Fréttablaðið - 16.01.2008, Blaðsíða 37

LÁTTU
PENINGANA
ÞÍNA VINNA!
Kynntu þér málið á www.glitnir.is, í næsta
útibúi eða í Þjónustuveri í síma 440 4000
STIGHÆKKANDI
VEXTIR
ÖRUGG OG GÓÐ
ÁVÖXTUN
HELSTU KOSTIR VAXTAÞREPS
VEXTIR GREIDDIR
MÁNAÐARLEGA
MIÐVIKUDAGUR 16. janúar 2008 29
Björk Guðmundsdóttir hefur verið
tilnefnd til Brit-tónlistarverðlaun-
anna sem verða afhent í London
20. febrúar. Hún er tilnefnd sem
besta erlenda tónlistarkonan, rétt
eins og Alicia Keys, Kylie
Minogue, Rihanna og Feist.
Þetta er í áttunda sinn sem
Björk er tilnefnd til Brit-verð-
launa og hefur hún fjórum sinnum
borið sigur úr býtum. Þar af hefur
hún þrisvar sinnum verið kjörin
besta erlenda tónlistarkonan,
síðast árið 1998.
Mika, Leona Lewis og hljóm-
sveitin Take That hlutu flestar til-
nefningar í ár eða fjórar talsins.
Arctic Monkeys, Kaiser Chiefs,
Kate Nash og Mark Ronson hlutu
þrjár hver.
Bítillinn fyrrverandi Paul
McCartney fær heiðursverðlaun á
hátíðinni fyrir framlag sitt til tón-
listarheimsins.
Áttunda tilnefningin
BJÖRK GUÐMUNDSDÓTTIR Björk hefur
verið tilnefnd til Brit-verðlaunanna
í flokknum besta erlenda tónlistarkonan.
Emir Kusturica vann Gullpálm-
ann í Cannes í annað sinn árið
1995 fyrir hina eftirminnilegu
mynd Underground, sem fjallaði
um Júgóslavíu í seinni heims-
styrjöld og fram að stríðunum í
upphafi tíunda áratugarsins.
Absúrd húmor hans átti þar vel
við, enda fáar mannlegar athafn-
ir jafn absúrdar og það að fara í
stríð. En af einhverjum ástæðum
tekst gamansemi hans verr upp
þegar átt er við hluti eins og man-
sal, vændi og glæpahringi, þó að
þeir séu varla verri en stríð.
Myndin byrjar á sveitabæ og
svipar húmornum til þöglu mynd-
anna, án þess að ná sömu hæðum.
Ungur strákur fer síðan í bæinn
til að selja kú og verða sér úti um
eiginkonu. Hér lendir hann í slag-
togi við góða snoðinkolla, slæst
við vonda glæpamenn og reynir
að bjarga ungri stúlku frá því að
vera seld í vændi. Allt gerist
þetta á ærslafullan og það sem á
líklega að vera gamansaman hátt.
Öllu er teflt fram, naut og menn
eru geld, hænu er nauðgað, það
er pissað upp í loft, menn dansa
og drepa hver annan á víxl.
Vandamálið er bara að ekkert af
þessu er neitt sérstaklega fyndið.
Slappstikk-tóninn er strax sleginn
en verður eftir það fljótlega
þreytandi. Kusturica er hér að
gera hluti sem hann hefur gert
margoft áður og yfirleitt betur,
svo sem í Svartur köttur/hvítur
köttur.
Kusturica hefur stundum verið
gagnrýndur fyrir að vera harður
serbneskur þjóðernissinni, og
það má líklega finna dæmi um
það hér, glæpamennirnir eru
alþjóðasinnar sem tala mikið um
útlönd en hinir góðu eru ýmist
afskekktir bændur eða vel vopn-
aðir snoðinkollar. Þó að Kusturica
sé mikill Íslandsvinur, og líklega
álíka illa séð að gagnrýna slíka og
að gagnrýna íslenska leikstjóra,
verður að segjast eins og er að
Lofaðu mér er afar slöpp mynd.
Valur Gunnarsson
Brotin loforð
KVIKMYNDIR
Lofaðu mér (Zavet)
Leikstjóri: Emir Kusturica.
Aðalhlutverk: Marija Petroni-
jevic, Uros Milovanovic, Ljiljana
Blagojevic.
Sýnd á Franskri kvikmyndahátíð í
Háskólabíói.
★
Lofaðu mér er í anda fyrri mynda
Kusturica en nær engan veginn sömu
hæðum og þær.
Bubbi Morthens hefur í
mörg horn að líta þessa dag-
ana. Hann er á leið í stúdíó
að taka upp nýja plötu, hann
er spenntur vegna nýs sjón-
varpsþáttar, þar sem hann
er í aðalhlutverki, og hann
hefur þegar hafið skriftir
næstu veiðibókar sinnar.
„Já, nú er ég að fara að gera þessa
plötu með Pétri Ben. Hann er
mjög áhugaverður músíkant og
klár. Það sem hann hefur verið að
gera, bæði sóló sem og með
öðrum er flott,“ segir Bubbi
Morthens.
Bubbi er á leið í stúdíó, nánar
tiltekið 18. janúar, með hljóm-
sveit sína Stríð og frið en Pétur
Ben mun „pródúsera“ plötuna.
Langt er um liðið frá því Bubbi
sendi frá sér plötu með nýju
frumsömdu efni.
„Bíddu nú við. Plata með frum-
sömdu efni? Ég er fljótur að slá
því upp. Við erum að gera nýja
síðu um karlinn. Gríðarlega vönd-
uð síða. bubbi.is sem verður
miklu ítarlegri en sú gamla,“
segir Bárður Örn Bárðarson, einn
helsti Bubba-sérfræðingur lands-
ins.
„Sólóplötur... Þetta eru 50 plöt-
ur alls... Já, það hefur ekki komið
út plata með Bubba með frum-
sömdu efni síðan árið 2005. Ást í
sex skrefa fjarlægð.“
Bárður og félagar í aðdáenda-
klúbbi Bubba bíða að vonum
spenntir, sem og aðrir tónlistar-
áhugamenn, eftir því að þeirra
maður mæti til leiks með ný lög.
Bárður bendir reyndar á að Bubbi
hafi á Þorláksmessutónleikum
flutt talsvert af nýju efni sem
væntanlega verði að finna á plöt-
unni. „Jájá, ég á yfirdrifið nóg af
efni. Það verður rokk þarna.
Pétur Ben pródúserar og ég ætla
rétt að vona að hann spili einnig á
plötunni,“ segir Bubbi.
Samhliða því sem Bubbi er að
taka saman ný lög og texta fyrir
nýju plötuna sem ráðgert er að
komi út í sumar er hann á fullu
við að vinna sjónvarpsþáttinn
„Bandið hans Bubba“ en sýning-
ar hefjast á Stöð 2 um næstu mán-
aðamót.
„Já, jeminn eini. Það eru rosa-
lega flottir söngvarar þarna. Við
vorum í niðurskurði um síðustu
helgi og það var beinlínis blóðugt
að láta suma fara. Þetta er sterkur
hópur. Svakalega – vægt til orða
tekið. Mér finnst þetta æðislegt,“
segir Bubbi. Og upplýsir jafn-
framt að í öllum þessum látum
hafi hann hafist handa við skrift-
ir – er að setja saman nýja veiði-
bók en bók hans „Að kasta flugu í
straumvatn er að tala við Guð“
kom út fyrir síðustu jól.
jakob@frettabladid.is
Ný Bubbalög loks á plötu
BUBBI ÖNNUM KAFINN Þann 18. þessa mánaðar arkar hann í stúdíó uppi í Breið-
holti ásamt Pétri Ben. Og á yfirið nóg af nýju efni. FRÉTTABLAÐIÐ/GVA
BÁRÐUR ÖRN Aðdáendaklúbbur Bubba
leggur nú nótt við nýtan dag við glæsi-
legan Bubbavef sem verður opnaður
á næstunni. Þar verður að finna allar
helstu upplýsingar um hinn dáða tón-
listarmann. FRÉTTABLAÐIÐ/STEFÁN
Sienna Miller og Transformers-
leikarinn Shia LaBeouf eru meðal
þeirra leikara sem eru tilnefndir
til Orange Rising Star verðlauna
BAFTA, en þau falla, eins og nafn-
ið gefur til kynna, í skaut upp-
rennandi leikara sem þykir hafa
borið af á liðnu ári. Verðlaunin
verða afhent 10. febrúar næst-
komandi.
Fyrir utan þessar Hollywood-
stjörnur eru leikararnir Ellen
Page, Sam Riley og Tang Wei
einnig tilnefndir til verðlaunanna.
Leikkonan Eva Green, sem hlaut
verðlaunin á síðasta ári, tilkynnti
um tilnefningarnar í síðustu viku,
og sagði við það tækifæri að allir
leikararnir fimm ættu skilið að
vinna. „Ég er viss um að við
munum sjá mun meira af þeim á
árinu 2008,“ sagði Bond-stúlkan.
Ellen Page er kanadísk leikkona
sem sem leikur ólétta unglings-
stúlku í kvikmyndinni Juno. Sam
Riley vakti mikla athygli sem Ian
Curtis, söngvari sveitarinnar Joy
Division, í myndinni Control. Hin
kínverska Tang Wai sló hins vegar í
gegn í mynd Ang Lee, Lust, Caution,
sem hlaut gyllta ljónið á kvik-
myndahátíðinni í Feneyjum á
síðasta ári.
Dómnefnd á vegum BAFTA,
bresku kvikmynda- og sjónvarps-
akademíunnar, tilnefnir leikara til
verðlaunanna, en það er almenning-
ur sem sker úr um hverjum þau
hlotnast með því að greiða atkvæði
í gegnum síma eða internetið.
Stjarna Siennu fer rísandi
TILNEFND Sienna Miller er á meðal
fimm upprennandi leikara sem þykja
hafa borið af á liðnu ári og eru tilnefndir
til Rising Star-verðlauna BAFTA.
NORDICPHOTOS/GETTY
Tónlistarhátíðin Iceland
Airwaves fer þetta árið fram
dagana 15. til 19. október.
Hátíðin hefur frá upphafi farið
fram þriðju helgina í október og
er árið í ár engin undantekning.
Athygli vekur að tónlistar-
hátíðin CMJ í New York, sem
var haldin á sama tíma og
Airwaves í fyrra, hefur fært sig
aftur yfir á sinn gamla tíma.
Bandarískir blaðamenn og
starfsmenn tónlistariðnaðarins
fagna eflaust þeim fregnum því
þá þurfa þeir ekki að velja á
milli hátíðanna tveggja. Þegar
hafa rúmlega tvö hundruð
erlendir flytjendur sótt um að
spila á Airwaves í ár.
Sem fyrr er það Hr. Örlygur
sem sér um framkvæmd
Airwaves.
Airwaves á
sínum stað