Fréttablaðið - 04.01.2008, Blaðsíða 42

4. JANÚAR 2008 FÖSTUDAGUR6 ● fréttablaðið ● heilsa og lífstíll
Dansrá› Íslands | Faglær›ir danskennarar Borgartún 6 | 105 Reykjavík | sími 553 6645 | fax 568 3545 | dans@danskoli.is | www.dansskoli.is
VI‹ BJÓ‹UM
UPP Í DANS
Innritun og
uppl‡singar
í síma 553 6645
e›a á dansskoli.is
Mambó
Tjútt
Freestyle
Break
Salsa
Brú›arvals
Barnadansar
Samkvæmisdansar
Sérnámskei› fyrir hópa
N‡justu tískudansarnir
Börn – Unglingar – Fullor›nir
Benedikta Jónsdóttir starfar hjá Manni lifandi þar sem hún ráðleggur fólki meðal
annars um mataræði og heilsusamlegt líferni. Hún segir gott að fasta reglulega til að
hreinsa líkamann. FRÉTTABLAÐIÐ/VÖLUNDUR
Margir byrja nýja árið á að
hreinsa líkamann eftir óhollt
mataræði í desembermán-
uði. Eitt ráð er að fasta, þá
eingöngu á vatni eða drekka
hreinsandi ávaxta- og græn-
metissafa. Að sögn Benediktu
Jónsdóttur, ráðgjafa hjá Manni
lifandi, eru slíkar föstur hreins-
andi bæði fyrir líkama og sál.
„Það er mjög gott að fasta öðru
hverju og til dæmis er talað um
föstur í Biblíunni en hvort sem
það er trúarlegt eða ekki þá snýst
þetta um að hreinsa líkamann,“
segir Benedikta Jónsdóttir, sem
starfar sem ráðgjafi á mataræði
og heilsusamlegt líferni hjá Manni
lifandi.
Benedikta segir reglulegar föst-
ur nauðsynlegar því maturinn
sem við borðum í dag sé mikið til
mengaður og aukaefnin safnist
upp í líkamanum.
„Það er hægt að taka tvenns
konar föstur, annars vegar vatns-
föstu og hins vegar safaföstu. Það
er ekki fyrir hvern sem er að fara
á vatnsföstuna því þær eru mjög
erfiðar og fólk verður að fara á
þær í samráði við heilsulækni.
Safaföstuna geta allir stundað og
þær hafa verið mjög vinsælar. Það
er best að fasta að minnsta kosti í
viku en það skilar sér allt þótt fólk
endist bara í nokkra daga. Sumir
eru duglegir og taka tvær og upp
í þrjár vikur,“ segir Benedikta og
útskýrir jafnframt að nota þurfi
góða safa við föstuna. Lífrænir og
kaldpressaðir safar án allra auka-
efna og sykurs séu allra bestir og í
Manni lifandi sé mikið úrval af líf-
rænum söfum.
„Svo geta þeir sem vilja búið
sjálfir til safana en það þarf þá
að passa að nota lífrænt ræktaða
ávexti og grænmeti því fastan
snýst um að losa líkamann við
aukaefni,“ bætir hún við.
Benedikta fastar sjálf þegar
hún hefur tíma. „Það er misjafnt
hvenær ég fasta eftir því hvað ég
er að gera. En ef ég hef tækifæri
til að vera heima í rólegheitum
nota ég það til að fasta og geri
þetta fyrst og fremst til að hreinsa
líkamann. Maður verður miklu
léttari á sér og hugurinn verður
skýrari þannig að þetta hefur bæði
andleg sem líkamleg áhrif,“ segir
Benedikta og bætir við að gott sé
að undirbúa líkamann fyrir föstuna
sérstaklega eftir mjög þungt fæði
eins og oft er borðað í desember.
„Hjá Íslendingum þarf allt
að gerast svo hratt og rækilega,
en það er ágætt að taka einn til
þrjá daga í undirbúning með því
að fara yfir í léttara fæði og þá
meira basískan mat til að halda
magasýrunum niðri. Slíkt er mjög
mikilvægt.“
Hægt er að flokka matvæli
eftir því hvaða áhrif þau hafa á
sýrustig magans og til að lækka
sýrustigið á að borða basískan
mat en sneyða hjá til dæmis
kaffi, og sígarettur hækka einn-
ig sýrustigið mikið. Benedikta
nefnir sítrónur og vatnsmelónur
efstar á listanum yfir mjög bas-
ískt fæði og svo koma þar á eftir
sellerí, döðlur og lime og eins er
gott að borða mangó og greip til
að lækka sýrustig magans.
„Það sem fólk á hins vegar
algjörlega að forðast er gervi-
sykurinn. Hann er algjört eitur
fyrir líkamann og setur maga-
sýrurnar upp úr öllu valdi
og til dæmis ætti aldrei að
gefa börnum svoleiðis,“ segir
Benedikta en hún verður með
fyrirlestur miðvikudaginn 16.
janúar kl. 19 í Manni lifandi í
Borgartúni 24, um hvernig beita
megi ýmsum aðferðum til að hafa
áhrif á daglegt líf til hins betra. - rt
Hreinsandi fyrir
bæði líkama og sál
Föstur af einhverju tagi eru stór
hluti trúarbragða heimsins og
fastar fólk ýmist til að aga hug-
ann, sýna spámönnum virðingu
eða til að minna sig á hversu gott
það hefur það.
Kristnir menn minnast þess
þegar Jesú fastaði í 40 daga í eyði-
mörkinni og nefnist sá tími langaf-
asta. Halda á sig frá kjöti þennan
tíma og íhuga þá atburði sem áttu
sér stað fyrir aftöku Jesú á föstu-
daginn langa. Með þannig mein-
lætalifnaði er verið að sýna þján-
ingum Krists virðingu. Á Íslandi
er pínu Jesú minnst með lestri
Passíusálmanna í Ríkisútvarpinu
en ekki almennt fastað á mat
þennan tíma.
Múslimar fasta í einn mánuð á
ári og nefnist sá mánuður rama-
dan. Á föstunni mega þeir hvorki
neyta matar né drykkjar, ekki
reykja né stunda kynlíf frá sól-
arupprás til sólarlags. Með föst-
unni vilja múslimar hreinsa bæði
líkama og sál, auka sjálfstjórn
og trúarhita og margir lesa Kór-
aninn yfir á föstunni. Múslimar
borða sérstaklega útbúinn mat á
föstunni, þá fyrir sólarupprás og
eftir sólarlag og þá er vinum oft
boðið til veislu.
Gyðingar fasta til að iðrast
og til að minnast hörmunga sem
dunið hafa á þjóðinni gegnum
aldirnar. Yom Kippur er heilag-
ur dagur í gyðingdómi og mjög
mikilvægt að fasta algerlega á
mat og drykk, líka vatn. Þenn-
an dag má ekki vinna, ekki bera
skartgripi eða andlitsfarða né
ganga í leðurskóm. Fólk klæðist
gjarnan hvítum kyrtlum yfir föt
sín og andrúmsloftið er alvarlegt
og einlægt.
Föstur eru hluti af hindúisma
og fastar fólk gjarnan einhverja
ákveðna daga í mánuðinum eða
ákveðna vikudaga og algengt
er að fasta á trúarlegum hátíð-
um. Misjafnt er hvort fastað er
algerlega á allan mat eða einungis
á ákveðnar tegundir matar en þó
er bannað að borða eða snerta
dýraafurðir svo sem kjöt eða egg,
meðan fastað er. Fastað er til að
aga sjálfan sig og skýra hugann
og koma á jafnvægi milli andans
og líkamans.
Heimildir: www.visindavefur.
hi.is og wikipedia.org - rt
Hverjir eru það sem fasta?
Múslimar fasta í einn mánuð á ári.