Fréttablaðið - 07.01.2008, Blaðsíða 35

MÁNUDAGUR 7. janúar 2008 19
Sýning Guðnýjar Rósu Ingimars-
dóttur sem opnuð var í Suðsuð-
vestur í lok nóvember hefur verið
framlengd til 13. janúar.
Sýningin samanstendur af hljóð-
verki og teikningum. Teikningarn-
ar eru unnar með ólíkum efnum og
aðferðum ýmist á pappír eða þær
eru skornar út beint á vegg.
Líta má á teikningarnar sem
hálfgerða endurvinnslu þar sem
grunnur þeirra er oft verk frá
námsárum Guðnýjar Rósu. Hún
nýtir sér til dæmis tilraunir sem
hún gerði á handgerðum pappír frá
1993, gamall notaður kalkípappír
fær nýtt hlutverk og jafnvel gömul
framhaldsskólapróf verða líkari
knipplingum. Teikningar Guðnýjar
Rósu geta tekið sífelldum breyt-
ingum ílengist þær á vinnustofunni
því þar er engu hent.
Guðný Rósa hefur verið búsett í
Belgíu frá árinu 1994 og tekið þátt
í sýningum þar og víðar í Evrópu.
Guðný Rósa sýndi síðast hér heima
árið 2006 í Skaftfelli. - vþ
„Við urðum lens og erum í vand-
ræðum með að finna eintök,“ segir
Kristján Kristjánsson, forleggjari
hjá Uppheimum, um Sandárbók
Gyrðis Elíassonar, sem seldist upp
fyrir jól. „Hann seldist í ríflega
þúsund eintökum, sem er veruleg
söluaukning á bók eftir Gyrði. Í
Eymundsson í Kringlunni var hún
uppurin á hádegi á Þorláksmessu
og víða var hún uppseld nokkrum
dögum fyrr, en við gátum ekki
afgreitt fleiri pantanir síðustu
dagana.“
Þetta eru ef til vill ekki háar
tölur samanborið við þá sem tróna
á toppi metsölulistanna en telst til
tíðinda, því þótt bækur Gyrðis séu
iðulega lofaðar í hástert hefur
hann einatt verið höfundur fárra.
Í viðtali við menningarblað Frétta-
blaðsins fyrr í vetur sagðist Gyrðir
greina að lesendahópur sinn hefði
dregist saman og prósabækurnar
seldust í um tvö til þrjú hundruð
eintökum. „Jafnvel þótt maður viti
að maður skrifi bækur sem höfða
ekkert endilega til margra, þá
getur það reynst höfundi erfitt að
lesendur séu mjög fáir,“ sagði
hann þá.
„Eina ástæðan fyrir því að það
seldust ekki fleiri eintök er sú að
það voru ekki prentuð fleiri,“ segir
Kristján, sem væntir þess að
næsta upplag Sandárbókarinnar
verði í kilju og komi út fyrir páska.
Innbundnu eintökin verða því ekki
fleiri. „Okkur sýnist heppilegast
fyrir þennan lestrarmarkað sem
er fram undan að gefa hana út í
kilju.“ - bs
Gyrðir seldist upp fyrir jól
Viðar Eggertsson leikstjóri hefur
verið ráðinn stjórnandi Útvarps-
leikhússins sem verkefnisstjóri
leiklistar á Rás 1 Ríkisútvarpsins.
Hann tók við starfinu í byrjun
mánaðarins af Hallmari Sigurðs-
syni sem gegnt hefur starfinu síð-
astliðin átta ár.
Staða leiklistarstjóra Útvarps,
eins og starfið hefur oftast verið
nefnt, var formlega sett á laggirn-
ar fyrir rúmum 60 árum, eða árið
1947 þegar Þorsteinn Ö. Stephen-
sen var skipaður í hana fyrstur
manna. Jafnframt var það í fyrsta
skipti sem ráðið var í fast starf
listræns stjórnanda leikhúss á
Íslandi. Leiklist hafði þá verið á
dagskrá Útvarpsins frá því að
útsendingar hófust 1930.
Viðar hefur margháttaða
reynslu af leiklist og dagskrár-
gerð fyrir útvarp frá því að hann
lauk leiklistarnámi frá Leiklistar-
skóla Íslands 1976. Fljótlega eftir
nám hóf hann að leika og leikstýra
fyrir Ríkisútvarpið ásamt því að
vinna útvarpsdagskrá af ýmsum
toga. Skipta útvarpsþættir, sem og
leikrit sem hann hefur unnið að,
hundruðum. Viðar hefur jafn-
framt fjölbreytta reynslu sem
leikari, leikstjóri og leikhússtjóri
fyrir hin ýmsu leikhús landsins og
hann hefur leikið og leikstýrt í
erlendum leikhúsum. Viðar hefur
einnig gegnt fjölda trúnaðarstarfa
fyrir íslenskt leikhús og er hann
nú til að mynda formaður Leiklist-
arsambands Íslands, regnhlífar-
samtaka leikhúsa og leiklistar-
fólks á Íslandi, og sérstakur
ráðgjafi stjórnar Alþjóða leiklist-
armálastofnunarinnar sem aðset-
ur hefur í UNESCO-byggingunni í
París. Hann er því vel að starfinu
kominn og verður spennandi að
fylgjast með hvaða stefnu
Útvarpsleikhúsið tekur undir
stjórn hans. - vþ
Viðar stýrir Útvarpsleikhúsinu
GYRÐIR ELÍASSON Hefur einatt verið
höfundur fárra en bók hans Sandár-
bókin seldist upp fyrir jól.
VIÐAR EGGERTSSON Nýráðinn stjórnandi
Útvarpsleikhússins.
MYNDLIST Verk eftir Guðnýju Rósu
Ingimarsdóttur.
Guðný framlengd
11. janúar
19. janúar
25. janúar
Enn hefur nýr leikhópur sprottið
fram og af bjartsýni, dugnaði og
brennandi áhuga kastað sér í fang-
ið á einum af þekktustu nútíma-
höfundum Bandaríkjanna, Sam
Shepard. Leikhópurinn kallar sig
Silfurtunglið, hvort heldur það er í
höfuðið á gamla djammstaðnum
sem nú er orðinn að leikhúsi eða
Silfurtungli Nóbelsskáldsins.
Í Silfurtunglinu í Austurbæ er
um þessar mundir verið að sýna
athyglisvert leikrit. Ekki aðeins
leikrit sem vert er að taka eftir
heldur sýning sem gleður, hræðir,
skelfir og hrífur sökum þess að
hún er heilsteypt flott listaverk
þar sem lögn leikstjórans er svo
skýr að ekkert verður að vafamáli.
Eins og tíðkast nú á dögum hafa
menn hér valið að halda enska titl-
inum Fool for Love í stað þess að
reyna að snara honum yfir á
íslensku.
Kvikmyndaleikarinn og leik-
skáldið Sam Shepard segir okkur
harmsögu í umhverfi kúreka
nútímans sem eins gæti hafa gerst
í Grikklandi hinu forna.
Stúlkuna May túlkar Þóra Karít-
as með mikilli nánd og styrk. Sam-
spil hennar og hinna leikaranna er
frábært. Hinum eirðarlausa Eddie
ljáir Sveinn Ólafur Gunnarsson
líf. Hann hefur sterka nærveru og
blæbrigðaríka rödd sem smýgur
um allt rýmið hvort heldur sem
hann hvíslar eða öskrar.
KK rammaði sýninguna inn, var
límið, var ryþminn, var lagið sem
menn dilluðu sér við, var
umgjörðin, var hættan, var vonin
og var fulltrúi allra þeirra von-
brigða og þess sársauka sem
myndaði verkið. KK var kórinn og
jafnframt hinn vonlausi faðir.
Hann var ásinn sem tilveran sner-
ist um og jafnframt stærsta tabú-
ið. Einhvern veginn var ekki hægt
að hugsa sér neinn annan í þessu
hlutverki.
Vininn, vonlausa kærastann,
leikur Magnús Guðmundsson sem
útskrifaðist úr leiklistardeild
Listaháskólans árið 2007. Vinur-
inn Martin sem er einkar vand-
ræðalegur og óframfærinn verður
bráðlifandi í lágmæltum meðför-
um Magnúsar, sem sýnir hér svo
ekki verður um villst að hann er
hrífandi gamanleikari.
Umgjörðin öll sagði einnig sína
sögu, hrörlegt herbergi á hrörleg-
um stað á einhverju móteli í
einskis mannslandi þangað sem
kúrekinn kemur langar leiðir til
þess að hitta sína heittelskuðu og
eftir því sem líður á verkið koma
tengsl þeirra í ljós, tengslin sem
enginn má vita um, meðan þau
standa í vonlausri baráttu þar sem
ástin er í rauninni haldreipið í líf-
inu meðan siðferði samfélagsins
segir eitthvað annað og auðvitað
þeirra eigin lífssýn.
Verkið fjallar um baráttu þeirra.
May þykist vilja gera eitthvað
annað til þess að bjarga lífi sínu og
hann vill einnig sanna sig annars
staðar en leitar hana samt alltaf
uppi.
Þessari baráttu koma leikararn-
ir fantavel til skila. Hljóðum og
leikmynd er einkar vel fléttað
saman. KK flytur okkur ekki
aðeins tónlistina heldur samdi
hann hana sérstaklega fyrir þessa
sýningu. Hópurinn fékk trésmíða-
deild Iðnskólans sér til aðstoðar
við gerð leikmyndarinnar og tókst
þeim að koma þurrkinum og hitan-
um vel til skila auk nöturleikans í
hinu ópersónulega og óhreina þar
sem baðskápurinn var eini staður-
inn sem hægt var að geyma glösin
hrein. Sem sagt þétt og smart vel
gerð sýning þar sem áhorfendur
sjálfir leggja sitt af mörkum í leik-
hljóðum með þurran sand undir
fótum.
Salurinn er lítill og tekur líklega
ekki nema 120 manns í sæti en það
er vonandi að unnendur góðrar
leiklistar láti ekki þessa sýningu
framhjá sér fara. Elísabet Brekkan
Forboðin ást í Silfurtunglinu
LEIKLIST
Fool of love eftir Sam Shepard
Búningar: Rannveig Eva Karlsdóttir.
Ljós: Jón Þorgeir Kristjánsson. Hljóð:
Sindri Þórarinsson. Tónlistarstjórn: KK.
Aðstoðarleikstjóri: Valdís Arnardóttir.
Leikstjóri: Jón Gunnar Þórðarson.
Leikhópurinn: Sveinn Ólafur Gunn-
arsson, Magnús Guðmundsson, Þóra
Karítas og og KK .
Silfurtunglið sýnir í Austurbæ.
★★★★
Gaman í leikhúsi þegar hlutirnir
ganga upp.
FOOL FOR LOVE Sjúk í ást hét verkið er það var leikið hér fyrir tveimur áratugum en
kallast nú upphaflegu heiti, Fool for love.