Fréttablaðið - 05.01.2008, Blaðsíða 67

LAUGARDAGUR 5. janúar 2008 47
SKYLMINGAR Skylmingamaðurinn
Ragnar Ingi Sigurðsson keppir á
fyrsta móti sínu á árinu um helg-
ina en eftir frábært ár 2007 er
þessi 31 árs Hafnfirðingur stað-
ráðinn í að komast fyrstur
íslenskra skylmingamanna inn á
Ólympíuleikana sem fara fram í
Peking í Kína í haust. Hann var á
dögunum valinn íþróttamaður FH
og hefur vakið mikla athygli fyrir
frábæra frammistöðu með sverð-
ið.
„Það væri bara glæsilegt að
komast til Peking en það gæti
verið erfitt. Það eru öll mót að
telja ennþá í dag þannig að það er
enginn búinn að tryggja sér keppn-
isrétt,“ segir Ragnar Ingi sem var
í sérflokki hér heima á árinu 2007
auk þess að fara mikinn á alþjóð-
legum vettvangi þar sem hann
tryggði sér fjórða Norðurlanda-
meistaratitilinn á fimm árum og
sigraði í Norður-Evrópumótaröð-
inni.
Ísland er ekki með sterkt lands-
lið í skylmingum og það hefur
áhrif á hvaða leið Ragnar verður
að fara til þess að komast inn á
leikana. „Það koma flestir inn í
liðakeppnina og heimslistann þar.
Þeir sem komast í gegn með liðun-
um sínum keppa síðan einnig í ein-
staklingskeppninni.
Á fleygiferð um heiminn
Langbestu liðin eru frá Evrópu og
við eigum ekki möguleika á því að
komast inn á venjulegan hátt þar
sem að við erum ekki með gott lið.
Það er því eini möguleikinn að
fara í gegnum þetta úrtökumót,“
segir Ragnar sem verður á fleygi-
ferð um heiminn næstu mánuði til
þess að elta drauminn sinn um að
komast til Kína í ágúst.
„Maður reynir að fara á þessi
mót þar sem er þægilegra að ferð-
ast. Það er búið að dreifa þessum
mótum um heiminn og þessi mót
eru mörg í Suður-Ameríku, Afríku
og Asíu. Það fer svolítið hvaða
pening maður fær á hvaða mót
maður kemst. Ég fæ að vita það í
byrjun ársins hvort ég fái eitthvað
úr afrekssjóði,“ segir Ragnar.
„Ég er nýbúinn að fá styrk frá
Hafnarfjarðarbæ og get því byrj-
að að skipuleggja fyrsta mánuð-
inn. Það þarf meira til því þetta
eru mikil ferðalög. Maður setur
stefnuna á að komast á Ólympíu-
leikanna og svo verður bara að sjá
hvað gerist,” segir Ragnar Ingi
sem vonast til að góður árangur
sinn laði að fleiri krakka að skylm-
ingum. Hann hefur séð mikinn
mun frá því að hann fór að æfa á
sínum tíma.
Úrtökumótið verður í apríl
„Það er mikill uppgangur í skylm-
ingunum og í dag er miklu meiri
samkeppni en þegar maður var að
byrja sjálfur. Krakkarnir eru í
mikilli samkeppni og vinna til
skiptis sem heldur þeim vakandi.
En hugur Ragnars í dag er við
Ólympíudrauminn.
„Nú er fram undan hjá mér und-
irbúningur fyrir úrtökumót fyrir
Ólympíuleikana sem verður í apríl
í Istanbúl. Þar eru tvö laus sæti
fyrir þær Evrópuþjóðir sem hafa
ekki tryggt sér keppnisrétt á leik-
unum. Þetta verður mjög erfitt og
því skiptir það miklu máli að ná að
undirbúa sig sem best fyrir þetta
og komast á sem flest mót þangað
til,“ segir Ragnar og það verður
spennandi að sjá hvort honum tak-
ist að brjóta blað í sögu íslenskra
skylminga og komast alla leið á
Ólympíuleikana í Peking. - óój
Skylmingamaðurinn Ragnar Ingi Sigurðsson ætlar sér að komast til Peking:
Treystir á að fá fleiri styrki
ÍÞRÓTTAMAÐUR FH Ragnar Ingi Sigurðs-
son hefur verið í sérflokki hér á landi
undanfarin ár og var á dögunum kosinn
íþróttamaður FH á síðasta ári.
FRÉTTABLAÐIÐ/ARNÞÓR
KÖRFUBOLTI Friðrik Ragnarsson,
núverandi þjálfari Grindavíkur,
hefur nú heiðurinn af því að
stöðva tvær lengstu sigurgöng-
urnar frá upphafi tímabils undir
núverandi fyrirkomulagi í
úrvalsdeild karla í körfubolta.
Friðrik stýrði sínum mönnum í
Grindavík til 98-76 sigurs á
Keflavík á fimmtudagskvöldið en
topplið Iceland Express-deildar
karla hafði þá unnið tíu fyrstu
leiki sína á árinu. Fyrir fjórum
árum stjórnaði Friðrik einmitt
Njarðvík til 104-95 sigurs á liði
Grindavíkur sem hafði þá unnið
fyrstu ellefu leiki sína á árinu.
Í báðum tilfellum höfðu lið
Friðriks tapað á heimavelli í
leiknum á undan, Grindavík lá
með 15 stigum fyrir Njarðvík
milli jóla og nýárs og fyrir
fjórum árum tapaði Njarðvík
síðasta leik ársins á heimavelli á
móti Tindastól.
Einn leikmaður var með
Friðriki í bæði skiptin en það var
Páll Kristinsson, sem var með 11
stig og 11 fráköst á 23 mínútum í
fyrrakvöld og 29 stig og 8 fráköst
í leiknum fyrir fjórum árum. - óój
Sigurganga Keflavíkur á enda:
Friðrik endur-
tók leikinn
MEÐ Í BÆÐI SKIPTIN Páll Kristinsson tók
þátt í að enda lengstu sigurgöngur frá
upphafi tímabils. VÍKURFRÉTTIR/JÓN BJÖRN
FÓTBOLTI Franz Beckenbauer,
forseti Bayern München, telur að
José Mourinho gæti verið rétti
maðurinn til þess að taka við
starfi knattspyrnustjóra hjá
þýska liðinu þegar núverandi
stjóri þess, Ottmar Hitzfeld,
yfirgefur liðið í júní næstkom-
andi, þrátt fyrir að „Keisarinn“
hafi látið hafa eftir sér að næsti
knattspyrnustjóri München þurfi
að vera þýskumælandi.
„Liðið þarf stórt nafn. Einhvern
reyndan stjóra með góða hæfni
og liðsskipulag sem getur
jafnframt tjáð sig á þýskri tungu.
José Mourinho er maður sem
gæti uppfyllt þessar kröfur, því
hann gæti hæglega verið í
þýskunámi fram á sumar,“
skrifaði Beckenbauer í grein
sinni í þýska dagblaðinu Bild.
Hann bætti samt við: „Eini
maðurinn sem ég get klárlega
útilokað er ég sjálfur,“ skrifaði
Beckenbauer. - óþ
Franz Beckenbauer:
Mourinho gæti
enn lært þýsku
KEISARINN Franz Beckenbauer vill ekki
útiloka að Mourinho verði næsti stjóri
Bayern München. NORDIC PHOTOS/GETTY