Fréttablaðið - 17.01.2008, Blaðsíða 22
22 17. janúar 2008 FIMMTUDAGUR
2002 2003 2004 2005 2006
nám, fróðleikur og vísindi
18.229
18.721
19.417
19.650
20.424
Dr. Peter Clevestig, frá Stockholm International Peace Research Institute, og dr.
Haraldur Briem, sóttvarnalæknir hjá Landlæknisembættinu, halda erindi um
drepsóttir og öryggismál á málfundi Alþjóðamálastofnunar Háskóla Íslands og
Miðstöð lýðheilsuvísinda í dag klukkan 15.00. Málfundurinn verður haldinn í
fyrirlestrasal Háskólatorgs.
Á málfundinum verður kynnt hvaðan ógnir við líf og
heilsu vegna mengunar, eða far- og drepsótta, steðja
að, bæði af náttúrunnar hendi, af slysni, eða meðvit-
uðum aðgerðum hryðjuverka- og glæpamanna. Ýmsar
lausnir verða ræddar með tilliti til reynslu Íslands og
viðbúnaðar á þessum vettvangi.
Fundarstjóri er Alyson JK Bailes, gestakennari
við stjórnmálafræðiskor. Málfundurinn fer
fram á ensku. Aðgangur er ókeypis og öllum
opinn og engin skráning nauðsynleg.
■ Málfundur
Drepsóttir og samfélagsöryggi
Sólveig Ása Árnadóttir, sjúkraþjálfari og
lektor við Háskólann á Akureyri, mun í dag
halda erindi um líkamsvirkni eldra fólks
í dreifbýli og þéttbýli. Málstofan verður
haldin í stofu L201 á Sólborg klukkan 12.10-
12.55.
Kynntar verða niðurstöður rannsóknar
sem gerð var árið 2004 á líkamsvirkni eldra
fólks á Norðurlandi. Þar var horft til hreyf-
ingar og líkamlegrar virkni í tómstundum,
við heimilisstörf og vinnu utan heimilis. Áhersla var lögð á að skoða hvernig
líkamsvirkni tengdist kyni, aldri og búsetu í dreifbýli annars vegar og þéttbýli
hins vegar.
Málstofan verður send út í beinni útsendingu á slóðinni http://ikarus.unak.
is/ha_malstofa.
■ Málstofa
Líkamsvirkni eldra fólks
Kjarni málsins
> Fjöldi nemenda í dagskóla í framhaldsskólum landsins
„Starfsmenn af erlendum uppruna hjá
Reykjavíkurborg“ er titill MA-ritgerðar
sem Berglind Guðrún Bergþórsdóttir
skrifaði í mannauðsstjórnun í viðskipta-
og hagfræðideild Háskóla Íslands, á
vordögum 2007. Hún starfar nú sem
mannauðsráðgjafi hjá Reykjavíkurborg.
„Í stuttu máli var ég að reyna að
kortleggja það hversu margir erlendir
starfsmenn vinna hjá borginni, hvaðan
þeir koma, hvaða störfum þeir sinna,
hvaða menntunarbakgrunn þeir hafa
og svo spurði ég einnig um íslensku-
kunnáttu þeirra,“ segir Berglind. „Það
kom meðal annars í ljós að 15 prósent
þeirra sem hafa lokið háskólamennt-
un unnu störf þar sem menntunar er
ekki krafist. Ég get ekki sagt að þetta
hafi komið mér á óvart en það er þá
alla vega gott að vita nákvæmlega hvert
hlutfallið er.
Almennt voru starfsmennirnir nokkuð
ánægðir en við getum þó alltaf gert betur
og það má nýta rannsóknina í þeim
tilgangi. Við höfum til dæmis útbúið leið-
beiningar á nokkrum tungumálum þar
sem starfsmönnum eru kynnt réttindi sín
og skyldur. Þessi bæklingur er nú tilbúinn
og kemst vonandi fljótlega í hendur
þeirra sem á þurfa að halda.“
Það geta þó ekki allir fengið hann á
sínu móðurmáli en hjá borginni starfa
470 erlendir starfsmenn sem tala 51
tungumál. „Við tökum málefni erlendra
starfsmanna mjög alvarlega hjá Reykja-
víkurborg og nú höfum við gert íslensku-
kennslu fyrir þá að einu af okkar stóru
málum,“ segir Berglind.
NEMANDINN: BERGLIND GUÐRÚN BERGÞÓRSDÓTTIR MANNAUÐSRÁÐGJAFI
Íslenska fyrir útlendinga er stóra málið
SAMFOK verður með opinn fund með foreldrum
grunnskólabarna í Reykjavík um frumvarp til laga
um grunnskóla í Langholtsskóla við Holtaveg
annað kvöld milli átta og tíu. Guðni Olgeirsson,
starfsmaður menntamálaráðuneytisins, kemur á
fundinn og greinir frá helstu breytingum sem
frumvarpið gerir ráð fyrir.
Í tilkynningu frá SAMFOK kemur fram að
menntamálaráðherra hafi lagt fram á Alþingi
frumvarp til laga um grunnskóla. Í frumvarpinu
séu lagðar til ýmsar breytingar, til dæmis að
foreldraráð verði lögð niður en í stað þeirra komi
skólaráð sem sé samráðsvettvangur skólastjóra og
skólasamfélags um skólahald.
„Skólaráð skal skipað sjö einstaklingum til
tveggja ára í senn, þar af eru aðeins tveir foreldrar
og engir fulltrúar nemenda,“ segir í tilkynningu
frá SAMFOK. „Lög um grunnskóla er ramminn um
skólahald a Íslandi. SAMFOK telur mikilvægt að
foreldrar grunnskólabarna í Reykjavík fræðist um
fyrirhugaðar breytingar á lögunum og myndi sér
skoðun á þeim. Í því skyni mun SAMFOK halda
opinn fund med foreldrum grunnskólabarna í
Reykjavík um frumvarpið.“
Hægt er að kynna sér frumvarpsdrögin á www.
nymenntastefna.is/log-um-grunnskola/grunnskola-
frumvarp/ og greinargerð má kynna sér á www.
nymenntastefna.is/log-um-grunnskola/greinar-
gerd/. - ghs
Samfok með opinn fund um frumvarp menntamálaráðherra í Langholtsskóla:
Skólaráð í stað foreldraráðs
LANGHOLTSSKÓLI Samfok stendur fyrir umræðum um
frumvarp til laga um grunnskóla Langholtsskóla annað kvöld
klukkan átta. FRÉTTABLAÐIÐ/AUÐUNN NÍELSSON
HEIMILD: HAGSTOFA ÍSLANDS
Evald Sæmundsen sálfræðingur mun verja doktorsrit-
gerð sína á morgun, föstudag, við læknadeild Háskóla
Íslands. Ritgerðin ber heitið „Einhverfa á Íslandi – algengi,
greiningar tæki, framvinda og tengsl einhverfu við flog hjá
ungbörnum“.
Andmælendur eru dr. Lennart von Wendt, prófessor í tauga-
sjúkdómum barna við Helsinki University Central Hospital,
og dr. Christopher Gillberg, prófessor í geðlæknisfræði barna
og unglinga við Göteborg University. Leiðbeinandi var dr.
Vilhjálmur Rafnsson, prófessor í heilbrigðis- og faraldsfræði
við læknadeild Háskóla Íslands. Dr. Stefán B. Sigurðsson,
deildarforseti læknadeildar, stjórnar athöfninni sem fer fram í Öskju og hefst kl.
14.00.
■ Doktorsvörn við læknadeild Háskóla Íslands
Einhverfa á Íslandi
Tryggvi R. Jónsson, Albert Arnarson og Haukur Freyr Gylfa-
son halda erindi á vegum Rannsóknastofu í kvenna- og
kynjafræðum fimmtudaginn 17. janúar kl. 12.00 í sal 4,
Háskólabíói. Í erindinu munu þeir kynna rannsókn sína um
launamun kynjanna.
Meðal þess sem var kannað í rannsókninni er þáttur
launavæntingar umsækjanda fyrir ákveðið starf. Með því
að skoða væntingar til launa er talið að það verði til aukinn
skilningur á óútskýrðum launamun kynjanna á íslenskum
vinnumarkaði.
■ Fyrirlestur
Áhrif væntinga á launamun kynjanna
Aðalfundur Góðvina Háskólans á Akur-
eyri verður haldinn þriðjudaginn 22.
janúar klukkan 12.00 og stendur í um
það bil klukkustund. Fundurinn verður
haldinn í stofu L103 á Sólborg. Boðið
verður upp á létta hádegishressingu.
Á dagskrá verður meðal annars
skýrsla stjórnar og reikningar kynntir,
kosið verður í stjórn og í fulltrúaráð.
Þá mun Ágúst Árnason kynna meist-
aranám í heimskautarétti sem hefst
við háskólann í haust. Þátttaka á fundinn, skráning nýrra félaga og framboð til
stjórnar skulu berast á netfangið jonaj@unak.is fyrir aðalfundinn.
■ Aðalfundur
Góðvinir Háskólans á Akureyri funda
Nú á vormisseri býður stjórnmálafræðiskor
Háskóla Íslands upp á opið námskeið um
öryggismál þar sem aðrar hliðar þeirra en
hernaðarlegar eru í brennidepli. Kennari
er Alyson Bailes, gestakennari við HÍ og
fyrrverandi forstöðumaður sænsku friðar-
rannsóknastofnunarinnar SIPRI.
„Hugmyndin var sú að bæta einhverju nýju við á
sviði öryggismála í meistaranáminu í alþjóðasam-
skiptum,“ segir Bailes í samtali við Fréttablaðið.
Námskeiðið fer fram á ensku og ber yfirskriftina
„Non-state actors and non-military security“.
„Hlutverk mitt yrði að fjalla um þær hliðar
öryggismála sem ekki hafa með hernað eða átök
milli ríkja að gera, heldur annars konar ógnir við
öryggi samfélagsins og við okkar daglega líf, svo
sem ásetningsverk manna sem geta skaðað okkur
með öðrum hætti. Slíkir ógnvaldar geta líka verið
náttúruhamfarir, farsóttir, langtímaáhrif loftslags-
breytinga, og ekki má gleyma að vegna þess hve
háð við erum innviðum á borð við hita-, vatns- og
rafveitur þá varðar það mjög öryggi okkar ef slík
kerfi bila eða verða af einhverjum orsökum
óstarfhæf. Orku- og innviðaöryggi er því augljós-
lega hluti af þessu,“ segir Bailes.
Svörin við þessum vandamönnum liggi því ekki
bara í höndum fulltrúa stjórnvalda og alþjóðastofn-
ana. Mikilvægt sé að stjórnvöld og alþjóðastofnanir
setji rétt lög og reglur sem sjá til þess að þessum
málum sé stjórnað með skynsamlegum hætti um
allan heim; „en þegar allt kemur til alls er það sem
bæði viðheldur öryggi okkar – eða ógnar því – í
daglegu lífi eru gerðir einstaklinga á sínum
vinnustöðum eða utan þeirra,“ bendir Bailes á.
Hún segir að aðstandendur námskeiðsins hafi því
hugsað sem svo: Hví ekki að opna hverjum sem er
aðgang? Það kunni jú að vera að Íslendingar lumi á
góðum lausnum við sumum þessara vandamála, og
með því að fá sem fjölbreyttastan hóp fólks til að
sækja námskeiðið gætu umræðurnar orðið meira
gefandi. Bailes segist vonast til að meðal þeirra
sem mæti verði embættismenn úr stjórnkerfinu,
svo sem utanríkisráðuneytinu, fólk úr atvinnu-
lífinu, frá fjölmiðlum og frá frjálsum félagasam-
tökum.
Spurð hvort hún óttist þá ekki að of margir mæti
svarar Bailes að við því hafi verið séð með því að
bóka nokkuð stóran sal fyrir námskeiðið – sal 202 í
Odda – en ef þess skyldi gerast þörf væri kostur á
að færa námskeiðið í enn stærri sal. Hið nýja
húsnæði á Háskólatorgi geri það kleift.
Bailes tekur fram að þarfir skráðra nemenda
námskeiðsins séu að sjálfsögðu í fyrirrúmi, síðustu
20 mínúturnar af hverjum tíma taki hún því í
lokaða samræðu við þá. Hinn opni hluti hvers tíma,
sem verður á hverjum miðvikudegi frá kl. 13.20 til
15.00, verði að jafnaði fyrstu 60-80 mínúturnar eða
svo. Á heimasíðu námskeiðsins – www.hi.is/page/
ams_nms – er að finna ítarlega námskeiðslýsingu,
lesefni tengt efni hvers fyrirlestrar og fleiri
gagnlegar upplýsingar fyrir áhugasama.
audunn@frettabladid.is
Öryggi, ógnir og samfélag
ALYSON BAILES Mun fjalla um þær hliðar öryggismála ríkja,
sem hafa ekki með hernað eða átök milli ríkja að gera.
FRÉTTABLAÐIÐ/AUÐUNN