Fréttablaðið - 17.01.2008, Blaðsíða 31

[ ]Brúnkukrem er ágætis leið til að fá lit á húðina og fríska sig aðeins upp. Það er að minnsta kosti mun betri kostur en ljósabekkir, sem geta verið skaðlegir.
Til að fá tilbreytingu í þreyttan fataskápinn og
styðja gott málefni í leiðinni er ráð að bregða
sér í dag á Bókakaffið Glætuna með gamla
tösku undir hönd.
Á Bókakaffinu Glætunni í Aðalstræti 9 verður í dag
hægt að koma með gömlu handtöskuna og skipta
henni út fyrir aðra gamla handtösku. Einnig má mæta
töskulaus og kaupa handtösku á 500 krónur. Ágóðinn
af sölunni rennur í sjóðinn Meðganga fæðing barn,
sem er til styrktar ungum verðandi einstæðum mæðr-
um.
„Fimmtudagar eru alltaf uppákomudagar hjá
okkur og þennan fimmtudaginn er veskjadagur sem
við höfum hugsað okkur sem skiptimarkað,“ útskýrir
Sunna Jónína Sigurðardóttir, uppákomustjóri Glæt-
unnar, en Félag einstæðra foreldra er með aðsetur í
sama húsi. „Við vildum styrkja eitthvert gott málefni
og hún kom hingað í súpu einn daginn, umsjónar-
maður sjóðsins, og við fórum að spjalla. Við erum
komin með gott safn af töskum sem fólk getur keypt
á 500 krónur,“ segir Sunna, sem sjálf er búin að gefa
tvær gamlar töskur í safnið og hefur staðið í ströngu
við að skipuleggja uppákomur á bókakaffinu.
„Við erum búin að hafa tvö ljóðakvöld og svo hafa
komið hljómsveitir bæði með klassíska tónlist og
popptónlist. Einu sinni fengum við líka 12 manna
gospel hljómsveit til að koma fram,“ útskýrir Sunna
og segir fleiri uppákomur vera í vændum því bóka-
kaffið ætlar að koma sér upp einstæðu safni kaffi-
bolla með skemmtilegum hætti. „Á laugardögum í
febrúar verðum við með bolladaga en þeir virka
þannig að þú getur komið með bolla sem þú átt og
fengið frítt kaffi í bollann með því skilyrði að þú
skiljir bollann svo eftir. Þannig ætlum við að koma
okkur upp safni af bollum úr ýmsum áttum og 29.
febrúar verður svo valinn fallegasti bollinn og veitt
verðlaun fyrir,“ bætir hún við.
Í Glætunni verður fleira á döfinni í febrúar og
nefnir Sunna krakkadaga þar sem á að gera eitthvað
sérstakt fyrir krakkana. „Þá verða ýmis tilboð á
barnabókum og hljóðbókum fyrir börn og jafnvel lif-
andi tónlist. Þetta er bara til að krydda hversdags-
leikann og breyta aðeins til,“ segir Sunna Jónína,
uppákomustjóri Glætunnar, að lokum.
heida@frettabladid.is
Töskuskiptimarkaður
Sunna, uppákomustjóri Glætunnar, stendur fyrir skiptimarkaði
á handtöskum í dag. FRÉTTABLAÐIÐ/AUÐUNN
s: 557 2010
Útsala
enn meiri afsláttur
Algjört
verðhrun
60-90%
afsláttur
G
O
T
T
F
O
L
K