Fréttablaðið - 17.01.2008, Blaðsíða 25
FIMMTUDAGUR 17. janúar 2008 25
„Að okkar mati er kólnunin á fast-
eignamarkaði hafin og við sjáum
fyrir okkur að enn frekar dragi úr
veltu á næstu mánuðum,“ segir
Ásdís Kristjánsdóttir, sérfræð-
ingur hjá greiningardeild Kaup-
þings.
Velta á fasteignamarkaði síð-
ustu tvær vikur ársins 2007 og
fyrstu tvær vikur hins nýja árs
nam samanlagt rétt rúmum 3,1
milljarði og dróst saman um
tuttugu prósent sé miðað við sama
tímabil í fyrra, þegar veltan nam
3,8 milljörðum. Veltan er jafn-
framt níu prósentum minni en
fyrir tveimur árum.
Ásdís segir ástæðuna fyrir
minnkandi veltu fyrst og fremst
vera erfiðara aðgengi að lánsfé.
Vextir hafi verið að hækka auk
þess sem bankarnir haldi frekar
að sér höndum við útlán. Hún
segir greiningardeild Kaupþings
sjá fram á smávægilega hækkun
nafnverðs á árinu. Hins vegar
megi búast við um 1,5 prósenta
verðlækkun að raunvirði, sé
miðað við verðbólgu kringum
fjögur prósent.
„Við sjáum fyrir okkur áfram-
haldandi kulda og að markaðurinn
fari ekki að glæðast á ný fyrr en í
lok árs og upphafi þess næsta.“
Bjarni Þór Óskarsson, einn eig-
enda fasteignasölunnar Domus,
segist ekki hafa fengið tölur í
hendur fyrir janúar en tekur fram
að vel hafi gengið í desember og
að menn hafi ekki orðið þess varir
sérstaklega að tekið hefði að
hægjast um. „Menn hér eru bjart-
sýnir í upphafi árs.“ - jsk
ÚR HLÍÐUNUM Kólnun er hafin á
fasteignamarkaði að mati sérfræðinga.
Minnkandi eftirspurnar verður vanalega
fyrst vart í úthverfunum, en síðar í mið-
borgum. FRÉTTABLAÐIÐ/PJETUR
Kólnun á fasteignamarkaði hafin
Velta síðustu fjögurra vikna er tuttugu prósentum minni en á sama tíma í fyrra. Sérfræðingar spá lækkun raunverðs á árinu.
„Ég hef vakið á því athygli við
umræður á Alþingi að óvissa væri í
fjárlagagerðinni. Það er matið á
fjármagnstekjuskattinum og tekj-
um fyrirtækja,“ segir Pétur H.
Blöndal, formaður efnahags- og
skattanefndar Alþingis.
Frá því hefur verið greint að for-
sendur fjárlaga kynnu að vera
brostnar, þar sem mikil lækkun
hefði orðið á verði hlutabréfa. Fjár-
laganefnd kemur saman í vikunni,
ásamt efnahags- og skattanefnd, til
að ræða þetta mál og áhrif þess á
tekjur ríkissjóðs. Í fjárlögum 2008
er gert ráð fyrir að fjármagns-
tekjuskattur skili 35 milljörðum
króna í ríkissjóð og fyrirtækja-
skatturinn 45,5 milljörðum.
Pétur segir að fjárlög séu alltaf
áætlun. „Það sá enginn verðfallið
fyrir þegar fjárlögin voru sam-
þykkt.“ Hann bætir því við að allir
séu að átta sig á því að hlutabréfa-
verðið sveiflist. „Tekjur ríkisins
eru því sveiflukenndar.“ - ikh
Fjármagnstekjur
veikur hlekkur
PÉTUR BLÖNDAL Pétur, sem er formaður
efnahags- og viðskiptanefndar Alþingis,
segist hafa vakið athygli á óvissu við
fjárlagagerð þingsins.
Novator, félag Björgólfs Thors
Björgólfssonar, hefur aukið hlut
sinn í finnska fjarskiptafélaginu
Elisa.
Novator á nú 14,88 prósenta hlut
í Elisa. Samkvæmt tilkynningu til
kauphallarinnar í Finnlandi á
Novator 15,45 prósenta hlut í Elisa,
með framvirkum samningum til
15. febrúar. Novator hefur þá
atkvæðisrétt í samræmi við þenn-
an hlut á hluthafafundi sem hald-
inn verður 21. þessa mánaðar.
Hluturinn minnkar aftur 3.
mars, samkvæmt öðrum framvirk-
um samningi, og á Novator þá
13,71 prósent.
Novator hefur lýst því yfir að á
hluthafafundi sem haldinn verður
verði lagt til að ný stjórn verði
kjörin, en breytingum á samþykkt-
um frestað. Eignlegur aðalfundur
Elisa verður haldinn eftir miðjan
mars. - ikh
Novator bætir
við sig í Elisa
BJÖRGÓLFUR THOR BJÖRGÓLFSSON
Björgólfur vill ræða breytingar á sam-
þykktum Elisa í ró og næði. Hann hefur
aukið hlut sinn í félaginu.