Fréttablaðið - 16.01.2008, Blaðsíða 8

8 16. janúar 2008 MIÐVIKUDAGUR
Skrifstofuvörur
- á janúartilboði
R
V
U
N
IQ
U
E
0
1
0
8
0
2
Katrín Edda Svansdóttir,
sölumaður í þjónustuveri RV
Á tilboðií janúar 2008
Bréfabindi, ljósritunarpappír,
töflutússar og skurðarhnífur
1.398 kr. ks.
5 x 500 blöð í ks.
Rekstrarvörur
- vinna með þér
Réttarhálsi 2 • 110 Reykjavík
Sími: 520 6666 • Fax: 520 6665
sala@rv.is • www.rv.is
148 kr. stk.
Bréfabindi A4, 8 cm kjölur
1 Hvaða norræna þjóð gengur
að kjörborðinu um næstu helgi?
2 Íslenskur kvikmyndatöku-
maður hefur verið tilnefndur til
æðstu verðlauna kvikmynda-
tökumanna í Bandaríkjunum.
Hvað heitir hann?
3 Hvað heitir sonur Katrínar
Jakobsdóttur og Gunnars Sig-
valdasonar, en hann er alnafni
þingmanns Sjálfstæðisflokks-
ins?
SVÖRIN ERU Á SÍÐU 38
LÖGREGLUMÁL Lögreglumenn stöðvuðu sviðsett
rán í Sunnubúð í Mávahlíð í fyrradag. Tveir
menn á tvítugsaldri voru handteknir. Annar
þeirra var úrskurðaður í þriggja vikna
gæsluvarðhald vegna gruns um að hafa
framið fleiri rán, meðal annars í verslun 11-11
um helgina.
Sviðsetta ránið átti að fara fram um
hádegisbil á mánudag. Þá hafði nýráðinn
afgreiðslumaður í versluninni fengið félaga
sinn til að koma grímuklæddur og ræna
verslunina. Þeim til óhapps var lögreglan þá
nýkomin á staðinn til að handtaka afgreiðslu-
manninn vegna gruns um aðild hans að
tveimur ránum í verslun 11-11 við Grensásveg
í Reykjavík.
Maðurinn sem átti að ræna verslunina var
vopnaður eldhúshnífi. Hann var klæddur í
tvennar buxur og tvær peysur til að geta
klætt sig úr ysta laginu á hlaupum og hent
fötunum.
Félagarnir voru handteknir og færðir í
fangageymslur. Við yfirheyrslur kom í ljós að
þeir höfðu undirbúið og skipulagt sviðsetn-
ingu á ráni í versluninni í þeim tilgangi að ná
peningum, tóbaki og farsímainneignum.
„Ég er farinn að halda að ég þurfi að
endurskoða ráðningarmálin hjá mér,“ segir
Þórður Björnsson, eigandi Sunnubúðarinnar.
„Ég hélt að ég væri að fá góðan mann í vinnu,
hann kom mjög vel fram og virkaði mjög
stöndugur.“ Hann segist ætla að fara fram á
afrit af sakavottorði þegar hann ræður
starfsfólk í framtíðinni.
Þegar gerð var leit í íbúð starfsmannsins
fannst einnig þýfi sem tengist innbrotum,
meðal annars innbroti í Grunnskóla Borgar-
fjarðar að Kleppjárnsreykjum aðfaranótt
mánudags.
Starfsmaðurinn var úrskurðaður í þriggja
vikna gæsluvarðhald og síbrotagæslu í gær
vegna gruns um aðild hans að fleiri ránum.
Hinn maðurinn hóf sex daga afplánun vegna
auðgunarbrotadóms sem hann hafði á bakinu.
Þetta staðfestir Friðrik Smári Björgvinsson,
yfirlögregluþjónn rannsóknardeildar lögregl-
unnar á höfuðborgarsvæðinu.
Málið er nú á borði rannsóknardeildarinnar.
salvar@frettabladid.is
Réði sig í vinnu í Sunnubúð
til þess að ræna verslunina
Piltur á tvítugsaldri var settur í síbrotagæslu í gær vegna fjölda rána og innbrota. Hann reyndi að setja á svið
rán í Sunnubúðinni með vini sínum. „Hélt ég væri að fá góðan mann í vinnu,“ segir eigandi verslunarinnar.
KENÍA, AP Keníaþing kom saman í
fyrsta sinn í gær eftir kosningarnar
umdeildu í lok desember. Nýja þing-
ið kaus Kenneth Marende, rúmlega
fimmtugan stjórnarandstæðing,
forseta sinn.
Þingforsetakjörið þykir sýna
fram á að Mwai Kibaki forseti muni
ekki eiga auðvelt með að fá sínum
málum framgengt á þingi, þrátt
fyrir að sitja áfram sem forseti
landsins.
Marende hlaut 105 atkvæði en
Frances ole Kaparo, frambjóðandi
stjórnarflokksins, hlaut 101
atkvæði.
Fyrsti dagur þingsins var átaka-
mikill og fullur spennu. Þeir Kibaki
forseti og Raile Odinga, mótfram-
bjóðandi hans sem viðurkennir ekki
sigur Kibakis í forsetakosningun-
um, voru í fyrsta sinn saman komn-
ir í herbergi.
Von var á Kofi Annan, fyrrver-
andi framkvæmdastjóra Samein-
uðu þjóðanna, til Kenía í gær, en för
hans var frestað um nokkra daga
vegna veikinda Annans, sem hafði
fengið flensu. Annan hyggst reyna
að miðla málum milli Kibakis og
Odinga.
Stjórn landsins hefur bannað alla
mótmælafundi, en Odinga hefur
engu að síður boðað þriggja daga
mótmælafundi á 41 stað í landinu.
Þeir fundir eiga að hefjast í dag. - gb
Harðar deilur á þingi Kenía í kjölfar kjörs nýs þingforseta:
Andstæðingur Kibaki kjörinn
ÁTÖK Í KENÍA Enn eru átök í landinu
og harðar deilur eftir umdeild kosninga-
úrslit. FRÉTTABLAÐIÐ/AP
KJARAVIÐRÆÐUR Alþýðusamband
Íslands, ASÍ, hefur kynnt Samtök-
um atvinnulífsins, SA, tillögur um
samstarf til að útrýma kynbundnu
misrétti á almennum vinnumark-
aði. Tillögurnar ganga út á sam-
eiginlegar kannanir á launamun,
samstarf í fræðslumálum og jafn-
réttisráðgjafa til fyrirtækja og er
stefnt að því að semja um þær í
kjaraviðræðunum sem nú standa
yfir.
ASÍ leggur til að endurskoðuð
og uppfærð verði bókun frá 1989
þar sem aðilar
vinnumarkað-
arins koma sér
saman um að
skoða launamun
kynjanna og að
þeir komi sér
saman um þá
aðferðafræði
sem notuð verði
þannig að sátt
ríki um niður-
stöðurnar. Einn-
ig er lagt til að farið verði í sam-
eiginlegt kynningarátak og gerður
verði til dæmis kynningarbæk-
lingur sem nýtist í öllum fyrir-
tækjum.
„Í þriðja lagi viljum við leita
sameiginlegra leiða til að aðstoða
fyrirtæki við að setja sér jafnréttis-
og framkvæmdaáætlun. Við vilj-
um vinna þetta í sameiningu. Við
höfum verið með fræðslustjóra til
leigu. Af hverjum ekki að vera með
jafnréttisráðgjafa á leigu sem fer
inn í fyrirtækin, gerir úttekt og
kannar kannski líka þekkingarþörf
stjórnenda á jafnréttismálum,“
spyr hún og bætir við að ASÍ sé til-
búið til að leita nýrra leiða.
Hrafnhildur Stefánsdóttir, lög-
fræðingur SA, segir að málið sé í
samningsfarvegi og lítið um það að
segja. Auðvitað sé sameiginlegt
áhugamál að konur og karlar njóti
sömu tækifæra í atvinnulífinu.
„Við viljum meina að í stóra heila
sé það þannig en það er alltaf besta
mál ef getum lagt krafta saman,“
segir hún. - ghs
HRAFNHILDUR
STEFÁNSDÓTTIR
VINNA Í SAMEININGU „Við viljum vinna
þetta í sameiningu,“ segir Maríanna
Traustadóttir, jafnréttisfulltrúi ASÍ.
FRÉTTABLAÐIÐ/AUÐUNN NÍELSSON
ASÍ hefur kynnt jafnréttistillögur í kjaraviðræðunum:
Kynbundnu misrétti
verði útrýmt
STJÓRNMÁL Svanfríður Inga
Jónasdóttir, bæjarstjóri Dalvík-
urbyggðar og oddviti J-lista, mun
gegna starfi
sínu út kjör-
tímabilið. Því
verður ekki
skipt um bæjar-
stjóra á miðju
kjörtímabili,
eins og kveðið
var á um í
samþykkt
meirihluta B-
og J-lista.
Samkomulag þess efnis var
undirritað á dögunum.
Fram kemur í tilkynningu að
Hilmar Guðmundsson, fulltrúi B-
lista, verði forseti bæjarstjórnar
og Bjarnveig Ingvadóttir, B-lista,
verði formaður bæjarráðs.
Á næstu dögum verður gengið
frá nýjum samstarfssamningi á
milli listanna tveggja. - sþs
Samkomulag í Dalvíkurbyggð:
Svanfríður situr
út kjörtímabilið
SVANFRÍÐUR INGA
JÓNSDÓTTIR
Hlýsjávarfiskar í þrot
Fiskeldisfyrirtækið Máki ehf. sem
lagði stund á eldi hlýsjávarfisksins
barra í Skagafirði er gjaldþrota og er
skiptum í því lokið með að ekkert
fékkst upp í almennar kröfur upp á
88 milljónir króna. Hins vegar fengust
70 milljónir upp í 105 milljóna
verðkröfur og 1,5 milljónir upp í 5,4
milljóna króna forgangskröfur.
FISKELDI
DÝRAHALD Stjórnvöld í Englandi
hafa hafnað ósk um að gæludýra-
búðum verði gert kleift að selja
fíla.
Bænaskjal þessa efnis var sent
til stjórnvalda en það var tólf ára
drengur, Jack Smithies, sem hóf
að safna undirskriftum. Alls 650
manns skrifuðu undir skjalið og
tóku undir rök drengsins. Þau
voru helst að öll börn í landinu
myndu græða á umgengni við fíl
og því ætti að vera hægt að kaupa
slík dýr í gæludýraverslunum.
Í yfirlýsingu stjórnvalda kemur
fram að vissulega sé jákvætt
fyrir börn að eiga gæludýr en það
geti ekki átt við um fíla. - shá
Dýravinir kröfuharðir:
Fílahald ekki
leyft í Bretlandi
FR
ÉT
TA
B
LA
Ð
IÐ
/V
A
LL
I
Í SUNNUBÚÐINNI Þórður Björnsson,
eigandi Sunnubúðarinnar, segist
ætla að krefja umsækjendur um
afrit af sakavottorði héðan í frá.
VEISTU SVARIÐ?