Fréttablaðið - 17.01.2008, Blaðsíða 37
17. JANÚAR 2008 FIMMTUDAGUR2 ● fréttablaðið ● em í handbolta 2008
Ólafur Stefánsson tekur nú þátt í tólfta
stórmóti sínu með íslenska hand-
boltalandsliðinu en hann hefur verið með
á öllum stórmótum liðsins frá og með
HM á Íslandi árið 1995. Ólafur jafnar með
þessu afrek Guðmundar Hrafnkelssonar,
sem tók þátt í sínu tólfta og síðasta stór-
móti á Ólympíuleikunum í Aþenu 2004.
Guðmundur hefur auk þess verið með í
tveimur b-keppnum sem teljast ekki til
stórmóta þar sem það voru undankeppnir
fyrir næsta heimsmeistaramót.
Ólafur Stefánsson var í fyrsta sinn í landsliðs-
hópi Íslands á stórmóti þegar við Íslendingar
héldum HM árið 1995. Ólafur var þá einn af
fjórum örvhentum leikmönnum liðsins og leysti
bæði Sigurð Val Sveinsson af í stöðu skyttu sem
og þá Valdimar Grímsson og Bjarka Sigurðsson
í hægra horninu.
Ólafur skoraði 11 mörk í 7 leikjum og varð
fjórði markahæsti leikmaður liðsins en árang-
urinn olli miklum vonbrigðum og íslenska lið-
inu var sparkað út úr 16 liða úrslitum með
þrettán marka tapi gegn Rússum.
Ólafur var kominn í aðalhlutverk á næsta
stórmóti sem var HM í Kumamoto í Japan og
hefur síðan verið fastamaður í stöðu hægri
skyttu í íslenska liðinu.
Ólafur gaf flestar stoðsendingar meðal ís-
lensku leikmannanna í Japan og hefur frá og
með HM 2007 gefið flestar stoðsendingar í níu
af tíu síðustu stórmótum. Hann var ekki efstur
á EM í Sviss, aðallega vegna þess að hann
missti af tveimur leikjum vegna meiðsla sem
hann varð fyrir í fyrsta leiknum á móti Serbíu.
Ólafur Stefánsson hefur borið uppi sóknar-
leik íslenska landsliðsins undanfarin ár, sem
sést vel þegar tölfræðin er skoðuð frá síðustu
stórmótum. Hann hefur verið fimm sinnum
markahæstur hjá íslenska liðinu og níu sinnum
gefið flestar stoðsendingar.
Ólafur er sá leikmaður sem hefur skorað
flest mörk fyrir Ísland á stórmótum og er kom-
inn upp í 2. sætið yfir flesta leiki spilaða. Ólaf
vantar þar fjóra leiki upp á að jafna met Guð-
mundar Hrafnkelssonar sem lék 77 leiki á stór-
mótum frá 1988 til 2004. Komist íslenska liðið
í milliriðil ætti Ólafur að ná að slá leikjametið
í milliriðlinum. Í leikjunum 73 hefur Ólafur
skorað 381 mark (5,2 í leik) og gefið 463 stoð-
sendingar (6,3 í leik), þar af 143 þeirra inn
á línu. Hann hefur alls komið að 844 mörk-
um (11,6 í leik) og nýtt 56,3 prósent þeirra
677 skota sem hann hefur átt að marki. Ólafur
hefur skorað 178 af mörkunum sínum 381 með
langskotum en 101 hefur komið af vítalínunni
þar sem hann hefur nýtt 71,6 prósent víta-
skota sinna.
TVISVAR VALINN Í ÚRVALSLIÐ
Ólafur hefur tvisvar sinnum verið valinn í úr-
valslið EM en hann var í úrvalsliðinu á EM
2002 þegar hann var einnig markakóngur og
þá komst hann einnig í úrvalsliðið á síðustu
EM sem fram fór í Sviss fyrir tveimur árum.
Ólafur varð þriðji markahæsti leikmaður-
inn á HM í Portúgal 2003 en þá var hann enn
fremur sá leikmaður sem kom að flestum
mörkum á mótinu. Ólafur varð fimmti marka-
hæsti leikmaðurinn á HM í Þýskalandi á síð-
asta ári en líkt og í Portúgal 2003 og í Svíþjóð
2002 var hann sá leikmaður sem kom að flest-
um mörkum þegar mörk og stoðsendingar
voru lögð saman.
Ólafur lék í treyju númer tíu á fyrstu tveim-
ur stórmótum sínum en skipti í númer ellefu
þegar hún losnaði en fram að þeim tíma hafði
Geir Sveinsson leikið í númer 11. Ólafur hefur
síðan spilað í peysu númer 11 í öllum sínum
landsleikjum og á öllum níu stórmótum sem
hann hefur verið á síðan Geir Sveinsson lagði
skóna á hilluna um aldamótin.
FYRIRLIÐI LIÐSINS Í ÞRIÐJA SINN
EM í Noregi verður þriðja stórmótið þar sem
Ólafur ber fyrirliðabandið en hann var fyrir-
liði í fyrsta sinn á EM fyrir tveimur árum. Ís-
lenska landsliðið hefur náð í hóp efstu átta liða
á báðum stórmótunum sem Ólafur hefur farið
fyrir liðinu en hann og íslenska liðið ætla sér
enn stærri hluti að þessu sinni. Það er í það
minnsta víst að í Ólafi Stefánssyni á íslenska
þjóðin einn allra besta handboltamann heims
og það má bóka að líkt og á undanförnum stór-
mótum mun hann raða inn mörkum jafnt því
að spila félaga sína fría með frábærum stoð-
sendingum. Það er vonandi að metmótið hans
verði eftirminnilegt fyrir bæði hann og ís-
lenska landsliðið. ooj@frettabladid.is
Tólfta stórmót Ólafs Stefánssonar
HLYNUR BÆRINGSSON: „Ísland lendir í
3. sæti og minn maður, Ólafur Stefáns-
son, verður bestur.“
HÉÐINN GILSSON: „Ísland lendir í 3.
sæti og Guðjón Valur verður lykilmaður
hjá liðinu.“
HELENA ÓLAFSDÓTTIR: „Held að Ísland
lendi í 6. sæti og Guðjón Valur og Snorri
Steinn stela senunni.“
ARON KRISTJÁNSSON: „Ísland tekur
bronsið og Ólafur Stefánsson verður
algjör lykilmaður.“
HÓLMFRÍÐUR MAGNÚSDÓTTIR: „Við
lendum í fjórða sæti og ég hef trú á því
að Einar Hólmgeirsson verði bestur.“
GEIR ÓLAFSSON: „Ísland tekur 1. sætið
og Logi Geirsson á eftir að blómstra á
mótinu.“
HELGI SIGURÐSSON: „Við lendum í 5.
sæti og vona að allir standi sig sem best
en held að Snorri Steinn verði bestur.“
EINAR BOLLASON: „Ég hallast að 4. sæt-
inu og ég held mest upp á Guðjón Val og
held að hann eigi eftir að standa sig vel.“
KATRÍN JAKOBSDÓTTIR: „Ísland lendir í
5. sæti og ég held að Ólafur Stefánsson
muni standa fyrir sínu að vanda.“
INGVI HRAFN JÓNSSON: „Ísland lendir í
4. sæti og ég held að Guðjón Valur verði
maður mótsins.“
HERBERT GUÐMUNDSSON: „Við
lendum í 2. sæti og ég held að Róbert
Gunnarsson verði bestur.“
STÓRMÓTIN HANS ÓLAFS
HM Á ÍSLANDI 1995
11 mörk (1,6 í leik) 4. sæti hjá Íslandi
11 stoðsendingar (1,6) 6. sæti
HM Í KUMAMOTO 1997
26 mörk (2,9) 3. sæti
54 stoðsendingar (6,0) 1. sæti
EM Í KRÓATÍU 2000
22 mörk (3,7) 2. sæti
38 stoðsendingar (6,3) 1. sæti
HM Í FRAKKLANDI 2001
32 mörk (5,3) 1. sæti
42 stoðsendingar (7,0) 1. sæti
EM Í SVÍÞJÓÐ 2002
58 mörk (7,3) 1. sæti
54 stoðsendingar (6,8) 1. sæti
HM Í PORTÚGAL 2003
58 mörk (6,4) 1. sæti
60 stoðsendingar (6,7) 1. sæti
EM Í SLÓVENÍU 2004
20 mörk (6,7) 1. sæti
20 stoðsendingar (6,7) 1. sæti
ÓLYMPÍULEIKAR Í AÞENU 2004
43 mörk (7,2) 1. sæti
45 stoðsendingar (7,5) 1. sæti
HM Í TÚNIS 2005
25 mörk (5,0) 2. sæti
34 stoðsendingar (6,8) 1. sæti
EM Í SVISS 2006*
33 mörk (8,3) 3. sæti
28 stoðsendingar (7,0) 2. sæti
* Lék aðeins 4 af 6 leikjum
HM Í ÞÝSKALANDI 2007
53 mörk (5,3) 2. sæti
77 stoðsendingar (7,7) 1. sæti
Fyrirliðinn Ólafur Stefánsson hefur
verið í aðalhlutverki í landsliðinu í
meira en áratug.
FR
ÉT
TA
BL
A
Ð
IÐ
/V
A
LL
ISPÁÐ Í SPILIN