Fréttablaðið - 12.01.2008, Blaðsíða 56
28 12. janúar 2008 LAUGARDAGUR
➜ MYND UM LÍF MIT21 SPILARA
Þ
að fyrsta sem flestum
dettur í hug þegar MIT-
tækniháskólinn (Massa-
chusetts Institute of
Technology) í Bandaríkj-
unum er nefndur á nafn
er yfirburðaárangur nemenda skólans
í verkfræði og stærðfræði. Nemendur
skólans eru þó einnig alræmdir fyrir
þá sök að úr þeirra hópi hafa á tölvuöld
sprottið margir stórvirkustu tölvurefir
sögunnar. Við skólann er líka kennt
umfangsmesta „svindl“ í sögu fjár-
hættuspila í heiminum þar sem hópur
nemenda nýtti stærðfræðisnilld sína til
að vinna hundruð milljóna af spilavít-
um í Las Vegas og víðar.
Byrjunin
Saga MIT21-liðsins (The MIT Black-
jack Team) er með ólíkindum. Upphaf-
lega var það vinsæl dægradvöl stúd-
enta við skólann að koma saman og
spila fjárhættuspil og nýta stærðfræði-
kunnáttu sína til að vinna smáar upp-
hæðir af félögunum. Þessi hefð innan
skólans þróaðist síðan upp í dauðans
alvöru fyrir tilstuðlan fyrrverandi
stærðfræðiprófessors og sex nemenda,
sem síðar urðu kjarni MIT21-liðsins.
Þeir komu auga á að nýta mætti yfir-
burðagáfur nemenda í MIT til að auka
líkur á vinningum í fjárhættuspilinu
21, sem er eitt fárra fjárhættuspila þar
sem hægt er að hafa áhrif á vinnings-
líkur þegar spilað er.
Á níunda áratugnum hafði þessi
félagsskapur nemenda úr MIT sett á
fót eins konar neðanjarðarkerfi spila-
víta sem teygðu sig til íbúða nemenda
og kennslustofa en einnig voru heilu
vöruhúsin leigð þar sem sett voru upp
eftirlíkingar af spilavítum. Í þessu
umhverfi fór fram þjálfun fjárhættu-
spilara en þeim var ætlað að vinna stór-
fé við erfiðustu aðstæður; í stóru spila-
vítunum í Las Vegas og Atlantic City.
Hinir útvöldu
Það var ekki á allra færi að fá að spila í
MIT21-liðinu. Nýir spilarar voru látnir
gangast undir fjölda prófa til að kanna
hvort þeir kæmu til greina í liðið. Ef
svo reyndist vera, þá tók við strangt
þjálfunarferli.
Hver spilari þurfti að standast próf
sem MIT21-liðið kallaði „eldskírnina“.
Spila þurfti óaðfinnanlega í tilteknum
fjölda spila og þola margs konar áreiti
og truflun á meðan, sem viðgengst í
stærri spilavítum. Þar þurfti spilarinn
að sýna fram á að allir útreikningar
væru óaðfinnanlega útfærðir. Aðeins
þeir bestu fengu síðar að spila fyrir
stærri fjárhæðir í stærstu spilavítun-
um. Sumir stóðu stutt við en þeir hæfi-
leikaríkustu gerðu fjárhættuspil að
atvinnu sinni, og hafa efnast gríðarlega
og eru fyrir vikið goðsagnir innan
þessa afmarkaða heims sem fjárhættu-
spilarar lifa í.
Fjárfestarnir
Allan níunda áratuginn fóru nemendur
skólans frá Boston til Las Vegas og Atl-
antic City, þar sem stærstu spilavíti
Bandaríkjanna er að finna. Á vegum
MIT21-liðsins voru allt að 80 spilarar á
hverjum tíma. Það sem gerði þessum
ungu námsmönnum kleift að spila fyrir
háar upphæðir var að þegar geta þeirra
til að vinna fé af spilavítunum kom í
ljós, buðu sig fram „fjárfestar“ sem
reyndust oftar en ekki tengjast skipu-
lagðri glæpastarfsemi. Þeir lögðu fram
stofnfé sem hinir ungu ævintýramenn
margfölduðu með spilamennskunni.
Fjárfestarnir svokölluðu og spilararnir
hittust aldrei, en þeir sem stjórnuðu
liðinu sáu um reksturinn. Allt var byggt
upp eins og hvert annað fyrirtæki.
Fjárfestarnir borguðu fyrir þjálfun,
ferðir og uppihald spilaranna sem
þurftu á móti að skila inn skýrslu um
hvernig þeir höfðu spilað til sigurs; allt
var þetta matað inn í tölvur sem unnu
úr upplýsingunum. Þar sem spilararnir
voru einnig frábærir forritarar þróuðu
þeir tölvuforrit sem nýtt voru til að
reikna líkur og þróa vinningskerfin
áfram.
Við sögu komu hundruð spilara á
þessum tíma; sumir stofnuðu sín eigin
lið en aðrir sögðu skilið við líf fjár-
hættuspilarans eftir að námi í MIT
lauk. Sem dæmi má taka nokkra þeirra
sem seinna áttu meginheiðurinn að því
þróa forrit fyrir Microsoft-hugbúnað-
arfyrirtækið. Windows-stýrikerfið er
þannig skrifað að stórum hluta af fyrr-
verandi fjárhættuspilurum frá MIT.
Blómatíminn
Blómatími MIT21-liðsins var tíundi
áratugurinn og er sögusvið bókarinnar
Bringing Down the House eftir banda-
ríska rithöfundinn Ben Mezrich. Bók
Mezrich er samantekt frásagna nokk-
urra af hæfileikaríkustu spilurum
MIT21-liðsins sem hafa gert fjárhættu-
spil að atvinnu sinni og eru í dag stór-
efnaðir menn. Vopnaðir rúmlega ára-
tuga reynslu í spilavítum um allan
heim tóku þeir sig saman, söfnuðu
einni milljón dollara í stofnfé og tóku
að spila á stærðargráðu sem
var áður óþekkt. Frásagnir
þeirra endurspegla líf þess-
ara ungu manna sem í byrjun voru
blankir háskólastúdentar og enduðu
sem vellauðugir ævintýramenn. Eig-
endur spilavítanna áttuðu sig ekki á
svikamyllunni og veittu þeim aðgang
að öllum þeim lystisemdum sem ríkir
fjárhættuspilarar njóta í borg synd-
anna, eins og Las Vegas er löngum köll-
uð.
Undir fölsku flaggi
Hugsaðu þér tvítugan háskólastúdent
sem tekur stærðfræðipróf á föstudags-
morgni en er hrókur alls fagnaðar í
veislu með Michael Jordan, Eddie
Murphy og Howard Stern á laugar-
dagskvöldi. Stjörnurnar eru áhugasam-
ar um líf þessa unga manns af þeirri
ástæðu að þeir halda að hann sé forrík-
ur rússneskur vopnasali. Það héldu eig-
endur stærstu spilavíta Las Vegas einn-
ig um einn af bestu spilurum MIT21, en
hann, eins og aðrir í liðinu mætti aldrei
til leiks öðruvísi en undir fölsku nafni,
og oftar en ekki í dulargervi.
Það er ekki einfalt að blekkja eigend-
ur spilavíta um árabil og hafa af þeim
stórfé. Þess vegna þurftu spilarar frá
MIT að villa á sér heimildir til að halda
leiknum gangandi.
Spilararnir ferðuðust saman en
höfðu engin samskipti sín á milli til að
gera njósnurum á vegum spilavítanna
erfiðara að þekkja þá. Hver og einn
fékk nýtt nafn, tilheyrandi skilríki og
sögu sem var uppdiktuð af stjórnend-
um liðsins. Þeir sem spiluðu hlutverk
sitt af mestri kostgæfni
náðu undraverðum
árangri í blekking-
unni. Þeir voru þekkt-
ir í Las Vegas og víðar
og voru keyrðir á milli
í eðalvögnum, fengu
úthlutað stærstu lúxus-
svítunum á flottustu
hótelum spilavítanna og
ókeypis miða á eftirsótt-
ustu leiksýningar og
íþróttaviðburði í Banda-
ríkjunum. Tveir liðs-
manna voru á tímabili í
föstu sambandi með klapp-
stýrum Los Angeles Rams-
fótboltaliðsins og annar
með ungfrú október úr Playboy-tíma-
ritinu 1994. Í raun voru þeir bara
háskólanemar sem áttu að vera að lesa
undir próf.
Milljónir í pappahatti
Eitt stærsta vandamál liðsmanna var
hvað þeir græddu mikla peninga. Einn
viðmælanda Mezrich minnist þess að
hafa labbað á milli spilavíta í Las Vegas
með 180 þúsund dollara í partíhatti en
hann, eins og fleiri, þurfti að koma sér
upp sérstökum aðferðum til að koma
vinningsfénu frá borginni sem spilað
var í til Boston þar sem skólinn er. Þeir
límdu féð inn á sig í milljóna vís og
borguðu einnig sérstökum burðardýr-
um til að smygla því fyrir sig. Einn
spilari notaði fötlun sem dulargervi og
lét hanna fyrir sig hækjur þar sem
hann gat falið vinningsféð. Vinningar
þriggja manna liðs í eitt skipti eru tald-
ir hafa náð um hálfri milljón dollara
yfir eina helgi. Heildarvinningsfé
MIT21-liðsins hleypur á tugum millj-
óna dollara þegar allt er talið.
Upp komast svik um síðir
Þegar eigendur spilavítanna áttuðu sig
voru settar af stað gagnaðgerðir sem
taldar eru hafa kostað margfalt það fé
sem þeir voru að tapa til spilaranna.
Eitt stærsta eftirlitsfyrirtæki heims,
Griffin Investigations, var þá ráðið
þeim til höfuðs. Búnaðurinn sem var
nýttur til eftirlitsstarfanna var eins og
sést í Bond-myndunum en það var þó
ekki fyrr en einn starfsmaður Griffin
tók sér í hönd árbækur MIT-háskólans
og bar saman myndir úr gagnabanka
fyrirtækisins að ævintýrið var úti. Ára-
löng rannsókn fyrirtækisins, þar sem
meðal annars var nýttur búnaður frá
Geimferðastofnun Bandaríkjanna,
hafði ekki séð í gegnum svikamyllu
háskólanemanna fram að því.
Í dag starfa margir úr MIT21-liðinu
við að kenna aðferðirnar sem notaðar
voru við svindlið. Það er jú ekki ólög-
legt að telja spil úr stokki og reikna sér
líkur á vinningi. Aðrir hafa þó stofnað
ný lið og ferðast um allan heim og
stunda hina ábótasömu iðju sem þeir
lærðu á skólabekk í fimmta besta
háskóla heims.
Skólastrákar kjöldraga spilavíti
Hundruð ungra stúdenta frá einum besta háskóla heims voru þjálfaðir til að hafa fé af stærstu spilavítum heims. Þeir bestu
gerðust atvinnumenn í fjárhættuspilum og hafa efnast gríðarlega. Svavar Hávarðsson kynnti sér sögu ungmenna sem sátu á
skólabekk á virkum dögum en spiluðu fjárhættuspil fyrir milljónir um helgar og skemmtu sér með Hollywood-leikurum, íþrótta-
stjörnum og þurftu aðstoð til að flytja vinningsféð. Blekkingarnar voru svo lygilegar að verið er að gera kvikmynd um líf þeirra.
THE LAS VEGAS STRIP Við hið fræga sjö kílómetra langa breiðstræti í Las Vegas eru 30 stór hótel með spilavítum, sem eru hin glæsilegustu í heimi. Hvergi er spilað
um hærri fjárhæðir. Í MGM Grand hótelinu eru tæplega 7.000 herbergi og í turnum hótelsins eru 527 stórar svítur og 21 glæsiíbúð. Gólfflötur spilavítisins er 16 þúsund
fermetrar. Sundlaugar með ám og fossum taka 35 þúsund fermetra. Innan MGM er verslunarmiðstöð, næturklúbbar og sextán stór veitingahús. Heildarfjöldi herbergja í
hótelum við breiðgötuna er um 70 þúsund. Nokkur hótel eru nú í byggingu. Það nýjasta, Wynn Las Vegas, kostaði 2,7 milljarða Bandaríkjadollara að reisa.
Í mars næstkomandi verður tekin til sýninga kvikmyndin 21 sem byggð
er á bók Bens Mezrich um fjárhættuspilarana frá MIT-tækniháskólanum.
Með aðalhlutverkin fara meðal annarra Kevin Spacey, Kate Bosworth
og Lawrence Fishburne en leikstjóri er Robert Luketic.
MGM-kvikmyndasamsteypan er einn aðalframleiðandi myndarinnar
en MIT-spilararnir höfðu stórfé af spilavíti í hennar eigu í Las Vegas.
Gárungarnir vilja meina að stjórnendur MGM hafi þar loksins séð
sér leik á borði til að endurheimta þær fúlgur fjár sem þeir töpuðu í
hendur háskólastrákanna.
Hugsaðu þér
tvítugan há-
skólastúdent
sem tekur
stærðfræði-
próf á föstu-
dagsmorgni
en er hrókur
alls fagnaðar
í veislu með
Michael Jor-
dan, Eddie
Murphy
og How-
ard Stern á
laugardags-
kvöldi.