Fréttablaðið - 17.01.2008, Blaðsíða 16

16 17. janúar 2008 FIMMTUDAGUR
KÓPAVOGUR Síðastliðið sumar var samþykkt tillaga í
bæjarstjórn Kópavogs þess efnis að Kópavogsbúar
fengju frítt í strætisvagna frá og með nýliðnum
áramótum. Nú þegar nokkuð er liðið á janúarmánuð
bólar enn ekkert á því að tillagan fari í framkvæmd.
„Þessi tillaga var samþykkt á sínum tíma, en þetta
var hálfgert frumhlaup hjá bæjarstjóranum og lítið
búið að hugsa út í sjálfa framkvæmdina,“ segir
Guðríður Arnardóttir, oddviti Samfylkingarinnar í
Kópavogi.
„Stjórn Strætó bs. óskaði eftir því að framkvæmd-
inni yrði frestað í hálft ár til þess að finna megi lausn
á því hvernig hægt verði að framkvæma þetta.“
Ármann Kr. Ólafsson, fulltrúi Sjálfstæðisflokksins
í bæjarstjórn Kópavogs og formaður stjórnar Strætó
bs., segir stjórn Strætó hafa viljað bíða eftir að sjá
útkomuna úr tilrauninni sem nú stendur yfir með
gjaldfrjálsan akstur fyrir námsmenn. „Niðurstaðan
úr þeirri tilraun kemur óhjákvæmilega til með að
hafa áhrif á hvernig gjaldskrá Strætó bs. þróast. Við
viljum fá að skoða þessar niðurstöður og fá svo að
taka ákvörðun varðandi framhaldið út frá þeim.“ - vþ
Hugmyndir um gjaldfrjálsar strætisvagnaferðir í Kópavogi:
Verkefni í bið fram á sumar
GUÐRÍÐUR ARNARDÓTTIR,
ODDVITI SAMFYLKINGAR-
INNAR Segir ákvörðunina
hafa verið tekna í flýti.
ÁRMANN KR. ÓLAFSSON
Segir Strætó bs. vilja bíða
niðurstöðu tilraunar með
gjaldskrá fyrir námsmenn.
LÖGREGLUMÁL Áttatíu og níu
ökumenn voru myndaðir við brot
sín í Hvalfjarðargöngunum á
tæplega áttatíu og átta klukku-
stundum frá þriðjudegi til
föstudags í síðustu viku.
Var meðalhraði þeirra tæplega
85 kílómetrar á klukkustund en í
göngunum er 70 kílómetra
hámarkshraði. Sá sem hraðast ók
mældist á meira en 100 kílómetra
hraða og tíu ökumenn voru á
meira en 90 kílómetra hraða.
Alls fóru 5.700 ökutæki um
Hvalfjarðargöngin á þessum tíma
og voru því 1,6 prósent ökumanna
yfir leyfilegum hámarkshraða.
- ovd
Akstur í Hvalfjarðargöngum:
Langflestir á
löglegum hraða
Hljóðfærahúsið í samstarfi við tónlistarskólann Tóney
SÍÐUMÚLA 20 - Sími 591 5350 - www.hl jodfaerahusid. is
Spennandi tónlistarnám fyrir fólk á öllum aldri í klassík, suzuki, djass-, heims- og tilraunatónlist.
Meðal annars er kennt á fiðlu, víólu, selló, kontrabassa, þverflautu, klarínett, trompett og píanó.
Skráning fer fram hjá Tóney, Síðumúla 8, í síma 551 3888
eða á heimasíðunni www.toney.is
FJARSKIPTI „Þeir hafa hvorki látið
sjá sig né í sér heyra,“ segir Bára
Hjaltadóttir, ábúandi á Fellsenda í
Dölum, aðspurð hvort hún sé
komin með síma. Eins og Frétta-
blaðið greindi frá á mánudaginn
óskaði hún eftir flutningi á síma 8.
desember.
Bára segist vita til þess að menn
frá Mílu hafi verið á svæðinu síð-
astliðinn þriðjudag. „Miðað við orð
upplýsingafulltrúans þá á ég að
vera í forgangi.
En ég hef það á
tilfinningunni
að þetta séu
reglunar og það
sé ekki farið
eftir þeim.“
Hún segir
tafir á viðgerð-
um ekkert eins-
dæmi því sím-
inn hafi bilað
milli jóla og
nýárs hjá
nágranna hennar og hafi ekki kom-
ist í lag aftur fyrr en nýlega. „Það
voru tvær vikur sem þau voru
símalaus og það var engin útivinna
eða strengjalagnir í því.“
Bára telur þetta mikið öryggis-
leysi enda séu þau algerlega síma-
sambandslaus þar sem ekkert
gsm-samband er á svæðinu.
„Húsið var skilgreint sem sum-
arbústaður og það er ekki búið að
klára það ferli,“ segir Linda B.
Waage, forstöðumaður Samskipta-
sviðs Símans. Hún segir þau þurfa
að afla sér upplýsinga áður en til
framkvæmda komi. Í ljós hafi
komið að umrætt hús er frístunda-
hús og þá taki við það annað ferli.
Segir hún Mílu ehf. greiða kostn-
að, upp að 600 þúsund krónum ef
leggja þarf nýja símalínu inn í hús
og ef um lögheimili sé að ræða. En
ef kostnaður sé umfram þá upphæð
greiði sá sem óskar eftir línunni
mismuninn. „Ef um sumarhús er að
ræða þá greiðir eigandi hússins
allan kostnað við línulagnir.“
Linda segir Símann þurfa stað-
festingu á að um lögheimili sé að
ræða, ekki sumarhús áður en farið
sé af stað. „Það er okkar megin-
regla að við reynum að upplýsa
fólk eins vel og við getum en við
erum ekki að setja fram einhverjar
væntingar ef við höfum ekki
nákvæmar upplýsingar,“ segir
Linda.
„Við erum búin að vera net- og
símasambandslaus í heilan mánuð,“
segir Heiða Haraldsdóttir, íbúi í
Grafarvogi, sem að sögn pantaði
símaflutning 17. desember. Hún
segir tvær símalínur liggja inn í
húsið svo ekki sé því fyrir að fara
að grafa þurfi að húsinu. „Ég er
búin að hringja svo oft og fæ alltaf
mismunandi svör og það er öllu
lofað en ekkert gerist.“
olav@frettabladid.is
Dalabændur
enn ekki með
símasamband
Ábúendur á Fellsenda hafa enn ekkert heyrt um
hvenær þeir geta búist við flutningi á síma, rúmum
mánuði eftir ósk um flutning. Málið ekki einsdæmi.
HEIÐA HARALDSDÓTTIR Óskaði 17. desember eftir flutningi á síma en bíður enn.
Segir öllu lofað en ekkert gerist. FRÉTTABLAÐIÐ/AUÐUNN
LINDA BJÖRK
WAAGE
RÚSSLAND, AP Deila Rússa og Breta
um starfsemi bresku menningar-
málastofnunarinnar British Counc-
il í tveimur borgum Rússlands
versnaði enn í gær, er rússneska
leyniþjónustan FSB tók rússneska
starfsmenn útibús British Council í
Sankti Pétursborg til yfirheyrslna
og lögreglan í borginni stöðvaði for-
stöðumann útibúsins, Stephen Kinn-
ock, og sakaði um ölvunarakstur.
„Aðgerð lögreglunnar gegn Step-
hen í gær er enn eitt dæmið um
ólögmæt afskipti rússneskra yfir-
valda af honum og öðrum breskum
sendierindrekum,“ hefur Politiken.
dk eftir Helle Thorning-Schmidt,
eiginkonu Kinnocks og formanni
danska Jafnaðarmannaflokksins.
Deilan upphófst er bresk yfir-
völd fóru fram á framsal fyrrver-
andi KGB-mannsins Andrei Lug-
ovoj, þar sem hann væri grunaður
um aðild að geislunareiturs-morð-
inu á Alexander Litvinenko, öðrum
fyrrverandi leyniþjónustumanni
frá Rússlandi sem bjó sem pólit-
ískur flóttamaður í Bretlandi.
Nýjasta útspilið í deilunni var
að rússnesk yfirvöld fyrirskipuðu
að útibúum British Council í Sankti
Pétursborg og Jekaterínbúrg yrði
lokað um áramótin, að sögn vegna
þess að starfsemi þeirra væri
ólögleg. Starfsmennirnir opnuðu
hins vegar útibúin aftur eftir jóla-
hlé í byrjun vikunnar.
- aa
Deila Rússa og Breta um starfsemi British Council:
Starfsfólkið yfirheyrt
af leyniþjónustunni
Ég er búin að hringja svo
oft og fæ alltaf mismun-
andi svör og það er öllu lofað en
ekkert gerist.
HEIÐA HARALDSDÓTTIR
ÍBÚI Í GRAFARVOGI
NEKT Í ÞÁGU DÝRAVERNDAR Meðlimir
í dýraverndunarsamtökunum PETA
(People for the Ethical Treatment
of Animals) efndu til mótmæla fyrir
utan landbúnaðarráðuneytið í Berlín
á dögunum til að mótmæla því að
hænur sem liggja á eggjum sínum
séu geymdar í búrum. Á spjöldunum
sem hylja nektina stendur „frelsi fyrir
hænur – engin búr árið 2012.“
SVEITARSTJÓRNIR Sendibúnaður sem
bætt hefur verið við á varnarsvæð-
inu í kringum Keflavíkurflugvöll
stendur þróun Grindavíkur fyrir
þrifum segir bæjarráð, sem hefur
ítrekað sent mótmæli til utanríkis-
ráðuneytisins vegna fjölgunar
sendanna.
„Bæjarráð Grindavíkur óskar
eftir að þegar verði hafnar
viðræður við utanríkisráðuneytið
um færslu á starfsemi varnar-
svæðis innan lögsögu Grindavíkur
þar sem núverandi staðsetning er
farin að há framþróun bæjarins,“
segir í samhljóða bókun. - gar
Vilja færa varnarsvæðið:
Sendibúnaður
háir Grindavík
Sólbakur fyrir Sóleyju
Brim hf. hefur selt ísfisktogarann Sól-
bak og kaupandinn er Nesfiskur ehf.
í Garði. Þetta kemur fram í nýjustu
Fiskifréttum.
SJÁVARÚTVEGUR