Fréttablaðið - 04.01.2008, Blaðsíða 52

4. JANÚAR 2008 FÖSTUDAGUR
Hreyfing heilsulind verður opnuð í nýju húsnæði
í Glæsibæ 7. janúar en þar verður lögð áhersla á
fullkominn búnað og fjölbreytt námskeið.
Um áramótin var Hreyfing heilsulind flutt í ný húsa-
kynni í Glæsibæ, eftir að hafa verið til húsa í Faxafeni
11 síðastliðin tíu ár. Nýja húsnæðið er 3.600 fermetra
stórt eða nógu stórt til að rúma fjölda manns án þess
að hlýlegt umhverfi glatist, að sögn framkvæmda-
stjórans Ágústu Johnson.
„Við vildum ekki hafa húsakynnin of stór, held-
ur gera þau sem notalegust til að stuðla að vellíðan
viðskiptavinanna. Enda eru þau hugsuð meira eins
og klúbbur en stöð. Við munum takmarka fjölda við-
skiptavina hverju sinni til að stuðla að því að ekki
myndist biðraðir í tækin,“ segir Ágústa og bætir við
að arkitekt húsnæðisins, Sigríður Sigþórsdóttur, sem
fékk verðlaun fyrir hönnun á Bláa lóninu, eigi hrós
skilið fyrir útkomuna.
Fyrir utan skemmtilega hönnun hefur allur tækja-
búnaður verið endurnýjaður í flutningunum, að sögn
Ágústu, en til marks um það verða öll þoltæki á staðn-
um útbúin sjónvarpsskjám með tengi fyrir i-Pod. Eins
hefur stundataflan verið stokkuð upp með ýmsum
nýjungum og aukinni áherslu á líkamlega og andlega
vellíðan, sem Ágústa segir almennt vera þróunina á
líkamsræktarstöðvum erlendis.
Í húsnæðinu er einnig að finna heilsulind, Blue La-
goon Spa, sem er sú fyrsta sinnar tegundar í heimin-
um þar sem allar meðferðir byggja á notkun Blue La-
goon húðvara. „Þetta er breyting frá því sem áður var,
þar sem meðferðirnar hafa hingað til eingöngu verið
fáanlegar í Bláa lóninu í Grindavík,“ útskýrir Ágústa.
„Ein meðferðin kallast razul, það er að segja leirböð,
þar sem húðvörur úr lóninu eru bornar á húðina í sér-
stökum gufuklefa og látnar liggja á henni í tuttugu
mínútur þar til sjálfvirkar sturtur skola þær af. Það á
að næra og yngja húðina.“
Ágústa nefnir til sögunnar aðra nýjung, sem er
upprunnin frá Þýskalandi og er að ryðja sér til rúms
í heiminum. Svokallaða fljótandi djúpslökun þar sem
fólk leggst í ker fullt af mettuðu saltvatni til að slaka
á. Á aðeins fimmtíu mínútum nær það fullkominni
slökun sem á að samsvara átta tíma svefni.
Þess utan státar stöðin af fimm meðferðarherbergj-
um: paraherbergi þar sem tveir geta verið saman í
nuddi, þremur tegundum af gufuklefum, það er blaut-
gufu, sauna og sanarium, sem er millistig hinna
tveggja, og tveimur heitum útipottum, staðsettum í
litlum garði, og einum innipotti, þar af einum fullum
af jarðsjó. Þá er óupptalin veitingaaðstaða sem Ág-
ústa segir líkjast raunverulegum veitingastað, sem
verður með fjölbreytt úrval af hollum og góðum rétt-
um. „Allt saman er þetta hluti af þeirri góðu þjónustu
sem verður í boði í nýopnaðri heilsulind Hreyfingar,“
segir hún að lokum
Nánari upplýsingar á www.hreyfing.is. - rve
Fjölbreytni höfð í fyrirúmi
Ágústa Johnson hefur flutt starfsemi Hreyfingar heilsulindar í nýtt húsnæði í Glæsibæ, þar sem gestir geta meðal annars sótt
fjölbreytt námskeið. FRÉTTABLAÐIÐ/ANTON
Áhersla er lögð á vinalegt andrúmsloft í Hreyfingu, sem er að
sögn Ágústu meira í líkingu við klúbb en stöð.
www.airfree.com • www.eirberg.is • 569 3100 • Stórhöfða 25
Airfree lofthreinsitækið
• Byggir á nýrri tækni sem eyðir
ryki, frjókornum og gæludýraflösu
• Eyðir ólykt, bakteríum, vírusum, myglu og öðrum örverum
• Er hljóðlaust og viðhaldsfrítt – tilvalið í svefnherbergið og á skrifstofuna
Betra
loft
betri
líðan