Fréttablaðið - 17.01.2008, Blaðsíða 39

17. JANÚAR 2008 FIMMTUDAGUR4 ● fréttablaðið ● em í handbolta 2008
SPÁÐ Í SPILIN
Það tók íslenska hand-
boltalandsliðið sex ár og fjórar
tilraunir að tryggja sig inn í
úrslitakeppni EM í handbolta.
Síðan þá hafa strákarnir allaf
verið með og urðu í 7. sæti
á síðasta EM sem var í Sviss
2006.
Ísland er nú með á fimmta Evr-
ópumótinu í röð en íslensku strák-
arnir hafa verið með allar götur
síðan liðið þreytti frumraun sína
í Króatíu í janúar 2000.
Það mót var jafnframt fyrsta
mót Guðjóns Vals Sigurðssonar,
sem hefur verið með í öll skiptin
líkt og landsliðsfyrirliðinn Ólafur
Stefánsson. Það tók sex löng ár að
tryggja sér sæti á fyrsta Evrópu-
mótinu, sem tókst ekki fyrr en í
fjórðu tilraun.
EKKI MEÐ Í FYRSTU SKIPTIN
Ísland var ekki með á fyrstu
þremur Evrópumótunum sem
fóru fram í Portúgal 1994, á Spáni
1996 og á Ítalíu 1998 því íslenska
liðinu mistókst alltaf að komast í
gegnum undankeppnina.
Íslenska landsliðið var í riðli
með Króatíu, Hvíta-Rússlandi,
Finnlandi og Búlgaríu fyrir EM
1994 og endaði í þriðja sæti rið-
ilsins á eftir Króatíumönnum og
Hvít-Rússum þrátt fyrir að hafa
unnið bæði lið á heimavelli.
Jafntefli gegn Finnum á úti-
velli reyndist íslenska liðinu dýr-
keypt. Króatar komust beint á EM
og Hvít-Rússar fóru þangað líka
eftir að hafa slegið út Austurríkis-
menn í umspilsleikjum.
Tveimur árum seinna munaði
enn minna þegar Ísland endaði í
þriðja sæti síns riðils á eftir Rúss-
um og Rúmenum en á undan Pól-
verjum. Aftur vann liðið heima-
leikina gegn liðunum fyrir ofan
sig en 22-14 tap í Moskvu átti sinn
þátt í að íslenska liðið sat eftir á
markatölu.
Ísland endaði einnig í þriðja
sæti í sínum riðli í undankeppni
EM 1998 en Júgóslavar unnu
þá okkar riðil og Litháar urðu í
öðru sæti. Ísland spilaði tvo síð-
ustu leiki sína við Júgóslava með
þriggja daga millibili en töpuðu
með þremur mörkum á heimavelli
og með fjórum mörkum í Júgó-
slavíu og liðið sat eftir í sínum
riðli þriðju keppnina í röð.
Dramatíkin var mikil þegar ís-
lenska landsliðið náði loksins að
tryggja sér inn á EM í Króatíu
árið 2000 en vonin var ekki mikil
eftir níu marka tap fyrir Sviss í
riðlakeppni undankeppninnar.
Íslenska liðið vann hins vegar
níu marka sigur á Sviss í Kapla-
krika og þótt menn teldu fyrst að
það væri ekki nóg kom í ljós að
fjöldi marka á útivelli í innbyrð-
isviðureignum réði ekki röð liða
heldur markatala og þar kom sér
vel að hafa unnið Kýpverja með
samtals 52 marka mun. Ísland fór
því í umspilsleiki við Makedóna
og lagði grunninn að EM-sætinu
með því að vinna níu marka sigur
í fyrri leiknum í Kaplakrika. Ís-
lenska liðið tapaði „bara“ með
þremur mörkum í seinni leiknum
og var því komið í úrslitakeppni
EM í fyrsta skiptið.
Líkt og með undankeppnir
fyrstu Evrópumótanna var fyrsta
Evrópumótið íslenska liðinu erf-
itt, liðið tapaði fyrstu fimm leikj-
um sínum og vann ekki leik fyrr
en í leik um 11. og næstsíðasta
sætið gegn Úkraínumönnum.
FRÁBÆR ÁRANGUR Í SVÍÞJÓÐ
Tveimur árum síðar var allt annað
uppi á teningnum þegar íslenska
liðið náði fjórða sætinu á EM í Sví-
þjóð 2002 eftir að hafa slegið Hvít-
Rússa út í umspilsleikjunum.
Íslenska liðið komst alla leið í
undanúrslitin en sá á eftir verð-
launum eftir ellefu marka tap
fyrir Svíum í undanúrslitaleikn-
um og sjö marka tap fyrir Dönum
í leiknum um 3. sætið.
EM í Slóveníu 2004 var mikil
vonbrigði þar sem íslenska liðið
vann ekki leik og komst ekki upp
úr sínum riðli en góður árangur
tveimur árum áður þýddi að ís-
lenska liðið slapp við umspilsleik-
ina.
Íslenska landsliðið endaði síðan
í 7. sæti á EM í Sviss fyrir tveimur
árum eftir tap fyrir Króötum og
Norðmönnum í síðustu tveimur
leikjum sínum. Íslenska liðið hafði
unnið Rússa í fyrsta leik millirið-
ilsins og var þá í efsta sæti milli-
riðilsins en síðan seig á ógæfu-
hliðina og liðið missti af sæti í
undanúrslitunum. Ísland komst
til Sviss eftir tvo örugga sigra á
Hvít-Rússum í umspils leikjunum.
Það voru síðan Serbar sem voru
lagðir að velli í umspilsleikjun-
um síðasta sumar sem þýddi að
Ísland var með í úrslitakeppni
fimmta Evrópumótsins í röð.
Ólafur Stefánsson er eini ís-
lenski landsliðsmaðurinn sem
hefur hreppt einstaklingsverð-
laun á úrslitakeppni EM en hann
var markakóngur Evrópumótsins
í Svíþjóð og var í liði mótsins bæði
þá og í EM í Sviss 2006.
SVÍAR OFTAST MEISTARAR
Fjórar þjóðir hafa orðið Evrópu-
meistarar í handbolta. Svíar unnu
fjórar af fyrstu fimm keppnun-
um en síðan hafa Rússar (1996),
Þjóðverjar (2004) og Frakkar
(2006) einnig unnið EM-gullið.
Spánverjar eiga enn eftir að vinna
EM þrátt fyrir að hafa spilað þrjá
úrslitaleiki (1996, 1998 og 2006)
og Danir hafa dottið út úr undan-
úrslitunum þrjú síðustu skiptin
en hafa unnið bronsleikinn í öll
skiptin.
ooj@frettabladid.is
Fimmta Evrópumót Íslands
Patrekur Jóhannesson og Rúnar Sig-
tryggsson fagna sigri gegn Þjóðverjum
á Evrópumótinu í Svíþjóð 2002.
FRÉTTABLAÐIÐ/PJETUR
Íslenska handboltalandsliðið sem fór alla leið í undanúrslit á Evrópumótinu í Svíþjóð fyrir sex árum. FRÉTTABLAÐIÐ/PJETUR
RAKEL DÖGG BRAGADÓTTIR: „Ísland
lendir í 3. sæti og ég held að Guðjón
Valur og Alexander verði drjúgir að
vanda.“
BJÖRN JÖRUNDUR FRIÐBJÖRNSSON:
„Verðum Evrópumeistarar og Ólafur
Stefánsson ber af, einfalt mál.“
ÞÓREY EDDA ELÍSDÓTTIR: „Lendum í 5.
sæti og Guðjón Valur verður bestur og
Ólafur Stefánsson stendur við sitt.“
RAGNHEIÐUR RAGNARSDÓTTIR:
„Ísland lendir í 5. sæti og ég hef trú á því
að Snorri Steinn steli senunni.“
LOGI ÓLAFSSON: „Ísland tekur bronsið
og Logi Geirs verður bestur, Róbert og
Snorri Steinn koma svo í humátt á eftir
honum.“
KRISTJÁN ARASON: „Við lendum í 6.
sæti og ég held að Guðjón Valur og Alex-
ander verði lykilmenn.“
Liðin á Evrópumótinu í Noregi eru ekki bara
að keppa um verðlaun á því móti heldur geta
þau einnig lagt grunn að því að komast inn
á næstu stórmót. Ólympíuleikarnir verða í
Peking seinna á þessu ári og svo er heims-
meistaramót í Króatíu á næsta ári og Evrópu-
mót í Austurríki árið eftir.
Ísland tekur nú þátt í níunda stórmótinu í
röð en alla í liðinu dreymir örugglega um að
ná því tíunda í röð með því að komast í hóp
liðanna tólf sem keppa á Ólympíuleikunum í
Kína í ágúst.
Tólf þjóðir komast á Ólympíuleikana í Pek-
ing og auk gestgjafanna og heimsmeistara
Þjóðverja munu nýkrýndir Evrópumeistarar
komast þangað beint. Verði Þjóðverjar einn-
ig Evrópumeistarar tryggir liðið í öðru sæti
sér þátttökurétt í Noregi. Ísland þarf þó ekki
að treysta á að verða Evrópumeistari til þess
að halda lífi í Ólympíudraumum liðsins því
liðið á möguleika á að komast inn í forkeppni
Ólympíuleikanna sem fer fram 30. maí til 1.
júní næstkomandi. Þar eru tveir möguleikar
í stöðunni fyrir Ísland því liðið getur bæði
komist inn vegna árangurs síns á síðustu HM
(8. sæti) en einnig fyrir árangur sinn á Evr-
ópumótinu í Noregi.
Tólf þjóðir taka einnig þátt í forkeppninni
og þjóðirnar í 2. til 7. sæti á HM í Þýskalandi
2007 eru þegar komnar inn. Verði hins vegar
ein af þessum sex þjóðum (Pólland, Danmörk,
Frakkland, Króatía, Rússland eða Spánn) Evr-
ópumeistari fer hún beint inn á Ólympíuleik-
anna og sæti hennar fellur í hlut Íslands sem
endaði í 8. sæti.
Vinni Þýskaland Evrópumeistaratitilinn
kemst liðið í öðru sæti beint inn á leikana og
þá gildir það sama verði það ein af fyrrnefnd-
um sex þjóðum því það myndi færa Íslandi
sæti í forkeppni Ólympíuleikanna.
Ísland þyrfti þarna að treysta á árangur
annarra þjóða en strákarnir geta einnig
tryggt sér sætið sjálfir því fyrir utan að
komast beint á leikana sem Evrópumeistari
getur íslenska landsliðið einnig komist í for-
keppnina í vor með því að ná bestum árangri
af þeim þjóðum sem eru ekki annað hvort
búnar að tryggja sér farseðilinn til Peking
eða eru þegar komnar inn í forkeppnina.
Helstu keppinautar Íslands um lausa
sætið í Evrópu eru Svíar, Ungverjar, Tékkar
og Norðmenn en Ísland hefur það fram yfir
þær þjóðir að liðið hefur tvo möguleika til
þess að komast inn í undankeppnina í vor.
Þjóðirnar á EM í Noregi geta einn-
ig tryggt sig inn á næstu tvö stórmót.
Heimsmeistarar Þjóðverja og gestgjafar
Króata eru þegar komnir inn á HM 2008 en
þangað komast einnig þrjár bestu þjóðirnar á
EM í Noregi fyrir utan Þýskaland og Króatíu.
Aðrar Evrópuþjóðir þurfa að fara í gegnum
umspilsleiki.
Evrópumeistararnir í Noregi og gestgjafar
Austurríkis komast beint inn á EM 2010 en
hin fjórtán sætin ráðast í undankeppni, sem
nú verður með breyttu sniði. Í stað þess að
spila umspilsleiki um sætið verður spilað
heima og að heiman í sex liða undanriðlum
þar sem tvær efstu þjóðirnar tryggja sér sæti
í úrslitakeppninni. - óój
Líka keppt um sæti í forkeppni ÓL