Fréttablaðið - 16.01.2008, Blaðsíða 23

[ ]Handklæðaofn er hinn mesti munaður og fátt jafn notalegt og að þurrka sér með hlýju handklæði eftir baðið. Á handklæðaofnum er líka mjög gott að þurrka föt eins og gallabuxur, bómullarboli og sokka.
Notaleg eldstæði og umhverfis-
væn eru í versluninni Ylur
– fyrir heimilið að Bæjarlind 2
í Kópavogi.
Fátt er huggulegra í vetrarkuldan-
um en snarkandi eldur í arni. Í
versluninni Ylur – fyrir heimilið
fást fyrirferðarlítil eldstæði úr
stáli sem hægt er að koma fyrir
nánast hvar sem er því þau sóta
ekki og krefjast ekki reykrörs.
Ástæðan er sú að þau brenna etan-
óli sem er hreinn orkugjafi og eru
þau því umhverfisvæn. Eldstæðin
eru fjölbreytt að gerð og einföld í
uppsetningu. Til dæmis er hægt er
að fá vegghillur með innbyggðum
eldstæðum. Jafnvel er hægt að
hafa þau í kassa sem færa má úr
stað. Nánari upplýsingar fást á
heimasíðunni www.ylur.is
- gun
Hlýlegt á heimilið
Eldstæðið getur verið hluti af vegghillu eins og sjá má á þessari mynd.
Húsasmíði er spennandi fag sem felur í sér
mikla atvinnumöguleika. Berglind Jónasdóttir
er að ljúka húsasmíðanámi á Akureyri og veit
fátt skemmtilegra en að taka sér hamar í hönd.
Berglind, eða Dídí eins og hún er oftast kölluð, er að
klára nám í húsasmíði við Verkmenntaskólann á
Akureyri og er nú á sinni fimmtu önn. „Námið hefst í
grunndeild, síðan fer maður í framhaldsdeild og svo
er eitt og hálft ár á samningi,“ segir Dídí.
Sjaldan fellur eplið langt frá eikinni en pabbi Dídíar
er húsasmíðameistari. „Ég hef verið að þvælast með
honum og svo hef ég verið að gera upp íbúðir sem ég
hef átt og þess háttar. Ég bý til dæmis í húsi núna sem
ég reif allt út úr og gerði upp,“ segir Dídí sem sá
alfarið um þær breytingar nema að hún fékk aðstoð
við að leggja parketið vegna tímaskorts. „Það er
náttúrulega mun ódýrara að geta gert þessa hluti
sjálfur og auk þess er mikil eftirspurn eftir húsasmið-
um sem liggja ekki alltaf á lausu,“ útskýrir Dídí.
Í gegnum tíðina hefur hlutur kvenna í iðngreinum á
borð við húsasmíði verið heldur lægri en karla en
hugsanlega horfir þar til breytinga. „Í bekknum
mínum eru þrjár stelpur að læra húsasmíði en svo er
alltaf ein og ein á stangli. Yfirleitt er manni vel tekið
sem kvenkyns húsasmíðameistara þó stundum séu
einhverjir sem vita ekki alveg hvernig þeir eiga að
vera. En þá fer maður bara að smíða og þá skiptir það
engu máli lengur. Þá sést að maður kann sitt fag alveg
jafn vel og strákarnir,“ segir Dídí kímin. „Ég hef
alltaf verið að dunda mér við smíði en fór þó frekar
seint í skólann af því ég vissi ekki hvort ég myndi
geta klárað þetta. Svo bara skellti ég mér og þá var
þetta ekkert vandamál,“ segir Dídí sem þykir námið
skemmtilegt og aðstaðan góð.
Grunnurinn í öllu smíðanámi er hinn sami en síðan
fer fólk í framhaldsdeild þar sem það velur sér sína
sérgrein og fer á samning hjá viðeigandi aðila. „Það
er alltaf nóg að gera en það vantar alltaf smiði. Ég hef
ekki verið mikið að vinna úti heldur hef ég verið
meira í innréttingum og hönnun. Þá hef ég til dæmis
verið að breyta eldhúsum, baðherbergjum og þess
háttar. Þá skiptir máli að hafa góð verkfæri,“ segir
Dídí sem er líka tveggja barna móðir og hefur því í
nógu að snúast.
„Að lokum vil ég bara hvetja stelpur til að fara í
smíði og að vera ekki hræddar við að stíga það skref.
Við getum þetta alveg eins og strákarnir. Það er helst
að við þurfum kannski stundum smá aðstoð við að losa
eitthvað sem hefur verið hert mjög fast eða lyfta
einhverju þungu en þá bara fær maður hjálp og það er
ekkert að því. Strákarnir þurfa þess stundum líka,“
segir Dídí glettin og bætir við: „Einhver sagði að
bestu smiðirnir væru þeir sem gætu reddað sér út úr
mistökunum.“ Það er því með smíðina eins og flest
annað, hún lærist af reynslunni. hrefna@frettabladid.is
Fleiri stelpur í fagið
Berglind Jónasdóttir, húsasmiður á Akureyri.
Góður tími fyrir framkvæmdir
ÞEIR SEM VILJA RÁÐAST Í FRAMKVÆMDIR Á HEIMILUM SÍNUM ÆTTU AÐ FARA Í
VERSLUNARLEIÐANGUR NÚNA Á MEÐAN ÚTSÖLURNAR STANDA YFIR.
Útsölur standa nú yfir í byggingavöru- og heimilistækjaverslunum eins
og öðrum verslunum og tilvalið að nota tímann til þess að gera góð
kaup.
Í verslunum Byko má til dæmis fá allt að 60 prósenta afslátt af
ýmsum vörum og allt að 80 í Húsasmiðjunni.
Meðal þess sem fæst á góðu verði þessa dagana er Penta plast-
málning á loft og veggi sem er seld með 60 prósenta afslætti í
Húsasmiðjunni og þar er einnig 25 afsláttur af öllum flísum.