Fréttablaðið - 07.01.2008, Blaðsíða 40
24 7. janúar 2008 MÁNUDAGUR
sport@frettabladid.is
10
DAGAR
Í EM
Í HANDBOLTA
LK Cup
Ísland-Danmörk 36-37 (19-18)
Mörk Íslands (skot): Snorri Steinn Guðjónsson
7 (11), Guðjón Valur Sigurðsson 7/2 (12/2),
Róbert Gunnarsson 6 (8), Logi Geirsson 5 (7),
Arnór Atlason 5 (8), Einar Hólmgeirsson 2 (9),
Bjarni Fritzson 1 (1), Sigfús Sigurðsson 1 (1),
Ásgeir Örn Hallgrímsson 1 (2), Ólafur Stefánsson
1/1 (1/1).
Varin skot: Hreiðar Levý Guðmundsson 12,
Roland Valur Eradze 4.
Hraðaupphlaup: 8 (Snorri 2, Guðjón 2, Róbert
2, Sigfús, Arnór).
Fiskuð víti: 3 (Snorri, Arnór, Guðjón).
Utan vallar: 12 mínútur.
Mörk Dana: Lars Møller Madsen 6, Michael
Knudsen 6, Hans Lindberg 5, Lars Krogh Jepp-
esen 4, Lars Rasmussen 4/1, Lars Christiansen
4/1, Bo Spellerberg 2, Kasper Søndergaard Sarup
2, Lasse Boesen 1, Jesper Nøddesbo 1, Kasper
Nielsen 1, Jesper Jensen 1.
Varin skot: Michael Bruun 15, Peter Henriksen
2.
Hraðaupphlaup: 11 (Lindberg 4, Rasmussen
2, Knudsen, Noddesbo, Christiansen, Jensen,
Nielsen).
Utan vallar: 4 mínútur.
ÚRSLIT
HANDBOLTI Þó svo að íslenska landsliðið hafi
hafnað í neðsta sæti á LK-Cup er landsliðs-
þjálfarinn Alfreð Gíslason ánægður með
mótið og ástandið á liðinu. Ísland tapaði fyrir
Pólverjum í fyrsta leik, gerði svo jafntefli við
Norðmenn og tapaði loks naumlega fyrir
Dönum í gær.
„Fyrri hálfleikur var góður að mörgu leyti.
Við fengum reyndar of mikið af hraðaupp-
hlaupum á okkur en við vorum að prófa Ásgeir
fyrir miðri vörn og mér fannst hann standa
sig mjög vel.
Ég prófaði svo Guðjón Val með Ásgeiri fyrir
miðri vörn í upphafi seinni hálfleiks og það
var athyglisverð nýjung sem mér fannst
ganga mjög vel upp. Tveir ekki svo stórir en
fljótir á löppunum og vinna vel. Ég var
ánægðastur með vörnina á þessum kafla.
Ég var mjög ánægður með Hreiðar í
fyrri hálfleik,“ sagði Alfreð, sem
hefur nokkrar áhyggjur af Sigfúsi
Sigurðssyni.
„Hann er ekki í því formi sem
hann þarf helst að vera í til að fara á
EM. Hann er nýkominn úr meiðslum
og það leynir sér ekki því hann er hægur
í hreyfingum. Ég prófaði Vigni síðan gegn
Norðmönnum og var heldur ekki ánægður
með hann og því prófaði ég Ásgeir núna.“
Skytturnar vinstra megin stóðu sig vel gegn
Dönum og þjálfarinn var mjög ánægður með
það. „Ég er mjög ánægður með bæði Loga og
Arnór. Einar var ógnandi en fann samt ekki
alveg fjölina sína. Hann mun fá að spila meira
til að koma sér í leikform,“ sagði
Alfreð sem var ekki sáttur
við dóm-
gæsluna.
„Það
voru nokkrir dómar á mikilvægum augnablik-
um sem féllu með þeim. Danirnir fengu líka
að brjóta mikið af sér og hrintu til að mynda
hornamönnunum án þess að dæmt væri. Það
voru fleiri furðulegir dómar sem féllu með
heimaliðinu og ekki síst þegar ruðningur er
dæmdur á Arnór þegar hann vippar en það
var á mjög mikilvægu augnabliki.“
Alfreð er mjög sáttur við mótið í heild sinni
og er á því að liðið sé betur statt en á sama
tíma í fyrra.
„Það hefur verið góður stígandi og við erum
á réttri leið. Við hefðum getað unnið Norð-
menn, vorum betri en Danir þrátt fyrir allt og
klúðruðum Pólverjaleiknum sjálfir. Við erum
í mun betra standi en á sama tíma í fyrra og
eigum Alexander og Garcia inni.
Það var mjög margt jákvætt í þessu og ég
kem ánægður heim af mótinu enda vorum
við sífellt að spila betur. Vonandi tökum við
fleiri skref fram á við gegn Tékkum og þá
fer ég mjög bjartsýnn á EM,“ sagði Alfreð.
- hbg
Alfreð Gíslason landsliðsþjálfari var mjög sáttur við frammistöðu landsliðsins á LK-Cup:
Góður stígandi og tel okkur vera á réttri leið
ALFREÐ GÍSLASON Ósáttur við að
tapa leiknum í gær en er í heildina
mjög sáttur við frammistöðu liðsins
á mótinu. FRÉTTABLAÐIÐ/PJETUR
AKSTURSÍÞRÓTTIR Ökuþórinn
Kristján Einar Kristjánsson stóð
sig vel í sinni fyrstu keppni í
Nýja-Sjálandi. Hann lauk öllum
þrem keppnunum og bætti sig
með hverri þeirra. Kristján er
reynslulaus í slíkri keppni og því
var það ákveðinn áfangi fyrir
hann að klára.
Hann varð fimmtándi í fyrstu
keppninni, þrettándi í annarri
keppni og svo loks sextándi. - hbg
Kristján Einar Kristjánsson:
Ágæt byrjun
ALLT KLÁRT? Kristján sést hér við bílinn
sinn um helgina. MYND/KRISTJÁN FRIÐRIKSSON
> Eslöv áfram í Meistaradeildinni
Borðtenniskappinn Guðmundur Stephensen tryggði liði
sínu, Eslöv frá Svíþjóð, sæti í átta liða úrslitum Meistara-
deildar Evrópu er Eslöv lagði franska liðið Cestras, 3-2.
Það var jafnt í rimmunni, 2-2, þegar Guðmundur mætti
Dananum Cestas Finn Tugwell, sem er annar besti borð-
tennismaður Dana. Guðmundur lagði Danann glæsilega,
3-1, og er Eslöv því komið í átta liða úrslit annað árið í
röð þar sem það mætir
þýska liðinu Borussia
Düsseldorf en með lið-
inu leikur fimmti besti
borðtennisspilari heims,
Timo Boll.
Kvennalið Keflavíkur í körfuboltanum fékk góðan liðsstyrk fyrir leik
sinn gegn Fjölni á laugardag. Þá lék þýska landsliðskonan Susan
Biemer sinn fyrsta leik með Keflavík, en hún hefur verið að spila á
Ítalíu, og svo dúkkaði baráttujaxlinn og reynsluboltinn Birna Valgarðs-
dóttir upp á nýjan leik en hún hefur verið í barnsburðarleyfi.
„Þetta gekk ágætlega. Ég spilaði reyndar ekki mikið enda í litlu
formi. Ég setti samt niður einn þrist,“ sagði Birna kát við Fréttablaðið
í gær. Hún stóð í stórræðum að flytja en fjölskyldan er að stækka við
sig í kjölfar fjölgunar fjölskyldumeðlima.
Aðeins eru sex vikur síðan Birna fæddi dreng og hún hefur því
aðeins mætt á örfáar æfingar. Hún stefnir þó á að komast í gott form
eins fljótt og auðið er.
„Það er ekkert mál að koma sér af stað aftur en það er mjög erfitt
samt að byrja aftur þar sem maður er eðlilega ekki í neinu formi.
Þetta kemur samt allt saman en því er ekki að neita að það er
hrikalega pirrandi að vera í lélegasta forminu á æfingum. Stelpurnar
hlaupa allar fram úr manni og ég kem svo á staðinn tveim mínútum
síðar. Það er svolítið erfitt fyrir keppnismanneskju eins og mig en
ég veit að þetta mun allt koma svo ég örvænti ekki,“ sagði Birna.
Endurkoma hennar mun eflaust virka eins
og vítamínsprauta fyrir Keflavíkurliðið, sem
hefur verið afar óheppið með meiðsli.
„Við höfum svo sannarlega verið
óheppnar og því var gott að fá þessa
þýsku líka. Mér sýnist hún lofa góðu en
það er ekki alveg að marka strax enda
er hún nánast nýlent. Við stefndum að
því að taka titilinn fyrir mót og það hefur
ekkert breyst.“
Birna segir að það gangi vel með litla dreng-
inn þó svo að svefnvenjur hennar sjálfrar hafi
breyst nokkuð síðustu vikur.
„Maðurinn minn segir að hann sé á amer-
ískum tíma því hann vakir á næturnar og vill
spjalla en sefur á daginn. Ég nota tækifærið
og legg mig með honum á daginn. Ég mæti
því nývöknuð á æfingar á kvöldin, sem er ný
reynsla en skemmtileg,“ sagði Birna jákvæð.
KEFLVÍKINGURINN BIRNA VALGARÐSDÓTTIR: BYRJUÐ AFTUR Í BOLTANUM EINUM SEX VIKUM EFTIR BARNSBURÐ
Mætir nývöknuð á æfingar á kvöldin
HANDBOLTI Danir halda áfram að
stríða Íslendingum á handbolta-
vellinum en þeir unnu dramatísk-
an sigur í gær, 37-36, í lokaleik lið-
anna á LK Cup. Ísland lenti í neðsta
sæti á mótinu með eitt stig sem
fékkst gegn Noregi en leikirnir
gegn Póllandi og Danmörku töp-
uðust. Það var Lars Møller Mad-
sen sem tryggði Dönum sigur líkt
og í Hamburg í fyrra.
Alfreð byrjaði leikinn í gær með
Hreiðar í markinu og þá Sigfús og
Ásgeir Örn fyrir hjarta varnarinn-
ar en Sverre Jakobsson var veikur
og gat því ekki spilað. Í sókninni
fékk Einar Hólmgeirsson tæki-
færi á meðan Ólafur Stefánsson
hvíldi.
Fyrri hálfleikur var mjög fjör-
ugur. Íslendingar voru yfirvegað-
ir og rólegir í sínum aðgerðum á
meðan Danir reyndu að keyra
hraðann upp. Það gekk ágætlega
hjá heimamönnum framan af en
smám saman jafnaðist leikurinn
og Ísland náði yfirhöndinni.
Sóknarleikur Íslands var frá-
bær í hálfleiknum. Eins og áður
segir yfirvegaður, vel skipulagður
og leikmenn þolinmóðir í að finna
rétta skotið. Hreiðar varði ágæt-
lega á köflum þó svo vörnin hafi
ekki virkað neitt sérstaklega.
Ísland var með frumkvæðið allan
hálfleikinn og leiddi mest með
þrem mörkum. Danir komu þó til
baka undir lok hálfleiksins og
minnkuðu muninn í eitt mark, 19-
18.
Arnór Atlason kom inn af bekkn-
um í leikhléi og átti eftir að láta
mikið að sér kveða í kaflaskiptum
hálfleik. Danir byrjuðu mun betur
og er þeir náðu tveggja marka for-
skoti, 24-26, tók Alfreð leikhlé. Það
skilaði sínu því Ísland skoraði
næstu fjögur mörk leiksins og þá
tóku Danir leikhlé. Leikhléin skil-
uðu sínu því leikurinn jafnaðist á
ný og var æsispennandi allt til
enda.
Markvarslan datt algjörlega
niður hjá Íslandi í síðari hálfleik
og Danir skoruðu of mikið úr auð-
veldum hraðaupphlaupum. Loka-
kaflinn var skrautlegur. Knudsen
kom Dönum í 36-35 og Róbert
klikkaði í kjölfarið þegar aðeins
mínúta var eftir. Þá varði Roland
og Guðjón jafnaði úr hraðaupp-
hlaupi. Íslenska liðið braut á
Dönum úti á velli er tíminn fjaraði
út. Hinn stóri og stæðilegi Madsen
gerði sér síðan lítið fyrir og skor-
aði beint úr aukakastinu. Ákaflega
sárt og fékk menn til þess að minn-
ast tapsins grátlega gegn Dönum á
HM í fyrra.
Þó svo Ísland hafi tapað leikn-
um og endað í neðsta sæti mótsins
lofar frammistaðan góðu eins
furðulegt og það nú hljómar. Það
var lagt upp með að láta þá spila
sem vantaði leikæfingu og þeir
koma flestir vel undan mótinu.
Logi Geirsson lék mjög vel í
fyrri hálfleik í gær. Arnór tók upp
þráðinn í síðari hálfleik, skoraði
grimmt og lék vel. Það eru geysi-
góð tíðindi að vinstri vængurinn
sé að finna sig.
Einar Hólmgeirsson var dugleg-
ur að skjóta en fann sig ekki. Hann
mun þó verða betri er kemur að
EM og þarf aðeins að spila meira.
Snorri Steinn átti frábæran leik,
stýrði spilinu frábærlega og skor-
aði góð mörk. Róbert var sterkur á
línunni og einnig ánægjulegt að
sjá hversu gott ástandið er orðið á
Guðjóni Vali sem skilaði sínu líkt
og venjulega.
Það munaði nokkuð um að
Ólafur Stefánsson var slakur; tap-
aði boltanum oft og tók þess utan
ekki eitt skot á markið. Markvarsl-
an var ekki nógu góð og það er
áhyggjuefni hversu lítil mark-
varsla er alltaf á fyrstu tuttugu
mínútum síðari hálfleikja liðsins
en þá er hún oftar en ekki engin.
Varnarleikurinn var ekki sann-
færandi lengstum en Ásgeir Örn
kom skemmtilega á óvart.
henry@frettabladid.is
Endurtekið efni gegn Dönum
Danir tryggðu sér sigur gegn Íslandi í gær, 37-36, með ævintýralegu marki Íslandsbanans Lars Møller Mad-
sen beint úr aukakasti langt utan af velli þegar leiktíminn var liðinn. Þrátt fyrir tapið gefur leikur íslenska
liðsins góð fyrirheit um framhaldið enda margt jákvætt í leiknum og liðið klárlega á réttri leið.
ÖFLUGUR Snorri Steinn Guðjónsson kann greinilega vel við að spila gegn Dönum því
hann átti klassaleik í gær líkt og á HM í fyrra. FRÉTTABLAÐIÐ/PJETUR