Fréttablaðið - 09.01.2008, Blaðsíða 16

Fréttablaðið - 09.01.2008, Blaðsíða 16
MARKAÐURINN 9. JANÚAR 2008 MIÐVIKUDAGUR16 H A U S E inn mest spennandi hluthafa- fundur í finnskri sögu er fram undan segja menn um komandi hluthafafund í Elisa. Þá takast á Novator, fjárfestingarfélag Björg ólfs Thors Björgólfssonar, og stjórn og ýmsir finnskir hluthafar í fjarskipta- félaginu Elisa. Fundurinn, sem boðað er til að kröfu Novators, verður haldinn 21. janúar. Hann verður haldinn í skautahöll- inni í Helsinki. Þar má koma fyrir þús- undum manna. Fari gólfflötur hússins undir íshokkí geta átta þúsund manns setið á áhorfendabekkjum. Þar eru jafn- framt haldnir stórir rokktónleikar og ráð- stefnur. Novator hefur lagt til breytingar á samþykktum félagsins og vill auk þess fá tvo menn í stjórn. Talsmenn félagsins segja að möguleikar þess séu vannýttir og vilja auka möguleika þess til útrásar og auka sveigjanleika í rekstri. Stjórn Elisa og ýmsir hluthafar hafa hins vegar vísað í ágætt gengi fyrirtækisins. Engu þurfi að breyta og bæta því við að framtíðarsýn Novators sé óskýr. „Þetta kemur á óvart. Þeir hafa í einka- samtölum aldrei gagnrýnt stefnuna, þvert á móti hafa þeir hrósað okkur fyrir gott gengi,“ sagði Pekka Ketonen, stjórnar- formaður Elisa, í samtali við Frétta blaðið fyrir skömmu. Talsmenn Novators fullyrða að mánuð- um saman hafi verið reynt að sannfæra stjórnina um ágæti nýrrar stefnu. GEGN FINNSKA RÍKINU OG ÞJÓÐINNI Málið hefur vakið mikla athygli í Finn- landi og víðar og hefur töluvert verið fjallað um það í ýmsum fjölmiðlum. Olli Kahkonen, hjá Greiningardeild Landsbankans í Finnlandi, segir að áhugi almennings í Finnlandi á málinu sé tölu- verður. Það skýrist ef til vill af því að mörg finnsk heimili eigi hlutabréf í félaginu. En fram hefur komið að eignar- aðild í fyrirtækinu er mjög dreifð. Hlut- hafar eru yfir 237 þúsund talsins en Novator er samkvæmt nýjustu upplýs- ingum langstærsti einstaki hluthafinn. Finnsk heimili eiga hins vegar tæplega fjórðung hluta í félaginu, samkvæmt upplýsingum á vefsíðu Elisa. Fram kemur í finnskum fjölmiðlum að þúsundir hluthafa hafi falið samtökum fjárfesta umboð fyrir sig á hluthafafund- inum 21. janúar. Samtökin hafa lýst and- stöðu við hugmyndir Novators. Þó er enn óvíst hversu miklu atkvæðamagni sam- tökin munu ráða á hluthafafundinum. „Mér finnst fínt að Novator leggi áherslu á vöxt. Hins vegar hefur ekki verið kynnt áætlun sem tryggir vöxtinn með lítilli áhættu, að minnsta kosti ekk- ert í samræmi við núverandi áætlanir fyrirtækisins,“ segir Jarmo Leppiniemi, formaður samtaka finnskra fjárfesta. Þá á finnska ríkið 0,65 prósenta hlut í fyrirtækinu og hefur snúist á sveif með þeim sem lýsa andstöðu við hugmyndir Novators. Því má kannski með nokkrum rétti segja að Björgólfur berjist bæði gegn finnsku stjórninni og finnsku þjóðinni. „Þetta virðist vera skýrt merki um þjóðernishyggju sem verður til þess að hluthöfum er mismunað. Það er ekki gáfulegt að mismuna þeim sem ekki tala finnsku, ekki síst í ljósi þess að helmingur félagsins er í erlendri eigu,“ sagði Björ- gólfur Thor um viðbrögð Finna í viðtali við Helsingin Sanomat. Orri Hauksson, talsmaður Novators í Finnlandi, segir að einkum hafi verið rætt við erlenda fjárfesta, en þeir ráði yfir helmingi hlutafjár í Elisa. ÚTRÁS FRÁ FINNLANDI En um hvað snýst málið? Frá því að Novator eignaðist hlut í Elisa, í ársbyrjun 2005, virðist reksturinn hafa gengið ágæt- lega ef marka má ummæli Pekka Keton- en í Fréttablaðinu. Þá hefur gengi hluta- bréfa í félaginu yfirleitt verið á leiðinni upp á við síðan. Var í kringum 12 í árs- byrjun 2005 og stendur í tæpum 22 þegar þetta er skrifað. Orri Hauksson hefur sagt að í Elisa liggi miklir vannýttir möguleikar, sem ekki verði séð að nýtist við núverandi skipulag. „Þarna er mikið af óinnleystum verð- mætum í félaginu. Við viljum að félagið geti nýtt sér Finnland sem stökkpall til frekari útrásar, en það getur illa gerst við núverandi skipulag þess. Til þess þarf að auka sveigjanleikann.“ Björgólfur Thor Björgólfsson segir í viðtalinu við Helsingin Sanomat að eina markmið sitt sé að auka virði hlut hafanna. Því hafi viðbrögð Finna komið sér veru- lega á óvart. Orri Hauksson hefur einnig sagt að Novator vilji einnig fá fulltrúa í stjórn Elisa þar sem ljóst sé að nú sé munur á stefnu stjórnarinnar og stærsta hlut- hafans. „Ég fæ ekki séð að við eigum að breyta skipulagi félagsins ef við vitum hvorki hver framtíðarsýn Novators er né hvernig slíkri sýn yrði hrint í framkvæmd,“ sagði Ketonen við Fréttablaðið og bætti því við því við að núverandi áætlanir Elisa pöss- uðu ekki vel við hugmyndir Novators. TÓM TJARA Meðal þess sem fram hefur komið í Finn- landi er að Novator vilji sameina Elisa öðru félagi á vaxandi markaði í Mið- og Austur-Evrópu. Þetta útspil sé fyrsta skrefið á lengri vegferð. Novator eigi tvö fjarskiptafyrirtæki í Póllandi og hyggi á sameiningar. Björgólfur blæs á þetta í viðtalinu við Helsingin Sanomat. „Orðið misskilningur dugar ekki til að lýsa þessu,“ segir Björg- ólfur. „Fullyrðingar um þetta eru tóm tjara.“ Ekki standi til að sameina Elisa og pólsku félögin. Fram kemur í Financial Times fyrir fáum vikum að núverandi stjórnendur Elisa séu gagnrýndir fyrir að hafa glatað tækifærum til útrásar til Rússlands og Eystrasaltslandanna. „Þeir haga sér eins og skriffinnar,“ var haft eftir Björgólfi í blaðinu og vís- aði hann til stjórnar Elisa. Félagið væri rekið þannig að það stæði í stað. Stjórnin ráðlegði hluthöfum nú að rugga ekki bátnum. „En það er kominn tími til að taka í taumana,“ segir Björgólfur Thor. BARIST UM BRÉFIN TIL SÍÐASTA DAGS Finnsku tryggingafélögin og lífeyris- sjóðirnir, sem eiga næststærsta hlut- inn í Elisa á eftir Novator, hafa und- anfarið aukið hlut sinn í félaginu. Þá hefur Novator aukið hlut sinn undan- farna daga, samkvæmt heimildum Mark- aðarins. Aukningin mun þó ekki vera teljandi. Ljóst er því að hörð barátta um fram- tíð félagsins er þegar hafin, ekki aðeins í fjölmiðlum, heldur einnig í kauphöllinni. Olli Kahkonen segir að síðasti dagur- inn til að kaupa hlutabréf í félaginu til að öðlast atkvæðisrétt á fundinum hafi verið í gær. Þá hafi þúsundir Finna veitt samtökum fjárfesta þar í landi umboð til að fara með atkvæði sitt á fundinum. HVAÐ GERIST 21. JANÚAR? Viðmælendur Markaðarins fara varlega í að spá fyrir um niðurstöðu hluthafa- fundarins. Helming atkvæða á fundinum þarf til að leysa stjórnina frá störfum og kjósa nýja, en til að ná fram breytingu á samþykktum félagsins, eins og Novator leggur til, þarf samþykki fulltrúa fyrir tvo þriðju hlutafjár. Orri Hauksson segir að fundurinn verði sennilega sá mest spennandi í Finnlandi í lengri tíma. Menn séu bjartsýnir en hann vill ekki spá fyrir um útkomu. „Form og tímasetningar á því hvað við gerum eru í sjálfu sér ekkert trúaratriði.“ Aðalmálið sé að hluthafar njóti góðs af fyrirtækinu. Þá bætir Orri því við að þótt átök hafi verið um málið, sé það jákvætt að vitund hluthafanna, sem lengi hafi verið óvirkir, hafi aukist. Björgólfur Thor segist ekki vilja spá í niðurstöðuna fyrir fram, í við- talinu við Helsingin Sanomat, hann ætli hins vegar alls ekki að missa af fund- inum. Ketonen vildi lítið um þetta spá þegar fréttablaðið ræddi við hann fyrir nokkrum vikum. Jarmo Leppiniemi segir komandi fund mjög spennandi en telur að Novator verði undir í átökunum. Olli Kahkonen bendir á að nýlega hafi verið gerð skoðanakönnun sem sýni að meirihluti smærri hluthafa sé andsnúinn hugmyndum Novators. „En um niðurstöðu hluthafafundarins verður erfitt að spá. En víst er að þetta verður sennilega mest spennandi hluthafa fundur sem haldinn hefur verið hér á landi.“ Vetrarstríð Novators við Finnana Novator vill breyta næststærsta fjarskiptafélagi Finna og halda í útrás frá Finnlandi. Hugmyndir hans mæta andstöðu sem hann skýrir með þjóðernishyggju. Finnar telja hugmyndir hans óskýrar og vilja ekki breyta því sem vel gengur. Ingimar Karl Helgason fer yfir átökin um finnska fjarskiptafélagið Elisa. T Í M A R Ö Ð 2005: Novator eignast hlut í Elisa. júní 2006: Hlutabréf í Elisa taka að hækka í verði. apríl 2006 - febrúar 2007: Novator hefur frumkvæði að viðræð- um við stjórn Elisa um breytingar á skipulagi félagsins. apríl - nóvember 2007: Miklar umræður við stjórn um framtíð fyrirtækisins 31. október 2007: Stjórn Elisa hafnar tillögum Novators form- lega. 22. nóvember 2007: Novator krefst hluthafafundar. nóvember 2007: Stjórnarformaður Elisa segir kröfu Novators um fundinn koma á óvart. Sú fullyrðing kemur Novator á óvart. 21. janúar 2008: Hluthafafundur í Elisa þar sem tekist verður á um tillögur Novators E L I S A Í T Ö L U M Fjöldi Finna 5.200.000.000 Fjöldi viðskiptavina Elisa 3.930.800 Fjöldi hluthafa í Elisa 237.000 Fjöldi starfsmanna Elisa 3.229 Fjöldi SMS-skeyta sem send voru af við skiptavinum Elisa á þriðja ársfjórðingi 2007 382.000.000 Fjöldi mínútna sem viðskiptavinir Elisa töluðu í símann á þriðja ársfjórðingi 2007 1.428.000.000 Fjöldi landa sem Elisa starfar í 2 Fjöldi stjórnarmanna í Elisa 6 Árið sem Elisa var stofnað 1882 Tekjur Elisa í evrum árið 2006 1.520.000.000 Markaðsvirði í evrum um miðjan dag í gær 3.577.276.175 Fjöldi frétta á Google News sem fjalla um þátt Novators í Elisa undanfarnar vikur 88 H V E R J U V I L L N O V A T O R B R E Y T A ? Endurnýjun í stjórn: ■ fá tvo fulltrúa ■ þarf einfaldan meirihluta Breyting á samþykktum: ■ félaginu skipt í rekstrar- og fjárfestingarhluta ■ þarf tvo þriðju hlutafjár til samþykktar D J Ú P A R R Æ T U R ■ Elisa er næststærsta fjarskiptafyrirtæki Finnlands og er þar rótgróið. Saga þess er rakin aftur á nítjándu öld, en það var stofnað árið 1882. ■ Félagið var skráð á hlutabréfamarkað árið 1997. Helsti markaður þess er heimamarkaðurinn í Finnlandi þar sem félagið býður bæði fastlínu símaþjónustu og GSM-þjón- ustu, auk þess sem unnið er að uppbyggingu 3G-þjónustu. Þá hefur fyrirtækið verið með starfsemi í Eistlandi. Þess má geta að eistneska er skyld finnsku, en málin eru óskyld öllum öðrum Evrópumálum að ungversku frátalinni. ■ Verðmæti hlutabréfa í félaginu hafa næstum tvöfaldast síðan Novator eignaðist hlut í því. S T Æ R S T U H L U T H A F A R N I R 1 Novator Finland Oy 11,48% 2 Ilmarinen Mutual Pension Insurance Company 4,90% 3 Varma Mutual Pension Insurance Company 1,80% 4 Ajanta Oy 1,25% 5 OP-Delta Equity Fund 0,85% 6 Nordea Bank Suomi Oyj 0,74% 7 Helsinki-borg 0,67% 8 Prime Minister’s Office 0,65% 9 State Pension Fund 0,63% 10 Etera Mutual Pension Fund 0,57% 11 Eläke-Fennia Mutual Pension Insurance Company 0,41% 12 Sampo Suomi Osake Equity Fund 0,29% 13 Nordea Fennia Equity Fund 0,22% 14 Säästöpankki Kotimaa Equity Fund 0,20% 15 OP-Focus Special Equity Fund 0,18% 16 ABN Amro Finland Equity Fund 0,18% 17 Gyllenberg Finlandia Equity Fund 0,18% 18 City of Vantaa 0,16% 19 Nordea Pro Suomi Equity Fund 0,14% 20 OMX Helsinki 25 Special Equity Fund 0,14% BJÖRGÓLFUR THOR BJÖRGÓLFSSON Vill auka hagnað hluthafanna. Vill breyta skipulagi fyrirtækisins og gera það sveigjanlegra. JARMO LEPPINIEMI Finnst hugmyndir Novators óskýrar. Treystir heldur núverandi stjórn fyrir framtíð fyrirtækisins. Finnland Svíþjóð Noregur Danmörk Pólland Litháen Lettland RússlandEistland Nú þegar með starfsemi Sækist eftir starfsemi

x

Fréttablaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Fréttablaðið
https://timarit.is/publication/108

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.