Fréttablaðið - 05.01.2008, Blaðsíða 36

● hús&heimili
„Það mundi ekki borga sig fyrir IKEA að
framleiða það sem ég hanna,“ segir Gulleik
Lövskar húsgagnahönnuður. „Ég hef ekk-
ert á móti IKEA eða svoleiðis, en það sem
ég geri er næstum því eins eintaks smíði,“
segir Gulleik sem hefur nokkra kúnna sem
hann smíðar fyrir. „Ég tala við kúnnann um
hvað skuli gera fyrir hann, hvernig hann
vill hafa sófann og svo fær hann akkúrat
rétta stærð. Þeir þekkja minn stíl frekar vel
svo ég hef nokkuð frjálsar hendur um fram-
kvæmdina,“ segir Gulleik sem kennir hönn-
un og smíði í Listaháskóla Íslands.
Hann er Norðmaður, alinn upp í Ósló
þar sem hann fékk meistarapróf í hús-
gagnasmíði og kláraði innanhússarkitekt-
úr frá Listaháskólanum í Bergen. Hann
fékk áhuga á Íslandi þegar hann var í skipti-
námi við þáverandi Myndlista- og handíða-
skólann. Auk þess að kenna er hann alltaf að
hanna og smíða eigin húsgögn.
Gulleik hannaði meðal annars gítarkoll
nokkurn þar sem hann vann með grunnhug-
tök í eðlisfræði og byggingartækni á borð
við togkraft og þrýsting. Í miðjunni er átta
millimetra stálstöng en vírarnir halda jafn-
vægi á stólnum svo hann ber jafnvel feit-
ustu menn. Ef maður veltir sér og vaggar
lendum á stólnum meðan maður leikur á
strengina heyrast margir ólíkir tónar.
„Þegar ég bjó stólinn til var ég að pæla í
hvað það er lítið sem þarf til að halda manni
uppi. Stöngin í miðjunni er bara úr venju-
legu öxulstáli, ekkert hókus pókus neitt. Ef
þú héldir á stönginni gætirðu auðveldlega
beygt hana.“
Gulleik jánkar og hlær við þeirri spurn-
ingu hvort margir hafi reynt að glamra á
stólinn. „Það er ekki mjög hár hljómur í
þessu en það getur orðið til mjög skrítið og
síkódelískt gítarsánd. Fyrst notaði ég sex
millímetra tein í kollinn og það var alveg
nóg þangað til einhver gaur sem sat á stóln-
um fékk svo mikinn innblástur og fór út í
svo mikið dauðarokk að það beyglaðist allt-
saman og hann datt. Enginn meiddi sig en
ég hafði teininn aðeins þykkari næst.“
Gulleik er á því að ótrúlega mikið sé að
gerast í húsgagnasmíði á Íslandi og aðstæð-
ur að breytast að hans skapi. Honum finnst
áhugi fyrir sérstæðum húsgögnum og ís-
lenskri framleiðslu að aukast. Hann segir að
það sé vistvænt að þurfa ekki að flytja hús-
gögn til landsins langar leiðir og að áhuga-
vert sé að nota íslenskt hráefni.
„Ég hef sjálfur aðeins verið að grúska
við að smíða úr íslenskum viði. Það er alveg
hægt. Á Íslandi er auðvelt að komast í sam-
band við skógarbændur og margir þeirra
geta sagað þetta niður og gert bita úr því
fyrir mann. Sumir geta líka þurrkað við-
inn. Maður gæti líka þurrkað hann
sjálfur ef maður hefði tíma. Það
tekur hálft til eitt ár á tommu.
Viður á Íslandi er mjög hægvax-
inn og ekki er hann alltaf sérlega
beinn. En ef maður tekur þetta með í hönn-
unina og smíðina þá verður útkoman fögur.“
niels@frettabladid.is
Íslenskur viður vel nothæfur í húsgagnasmíði
●Gulleik Lövskar húsgagnahönnuður og kennari smíðar einstaka hluti. Þeirra á meðal er sérstakur gítarstóll með fallegum hljómum.
Gítarkoll-
urinn sem
ögrar fólki
á tónlistar-
sviðinu.
Þessi sófi er meir en þriggja metra breiður, fimm
manns geta setið í honum. Hann getur staðið frítt
í rýminu; á hliðunum eru áföst teborð og á bakinu
bókahilla.
FRÉTTA
BLA
Ð
IÐ
/A
N
TO
N
Gulleik Lövskar í rúminu sínu. „Ég
mundi ekki sofa í þessu, en eftir
klukkutíma er maður vel teygður
og það er gott.“
Verð kr.19.500
Innifalið: Úlpa, snjóbuxur,
tvenn nærföt, lúffur, húfa
og trefi ll.
Verð kr. 17.500
Innifalið: Jakki, buxur,
fl íspeysa, fl ísnærföt, bolur,
húfa og sokkar.
5. JANÚAR 2008 LAUGARDAGUR6