Fréttablaðið - 06.01.2008, Blaðsíða 2

2 6. janúar 2008 SUNNUDAGUR
YACOUBIAN BYGGINGIN EFTIR ALAA AL-ASWANY
INNILEG, GRÍPANDI
OG SKEMMTILEG
Hrífandi og beinskeytt
mynd af fjölbreyttu
mannlífi í Kaíró
„HEILLANDI OG SLÁANDI
BLANDA AF ÆRSLASÖGU
OG SAMFÉLAGSGREININGU,
BRJÁLAÐRI SKEMMTUN OG
FÚLUSTU ALVÖRU.“
– JYLLANDS-POSTEN
„BESTA
BÓK ÁRSI
NS“
– THE GU
ARDIAN
D
Y
N
A
M
O
R
E
Y
K
JA
V
ÍKKOMIN Í
KILJU!
BJÖRGUN „Maður býður ekki hópi
eldri borgara frá Ameríku að pissa
úti við rútu í éljagangi,“ segir Val-
gerður Pálsdóttir fararstjóri, en
hún komst í hann krappan á ferð
sinni með hópi bandarískra ferða-
manna um Suðurland á nýársdag.
„Við lögðum af stað úr Reykja-
vík en þegar komið var á Selfoss
var blaðran farin að segja til sín
hjá mörgum. Þar var þó hvergi
opið,“ segir Valgerður. Hópurinn
hélt aftur af stað og vonaði innilega
að hægt yrði að stoppa á Hellu.
Vonbrigðin urðu nokkur þegar
þangað var komið og allt var lokað.
Enn einu sinni var haldið af stað og
óskuðu þá allir þess heitt að á
Hvolsvelli, næsta bæjarfélagi á
Suðurlandi, myndi einhver bjarga
þeim úr nauðum sínum.
„En þar var ekki sálu að sjá. Við
prófuðum að banka upp á hjá lög-
reglunni en enginn kom til dyra,“
segir Valgerður, sem segist því
næst hafa ætlað að bregða á það
ráð að banka upp á á elliheimili
bæjarins. „En þá datt Halldóri bíl-
stjóra í hug að hringja í félaga sinn
úr björgunarsveitinni á staðnum,
og það var ekki að spyrja að því,
skömmu seinna kom maður og
opnaði áhaldahúsið fyrir okkur.
Það er greinilega ekkert viðvik
svo smávægilegt að björgunar-
menn séu ekki tilbúnir að
aðstoða.“
Jón Hermannsson, bifvélavirki
og björgunarsveitarmaður á
Hvolsvelli, segir hafa verið afar
ánægjulegt að geta komið til
aðstoðar. „Það er skemmtilegast
að greiða úr smáhremmingum,
stóru málin eru öllu flóknari,“
segir Jón hæversklega.
Valgerður segir hópinn hafa
notið heimsóknarinnar hjá björg-
unarsveitinni mjög. Ekki hafi
aðeins verið gott að komast á sal-
erni heldur hafi fólkinu þótt áhuga-
vert að skoða tæki björgunarsveit-
arinnar og fræðast um hana.
„Fólkinu kom svo mjög á óvart að
sjá allt sprengiefni sveitarinnar,“
segir hún og skellir upp úr en
útskýrir því næst að fólkið hafi
komið frá Pennsylvaníu þar sem
mjög strangar reglur gilda um
flugelda. Hópurinn launaði þó
greiðann með því að kaupa sprengi-
tertur sem síðan var skotið upp við
Seljalandsfoss við mikinn fögnuð.
Þó að Valgerður segi ferðina um
Suðurland hafa verið hina
skemmtilegustu sé þörf á því að
fólk átti sig á nauðsyn þess að
koma til móts við ferðamenn þótt
hátíð ríki í bæ. „Frá því í fyrra
hefur fjöldinn þrefaldast hér yfir
jólahátíðarnar,“ segir hún. Um
3.500 erlendir ferðamenn dvöldu
hérlendis um áramótin.
Undir orð Valgerðar tekur Ólöf
Ýrr Atladóttir, nýráðinn ferða-
málastjóri. „Það hefur margt
breyst til batnaðar en fólk verður
að geta brugðið sér afsíðis á leið
sinni um landið,“ segir hún.
karen@frettabladid.is
Ferðamenn í spreng
fengu hvergi að pissa
Hópur amerískra eldri borgara komst í hann krappan á ferð sinni um Suður-
land á nýársdag. Allir þurftu þeir að komast á salerni en hópurinn kom alls
staðar að luktum dyrum – þar til björgunarsveit Hvolsvallar kom til aðstoðar.
HÓLPNIR FERÐAMENN Ekki aðeins gladdist fólkið við að komast loks á salerni heldur
fylltist það miklum áhuga á því að kynna sér störf björgunarsveita sem vinna frítt og
selja flugelda eins og gerist hér á landi. MYND/VALGERÐUR
LÍFRÍKIÐ Hrognum af laxastofni
Elliðaánna frá því í haust sem
áttu að standa undir gönguseiða-
sleppingum hefur verið eytt, að
því er segir á vef Stangaveiðifé-
lags Reykjavíkur.
„Er þetta annað árið í röð sem
nýrnaveiki kemur fram eftir
kreistingu á klaklaxi úr Elliðaán-
um. Því er ljóst að hvorki verður
sleppt seiðum í árnar í vor né
vorið 2009 og munu þær því þurfa
að treysta alfarið á náttúrulega
hrygningu í kjölfarið,“ segir á
svfr.is. Kemur fram að veiðimenn
megi næsta sumar hirða færri
laxa en áður og enn frekar verði
þrengt að maðkaveiði. - gar
Laxastofninn í Elliðaánum:
Nýrnaveikum
hrognum eytt
ELLIÐAÁRNAR Enn þrengir að laxveiði í
Reykjavík. FRÉTTABLAÐIÐ/GVA
LÖGREGLUMÁL Manninum, sem
handtekinn var ásamt lagskonu
sinni eftir að hafa brugðið hnífi á
loft á tónleikum Bubba í Laugar-
dalshöll í fyrrakvöld, ógnað
starfsfólki og síðan keyrt utan í
bíl þegar þau voru á flótta undan
lögreglu, hefur verið sleppt úr
haldi. Maðurinn var ökuréttinda-
laus. Stúlkan er sautján ára en
hann tíu árum eldri. Að sögn
lögreglu fannst smáræði af
fíkniefnum í fórum þeirra.
Samkvæmt upplýsingum lögreglu
hefur maðurinn áður komið við
sögu lögreglu. Lögregla naut
aðstoðar sérsveitarinnar við
handtöku þeirra. - jse
Par handtekið eftir tónleika:
Sleppt úr haldi
Það hefur margt breyst til
batnaðar en fólk verður
að geta brugðið sér afsíðis á leið
sinni um landið.
ÓLÖF ÝRR ATLADÓTTIR
FERÐAMÁLASTJÓRI
Bubbi, ætlaði hann ekki bara
að taka Stál og hníf?
„Ja, hann var alla vega með hnífinn.
Annars óska ég honum þess að
hans næsta uppátæki verði að drífa
sig á Vog.
Maður gekk berserksgang og dró upp
hníf við innganginn á Laugardalshöll í
fyrradag þegar tónleikar Bubba fóru þar
fram.
KENÍA Forseti Kenía, Mwai Kibaki,
segist tilbúinn til að mynda
þjóðstjórn til að binda enda á
óeirðir í landinu eftir umdeild
úrslit forsetakosninganna þar í
landi um síðustu helgi. Stjórnar-
andstaðan hafnar hins vegar
samstarfi og krefst þess að kosið
verði á ný.
Kibaki gaf út tilkynninguna eftir
fund með bandaríska sendifulltrú-
anum Jendayi Frazer sem nú er í
Kenía til að miðla málum. Raila
Odinga, stjórnarandstöðuleiðtogi,
segir að afstaða stjórnarandstöð-
unnar sé óbreytt og að Kibaki
verði að láta af embætti. -hs
Stjórnarandstaða vill kjósa:
Kibaki tilbúinn
í þjóðstjórn
STJÓRNMÁL Steinunn Valdís Ósk-
arsdóttir, formaður samgöngu-
nefndar Alþingis, telur ótækt að
óvissa ríki lengur um Sundabraut.
Taka verði ákvörðun um legu
brautarinnar á næstu vikum.
„Þetta hefur dregist allt of lengi
og nú þarf að taka af skarið. Það
gengur ekki að málið sé þannig
statt að enginn viti í hvaða farvegi
það er,“ segir Steinunn og vill
ógjarnan að flokksbróðir hennar,
Kristján Möller samgönguráð-
herra, skýli sér á bak við tækni-
legar útfærslur til að forðast
ákvarðanatöku.
Það er samgönguráðherra að
taka ákvörðun með blessun ríkis-
stjórnar enda ríkissjóðs að greiða.
Valið stendur á milli tveggja
leiða, innri leiðar og ytri leiðar
(göng) og er kostnaður við ytri
leiðina talinn vera sextán millj-
arðar króna. Innri leiðin er umtals-
vert ódýrari og er jafnvel talið að
muni um 5 til 10 milljarða.
Þó eiginlegt ákvarðanavald sé í
höndum samgönguráðherra telur
Steinunn Valdís mikilvægt að
ákvörðun verði tekin í samráði við
yfirvöld í Reykjavík. Þar á bæ
hefur verið talað fyrir ytri leið.
Faxaflóahafnir hafa þegar boð-
ist til að annast framkvæmd Sund-
a ganga í svokallaðri einkafram-
kvæmd en Kristján Möller telur
að bjóða þurfi verkið út. Steinunn
Valdís efast um nauðsyn þess og
bendir á að samið var við Spöl um
gerð Hvalfjarðarganga á sínum
tíma án útboðs. - bþs
Legu Sundabrautar þarf að ákveða sem fyrst að mati formanns samgöngunefndar:
Brýnir ráðherra til ákvarðanatöku
STEINUNN
VALDÍS ÓSK-
ARSDÓTTIR
SKIPULAGSMÁL Hugmyndir um
uppbyggingu 500 íbúa hverfis
fyrir 50 ára og eldri í Hausthúsa-
hverfi á Akranesi hafa verið
slegnar út af borðinu.
Bæjarráð segir miðað við að
uppbyggingu í Skógarhverfi verði
lokið áður en vinna við ný hverfi
hefjist. Hugmyndir Kalmansvík-
ur ehf. um eitt hverfi í Haushús-
um fyrir eldri en 50 ára falli ekki
að stefnumótun Aðalskipulags
Akraneskaupstaðar fyrir árin
2005-2017. Hins vegar megi ræða
við fulltrúa Kalmansvíkur og
fleiri sem vilji byggja húsnæði
fyrir eldri borgara á fleiri en
einum stað á Akranesi svo sem í
Skógarhverfi. - gar
Bæjarráð Akraness:
Hafna sérstöku
hverfi aldraðra
AKRANES Bæjarráð vill dreifa eldri borg-
urum um byggðina. FRÉTTABLAÐIÐ/GVA
LÖGREGLUMÁL Sjö ungmenni á Akranesi voru handtek-
in á fimmtudags- og föstudagskvöld vegna lögreglu-
rannsóknar á 6,5 milljóna króna yfirdrætti á debet-
korti frá Sparisjóði Akraness.
Frá því síðla í nóvember og fram undir lok ársins
var debetkortareikningur, sem maður um tvítugt
stofnaði hjá Sparisjóði Akraness, yfirdreginn um 6,5
milljónir króna. Á fimmtudag kærði sparisjóðurinn
korthafann sem var handtekinn þá um kvöldið.
„Kortið átti að vera þeim eiginleikum búið að
hringja inn og athuga innistæðuna við hverja úttekt
en það hringdi aldrei,“ segir Helgi Magnús Gunnars-
son, saksóknari efnahagsbrota hjá ríkislögreglu-
stjóra.
Af upphæðinni sem stolið var tókst lögreglu að
hafa upp á um 800 þúsund krónum á öðrum reikning-
um fólksins sem tengist málinu. Þá var lagt hald á um
sextíu þúsund krónur í reiðufé. Verulegur hluti
peninganna var notaður til fíkniefnaviðskipta.
Að sögn Helga var fólkinu, sem er á aldrinum
sautján til tuttugu ára, sleppt eftir yfirheyrslur þar
sem málið hafi verið ágætlega upplýst og játning
legið fyrir.
Helgi segir að auk korthafans hafi annar maður
sem tók síðar við krotinu viðurkennt misnotkun á því.
„Það er til yfirlit um allar færslur svo sönnunargögn-
in eru traust,“ segir saksóknari efnahagsbrota. - gar
Ungmenni í fíkniefnum játa að hafa stolið milljónum af Sparisjóði Akraness:
Sex milljónir yfir á kortinu
HELGI MAGNÚS GUNNARSSON Saksóknari efnahagsbrota
segir tvo menn hafa viðurkennt að hafa millifært illa fengnar
milljónir um debetkort annars þeirra. FRÉTTABLAÐIÐ/HARI
BANDARÍKIN Poppsöngkonan
Britney Spears missti í gær
forræði yfir sonum sínum
tveimur. Réttargæslumaður hefur
úrskurðað að fyrrum eiginmaður
hennar, Kevin Federline, fái fullt
forræði yfir börnunum. Heim-
sóknarréttur Spears hefur verið
afnuminn.
Spears var aðfaranótt föstu-
dagsins sótt á sjúkrabíl á heimili
sitt í Beverly Hills og flutt á
Cedars-Sinai sjúkrahúsið til
geðrannsóknar. Hún var í
annarlegu ástandi og neitaði að
láta börnin af hendi og því var
lögregla kölluð til. Málið verður
næst tekið fyrir 14. janúar. - hs
Poppstjarna í geðrannsókn:
Britney Spears
missir forræðið
SPURNING DAGSINS