Fréttablaðið - 05.01.2008, Blaðsíða 18
5. janúar 2008 LAUGARDAGUR
G
uðni Albert Jóhannesson, nýskipaður
orkumálastjóri, er sagður vera
einstaklega iðinn og áhugasamur um
fræði sín. Hann hefur síðastliðin
þrettán ár veitt byggingartæknideild
Konunglega verkfræðiháskólans í Stokkhólmi
forstöðu. Frá árinu
1990 hafa hann og
fjölskylda hans
verið búsett í
Svíþjóð en hann
hyggur nú á
Íslandsdvöl til að
sinna verkefnum
Orkumálastofnunar,
næstu fimm árin að
minnsta kosti.
Guðni ólst upp á
Hverfisgötunni í
Reykjavík, næst-
yngstur fimm
systkina. Elsta
systirin, Sigríður
Jóhannesdóttir,
fyrrverandi
alþingismaður, segir
litla bróður sinn
hafa verið einstak-
lega ljúft barn.
„Hann var óvenju-
lega gott og
yndislegt barn. Alla
tíð man ég eftir
honum sem metnað-
arfullum náms-
manni. Hann var
duglegur að læra og
góður í öllu, nema
kannski skrift,“
segir Sigríður, sem
er átta árum eldri
en Guðni.
Guðni var líka
mikill sveitastrákur
og notaði hvert
tækifæri til að
dvelja á Karláks-
völlum í Dalasýslu.
Þar vann hann við
sveitastörf fram á
unglingsaldur þegar
önnur störf toguðu í
hann eins og gengur.
Eftir grunnskóla
hélt Guðni í
Menntaskóla
Reykjavíkur og sló
ekkert af í náminu
frekar en fyrri
daginn. Hann var
fljótt orðaður við
vinstri pólitíkina í
skólanum og fór svo
á endanum að hann
varð fulltrúi vinstri
manna í kjöri til
Inspector scholae
vorið 1970. Hann lét
því að sér kveða í
félagsmálum
samhliða námi.
Andstæðingur hans
í þá daga var Geir
H. Haarde, sem nú
er forsætisráðherra.
Fór svo að Guðni
tapaði eins og venja
var þegar hægri- og
vinstrimenn öttu
kappi í kosningum á
þessum árum í MR.
Á menntaskólaár-
unum kynntist
Guðni líka núver-
andi eiginkonu sinni,
Bryndísi Sverrisdóttur. Eftir stúdentspróf fór hann
í verkfræði í Háskóla Íslands og Bryndís lauk sínu
námi í MR. Árið 1973 héldu þau svo til Lundar í
Svíþjóð þar sem Guðni lagði stund á framhaldsnám
í eðlisverkfræði og svo fór hann í byggingareðlis-
fræði með sérstaka áherslu á orkusparnað.
Bryndís hins vegar stundaði nám í þjóðháttafræði
og fornleifafræði.
Mánuði áður en haldið var utan til Svíþjóðar
fæddist þeim lítil stúlka, Gunnhildur Margrét, sem
auðvitað fylgdi foreldrum sínum. Sumarið 1974
kvæntist svo Guðni Bryndísi á Íslandi þar sem
fjölskyldurnar bjuggu. Faðir Bryndísar er Sverrir
Hermannsson, fyrrverandi ráðherra Sjálfstæðis-
flokksins og formaður Frjálslynda flokksins.
„Hann er afskaplega viðmótsþýður drengur og
verkmaður mikill,“ segir Sverrir og sparar ekki
stóru orðin til að lýsa tengdasyni sínum. Verkefnin
sem hann sinni eigi hug hans allan enda leitað til
hans víða um heim. „Svo er hann líka áhugamaður
um laxveiði og hefur komið heim til að veiða.“
Spurður hvort veiðin sé hans áhugamál segir
Sverrir verkfræðina og orkumálin vera hans
áhugamál. „Hitt er tómstundagaman eingöngu.“
Árið 1978 bættist nýr fjölskyldumeðlimur í
hópinn þegar Sverrir Guðnason fæddist í heiminn.
Sverrir er vel þekktur leikari í Svíþjóð, bæði á
leiksviði og í bíómyndum. Gunnhildur leggur stund
á framhaldsnám í læknisfræði í Gautaborg með
háls-, nef- og eyrnalækningar sem sérgrein. Bæði
búa í Svíþjóð með
fjölskyldum sínum.
Guðni vann við
Háskólann í Lundi
til ársins 1982
þegar fjölskyldan
flutti á klakann.
Fyrst vann hann hjá
Rannsóknastofnun
byggingariðnaðar-
ins en stofnaði svo
sína eigin verk-
fræðistofu. Pólitísk
afskipti hófust á
þessum árum og
haslaði Guðni sér
völl innan Alþýðu-
bandalagsins. Var
hann í stjórn og
síðar formaður
Alþýðubandalagsfé-
lagsins í Reykjavík.
Samtíða honum þar
voru Álfheiður
Ingadóttir og
Mörður Árnason
sem dæmi. Nokkur
átök voru á milli
Svavars Gestssonar
og Ólafs Ragnars
Grímssonar á
þessum árum og
tók Guðni stöðu
með fólki sem
fylgdi áherslum
Ólafs Ragnars eftir.
Guðni tók þátt í
prófkjöri innan
Alþýðubandalags-
ins, sem gekk ekki
sem skyldi á
þessum árum.
Mörður Árnason
var virkur þátttak-
andi í starfi
Alþýðubandalags-
ins og segir að
Guðni hefði verið
gott efni í stjórn-
málamann. Líklega
hafi úrslit próf-
kjörsins haft
einhver áhrif á
hvað hann tók sér
endanlega fyrir
hendur. Hann hafi
haft val um að snúa
sér farsælum ferli
innan verkfræðinn-
ar. „Það var mjög
fínt að vinna með
Guðna. Hann var
frjór og traustir í
samstarfi og hefði
átt framtíð fyrir sér
í pólitík hefði hann
lagt það fyrir sig,“
segir Mörður.
Pólitískur ferill
Guðna endaði á því
að hann gaf kost á
sér á lista Alþýðu-
bandalagsins í
Reykjavík fyrir
alþingiskosningarn-
ar 1987. Skipaði
hann sjötta sæti
listans, sem Svavar
Gestsson leiddi.
Árið 1990 flutti svo fjölskyldan út til Svíþjóðar
aftur. Guðni hefur veitt Byggingartæknideild
Verkfræðiháskólans forstöðu síðastliðin þrettán ár
og borið ábyrgð á fjármögnun hennar og rekstri.
Hann hefur sem prófessor skipulagt og stjórnað
rannsóknum, bæði grundvallarrannsóknum og
hagnýtum, og tengt þær við atvinnulífið og
samfélagið. Hann hefur átt þátt í að stofna nokkur
sprotafyrirtæki á Íslandi og í Svíþjóð, starfað sem
stjórnandi og setið í stjórn nokkurra fyrirtækja.
Guðni er þekktur innan alþjóðasamfélagsins og
hefur haldið fjölda erinda á alþjóðlegum ráðstefn-
um á sviði orkumála.
Bryndís segir að þótt eiginmaður hennar hafi
alltaf verið mjög vinnusamur verji fjölskyldan
góðum tíma saman. Þau hafi til dæmis fyrr á árum
ferðast nokkrum sinnum um Evrópu á bíl og gist í
tjaldi. Þau hafi einnig farið á skíði og rennt fyrir
fisk. Sambandið við Ísland hafi alltaf verið mjög
sterkt og þau bæði komið reglulega til landsins.
Spurð hvort Guðni hafi rifist mikið við tengdaföð-
ur sinn um pólitík í fjölskylduboðum segir
Bryndís: „Nei, það urðu aldrei árekstrar þeirra á
milli. Þeir eru mjög góðir vinir.“
MAÐUR VIKUNNAR
Bauð sig fram til inspector
GUÐNI A. JÓHANNESSON
ÆVIÁGRIP
Guðni Albert Jóhannesson fædist 27. nóvember árið 1951. Hann
ólst upp á Hverfisgötunni í Reykjavík, næstyngstur fimm systkina.
Bryndísi Sverrisdóttur kynntist hann í MR og giftu þau sig árið
1974. Eiga þau tvö börn, Gunnhildi Margréti lækni sem fædd-
ist árið 1973 og Sverri leikara sem leit dagsins ljós árið 1978.
Eftir verkfræðinám í Háskóla Íslands stundaði Guðni nám við
Háskólann í Lundi. Var eðlisverkfræði helsta sérgrein hans og
síðar byggingareðlisfræði með áherslu á orkusparnað. Árið 1982
flutti fjölskyldan heim og bjó á Íslandi til 1990 þegar þau fluttu
aftur út til Svíþjóðar. Á Íslandi vann Guðni á Rannsóknastofnun
byggingariðnaðarins og stofnaði sína eigin verkfræðistofu. Hann
var formaður Alþýðubandalagsins í Reykjavík og var í sjötta sæti á
lista flokksins í Reykjavík fyrir alþingiskosningarnar 1987. Síðustu
þrettán árin hefur hann verið forstöðumaður byggingartækni-
deildar Konunglega verkfræðiháskólans í Stokkhólmi.
KOSTIR/LESTIR
Flestir eru sammála um að Guðni er mjög vinnusamur og áhuga-
samur um sérgrein sína. Hann er sagður frjór í hugsun og traustur
samstarfsmaður. Námsmaður var hann góður. Á yngri árum átti
hann það til að skrifa illa og einhverjir töldu það ókost að hann
fylgdi Alþýðubandalaginu að málum.
HVAÐ SEGJA AÐRIR?
„Hann var óvenjulega gott og yndislegt barn. Alla tíð man ég
eftir honum sem metnaðarfullum námsmanni,“ segir Sigríður
Jóhannesdóttir, systir Guðna og fyrrverandi þingmaður Alþýðu-
bandalagsins.
„Hann er afskaplega viðmótsþýður drengur og verkmaður mikill,“
segir Sverrir Hermannsson, tengdafaðir Guðna og fyrrverandi
ráðherra og formaður Frjálslynda flokksins.
Sveiflaðu þér í form!
Kennum samkvæmisdans fyrir alla
aldurshópa og tökum yngst fjögurra ára
Sérnámskeið í Salsa
Sérnámskeið í Hipp Hopp og Freestyle
Hipp hopp snillingurinn Erla kennir bestu taktana
Reykjavík – Mosfellsbær – Hveragerði
Fyrstu hóparnir byrja 08.janúar 2008. Innritun og
upplýsingar í síma 551-3129 frá 16:00 – 22:00 daglega
Gríðarleg reynsla
kennara eftir
sex námsferðir til
Kúbu
Bíl
ar
til
söl
u:
Bíl
ar
til
söl
u:
Toyota Land Cruiser 120 VX
Árgerð 2004, Ekinn 108 þ.km, Dísel, 2982 cc. slagrými, 163 hestöfl
Sjálfskipting, Breyttur 35” dekk, 8 manna, Ljósakastarar
Verð 4.790.000
Möguleg skipti á ódýrari
Jaguar Sovereign 3.2 Auto
Árgerð 1991, Bensín, Ekinn 140 þ., Bensín, 3239 cc. slagrými, 6 strokkar
203 hestöfl , Sjálfskipting, Leðurklæðning, ABS, viðarklæðning
Verð 590.000 stgr.B
íl
ar
t
il
s
öl
u
:
S. 821 3494
Bíl
ar
til
sö
Bíl
ar
lBí
r tla
:
Auglýsingasími
– Mest lesið
Átt þú enskt Lingua-
phone námskeið?
Mig vantar enskt Linguaphone námskeið,
aðallega sjálfa textabókina, en í henni
er íslensk skýring neðanmáls á sömu
blaðsíðu og enski textinn kemur fram.
Uppl. í síma 865 7013.