Fréttablaðið - 12.01.2008, Blaðsíða 74
46 12. janúar 2008 LAUGARDAGUR
sport@frettabladid.is
5
DAGAR
Í EM
Í HANDBOLTA
HANDBOLTI Það hefur gengið á
ýmsu í herbúðum landsliðsins síð-
ustu daga. Menn hafa verið meidd-
ir og hreinlega fárveikir og það
hefur nú leitt til þess að allt liðið
er komið á lyfjakúr þar sem óttast
var að fleiri myndu veikjast.
Strákarnir okkar eru komnir á
veirudrepandi lyfjakúr og dugar
ekkert minna til en sjálft fugla-
flensulyfið, tamiflu.
„Það var einn í hópnum [Jalies-
ky Garcia Padron, innsk. blm] sem
greindist með inflúensu og ég
hafði í kjölfarið samband við
helsta smitsjúkdómalækni lands-
liðsins og fékk í kjölfarið ráðlegg-
ingar sem ég fylgi. Þetta eru mjög
dýr lyf fyrir allan þennan hóp og
ég fékk IcePharma til þess að
greiða fyrir lyfin og sem betur fer
svöruðu þeir kalli okkar fljótt og
vel. Þetta eru veirudrepandi lyf
sem er notað við hinar ýmsu
aðstæður en gengur undir nafninu
fuglaflensulyfið,“ sagði Brynjólf-
ur Jónsson, læknir landsliðsins,
við Fréttablaðið en lyfin kostuðu
yfir 100 þúsund krónur.
„Þetta er í fyrsta skiptið sem
þessi vírus greinist hér á landi á
árinu og vonandi kemur lyfjakúr-
inn í veg fyrir að fleiri í hópnum
smitist en sá sýkti hafði verið í
kringum hópinn í tvo daga og því
var ákvað að grípa til þessara fyr-
irbyggjandi ráðstafana,“ sagði
Byrnjólfur.
Alfreð Gíslason landsliðsþjálf-
ari ætlaði að láta liðið æfa í tví-
gang í gær en ákvað að gefa öllum
hópnum frí og hvatti menn til þess
að fara í Spa-meðferð í Laugum.
„Ég var kominn niður í níu leik-
menn á æfingu á fimmtudag og
þar af voru tveir úr B-liðinu. Í ljósi
meiðslanna og veikindanna ákvað
ég bara að gefa hópnum frí til þess
að slappa af,“ sagði Alfreð. Hann
var ekki í góðu skapi á æfingunni
á fimmtudag en eftir að hafa heim-
sótt Sverre Jakobsson og Garcia
síðar um kvöldið og séð að þeir
væru á batavegi skánaði lundin á
ný.
„Sverre er kominn á ról aftur og
hann reyndi við sína fyrstu máltíð
í nokkra daga á fimmtudag og
hefur haldið henni niðri. Ég varð
ekki beint kátur þegar sagt var við
mig að Garcia yrði frá í tvær vikur
vegna veikindanna en lyfin höfðu
góð áhrif á hann og allt annað að
sjá hann núna,“ sagði Alfreð.
Fyrir utan veikindi Garcia og
Sverres hafa þeir Alexander Pet-
ersson, Arnór Atlason og Bjarni
Fritzson verið að glíma við meiðsli
en það horfir til betri vegar í þeim
efnum.
„Ef allt gengur að óskum verða
allir á æfingu í dag og vonandi get
ég teflt fram mínu besta liði gegn
Tékkum á sunnudag,“ sagði Alfreð
en hann velur endanlegan lands-
liðshóp eftir síðari leikinn gegn
Tékkum á mánudag.
henry@frettabladid.is
Landsliðið á fuglaflensulyfinu
Íslenska landsliðið í handbolta er komið á lyfjakúr í kjölfar þess að inflúensa kom upp í hópnum. Strák-
arnir eru byrjaðir að taka inn veirudrepandi lyf, tamiflu, sem oftast er kallað fuglaflensulyfið. Meiddir og
veikir leikmenn eru á batavegi og Alfreð landsliðsþjálfari vonast til að hafa alla menn á æfingu í dag.
LANDSLIÐIÐ Á LYFJUM Allt íslenska landsliðið er komið á lyfjakúr. Strákarnir taka inn
veirudrepandi lyf til að fyrirbyggja frekari veikindi í hópnum. FRÉTTABLAÐIÐ/PJETUR
HANDBOLTI Alfreð Gíslason
landsliðsþjálfari upplýsti í
þættinum Utan vallar á Sýn að
hann væri kallaður „Kraumi“ af
strákunum í landsliðinu þar sem
það kraumaði oft í honum í
búningsklefanum.
„Ég neyðist til að viðurkenna að
þetta uppnefni á vel við og mér
líkar ágætlega við það,“ sagði
Alfreð léttur við Fréttablaðið.
- hbg
Alfreð Gíslason:
Strákarnir kalla
hann „Krauma“
> Birgir Leifur úr leik
Kylfingurinn Birgir Leifur Hafþórsson er úr leik á Joburg-
mótinu sem fram fer í Suður-Afríku. Birgir Leifur lék
annan hringinn á 72 höggum í gær eða einu höggi yfir
pari. Hann var því samtals á fimm höggum yfir
pari eftir hringina tvo og það nægði ekki til þess
að komast í gegnum niðurskurðinn. Aðstæður
hafa sett svip sinn á mótið en það hellirigndi
báða dagana og varð að fresta keppni um
tíma vegna þessa.
HANDBOLTI Gunnar Pettersen,
þjálfari norska handboltalands-
liðsins er allt annað en ánægður
með að Ísland sendi aðeins vara-
lið sitt á Posten Cup sem hófst í
gærkvöldi. Leikurinn við Ísland í
Lillehammer á sunnudagskvöldið
verður síðasti leikur Norðmanna
fyrir EM sem fram fer á heima-
velli þeirra síðar í mánuðinum.
Auk liða Norðmanna og Íslands
taka Ungverjaland og Portúgal
þátt í mótinu.
Gunnar segist hafa frétt þetta
fyrir aðeins þremur vikum og að
þetta sé ekki að gerast í fyrsta
sinn með þetta árlega æfingamót
í Noregi. „Þetta er í þriðja sinn
sem við lendum í þessu því bæði
Pólverjar og Rússar hafa sent
varalið til okkar og þetta ber vott
um algjört virðingarleysi,“ sagði
Pettersen sem sagði Íslendinga
hafa valið það að spila frekar við
Tékka en Norðmenn.
Gunnar heldur því reyndar
fram að Ísland sé að fara í heim-
sókn til Tékka en hið rétta er að
Tékkar eru að koma til Íslands og
spila í Laugardalshöllinni á sunn-
dag klukkan 16.00 og á mánu-
dagskvöldið klukkan 19.30.
„Þetta er enginn heimsendir
fyrir okkur en þegar Íslendingar
segjast ætla að koma með lið þá
treystum við á að aðalliðið þeirra
komi. Þegar við fáum tilkynningu
um annað aðeins þremur vikum
fyrir mótið þá er enginn tími til
þess að finna lið til þess að koma
í staðinn,“ útskýrir Pettersen en
hann sker ekki niður hópinn fyrr
en eftir leikinn á móti Íslandi á
sunnudagskvöldið. Eins og er þá
eru 21 leikmaður enn inn í mynd-
inni hjá Pettersen en hann sker
hópinn niður í sextán menn eftir
helgi.
„Við fáum hörkuleik á móti
Ungverjum og svo var aldrei á
áætlun að keyra á besta liðinu í
öllum leikjunum. Nú ætlum við
bara að vinna alla leikina og koma
á sigurbraut inn á EM,“ segir
Pettersen sem er þó ekki tilbúinn
að segja að norska liðið muni
keyra yfir það íslenska.
„Það eru til fleiri en 14 hand-
boltamenn á Íslandi og við sjáum
til hvaða leikmenn Ísland býður
upp á í þessum leik,“ sagði Pett-
ersen að lokum en hann segir að
þetta muni ekki trufla undirbún-
ing norska liðsins sem ætlar sér
stóra hluti á EM, ekki síst eftir
örugga sigra á Dönum og Pól-
verjum á Danmerkurmótinu um
síðustu helgi. - óój
Gunnar Pettersen er ósáttur við að mæta b-liði Íslands í síðasta leik fyrir EM:
Þjálfari norska landsliðsins er
hneykslaður á Íslendingum
BRJÁLAÐUR Gunnar Pettersen er ekki
sáttur við að spila síðasta leikinn fyrir
EM á móti b-liði Íslands.
NORDICPHOTOS/GETTY
Grindvíkingar gátu ekki bara glaðst yfir því að vinna sann-
færandi útisigur á Íslandsmeisturum KR-inga heldur end-
urheimtu þeir einnig gamla hetju þegar Helgi
Jónas Guðfinnsson mætti aftur í slaginn. „Það
skipti öllu máli að við unnum leikinn en
þetta var mjög gaman þó að það hafi fylgt
þessu svolítið skrítin tilfinning að koma inn
í þetta aftur. Það kom mér á óvart hversu
þolið er í góðu lagi en það vantar mikið upp
á leikformið,” segir Helgi Jónas Guðfinnsson sem
náði ekki að skora á þeim tæpum 16 mínútum
sem hann spilaði. Grindavíkurliðið fékk hins vegar
aðeins á sig 19 stig þann tíma sem Helgi Jónas
spilaði (48 stig uppfært á hverjar 40 mínútur) og það
er ljóst að hann hjálpar liðinu mikið varnarlega.
„Ég hlýt nú að skora eina körfu í vetur. Þetta voru smá
byrjunarerfiðleikar. Það er ekkert mál að spila vörn en
helsti vandinn hjá mér er að finna sóknartaktinn aftur,”
segir Helgi en hann klikkaði á öllum sex þriggja stiga
skotum sínum í leiknum. Það vakti athygli að Helgi Jónas settist
ekkert á bekkinn þegar honum var skipt út af. „Ég var nú bara að
halda mér heitum en skrokkurinn er í fínu lagi og ég hef ekki verið
svona góður í mörg ár,” segir Helgi Jónas sem meiddist þó á
æfingu fyrir leikinn gegn Keflavík og frestaði því að byrja aftur
þá. „Þetta voru minniháttar álagsmeiðsli þar sem ég hafði
ekki gert neitt í tvö ár og fór síðan að æfa á fullu. Maður
gleymir því að maður er orðinn gamall karl,” segir Helgi
Jónas í léttum tón.
„Ég mætti á æfingu fyrir jól því þá var einhver mannekla hjá
Frikka því útlendingarnir voru farnir. Mig langaði að fara að
skjóta og þá tilfinningu hafði ég ekki fengið lengi. Ég tók tvær
æfingar og ætlaði ekki að vera með eftir það en áhuginn kom
aftur og ég fékk að koma inn í þetta aftur,” segir Helgi Jónas
og hann hefur trú á að Grindavík fari langt í vetur. „Það
hefur verið stígandi í liðinu eftir mjög slakan leik á móti
Njarðvík. Mér sýnist deildin vera það jöfn að það sem
ræður þessu er hvaða lið nær að toppa á réttum tíma,”
segir Helgi Jónas að lokum.
HELGI JÓNAS GUÐFINNSSON ER BÚINN AÐ TAKA SKÓNA AF HILLUNNI: LÉK MEÐ Í SIGRI GRINDAVÍKUR Á KR
Ég hlýt nú að skora eina körfu í vetur