hjá Ara eftir þrjá mánuði sökum per-
sónulegra ástæðna og í kjölfarið fór ég
að vinna frílans sem sminka og hár-
greiðslumaður sem kenndi mér mjög
mörg fjölþætt vinnumynstur,“ segir
Oddvar en Oddvar hefur starfað sem
make-up artisti fyrir tískuþætti, tíma-
rit og auglýsingar bæði á Íslandi og
erlendis þar sem sköpunargáfa hans
og næmt auga hafa nýst honum vel.
„Ég hef sminkað fyrir dönsk ungl-
ingatískublöð og verið um leið klapp-
stýra fyrir óörugg módel,“ segir Odd-
var sem ber Dönunum söguna vel.
„Það er mjög svipað að vinna á Íslandi
og í Danmörku. Dönsku sminkurnar
eru þó ekki jafn uppfærðar og þær
íslensku, á Íslandi nota langflestir air-
brush á meðan dönsku sminkurnar
mæta með trúðasminkið á sett,“ segir
Oddvar en airbrush er ákveðin tækni
og vinnuaðferð sem þeir fremstu í fag-
inu nota. Farðanum er sprautað á
módelið og útkoman verður náttúru-
legri og jafnari áferð. Sirkus lék for-
vitni á að vita hvort Oddvar lumaði
ekki á einhverjum skemmtilegum
bransasögum. „Ég er náttúrlega
„queen of gossip“ og elska allt slúður,“
segir Oddvar sem vill þó lítið gefa upp.
„Ég hef nokkurn veginn séð rassinn á
öllum. Ég veit hverja þarf að sminka
extra mikið, hverjir eru með stjörnu-
stæla og hverjir ekki,“ bætir hann við
og glottir.
Stelpustrákur
Listsköpun Oddvars virðist ekki vera
bundin við nein afmörkuð svið heldur
ná listrænir hæfileikar hans vítt yfir.
„Ég hef alltaf haft mikla þörf fyrir
að tjá mig og tilfinningar mínar og hef
fengið útrás fyrir þær í gegnum list-
sköpunina,“ segir hann en verk Odd-
vars eru afar persónuleg enda segist
hann alltaf vera að vinna í sjálfum sér
og kynnast sínum innri manni. „Ég er
í stöðugri baráttu við að vinna gegn
fordómunum sem ég hef gagnvart
sjálfum mér,“ segir Oddvar en í barn-
æsku varð Oddvar fyrir alvarlegu ein-
elti sem hefur haft djúpstæð áhrif á
hann. „Ég held að einelti sé sterkur
skóli fyrir hvern þann sem lendir í því.
Það er mikið verk að vinna sig út úr
eineltinu en það getur verið gefandi
að kljást við það verkefni og krefst
mikillar sjálfskoðunar,“ segir hann og
vill meina að eineltið hafi líka haft
sínar jákvæðu afleiðingar í för með
sér. „Frá því ég var lítill strákur var ég
uppnefndur stelpustrákur eða hommi
sem var sagt í mjög niðrandi tón. Í
kringum tólf ára aldurinn fór ég að
gera mér grein fyrir því að ég væri
hommi en ég átti mjög erfitt með að
tengja eitthvað jákvætt við orðið út af
eineltinu. Enn í dag er ég að vinna í
því að hreinsa orðið hommi af öllu því
neikvæða sem ég tengdi það við í
barnsæsku,“ segir Oddvar en hommar
og samkynhneigð eru honum hugleik-
in í verkum hans en hann kom út úr
skápnum þegar hann var sextán ára.
„Þegar ég var í Listaháskólanum
stofnaði ég módelsamtökin Hommi,
þar sem ég var markvisst að vinna
með hreinsunina á orðinu hommi. Þú
þarft ekki að vera hommi til að ganga
í módelsamtökin eins og þú þarft ekki
að vera eskimói til að vera á skrá hjá
Eskimo Models. Með þessari hug-
mynd var ég að reyna að færa homma-
orðið í fallegan búning,“ bætir Oddvar
við.
Strákarnir hans Oddvars
Útskriftarverkefni Oddvars frá Lista-
háskólanum voru andlitsmyndir af 20
hommum sem Oddvar myndaði.
„Með verkinu langaði mig að sýna
homma og kafa aðeins dýpra í þeirra
fyrirmyndir. Ég lagði spurningalista
fyrir þá og spurði um venjulega hluti
eins og skóstærð og hæð og einnig
persónulegra spurninga,“ segir Odd-
ODDVAR HJARTARSON, LJÓSMYNDARI OG MYNDLISTARMAÐUR, HEFUR GETIÐ SÉR GOTT ORÐ Í TÍSKUHEIMINUM.
FYRIR JÓLIN KOM ÚT DAGATAL PÁLS ÓSKARS EN ODDVAR SÁ UM AÐ LJÓSMYNDA OG STÍLISERA MYNDIRNAR Í
DAGATALINU. BERGÞÓRA MAGNÚSDÓTTIR HITTI ODDVAR OG FÉKK AÐ SKYGGNAST INN Í LITSKRÚÐUGT LÍF HANS.
ODDVAR ÖRN HJARTARSON
SJÁLFSMYND ODDVARS Gunnar Helgi aðstoðaði hann við myndatökuna.
MORGUNMATURINN:
Hafragrautur.
EFTIRLÆTISMATURINN:
Pitsa og allir réttir frá veitingastaðn-
um Á grænni grein.
BORGIN:
New York.
SKEMMTUNIN:
Föndra.
LÍKAMSRÆKTIN:
Eróbikk.
ÁHUGAMÁL:
Mannasiðir, vangaveltur, sætir
strákar, slúður og ljósmyndun.
Í ÖLLUM LITUM REGNBOGANS