Fréttablaðið - 17.01.2008, Blaðsíða 32

FIMMTUDAGUR 17. janúar 2008 3
Hver hefur ekki látið sig dreyma um ljúfa daga í París, borgar ástar og
rómantíkur, tísku og menningar, osta og rauðvíns? Þessar klisjur um
París eru flestum kunnar og kannski að einhverju leyti raunverulegar
við fyrstu sýn. Það verður þó að segjast eins og er að aldrei hef ég hitt
mann með alpahúfu og bagettu undir hendinni. Ég man það sjálfur
þegar ég var lítill að frönsk tunga var mér svo hugleikin og mig langaði
svo mikið til að tala frönsku að ég fann upp mál með hljóðum sem áttu
að líkjast þessari tungu. Þessi draumur varð svo seinna að veruleika.
Carlos Miele lét sig ungan dreng í Brasilíu dreyma um París. Hann
vildi verða frægur tískuhönnuður og opna einn góðan veðurdag sitt
eigið tískuhús í borg tískunnar. Nú er draumur hans orðinn að veruleika
því nýlega opnaði hann tískuhús á Saint-Honoré-götu í París, aðeins
nokkra metra frá Vendôme-torgi þar sem flottustu tískuhúsin selja
demanta og annað skraut. Carlos Miele er þó ekki alveg nýr af nálinni í
tískuheiminum og kynnti í september sl. í ellefta skiptið hönnun sína í
New York þar sem hann þykir flottur og skartar viðskiptavinum eins og
Evu Longoriu, Cristinu Aguilera og Naomi Campbell. Parísarbúðin er
líkt og flaggskipið í New York, hönnuð af arkitektinum Hani Raschid,
algjörlega gerð úr hvítu gljáandi efni með bogadregnum línum og
skúlptúrum úr glerþráðum sem mynda mátunarklefana.
Carlos Miele er þó langt frá því að vera búinn að gleyma uppruna
sínum og er líklega hægt að kalla hann félagslegan tískuhönnuð þar
sem hann fjármagnar barnaspítala í Brasilíu og vinnur með hundrað og
fimmtíu brasilískum konum sem framleiða fyrir tískuhúsið og gefur
þeim þannig tækifæri til að lifa á vinnu sinni. Hönnun Carlosar er þó
mjög undir áhrifum Parísar. Hann er með mikið af kvenlegum kvöld-
kjólum úr dýrum efnum svo sem silkisatín, mússilín og krókódílaskinni.
Á annarri hæð tískuhússins er svo sportlegri tískulína hönnuðarins sem
hentar betur til daglegar notkunar.
Carlos Miele lofar litríku sumri í fölgrænu, mangó-gulrauðu og
turkisbláum litum aðallega. Kvöldklæðnaður er úr léttum silkiefnum,
annaðhvort mjög síður eða snarstuttur með útsaumi og ísaumuðum
skartgripum. Ekki má heldur gleyma áprentuðu efnunum sem eru hans
sérkenni og sérstakri svarthvítri litablöndun sem hönnuðurinn vinnur í
tölvu. Ekki er útilokað að sjá megi dálítið af meistara Yves Saint Laur-
ent í hönnun Carlosar. Ekki leiðum að líkjast og engin skömm að sækja
í smiðju þess meistara, holdgervings franskrar fágunar. (380 rue Saint
Honoré, Ie, metró Concorde). bergb75@free.fr
Brasilískir bernskudraumar
í musteri tískunnar
Úr háborg tískunnar
BERGÞÓR BJARNASON SKRIFAR FRÁ PARÍS
Fatahönnuðurinn Ásta Guð-
mundsdóttir hannar draum-
kenndar flíkur og notar
eingöngu náttúruleg efni.
Fatalínur Ástu Guðmundsdóttur
fatahönnuðar, sem hannar undir
merkinu ásta créative clothes, eru
oftar en ekki draumkenndar og
dulafullar og vinnur hún mikið
með ull, skinn og silki. Hún rekur
verslunina ásta créative clothes á
Laugavegi 25 en þar má finna
kjóla, pils, peysur, jakka, kápur,
skinnhúfur og vettlinga ásamt
jökkum og slám úr lambaskinni.
Föt Ástu eru kvenleg og leggur
hún áherslu á að þau fegri konuna.
Hún gerir tvær fatalínur á ári og
hefur kynnt hönnun sína á tísku-
vikum víða erlendis undanfarin
ár. - ve
Föt sem fegra konur
Rómantískur kjóll úr ull og silki.
Ásta sækir innblástur í íslenska
náttúru og notar nær eingöngu
náttúruleg efni.
FRÉTTABLAÐIÐ/ANTON
SÚKKULAÐIVAX
HAFRAVAX
SÚKKULAÐISTRIMLAR
F. ANDLIT OG LÍKAMA
ATH. Súkkulaðivax hentar vel fyrir viðkvæma líkamshluta
ÚTSÖLUSTAÐIR: Apótek og snyrtivöruverslanir
Háreyðingavax sem hægt er að hita í örbylgjuofni
og einnig vaxstrimlar
Þægilegur, saumlaus og fallegur fatnaður. S. Gunnbjörnsson ehf.
Nýtt á Íslandi! NO STRESS
Bæjarlind 6 • s. 554 7030
Eddufelli 2 • s. 557 1730
Opið virka daga 10 - 18
Opið laugard. í Bæjarlind 10 - 16
og Eddufelli 10 - 14
Glæsilegar
toppar
á 1900 kr.
Enn meiri
verðlækkun!
opið laugardag 10:00-18:00
ÚTSALAN
Í FULLUM GANGI