Fréttablaðið - 14.01.2008, Blaðsíða 8
8 14. janúar 2008 MÁNUDAGUR
ASKJA · Laugavegi 170 · 105 Reykjavík · Sími 590 2100 · www.askja.is · ASKJA er eini viðurkenndi sölu- og þjónustuaðili Mercedes-Benz á Íslandi.
Mercedes-Benz A-Class sameinar
þægindi, lipurð og glæsileika.
Bíll fyrir þá sem velja gæðin.
BERÐU HÖFUÐIÐ HÁTT
Takmarkað magn Mercedes-Benz A-Class er til afgreiðslu strax á góðu verði.
Innifalin eru vetrardekk og Íslandspakki.
GRÆNLAND Jonathan Motzfeldt,
formaður dansk-grænlensku
nefndarinnar sem vinnur að smíði
nýrra heimastjórnarlaga fyrir
Grænland, andmælir því að Danir
eigi að fá helminginn af þeim tekj-
um sem kunna að fást af nýtingu
olíulinda og annarra auðlinda í
grænlenskri lögsögu eins og And-
ers Fogh Rasmussen, forsætisráð-
herra Danmerkur, hefur mælst til
að samið verði um í tengslum við
nýju heimastjórnarlögin.
Á fundi í Kaupmannahöfn á
fimmtudag urðu þeir Fogh og
Hans Enoksen, formaður græn-
lensku landstjórnarinnar, ásáttir
um að stefnt skyldi að því að
nefndin, sem setið hefur að störf-
um síðan sumarið 2004, skilaði af
sér niðurstöðu fyrir febrúarlok.
Þá yrði gefinn hálfs árs frestur til
lýðræðislegrar umræðu um hana
á Grænlandi þar sem hún yrði svo
borin undir þjóðaratkvæði hinn
25. nóvember. Enoksen lét hafa
eftir sér að þjóðaratkvæðagreiðsl-
an gæti orðið áfangi að fullu sjálf-
stæði Grænlands, þótt það væri
„enn langt undan“.
En Fogh tók fram, að hann teldi
að tekjum af fundi olíulinda bæri
að skipta til helminga milli græn-
lenska landsjóðsins og danska
ríkis sjóðsins. „Ég tel að það séu
sanngjörn skipti,“ sagði hann með
vísun til þess að árlega leggur
danski ríkissjóðurinn grænlenska
landsjóðnum til sem svarar um 35
milljörðum íslenskra króna.
Þótt niðurstaða nefndarinnar
liggi enn ekki opinberlega fyrir
hefur komið fram að meirihluti er
fyrir því í henni að Grænlending-
ar fái allar olíutekjur eftir að
danski fjárlagastyrkurinn hefur
verið greiddur upp.
„Strax í marsmánuði 2007
urðum við sammála um að allar
tekjur af auðlindum í jörðu og
undir hafsbotni í grænlenskri lög-
sögu tilheyrðu grænlensku þjóð-
félagi,“ sagði Motzfeldt í frétta-
viðtali við grænlenska útvarpið,
KNR, að loknum fyrsta fundi
dansk-grænlensku nefndarinnar
eftir dönsku þingkosningarnar í
nóvember. Þær ollu því að gera
varð hlé á starfi nefndarinnar þar
sem nokkrir dönsku fulltrúanna
hættu á þingi. audunn@frettabladid.is
Ósammála um auð-
lindir Grænlands
Formaður dansk-grænlensku þingmannanefndarinnar sem vinnur að nýjum
heimastjórnarlögum segir Grænlendinga eiga að fá allar olíutekjur. Forsætis-
ráðherra Danmerkur vill helmingsskipti milli Grænlands og Danmerkur.
BANDARÍKIN, AP George W. Bush
Bandaríkjaforseti segir að góðar
líkur séu á því að um tuttugu
þúsund hermenn verði kallaðir
heim frá Írak áður en júlí verður
á enda runninn. Engin ákvörðun
hafi þó verið tekin í þeim efnum.
„Það eina sem ég get sagt er að
við erum að vinna í málinu og
erum að gera það sem við
sögðumst ætla að gera,“ sagði
Bush er hann var staddur í
Kúvæt.
Almenningur í Bandaríkjunum
verður mótfallnari Íraksstríðinu
með degi hverjum auk þess sem
demókratar á Bandaríkjaþingi
hafa þrýst mjög á forsetann um
að draga herlið sitt til baka frá
landinu. - fb
George Bush tjáir sig um Írak:
Hermönnum
líklega fækkað
GEORGE W. BUSH Bandaríkjaforseti
segir góðar líkur á að tuttugu þúsund
hermenn verði kallaðir heim frá Írak.
NOREGUR, AP Hæstiréttur Noregs
hefur þyngt dóma mannanna
tveggja sem stálu tveimur
málverkum
eftir Edvard
Munch úr
listasafni í
Ósló árið
2004.
Jafnframt
krefst
dómstóllinn
þess að ný
réttarhöld
verði haldin
yfir þriðja
manninum
sem tók þátt
í ráninu.
Í héraðs-
dómi höfðu
mennirnir þrír fengið fimm til 9,5
ára fangelsisdóma, en áfrýjuðu
báðir til Hæstaréttar. Hæstiréttur
þyngdi dóm annars þeirra um eitt
ár, úr 9,5 árum í 10,5, en hins um
hálft ár í 6,5 ár.
Þriðji maðurinn hafði verið
dæmdur í 5,5 ára fangelsi, en
Hæstiréttur taldi réttarhöldin
yfir honum ekki hafa verið
óhlutdræg og því þyrfti að rétta í
málinu á ný fyrir héraðsdómi. - gb
Munch-ræningjarnir:
Hæstiréttur
þyngir dómana
ÓPIÐ Mennirnir rændu
tveimur málverkum
úr Munch-safninu um
hábjartan dag í ágúst
árið 2004. FRÉTTABLAÐIÐ/AP
PÓLLAND, AP Pólska þingið hefur
samþykkt að setja á stofn nefnd
sem á að rannsaka ásakanir um að
háttsettir menn í fyrri ríkisstjórn
sem Jaroslaw Kaczynski, tvíbura-
bróðir Lech Kaczynski forseta, fór
fyrir, hafi beitt leyniþjónustunni
og öðrum fulltrúum ríkisvaldsins
til að grafa upp eitthvað misjafnt
um pólitíska andstæðinga.
Talsmenn flokks Kaczynskis,
Laga og réttar, hafa vísað
ásökununum á bug og segjast
munu fara fram á að stjórnlaga-
dómstóll landsins lýsi skipun rann-
sóknarnefndarinnar ólöglega. Lög
og réttur tapaði völdum í þing-
kosningum í október. - aa
Þingrannsókn í Póllandi:
Leyniþjónustan
undir smásjána
HANS ENOKSEN OG ANDERS FOGH
RASMUSSEN ÁSAMT ANGELU
MERKEL ÞÝSKALANDSKANSLARA
Þjóðaratkvæðagreiðsla er áformuð í
nóvember. NORDICPHOTOS/AFP
JONATHAN MOTZFELDT
1. Hvað heitir Íslendingurinn
sem tilnefndur er til dönsku
blaðaljósmyndaraverðlaun-
anna?
2. Hvað heitir tilvonandi
eiginkona Nicolasar Sarkozy,
Frakklandsforseta?
3. Til hvaða enska fótboltaliðs
er landsliðsmaðurinn Grétar
Rafn Steinsson að fara?
SVÖRIN ERU Á SÍÐU 30
VEISTU SVARIÐ?