Fréttablaðið - 12.01.2008, Blaðsíða 62
34 12. janúar 2008 LAUGARDAGUR
Við komumst alltaf fyrir
Þétt gufan reyndi að brjótast út úr
eldhúsinu, þrengja sér að rúðun-
um eins og barmmikil kona að
mjóslegnum manni, en komst
hvergi. Ég hafði skellt aftur glugg-
anum, var á leið í bað, kærði mig
ekki um trekk. Þegar loftið var
orðið svo heitt og rakt að vatns-
perlur mynduðust á borðum og
stólum, afklæddist ég og steig
ofan í trébalann mikla sem konur
nota undir stórþvott eða barna-
hópinn á laugardögum og er alltof
þröngur fyrir fullorðna mann-
eskju, en ef ég dró undir mig fæt-
urna, lá í kuðung, komst ég fyrir.
Við komumst alltaf fyrir ef við
förum rétt að.
Kristín Marja Baldursdóttir:
Óreiða á striga (2007)
Stig haldi?
„Óvíst að þjónustustig Landspítal-
ans haldi“ segir í fyrirsögn hér í
Fbl. 15. des. Hvað skyldi þetta
merkja á mannamáli? Skýring
fæst í greininni: „Við ætlum að
reyna að hagræða þannig að það
komi ekki niður á þjónustu við
sjúklinga...“ – en þjónustustig er
mér framandi orð og lítt skiljan-
legt. Og enn síður að það haldi. Á
mannamáli mætti kannski segja:
Óvíst um óbreytta þjónustu. Skilst
það ekki betur? Ekki er nauðsyn
að fjalla um stofnanir á stofnana-
máli.
Áhorf í gangi
„Hvaða áhorf er í gangi?“ – var
spurt í fréttum á Stöð 2, 19. des.
No. áhorf er ungt og haft um
hversu mikið er horft á tiltekið
sjónvarpsefni og oftast haft um
könnun eða rannsókn á „áhorfi“.
Það réttlætir hins vegar ekki ofan-
greinda notkun. Í stað „hvaða
áhorf“ mætti segja „hversu marg-
ir horfa“ – og svo má ég til með að
amast við þessu sífellda „í gangi“
sem alltof margir tönnlast á í tíma
og ótíma.
Var
„Við starfsfólk kirkjugarðanna
höfum orðið var við það...“ – var
sagt í fréttum Rúv. 22, des. Hvað
eftir annað heyrum við viðlíka
rangbeygingu lo. var sem merkir
að taka eftir, veita athygli, skynja.
Hann verður var við, hún verður
vör við, það verður vart við, þeir
verða varir við, þær verða varar
við, þau verða vör við. Og við
(fólkið, karlar og konur) verðum
vör við.
Viðbragðsaðilar!
Ekki er langt síðan ég fjallaði um
aðilapláguna miklu. Og nú bætast
í það safn nýir „aðilar“ fengnir úr
stórri fyrirsögn í Mbl. á gamlárs-
dag: „Viðbragðsaðilar í baráttu við
veðrið.“ Í greininni sést að það eru
björgunarsveitar- og slökkviliðs-
menn sem fá þetta ósmekklega
starfsheiti. Viðbragðsaðili? Ef ég
bregst við slæmu málfari, er ég þá
ekki líka „viðbragðsaðili“ að dómi
þessa blaðamanns – eða kannski
„málfarsaðili“?
Braghenda
Ragnar Böðvarsson sendir þessa
braghendu:
Hvítum voðum hól og lautu
hjúpað getur
sjálfsagt öllum öðrum betur
afli Norðra gæddur vetur.
Vilji menn senda mér braghendu
eða góðfúslegar ábendingar:
npn@vortex.is
HLJÓÐFÆRI HUGANS
Njörður P. Njarðvík skrifar
um íslenskt mál
GÓÐ VIKA / SLÆM VIKA
99
k
r.
sm
si
ð
Dæmi hvernig SMS gæti litið út ef svarið er Jón:
Þá sendir þú SMS-ið: JA LAUSN JON
Þú gætir unnið
myndina Hákarlabeita
á DVD!
Með íslensku og ensku tali
Leystu
krossgát
una!
Þú sendir SMS skeytið
JA LAUSN LAUSNARORÐ
á númerið 1900!
Lausn krossgátunnar er birt að viku liðinni á vefnum, www.this.is/krossgatur
HELGARKROSSGÁTAN
Góð vika fyrir...
... andstæðinga kvótakerfisins
Eftir áratugalanga baráttu
gegn vindmyllum kerfis-
ins fengu andstæðingar
kvótakerfisins loksins vind
í seglin þegar Mannrétt-
indanefnd Sameinuðu þjóð-
anna úrskurðaði að íslensk-
um stjórnvöldum bæri að
endurskoða fiskveiði-
stjórnunarkerfið og greiða
tveimur sjómönnum bætur fyrir að hafa ekki fengið
úthlutað kvóta. Þetta er þó væntanlega skammgóður
vermir því bæði sjávarútvegsráðherra og fram-
kvæmdastjóra LÍU finnst lítið til koma.
... íslenska vatnið
Bevnet.com, netbiblía drykkjarbransans, kaus í vik-
unni Icelandic glacial natural spring water besta
vatn í heimi. Þetta er mikil viðurkenning og sölu-
hvetjandi fyrir drykkinn, sem Jón Ólafsson hefur
fengið Anheuser-risann til að dreifa fyrir sig í
Bandaríkjunum. Það er líka gott fyrir þjóðar-
stoltið að það sé skjalfest að vatnið okkar sé
það besta í heimi.
... baráttufólk
Nú þegar mestur vindur er farinn úr and-
ófi gegn virkjun-
arframkvæmd-
um á hálendinu
kemur
nýtt
mál
eins
og himnasending upp í hend-
urnar á baráttufólki: húsa-
friðun í miðbæ Reykjavíkur.
Vondu karlarnir ætla að rífa
krúttlegu kofana og byggja
ljóta steypukassa og nú verð-
ur aldeilis tækifæri til að
halda mótmælatónleika, mál-
fundi og kröfugöngur. Jafn-
vel má hlekkja sig við Líf-
stykkjabúðina ef í hart fer.
Slæm vika fyrir...
... hlutabréfaeigendur
Það sem fer upp, kemur
niður, og í vikunni lækk-
uðu hlutabréfin sem aldrei
fyrr. Enginn er kannski
beinlínis farinn á hausinn
ennþá, en þetta lítur ekki
vel út fyrir marga, sér-
staklega þá sem fjármögnuðu allt sitt með lánum.
Anda nú fegnir þeir sem aldrei létu hafa sig út í að
taka þátt í hlutabréfadansinum.
... alla sem koma nálægt ráðningu Þorsteins Davíðs-
sonar
Það er sama hvernig á það er litið, allir sem koma
nálægt ráðningu Þorsteins Davíðssonar til Héraðs-
dóms Norðausturlands og Austurlands koma illa út
úr málinu. Settur dómsmálaráðherra, Árni M. Matt-
hiesen, lítur úr eins og kjáni og er sagður
af Pétri Kr. Hafstein, formanni
dómnefndar, fara með rangfærsl-
ur; Pétur og hinir í dómnefndinni
koma illa frá málinu því á þau er
greinilega ekkert hlustað þegar
til kastanna kemur; og Þor-
steinn Davíðsson kemur ekkert
sérlega sterkur út úr þessu
heldur, þótt hann sé í stjórn bók-
menntaverðlauna Tómasar
Guðmundssonar og
allt.
... Víkverja Morgunblaðsins
Hinn mikli aðdáandi Karlakórsins Heimis í
Skagafirði lýsti því yfir á þriðjudaginn að það
yrði reginhneyksli ef kórinn fengi ekki Eyrar-
rósina, verðlaun forseta-
embættisins til þess sem
skaraði fram úr í menning-
armálum landsbyggðarinn-
ar. Þótt kórinn syngi við
afhendinguna gerði það
ekki gæfumuninn og Eyr-
arrósin fór til ísfirska
rokkhunda. Það gengur
bara betur næst.