Fréttablaðið - 15.01.2008, Blaðsíða 8

15. janúar 2008 ÞRIÐJUDAGUR
FÆREYJAR Færeyingar ganga til
lögþingskosninga næstkomandi
laugardag. Meðal mála sem borið
hefur hæst í kosningabaráttunni
eru félags- og menntamál. Skoð-
anakannanir benda til að flokkarnir
þrír, sem staðið hafa að landstjórn-
inni undanfarið kjörtímabil, haldi
meirihlutanum.
Á ýmsu hefur gengið í stjórnar-
samstarfinu og í brýnu sló milli
Jafnaðarmannaflokks Jóannesar
Eidesgaard, lögmanns Færeyinga,
og Fólkaflokksins í nóvember síð-
astliðnum, er Eidesgaard rak fólka-
flokksmanninn Jacob Vestergaard
úr embætti innanríkis- og sam-
göngumálaráðherra. Stjórn Fólka-
flokksins ákvað þó að láta málið
ekki verða til þess að að slíta
stjórnarsamstarfinu. Nú vonast
formaður Fólkaflokksins, Jørgen
Niclasen, til að komast eftir kosn-
ingar í aðstöðu til að gera tilkall til
lögmannsembættisins, sem Eides-
gaard gerir sér líka vonir um að
geta haldið.
Meginsamstarfsgrundvöllur
flokkanna þriggja – Jafnaðar-
mannaflokksins, Fólkaflokksins
og Sambandsflokksins – er annars
svipuð grundvallarafstaða til
sjálfstæðismálsins. Þeir vilja allir
fara sér hægar í þeim málum en
núverandi stjórnarandstöðuflokk-
ar, einkum og sér í lagi Þjóðveldis-
flokkur Høgna Hoydal sem hefur
full sambandsslit frá Danmörku á
stefnuskránni.
Sjálfstjórnarmálin hafa annars
verið lítt áberandi í kosningabar-
áttunni. Einungis Þjóðveldis-
flokkurinn hefur reynt að halda
því máli á lofti, og skýrist það af
því að kjósendur hinna flokkanna
eru flestir klofnir í afstöðu til
málsins.
Fréttavefur grænlenska
útvarpsins, KNR, hefur eftir Öss-
uri Wintereig, fréttastjóra fær-
eyska útvarpsins, að færeyskir
stjórnmálamenn keppist nú meðal
annars við að lýsa því hvernig þeir
telji fært að fá ungt fólk, sem
hverfur til framhaldsnáms í Dan-
mörku, til að snúa heim að námi
loknu. „Þessi vandi er nú orðinn
svo stór, að jafnvel stjórnmála-
mennirnir viðurkenna að til sér-
stakra ráðstafana þarf að grípa,“
segir Wintereig.
Fram til þessara kosninga var
Færeyjum skipt í sjö kjördæmi,
en nú hafa þau öll verið sameinuð
í eitt. Í fámennari byggðarlögum
hefur af þessum völdum gætt
áhyggna af því að fulltrúar fjöl-
mennustu bæjanna sópi til sín
öllum þingsætunum.
audunn@frettabladid.is
SJÁLFSTÆÐISMÁL Á ÍS Höfnin í Þórshöfn. Flokkarnir sem nú skipa færeysku landstjórnina forðast að ræða sjálfstæðismálið í
kosningabaráttunni. NORDICPHOTOS/AFP
Færeyingar að kjör-
borðinu um helgina
Meðal mála sem borið hefur hæst í kosningabaráttunni fyrir lögþingskosningar í
Færeyjum á laugardaginn eru félags- og menntamál, en minna hefur borið á um-
ræðu um sjálfstæðismálið. Eyjarnar eru nú í fyrsta sinn eitt kjördæmi í stað sjö.
JÓANNES
EIDESGAARD
FJARSKIPTI Einhverjar tafir hafa
orðið á uppsetningu símkerfis sem
ætlað er að verða arftaki NMT-
kerfisins, en fyrirtækið sem
byggir upp nýja kerfið, Nordisk
mobiltelefon Island, telur að hægt
sé að standa við áætlanir.
„Þeir telja sig vera eitthvað á
eftir áætlun en að þeir séu í stöðu
til að vinna þær tafir upp,“ segir
Hrafnkell V. Gíslason, forstjóri
Póst- og fjarskiptastofnunar.
Stofnunin fær reglulegar stöðu-
skýrslur frá fyrirtækinu.
Áformað er að slökkva á NMT-
kerfinu í byrjun árs 2009, og þá á
nýja kerfið að vera tilbúið.
Aðspurður segir Hrafnkell að ekki
hafi verið rætt hvort NMT-kerfinu
verði haldið gangandi lengur verði
tafir á uppbyggingu nýs kerfis.
Síminn á helmings hlut í Nord-
isk mobiltelefon Island á móti
Nordisk mobiltelefon AB. Linda
Björk Waage, forstöðumaður
almannatengsla á samskiptasviði
Símans, segir að framkvæmdir
við nýja kerfið séu á áætlun.
Samkvæmt tilboði Nordisk
mobiltelefon Island í tíðniheimild
fyrir farsímakerfið er ráðgert að
fimmtíu sendar utan þéttbýlis
verði komnir upp 1. júní næstkom-
andi og fullri útbreiðslu verði náð
1. október. Tíðnisviðið sjálft verði
svo tekið í notkun 7. janúar 2009.
„Það eru einhverjir sendar
komnir upp, og þetta lítur út fyrir
að ætla að standast þær áætlanir
sem við lögðum upp með,“ segir
Linda. - bj
Slökkt á NMT-símkerfinu í byrjun næsta árs og nýtt kerfi tekið í notkun:
Tafir á uppsetningu nýs kerfis
HRAFNKELL V.
GÍSLASON
LINDA BJÖRK
WAAGE
SÓMABAKKAR
Nánari uppl‡singar á somi.is
*Gildir a›eins ef panta› er fyrir meira en 3.000 kr.
PANTA‹U Í SÍMA 565 6000 / FRÍ HEIMSENDING*
Happatappar
Kynntu þér málið á www.kristall.is
DALVÍK-
INGAR!
TIL HAMINGJU
HÚSVÍKINGAR!
TIL HAMINGJU