Fréttablaðið - 17.01.2008, Blaðsíða 12
12 17. janúar 2008 FIMMTUDAGUR
UTANRÍKISMÁL Yfirmaður íslensku friðargæslunnar á
Srí Lanka varð eftir í landinu í gær ásamt tíu
norskum yfirmönnum þegar aðrir íslenskir og
norskir friðargæsluliðar yfirgáfu landið. Vopnahlé
stjórnvalda og Tamílatígra rann út í gær.
Verkefni yfirmannsins, Jónasar Allanssonar, og
norskra kollega hans verður lokafrágangur vegna
brotthvarfs norskra og íslenskra eftirlitssveita frá
landinu, segir Anna Jóhannsdóttir, forstöðumaður
Íslensku friðargæslunnar. Hún segir stjórnvöld á Srí
Lanka ábyrgjast öryggi þeirra sem eftir verða í
landinu þrátt fyrir að friðarsamkomulag sé fallið úr
gildi.
Meðal verkefna þeirra sem eftir verða er að
ganga frá málum heimamanna sem unnið hafa fyrir
friðargæslusveitirnar, en ástæða hefur þótt til að
óttast um öryggi einhverra þeirra vegna brotthvarfs
sveitanna.
Alls voru níu íslenskir friðargæsluliðar í Srí
Lanka. Anna segir framtíð þeirra ekki ráðna, fólkið
hafi starfað mislengi fyrir friðargæsluna. Rætt
verði við hvern og einn um framtíð viðkomandi hjá
friðargæslunni, og skoðað hvaða störf séu á lausu.
Tveir íslenskir starfsmenn Þróunarsamvinnu-
stofnunar starfa í Kólombó, höfuðborg Srí Lanka,
auk fjögurra heimamanna. Engin ákvörðun hefur
verið tekin um að hætta störfum stofnunarinnar í
landinu, að því er fram kemur í tilkynningu. - bj
Verkefni Íslensku friðargæslunnar á Srí Lanka lokið eftir að vopnahlé féll úr gildi:
Einn íslenskur friðargæsluliði eftir
Á HEIMLEIÐ Hermenn eru víða á götum Kólombó, höfuð-
borgar Srí Lanka, en íslenskir og norskir friðargæsluliðar eru
farnir eða á förum. NORDICPHOTOS/AFP
SRÍ LANKA, AP Meira en þrjátíu
manns fórust þegar sprengja
sprakk í troðfullum almennings-
vagni á Srí Lanka í gær, sama dag-
inn og vopnahlé stríðandi fylkinga
á eyjunni rann úr gildi.
Sprengjunni hafði verið komið
fyrir við vegarbrún í bænum
Buttala á suðaustanverðri eyj-
unni, og sprakk sprengjan klukk-
an hálfátta að morgni þegar bif-
reiðinni var ekið fram hjá. Vitni
halda því fram að tilræðismenn-
irnir hafi skotið á farþega sem
reyndu að komast út úr bifreið-
inni.
Árásin þykir til marks um að
Tamílatígrarnir séu fullfærir um
að gera árásir langt innan yfir-
ráðasvæðis stjórnarhersins.
Átök hafa harðnað eftir að
stjórnin sagði upp vopnahlés-
samningnum og óttast er að þau
verði harkaleg á næstunni. Á
mánudaginn féllu 23 manns í átök-
um stjórnarhermanna og skæru-
liða Tamílatígranna nyrst á eyj-
unni.
Mahinda Rajapaksa, forseti Srí
Lanka, segir árásina þó í engu frá-
brugðna fyrri árásum skærulið-
anna, sem ennþá „stunda hryðju-
verk og hafna algerlega lýðræði
og öllum reglum siðlegrar hegð-
unar“ í baráttu sinni fyrir aðskiln-
aði, sem forsetinn segir alls ekki
hægt að fallast á.
Stjórn Srí Lanka og skæruliðar
Tamílatígra, sem vilja stofna sjálf-
stætt ríki á norður- og austurhluta
eyjunnar, undirrituðu vopnahlés-
samkomulag árið 2002 og hafa
Norðmenn og Íslendingar séð um
friðareftirlit samkvæmt ákvæð-
um samkomulagsins, en hverfa
frá nú þegar vopnahléið er úr sög-
unni. Lars Johan Sølvberg, yfir-
maður norræna friðargæsluliðs-
ins, sagðist í gær sannfærður um
að ekki væri hægt að leysa úr
ágreiningnum með hernaði.
„Við höfum verið hötuð síðast-
liðin sex ár,“ sagði Sølvberg á
blaðamannafundi í Srí Lanka, „en
starfið er líka þess eðlis. Við
höfum reynt að gæta hlutleysis í
hverju einasta tilviki.“
gudsteinn@frettabladid.is© GRAPHIC NEWS
Sprengjuárás á Srí Lanka
Meira en 70 þúsund manns hafa
fallið í átökum á Srí Lanka síðan
1983 þegar Tamílatígrarnir hófu bar-
áttu sína fyrir stofnun sjálfstæðs ríkis
á norður- og austurhluta eyjunnar.
INDLAND
INDLANDSHAF
Svæðið
sem tamílar
gera tilkall til SRÍ
LANKA
Kólombó
80 km
Buttala, kl. 7.30 f.h.: 28 manns
fórust, þar af nokkur börn.
Meira en 60 særðir að auki.
Heimildir: Fréttastofur
ÞRÓUNARMÁL Þróunarsamvinnu-
stofnun Íslands mun fjármagna
byggingu tuttugu skólastofa í níu
grunnskólum í Níkaragva. Auk
þess mun stofnunin búa þær hús-
gögnum.
Grunnskólarnir níu eru í sveitar-
félögunum Bluefields og Puerto
Cabezas á Atlantshafsströnd lands-
ins. „Núverandi ríkisstjórn, sem
komst til valda í janúar 2007, legg-
ur mikla áherslu á menntun fyrir
alla og hennar fyrsta verk var að
gera grunnskólann gjaldfrjálsan en
það hafði hann ekki verið í mörg
ár,“ segir Gerður Gestsdóttir, verk-
efnastjóri félagslegra verkefna í
Níkaragva. Skólasókn var afar slök
á Atlantshafsströnd landsins en
eftir þessar aðgerðir hefur eftir-
sóknin orðið slík að yfirvöldum
hefur ekki tekist að mæta eftir-
spurn eftir skólabyggingum.
Gerður segir að nýju bygging-
arnar muni koma um 3.700 börnum
til góða.
Framlag Þróunarsamvinnu-
stofnunar nemur um áttatíu pró-
sentum af heildarkostnaði við
verkið. Verður það greitt til
sveitar stjórnanna á svæðinu en
stofnunin mun gegna eftirlitshlut-
verki út starfstímabilið sem er
áætlað að taki hálft ár. Mótfram-
lagið mun síðan koma frá mennta-
málayfirvöldum í Níkaragva. - jse
Þróunarsamvinnustofnun fjármagnar skólabyggingar í Níkaragva:
Skólar fyrir fjögur þúsund börn
UNGUR NEMANDI Í NÍKARAGVA Stjórnin
í Níkaragva hafa gert skurk í mennta-
málum landsins síðan hún komst til
valda fyrir ári. MYND/ERLA S SIGURÐARDÓTTIR
Vopnahléinu lýkur
með sprengjuárás
Sprengjuárás á almenningsvagn varð tugum manna að bana á Srí Lanka í gær.
Árásarmennirnir skutu á farþega sem reyndu að komast út úr vagninum.
STRÆTISVAGNINN ILLA FARINN Árásin var gerð í afskekktu þorpi á suðaustanverðri
eyjunni. FRÉTTABLAÐIÐ/AP
Reykjanesbær úr samstarfi
Stjórn skíðasvæða höfuðborgar-
svæðisins segist vonsvikin yfir þeirri
ákvörðun Reykjanesbæjar að taka
ekki þátt í nýjum fimm ára samn-
ingi um rekstur og uppbyggingu á
skíðasvæðum höfuðborgarsvæðisins.
Fram undan séu tímar uppbyggingar
og nýjunga. Snjógerð muni fjölga
opnunardögum í fjöllunum.
SKÍÐASVÆÐI
Lélegur frágangur á kerrum
Lögreglan á Ísafirði hefur stöðvað
marga ökumenn að undanförnu
vegna lélegs frágangs á eftirvögnum.
Er oft á tíðum um ljóslausar kerrur
að ræða og farmur jafnvel ekki festur
niður. Var einn ökumaður stöðvaður
með ómerktan timburfarm sem stóð
á fjórða metra aftur úr ljóslausri kerru.
LÖGREGLUFRÉTTIR
HELGIATHÖFN HINDÚA Helgur
maður stendur úti í á meðan hann
framkvæmir helgiathöfn að hindúasið
á indversku eynni Gangasagar í þann
mund sem sólin gengur til viðar.
Þúsundir pílagríma lögðu leið sína til
Gangasagar 14. janúar sem var dagur
hindúahátíðarinnar Makar Sankranti.
SJÁVARÚTVEGSMÁL Félög Frjáls-
lynda flokksins í Reykjavík fagna
því að Mannréttindanefnd SÞ hafi
staðfest „að gjafakvótakerfið er
ólögmætt, ósanngjarnt og brýtur
gegn mannréttindum fólksins í
landinu“, eins og segir í tilkynn-
ingu. „Frjálslyndi flokkurinn hefur
ávallt haldið því fram að kvóta-
kerfið brjóti í bága við ákvæði
stjórnarskrárinnar um atvinnu-
frelsi og jafnrétti borgaranna.“
Félögin skora á ríkisstjórn að
líta til tillagna Frjálslyndra í
sjávarútvegsmálum, til að móta
nýja og hagkvæma fiskveiðistefnu,
í sátt við þjóðina, og bjóða
ríkisstjórn aðstoð sína við það. - shá
Frjálslyndi flokkurinn:
Bjóða ríkis-
stjórn aðstoð
N
O
R
D
IC
PH
O
TO
S/
A
FP