Fréttablaðið - 06.01.2008, Blaðsíða 57

SUNNUDAGUR 6. janúar 2008 25
FÓTBOLTI Það styttist í Afríku-
keppnina umdeildu en í gær var
framherjinn Didier Drogba
valinn í 23 manna hóp landsliðs
Fílabeinsstrandarinnar þrátt
fyrir að vera meiddur á hné.
Aðeins einn leikmaður í landslið-
inu spilar í heimalandinu.
Fílabeinsstrendingar koma
saman í Kúvæt á mánudag og
verða þar í æfingabúðum til 18.
janúar. Liðið mun einnig spila
þrjá æfingaleiki í Kúvæt – einn
gegn landsliðinu og svo gegn
sterkum félagsliðum í landinu.
Mörg kunnugleg nöfn eru í
landsliði Fílabeinsstrandarinnar
eins og
Emmanuel
Eboue og Kolo
Toure hjá
Arsenal, Yaya
Toure hjá Bar-
celona og
Salomon
Kalou hjá
Chelsea.
- hbg
Afríkukeppnin:
Drogba valinn í
landsliðið
FÓTBOLTI Roy Keane, knattspyrnu-
stjóri Sunderland, hefur verið
duglegur að safna til sín fyrrum
leikmönnum Man. Utd enda eru
meðal annars í Sunderland-liðinu
þeir Andrew Cole og Dwight
Yorke.
Keane er ekki hættur því nú
hefur hann fengið annan United-
mann, Quinton Fortune, til
reynslu hjá Sunderland.
Fortune er aðeins þrítugur að
aldri og var síðast hjá Bolton en
fékk ekki nýjan samning síðasta
sumar.
„Hann er að koma sér í form
eftir aðgerð. Við munum koma
með frekari fréttir af málinu eftir
helgi,“ sagði Keane við heimasíðu
Sunderland en Fortune er búinn
að æfa með liðinu í mánuð.
Keane hefur þegar fengið einn
leikmann í janúarglugganum en
það var Jonny Evans sem kemur
að láni frá Man. Utd en Evans
þessi var einmitt sakaður um að
hafa nauðgað stúlku í jólateiti
Man. Utd á dögunum. - hbg
Sunderland:
Tekur Fortune
á reynslu
QUINTON FORTUNE Gæti fengið tæki-
færi hjá sínum gamla liðsfélaga.
NORDIC PHOTOS/GETTY IMAGES
FÓTBOLTI Knattspyrnusamband
Nígeríu hefur gefið enska
félaginu Everton leyfi til þess að
halda landsliðsmönnunum
Yakubu Aiyegbeni og Joseph
Yobo aðeins lengur svo þeir geti
spilað með Everton gegn Chelsea
í undanúrslitum enska deildarbik-
arsins.
Þeir félagar koma svo til móts
við hópinn 8. janúar en Nígeríu-
menn ætla sér stóra hluti í
Afríkukeppninni sem þeir hafa
unnið 1980 og 1994.
Keppnin sjálf hefst 20. janúar
en liðin hittast fyrr og fara í
æfingabúðir. - hbg
Nígeríska landsliðið:
Everton fær
undanþágu
KÖRFUBOLTI KR-konur unnu sex
stiga sigur, 74-80, á Íslandsmeist-
urum Hauka á Ásvöllum í gær og
stungu upp í þá sem hafa haldið
því fram að liðið væri bara banda-
ríski leikmaðurinn Monique Mart-
in sem hefur skorað 38,3 stig að
meðaltali með liðinu í vetur.
Martin skilaði sér ekki eftir
jólafríið en KR-konur létu það
ekki á sig fá og voru með örugga
forustu allan leikinn eða allt þar
til að Haukaliðið sjóðhitnaði og
skoraði fimmtán stig í röð á
rúmum þremur mínútum og áttu
eftir það möguleika á lokasprett-
inum. Haukaliðið setti niður fjór-
ar þriggja stiga körfur í röð og
fengu síðan tveggja stiga körfu og
víti að auki sem fór ofan í og stað-
an breyttist úr 57-76 í 72-76 á
skömmum tíma. Það var hins
vegar besti maður vallarins, Hild-
ur Sigurðardóttir, sem skoraði
stigin á lokakaflanum sem lönd-
uðu sigrinum en Hildur var með
27 stig, 9 fráköst og 8 stoðsend-
ingar í gær.
KR-liðið vann stóran sigur í
gær ekki síst fyrir sjálfstraustið
enda ljóst að þær eru langt frá því
að treysta eingöngu á framlag
Monique Martin. Hildur lék mjög
vel og eins voru þær Sigrún Sjöfn
Ámundadóttir (15 stig og 14 frák-
öst), Guðrún Gróa Þorsteinsdóttir
(14 stig) og Guðrún Ósk Ámunda-
dóttir (13 stig, 4 stoðsendingar og
4 stolnir boltar) allar að spila mjög
vel. Það var þó frammistaða Hild-
ar sem stóð upp úr, hún tók af
skarið í fjarveru Martins, skoraði
20 af fyrstu 40 stigum liðsins og
spilaði auk þess félagana vel uppi.
Haukaliðið átti frábæra endur-
komu í fjórða leikhlutanum en
fram að því réðu gestirnir úr Vest-
urbænum lögum og lofum á vellin-
um. Haukaliðið hitti aðeins úr 13
af 50 skotum sínum (26 prósent) í
fyrstu þremur leikhlutunum og
lykilmenn eins og Kiera Hardy og
Kristrún Sigurjónsdóttir voru
ískaldar fram eftir leik. Þær settu
hins vegar niður 20 stig saman í
fjórða leikhluta (Kristrún 11 stig
og Hardy 9) og skutu sínu liði
aftur inn í leikinn ásamt hinni 16
ára Heiðrúnu Hödd Jónsdóttur
sem kom inn í lokin og setti niður
tvo stóra þrista. - óój
KR-konur lögðu Íslandsmeistara Hauka og það án síns besta leikmanns, Monique Martin:
Skotsýning Haukakvenna kom of seint
Í BANASTUÐI Hildur Sigurðardóttir átti verulega góðan leik fyrir KR og leiddi sitt lið til
sigurs gegn Íslandsmeisturum Hauka. FRÉTTABLAÐIÐ/ARNÞÓR
FÓTBOLTI Það er alltaf mikill sjarmi
í kringum ensku bikarkeppnina
enda fá litlu liðin þá tækifæri gegn
þeim stóru og oftar en ekki líta
óvænt úrslit dagsins ljós. Á því
varð engin breyting í gær.
Úrvalsdeildarlið Blackburn var
hreinlega pakkað saman af Cov-
entry á heimavelli, 1-4, og Bolton
tapaði fyrir Sheffield United, 0-1,
og einnig á heimavelli. Everton
tapaði líka óvænt á heimavelli, 0-1,
og það gegn Oldham. Birmingham
tapaði aftur á móti á útivelli gegn
Huddersfield.
Chelsea slapp með skrekkinn
gegn QPR og sigraði með sjálfs-
marki gestanna. Tottenham gerði
jafntefli gegn Reading, 2-2, og
West Ham gerði markalaust jafn-
tefli við Manchester City.
Stórleikur gærdagsins var þó
klárlega viðureign Aston Villa og
Man. Utd á Villa Park. United
hefur haft mikið tak á Villa í gegn-
um árin og takið losnaði ekki í gær.
Hinir baneitruðu Cristiano Ron-
aldo og Wayne Rooney sáu til þess
að United færi með sigur heim
með mörkum á síðustu tíu mínút-
unum.
Varnarmaðurinn Rio Ferdinand
þakkaði Wayne Rooney fyrir sig-
urinn en hann sagði að innkoma
Rooneys af bekknum hefði kveikt í
liðinu.
„Rooney sneri þessum leik
algjörlega við. Hann er ótrúlegur
knattspyrnumaður. Hann hefur
verið fjarri góðu gamni í síðustu
leikjum en var mjög ferskur er
hann kom inn. Strákurinn býr yfir
alveg hreint ótrúlegri orku,“ sagði
Ferdinand eftir leikinn en hann
hrósaði Ronaldo líka en hann laum-
aði sér á bak við Bouma er hann
kom United yfir í leiknum.
„Þetta var ekki fallegt mark en
gaurinn skorar alveg ótrúlega
mikið. Það skiptir engu hversu fal-
leg mörkin eru, við tökum öllum
mörkum fagnandi. Það kom ekki
til greina hjá okkur að spila þenn-
an leik aftur og það er okkur eðlis-
lægt að klára leiki í stað þess að
sætta okkur við einhverja stöðu.
Stjórinn myndi heldur aldrei nokk-
urn tímann sætta sig við það. Við
förum í alla leiki og öll mót með
það að markmiði að vinna. Annað
er hreinlega vanvirðing sem við
viljum ekki sjá,“ sagði Ferdinand.
henry@frettabladid.is
Ronaldo og Rooney sáu
um að afgreiða Villa
Man. Utd vann góðan 0-2 útisigur á Aston Villa í enska bikarnum í gær. Nokk-
uð var um óvænt úrslit í keppninni eins og venjulega en fjögur úrvalsdeildar-
félög voru slegin út úr keppninni af neðrideildarliðum í gær.
KAMPAKÁTIR Þeir Cristiano Ronaldo, Wayne Rooney og Anderson fögnuðu marki Rooneys vel og innilega. Rooney átti frábæra
innkomu af bekknum en með honum kom nægt líf til að klára Villa. NORDIC PHOTOS/GETTY IMAGES
Enski bikarinn:
Chasetown-Cardiff 1-3
Wolves-Cambridge 2-1
Barnsley-Blackpool 2-1
Blackburn-Coventry 1-4
Bentley - Mifsud 2, Adebola, Ward (víti).
Bolton-Sheff. Utd 0-1
- Carney.
Bristol City-Middlesbrough 1-2
Charlton-WBA 1-1
Chelsea-QPR 1-0
Camp, sjálfsmark.
Colchester-Peterborough 1-3
Huddersfield-Birmingham 2-1
Ipswich-Portsmouth 0-1
Norwich-Bury 1-1
Plymouth-Hull 3-2
Preston-Scunthorpe 1-0
Southampton-Leicester 2-0
Sunderland-Wigan 0-3
- Scharner, Cotterill, sjálfsmark.
Tottenham-Reading 2-2
Berbatov 2 (eitt víti) - Hunt 2.
Watford-Crystal Palace 2-0
West Ham-Man. City 0-0
Everton-Oldham 0-1
Aston Villa-Man. Utd 0-2
Cristiano Ronaldo, Wayne Rooney.
Iceland Express-deild kvk:
Haukar-KR 74-80
Stig Hauka: Kristrún Sigurjónsdóttir 17, Kiera
Hardy 16, Unnur Jónsdóttir 15, Telma Fjalarsdóttir
9, Ragna Brynjarsdóttir 7, Heiðrún Jónsdóttir 6,
Guðbjörg Sverrisdóttir 2, Bára Hálfdánardóttir 2.
Stig KR: Hildur Sigurðardóttir 27, Sigrún
Ámundadóttir 15, Guðrún Þorsteinsdóttir 14,
Guðrún Ámundadóttir 13, Þorbjörg Friðriksdóttir
6, Helga Einarsdóttir 2, Sigurbjörg Þorsteinsdóttir
2, Dóra Þrándardóttir 1.
Keflavík-Fjölnir 112-77
Grindavík-Hamar 96-79
ÚRSLIT
FÓTBOLTI Eiður Smári Guðjohnsen
fékk aftur tækifæri í byrjunarliði
Barcelona í gær er Real Mallorca
var sótt heim í spænsku deildinni.
Eiður Smári kom ekki sérstak-
lega vel undan jólunum, hafði sig
lítt í frammi og var tekinn af velli
í leikhléi. Í hans stað kom Bojan
Krkic.
Barcelona vann leikinn, 2-0,
með mörkum frá Rafael Marques
og Samuel Eto´o. - hbg
Eiður í liðinu í gær:
Tekinn af velli í
hálfleik
BARÁTTA Eiður er hér í skallaeinvígi við
David Navarro í gær. NORDIC PHOTOS/AFP