Fréttablaðið - 05.01.2008, Blaðsíða 26

26 5. janúar 2008 LAUGARDAGUR
timamot@frettabladid.is
MERKISATBURÐIR
1531 Klemens páfi sjöundi
bannar Hinriki áttunda
Englandskonungi að gift-
ast aftur.
1848 Franskir skipbrotsmenn
koma að landi í Breið-
dal eftir mikla hrakninga á
hafi.
1859 Fyrsta gufuskipið siglir.
1909 Kólumbía viðurkennir
sjálfstæði Panama.
1920 Boston Red Sox selur
Babe Ruth til New York
Yankees.
1931 Fyrsta barnið fæðist á
Landspítalanum sem tek-
inn var í notkun tveimur
vikum áður.
1946 Frumsýnd fyrsta íslenska
kvikmyndin með tónum,
tali og í „eðlilegum litum“
um lýðveldishátíðina 17.
júní 1944.
STÓRLEIKARINN ROBERT DUVALL ER
77 ÁRA Í DAG
„Ég hætti ekki að leika fyrr en
þurrka þarf slefuna út úr mér.
Ég dýrka bransann og fæ mest
út úr því að leika sem ólíkast-
ar persónur. Það er því enginn
vindur úr mér!“
Robert Duvall hlaut heimsfrægð í
hlutverki lautinants Kilgore í Ap-
ocalypse Now 1979. Setning Kil-
gores: „I love the smell of napalm
in the morning“ er ein sú þekkt-
asta í kvikmyndasögunni.
Það var þennan sama janúardag árið
1998 sem óprúttnir skemmdarvargar
afhausuðu Litlu hafmeyjuna í Kaup-
mannahöfn, en það var í annað sinn
sem hin fagra stytta missti höfuð sitt.
Höfðinu var síðar skilað til nærliggj-
andi sjónvarpsstöðvar en sökudólg-
arnir fundust aldrei.
Skemmdarverk hafa oft verið unnin
á Litlu hafmeyjunni síðan um miðj-
an sjöunda áratuginn, en í fyrra til-
kynntu yfirvöld í Kaupmannahöfn að styttan verði
líklega flutt til að koma í veg fyrir frekari spjöll og
príl ferðamanna.
Litla hafmeyjan missti fyrst höfuðið 1964 og
þurfti þá að steypa á hana nýtt. Tuttugu árum
seinna var hægri handleggur hennar sagaður af, en
skilað tveimur dögum síðar.
Þá hefur málningu ótal sinnum verið skvett
yfir hafmeyjuna litlu. Árið 1961 var hár
hennar málað rautt og yfir brjóst hennar
rauður brjóstahaldari. Í september 2003
var hún sprengd með dínamíti af stalli
sínum og síðar var sett á hana slæða til
að minna á inngöngu Tyrkja í Evrópu-
sambandið. Hinn 8. mars 2006 stóð
myndarlegur gervilimur í hendi hennar,
en sá gjörningur var skrifaður á alþjóð-
lega kvennadaginn 8. mars. Sama ár
fékk hún þrisvar á sig málningu, ásamt
því að vera íklædd slæðu og serk að hætti mús-
límskra kvenna.
Það var Carl Jacobsen sem fékk hugmyndina að
Litlu hafmeyjunni 1909 eftir að hafa heillast af ball-
ettsýningu um ævintýri H. C. Andersen, en mynd-
höggvarinn Edward Eriksen notaði Eline eiginkonu
sína sem fyrirmynd að styttunni sem var afhjúpuð
23. ágúst 1913.
ÞETTA GERÐIST: 5. JANÚAR 1998
Litla hafmeyjan höfðinu styttri
Fyrsta laugardag hvers mánaðar má
sækja tíma í hláturjóga í Manni lif-
andi í Borgartúni, en fyrsti opni hlát-
urjógatíminn á nýju ári er í dag klukk-
an 10.30.
„Þetta er andleg leikfimi í hæsta
gæðaflokki og gerir sálarlífi fólks
virkilega gott,“ segir Kristján Helga-
son, sem ásamt Ástu Valdimarsdóttur
hefur kennt hláturjóga undanfarin ár.
„Í hláturjóga ákveður fólk að hlæja
saman og til að gera okkur hláturinn
auðveldari notum við blöndu hlátu-
ræfinga, öndunar og teygja,“ segir
Kristján um það sem fyrst er upp-
gerður hlátur en verður svo að inni-
legu hláturskasti.
„Rannsóknir hafa sýnt að líkam-
inn upplifir sömu jákvæðu viðbrögðin
hvort sem hlátur er sjálfsprottinn eða
kallaður fram,“ segir Kristján, sem
stendur á því fastar en fótunum að Ís-
lendingar megi hlæja meira.
„Við þurfum að gera hlátur að sjálf-
sögðum og eðlilegum hluta tilveru
okkar.Í hláturjóga er hlegið án tilefn-
is og án þess að styðjast við brandara,
húmor eða fyndni. Hlátur er besta
ráðið við alvarlegheitum, en við erum
allt of alvarleg og hættir til að fest-
ast í vandamálum. Með hlátri losnar
maður úr flækjunni og sér vandann í
víðara samhengi,“ segir Kristján, sem
ítrekar þau gömlu sannindi að maður
sé manns gaman.
„Hlátur er útrás tilfinninga og
manneskjan er svo innbyrðis tengd
að þegar kemur að tilfinningum smita
þær hratt út frá sér. Þannig geispar
einn og aðrir í kjölfarið, og ef við
sjáum manneskju gráta erum við vís
með að gráta með henni vegna samúð-
ar. Eins og með hláturinn; hann smit-
ar eins og skot og er í raun hópíþrótt,“
segir Kristján brosmildur og stað-
hæfir að hlæja megi að öllu sem lífið
býður manninum upp á.
„Vitaskuld verðum við að beita
skynsemi um hvenær hlátur er viðeig-
andi, en auðvitað er ekkert betra en að
hlæja að vandamálum. Þannig er eðli-
legt að hlæja við dánarbeð eða í kistu-
lagningu ef stemningin býður upp á
það og hópurinn er sammála um að
hláturinn skaði engan,“ segir Kristján
en í því samhengi skal taka fram að
hláturjóga snýst um að hlæja saman
í stað þess að hlæja að einhverju eða
öðrum.
„Við þess háttar aðstæður meiðist
enginn. Margir upplifa frelsi þegar
hláturæfingu lýkur því þá þurfa þeir
ekki að hlæja meira eða vera fastir í
hláturskasti,“ segir Kristján.
Upphaf hláturjóga má rekja til árs-
ins 1995 þegar indverski læknirinn
Madan Kataria hóf að þróa fræðin
sem nú eru stunduð um allan heim.
„Það er margrannsakað að hlátur-
inn lengir lífið og það er alveg bráð-
hollt að hlæja. Sjálfur sat ég námskeið
hjá bandaríska sálfræðingnum An-
nette Goodheart sem notað hefur hlát-
ur sem lækningaúrræði frá 1970 og
skrifaði bókina „Hvernig á að hlæja
að öllu því ófyndna í lífinu?“ en það
er staðreynd að hlátur færir manni
fjarlægð og frelsi til að nýta lausnir
vandamála,“ segir Kristján og hvetur
sem flesta til að koma í hláturjóga.
„Við keyrum engan út, en vissulega
fer fólk frá okkur með harðsperrur í
maga og kjálkum eftir tímann.“
thordis@frettabladid.is
ÁSTA VALDIMARSDÓTTIR OG KRISTJÁN HELGASON: FYRSTI HLÁTURJÓGATÍMI ÁRSINS
Hlegið án ástæðu á nýju ári
HLÆJANDI Í LÍFSINS ÓLGUSJÓ Hláturjógarnir Ásta Valdimarsdóttir og Kristján Helgason segja íslenska lund vera að léttast heilmikið þótt alvöru-
gefni virðist samnorrænt persónueinkenni. FRÉTTABLAÐIÐ/GVA
Elskulegur sonur okkar og bróðir,
Jakob Hrafn Höskuldsson
Bröndukvísl 14, Reykjavík,
lést af slysförum þriðjudaginn 1. janúar.
Höskuldur Höskuldsson Aðalheiður Ríkarðsdóttir
Rakel Sara Höskuldsdóttir
Lea Ösp Höskuldsdóttir
60 ára afmæli
Hinn 5. janúar 2008 verður
Dr. Bjarni
Reynarsson
skipulagsfræðingur,
framkvæmdastjóri Land-ráðs sf,
sextugur. Kona hans er Jóhanna
Einarsdóttir, prófessor við KHÍ.
Ástkær eiginmaður minn, faðir okkar og
bróðir,
Gísli Þór Agnarsson
Skarðshlíð 23a, 603 Akureyri,
andaðist á heimili sínu miðvikudaginn 2. janúar.
Jarðarförin fer fram í Möðruvallaklausturskirkju
föstudaginn 11. janúar kl. 13.30. Starfsfólki
Heimahlynningar er sérstaklega þökkuð hjúkrun
og stuðningur í veikindum hans.
Hrefna Þorbergsdóttir
Eyrún Huld Gísladóttir og Bergvin Þór Gíslason
Aðalsteinn Rúnar Agnarsson Ragnheiður Brynjólfsdóttir
Þórir Páll Agnarsson J. Nicoleta Lacramiora
Jórunn Kolbrún Agnarsdóttir Sigurgeir Pálsson
Þórey Agnarsdóttir Árni Björnsson
Ingi Stein Agnarsson
Gissur Agnar Agnarsson Sigrún Sigfúsdóttir
Elskulegur faðir okkar, tengdafaðir,
afi og langafi,
Georg Kristján Georgsson
lést að Garðvangi, Garði, miðvikudaginn 2. janúar.
Útförin fer fram frá Njarðvíkurkirkju, Innri Njarðvík,
7. janúar kl. 11.00.
Reynir Viðar Georgsson Laufey Jónasdóttir
Rúnar Heimir Georgsson Auður Hjördís Sigurðardóttir
Georg Grundfjörð Georgsson Ragnheiður Ragnarsdóttir
Róbert Heiðar Georgsson Sædís Bára Jóhannesdóttir
barnabörn og barnabarnabörn.
Hjartans þakkir til allra þeirra sem veittu
okkur styrk, hlýju og auðsýnda samúð við
veikindi, andlát og útför elskulegs sonar
okkar og bróður,
Högna Kristinssonar
Jörundarholti 33, Akranesi.
Sérstakar og innilegar þakkir til starfsfólks krabba-
meinsdeildar 11E Landspítalans við Hringbraut.
Guð blessi ykkur öll.
Eva Björk Karlsdóttir Alfreð Örn Lilliendahl
Sindri Snær Alfreðsson
Aron Máni Alfreðsson
Kristinn Richter Sigríður María Gísladóttir
Tinna Richter
Ari Richter
Útför elskulegs föður okkar, tengdaföður,
afa og langafa,
Jóhanns I. Gíslasonar
áður Byggðarholti 14, Mosfellsbæ,
verður frá Lágafellskirkju, mánudaginn 7. janúar
kl. 13.00. Blóm og kransar eru afþakkaðir, en þeim
sem vilja minnast hans er bent á Félag aðstandenda
alzheimersjúklinga.
Ásta Jóhannsdóttir
Óskar Jóhannsson Valgerður Sigurðardóttir
Sigurður Jóhannsson Guðrún Björnsdóttir
Kristín Jóhannsdóttir Jón Gunnar Borgþórsson
Sigurður Símonarson
barnabörn og barnabarnabörn.
Tilkynningar um merkis atburði, stórafmæli og
útfarir má senda á netfangið timamot@frettabladid.is.
Auglýsingar á að senda á auglysingar@frettabladid.is
eða hringja í síma 550 5000.